السلام عليكم و رحمة الله و بركاته،،،
من العايدين قبل الزحمة..
هذي القصيدة جديدة مسويها اليوم و اهديها لاعضاء منتدى أفراح ..
و هي هدية لجميع الاعضاء و لمن يسمعها حق التصرف الكامل بها... بشرط عدم نسبها لغير شاعرها (ابوليان)..
كلكم تعرفون الاغنية..
يا جر قلبي جر لدن الغصوني=غصون سدر ن جرها السيل جرا..
كتبت قصيدة زفة على نفس اللحن..بدون اسماء
و اللي يبي يسمع اللحن بصوتي في المرفق......بس بشرط ما يضحك..حاولت العب بالصوت مافيه فايدة.وحاولت احط ايقاع ما جا على الصوت..قلت بلاش ايقاع..صوتي احلى من اي ايقاع..طبعا اللحن تقريبي و المغنين ابخص...و كذلك اللي يبي القصيدة ملقاه بصوتي في المرفق...
اما كلمات القصيدة.. فتقول.
هلت علينا مثل وبل المزوني=والشوق بعيون الحضور يتحرى
يوم اقبلت و الليل فوق المتوني=و البدر عن نور الخدود يتذرى
والعود لين يوم تمشي بهوني=كنه على خضر الغصون يتزرى
و الورد يرخص عند ذيك الوجوني= ما في ورود الكون وردة تجرى
و إن طاح رمش العين فوق الجفوني=خلا الحبايب من بعضها تبرى
مرباعها بين الهدب و العيوني=و تبني لها بين الحنايا مقرا
جت من نصيب اللي لعهده يصوني=حر ن على صيد الحباري مضرى
بالطيب دايم عند حسن الضنوني=يمشي بدرب الكايدة ما تدرى
يا الله يا مسير ثقال المزوني=يا ميسر ن خلقه على ما تورى
نطلب عساهم بالعمر يهتنوني=و يكفيهم الله كل ما فيه شرا
واللي يصعب عليه معنى كلمة يقول لي ...
جميع الأوقات بتوقيت شبكه افراح 
قصيدة زفة كتبتها قبل شوي...ابوليان.. 
العرض العادي
