ممكن

السلام عليكم
كيفكم حبايبي؟؟

أنا لي طلب عندكم واتمنى ان كل من يعرف يساعدني ولكم جزييييييل الشكر والامتنان

أنا اعز صديقاتي بتتزوج وحابة اسوي لها اهداء يوم زواجها وابغى فكره حلوه ومناسبة وودي اهديها مثلا ابيات شعر او اي شي ممكن تساعدوني متى احط الاهداء ؟؟؟ وكيف ؟.

شااكره لك من يدخل ويرد علي


أختكم : بنت الأصفر

هنا تجدي اشعار في قسم الاشعار
ان شاء الله تجدي مايناسبك
http://www.afra7.net/vb/forumdisplay...aysprune=&f=35

أخي المايسترو شاكره لك مروك وردك

بس انا ودي تقترحون علي كيف احط الشعر متى اذا جلست او اذا كانت واقفة ماني عارفة
وبما انك ماشاء الله عليك عندك افكار اتمنى تساعدني
شاكره لك اولا واخيرا تواصلك مع الجميع

هلا اختي
يختلف ترتيب الزفه حسب الرغبه وحسب الذوق وحسب الصاله ايضا
هناك من يحب يضع الشعر والعروسين جالسين فوق الكوشه عشان يسمعو المدح امام الناس
وهناك اغلبيه يضعون الشعر بعد دخولهم من البوابه مباشره ويقفو عند الباب قبل الانزفاف لسماع المدح
وهناك الفئه الاخيره وانا صراحه اشوفه الانسب بالنسبه لي
وهو يقال الشعر قبل دخول العروسين
والسبب في نظري لان الناس تركيزهم على السمع اكثر من النظر خصوصا انه العروسين او العروسه لسه مادخلت ويسمعو المدح مضبوط ويركزو فيه
وثاني شي تزداد لهفتهم للعروس كانه مقدمه لتقديم العروس اللي فيها كذا وكذا
مابغى اعمل تشبيه لكن لو شاهدتي حلقات المصارعه الحره تجدي ان المعلق يوصف المصارع بجميع حسناته والقابه قبل الدخول للتشويق وهذا في بالي الترتيب الافضل لاي زفه وهو وصف العروس قبل دخولها
بالنسبه للشعر بعد الدخول اشوفه انسب لو الزفه نفسها شعريه او مثلا دويتو مدح للعروسين كانه يهديها الشعر وهي تهديه

اما الشعر فوق الكوشه مره ماحبذه صراحه رغم فيه ناس تطلبه وانا صراحه صرت ماتدخل في اذواق الناس زي زمان كنت اغير نظرتهم تماما صرت دحين مع الاسف زي السوق نسوي اللي يقولوه
المهم نظرتي للشعر فوق الكوشه اشوفها ميته
لان العروس لما توصل للكوشه المفروض مايكون فيه اي اغاني ميته او اشعار تطفي جو الحماس حتى لو كان مدح او حتى لو كان بصوت العريس او الاب لان الشعر يطفئ الجو ويجعله في حاله سكون وينقلك لعالم هادئ كانه استراحه من الفرح

معليش طولت في الكتابه
لاني مارديت كمصمم زفات ولا كشاعر ولا كملحن
رديت مثل ايام زمان ماكنت اكتب في المنتدى

رديت باحساسي

من جد يااخ مايسترو مااعرف كيف اشكرك
ابدعت جدا في ردك .....
كلام مقنع ووصف رائع
أسعدني ردك ومرورك وتعاونك
تقبل فائق احترامي وتقديري
بنت الأصـــــــــــــفر