فكرة زواجي على شكل غابة اللون الغالب اخضر فساعدوني

السلام عليكم ورحمة الله وبركاته
ابي افكاركم بالنسبة لترتيب الفرح
ابي فكرة غريبة للكوشة
فكرة للزفة
فكرة لبطاقة الفرح
فكرة لدفتر الذكرى
ابي شئ حلو وجديد وبرضوه مو مكلف كثير

الكوشه والبطاقه والدفتر
هذه ماينفع تنكتب افضل شي انك تشاهدي الصور الموجوده في القسم حق الافكار وراح
هنا قسم الافكار
http://www.afra7.net/vb/forumdisplay.php?f=27

وافكار الزفات من قسم افكار الزفات تجدي افكار جديده هناك

شكراااااااااا

فكرتك حلوة أختي بس لازم تروحي لمكان الكوش وتشوفي اللي عندهم علشان تضمني على الأقل ان الفكرة اللي تبغيها وصلت

أنا بروح طيران أنام

بس جاتني فكرة عالطاير ولي عودة بإذن الله

دام الجو جو غابة فخلي دفتر الذكرى يكون شجرة عند الباب شجرة عليها ليتات وحركات كشخة

مب شجرة مثل الكرسمس طبعاً أو ممكن أتوظفين فكرة المايسترو بشجرة الجوكلت
وأتعلقين بأورق الشجر بطاقات تطبيعينهم بإسمك واسم زوجك وحبذا لو كان شكلها شكل ورق الشجر ممكن أتحطين جنب الشجرة بوكس صغير كشخة بألوان غابية وله فتحة مثل صندوق البريد كل من يكتب لج تذكار يحطه بالصندوق

وراجعه بأفكار ثانية

وبطاقة العرس ممكن أتكون من وحي أوراق الشجر


وراجعة لج حبيبتي بس أنا دايخه أحين

حبيبتي قبل ماطلع وأنا أتصفح بالمنتدى لفتني شيئين بسيطين ممكن يساعدون بفكرتج



هالحركة حلوة لو حابة أتكون أطراف المناديل مربوطة بأوراق الشجر مثل ذي ومايمنع لو حابه أتضيفين عليها حياة أتحطين بالنص حبة كرستال أخضر
أو إذا كنتٍ حابه أتسوين صواني للتوزيع وحابه أتبدعين بتزينهم ممكن أتلبسينهم مخمل أخضر مثل ماهو دارج بهالفترة وعلى أطراف الصينية ينربط ورق الشجر بهالصورة وينضاف له كرستال

وإذا حابه جو الغابة والجو العشبي أختاري مفارش لونها أخضر وتكون مقطعه بورق الشجر مثل ذي



والستاند خليه غصون شجر بنيه وضيفي عليها الليتات اللي تولع وتطفى بتعطي جو ساحر بالقاعة

جني صرت أفكر لعرسج ونسيت عرسي هههههههه

ربي يوفقج حبوبة ويهنيج

وأدعي لي ربي يتمم زواجي على خير

ويكون مثل ماهو مرسوم ببالي إن شاء الله يارب

ولطرى علي شيء بعد بمر عليج ولايهمج

الله يعطيكم العافية ياأخوات,أفكار مبدعة وخلابة

باااااااااااااك

أنا رجعت وأنتٍ مارجعتٍ حبوبة مادري إذا أفكاري عجبتج أكمل يعني ولا !!!!

بخصوص الكوش حبوبة أحس إن شكل غابة وكرسي فيها بتكون بشكل موحش يعني بما إنك عروسة حلوة ونعومة بتكونين وسطها لازم شيء نعوم رقيق يناسبج فأقترح يكون الكرسي على هيئة أرجوحة من الورد كأنها بوسط غابة وأنتٍ حطي وردة كبيرة بشعرج على جانب تسريحتج

وليش ماتخلين شك الفستان من غصون الشجر بس طبعاً أبيض بأبيض ماأفضل أندخل ألوان لأن هاليوم الوحيد اللي بنلبس فيه أبيض خالص فاتحة خير لأيامنا جعلها دوووم بيضاء يارب

وحوالين الأرجوحة شجر وزهر وإضواء مغطية الشجر تولع وتطفي مثل أستاندات غصون الشجر

لي عودة بس بعد ماشوف تعليقاتج إذا أكمل ولا

شكرا علىالموضوع

اختي بما انه غابه دخلي الخشب فيها اكسري اللون الأخضر
وشجر الخيزران مرره حلوو
وتخيلي نفسك و طرزان والله مره حلو