ذكرى ليـــله العــــيــــد

السلام عليكم
هذي قصيده اعجبتني وحبيت انقلها لكم اتمنا ان تعجبكم


وهذي سنــه كــامــله ماشـافته عيني


ياليلة العيـد قلبـي باحـت اشواقـه
وكثر الهواجيس تاخذني وتطوينـي

زود على الهم قلبـي زايـد حراقـه
عليل واللي وطـى نفسـي يكفينـي

يالعيد لك وحشـة بالحيـل حراقـه
وذكرى تجول وتسكن في شرايينـي

يالعيد كـل يعيـش بقـرب عشاقـه
وانا مع العيد مغير اصفـق يدينـي

في نفس هاليوم خلـي عـزم فراقـه
وراحت سنه كامله ماشافتـه عينـي

يوم انجلى الليل وبان الصبح بشراقه
وقام اقرب الناس بالفرحـه يهنينـي

قمت ابتسم له وازيد الجـرح بعناقـه
وانا على طريف والكلمـه تبكينـي

ماودي ابوح سري واكشف اوراقـه
مادام بـه شـي يلزمنـي ويعنينـي

يالعيد تكفى ارحم اللـي ذاب خفاقـه
طالبـك يالعيـد طلبـه لاتعنيـنـي

العيد عيب ن على اللي يتبع الساقـه
وعيب على اللي تشكى فيني وفينـي

والقلب مهمايحس وتحمـل اعماقـه
ابيـه يرفـع مقامـي لايوطيـنـي

وانا اعشق الرجل من طيبه وبأخلاقه
واحب انومس بفعلي مـن يخاوينـي

ماحب لاجاء مجال الهـرج وخناقـه
شي ن بعين اقرب ربوعي يردينـي

والكلمه اللي تجي من الباب للطاقـه
تهـز قلبـي وتزعلنـي وتعنيـنـي

ومادام حزني يجي ويروح بسراقـه
مـاوالله اقـول تكفـى لاتخليـنـي

ولاصار قربه وشوفه عندي اشفاقـه
ماعاد تفرق معي لاراحـت سنينـي

لاراح عني وخلا العيـد واشراقـه
يكفينـي انـه بهالحظـات يطرينـي

ولا انت يالعيد جبت العيـد بفراقـه
وهذ ي سنه كامله ماشافتـه عينـي

صح لسان قايلها ,,

وتسلم يمين ناقلها ,,

خفوق الشوق

الله عليك مبدع حتى في اختيارك ونقلك

تسلم يمينك

خـفـ الشوق ـوق

هنا تتوقف كل الكلمات إحتراماً لحروفك وجزالة طرحك
تخجل عبارات الثناء عن المثول أمام جمال أختيارك ورقته

أن حضر خفوق ومر على أي مشاركة في المنتدى فأن ذلك الحضور تأكيد على الإبداع فما بالنا بطرح خفوق عندما يتحفنا بتلك الجمل الموسيقيه المميزه

تأملت القصيدة وتذوقت المعنى الحقيقي للمعاناة والألم
مناجاة حالمة نبعت من الشوق للقيا والم الفراق

سلمت وسلم نقلك على أتحافنا بتلك الدرر

خالص ودي وتقدير

حلاي غير

خفـــــ الشوق ــــوق
تدري صدفه كنت بأنقلها لأنها أعجبتني
خخخ وانصدمت انك سبقتني ....
وتسلم ع هالاختيااار الراااقي لي مثلك