مساء الخير..
هاذي قصيده تقدرون تقولون قديمه شوي
بس ما شفتها بالمنتدى قلت انزلها..
أتمنى تتقبلونها..
ثلاث سنين أنا اخطط لهذا اليوم يا بو سعود
تيسر حالي و جاهز أوفي وعدي بوقته
و فجأه جتني تتعذر تقول تأخرت الوعود
و أنا مستغرب و أسمع كأني وعدها خنته
حسبت أنها تمازحني و تتصنع جفى و صدود
ضحكت بوجهها من قلب مع انها بايخه النكته
و قالت ارضى بالواقع قلبي ما هو المعهود
تغير كل شيء صوبك نصيبي ما أظن انته
وكنت بيوم محبوبي و لكن ما أظن نعود
وصل من قبل ماتوصل و أنا ذاك الصبر عفته
و لكن تكفى صدقني و يشهد ربي المعبود
ترى ما خنتك بغفله و لا كلمته و شفته
صراحة اهلي قالوا لي بأنه ولد أصل و جود
و جتني أمه بالصورة وبكلمات المدح أخته
سكت و قلت هي فرصة مدام الجود فالموجود
و قالوا كل من حولي علامات الرضا سكته
و أنا فكرت دام أمه و أخته ما عليهم زود
أكيد أني براضيهم إذا وافقت و اخترته
و أراضي أهلي و أخواني مدام أن الفرح مقصود
عطيت الناس أنا كلمه و معاهم وقتي حددته
و لا أقدر أغيرها ترى عند العرب منقود
أوافق و أعتذر باكر و أقول الرأي غيرته
تبي تشرح لي المنقود تصدق عاد يا بو سعود
تبيني أقتنع و أرضى بحالٍ عمري ما عشته
أنا ماني بقايلها عسى يفرش ثراها ورود
بعد ما حطمت قلبي و طعم الموت جربته
عسى بفستانها أشواك و في ثوبه عقارب سود
و نارٍ تحرق الكوشه و تحرق بيتهم حته
و موت بليلة الدخلة يبرد حرتي يا كود
و لا أحس أنها بحضنه يلامس خد لامسته
علي أهون إذا ماتوا ولا بنفس السرير رقود
ترى صعبٍ علي أتخيل اللي ما تخيلته
عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته
ترى دفنت عديم الذات تلوع حتى كبد الدود
و من خان العهود و مات تعافه حتى مقبرته
عسى ربي يجازيهم حبلٍ من مسد ممدود
يعلقهم من أطرافه و فوقه نار و تحته
أنا ماني حقود و شين و لاني من نسل منبود
و من حط نفسه بوضعي بيقول اللي أنا قلته
مدام الفعل له رده فعل و الله أبشري بردود
بأدعي دامني حيٍ و أبغرس للدعاء نبته
و أبسقيها نزيف القلب و دمعٍ ما رحم الخدود
و تكبر و الثمر ثاري من اللي خانني و صنته
أنا نذرٍ علي أكتب و أفجر هالقصيد رعود
و أسمع كل بشر صوتي عجبته و إلا زعلته
و أردد للي يسمعني إذا حبيت حط حدود
أنا حبيت دون حدود و شوف اللي تكبدته
ثلاث سنين أنا ابني و جت صورة بكل برود
خذت مني شقى عمري و حلمٍ قلت حققته
ثلاث سنين أنا اخطط لهذا اليوم يا بو سعود
و توافق من كلام أخته و صورة أربعة في سته
جميع الأوقات بتوقيت شبكه افراح
ثـلاثـ سنــيـــــن...
العرض العادي
