قصة مشاعل و ناصر

--------------------------------------------------------------------------------

هذه قصة لـ ( مشاعل وناصر ) سمعت عنها كثير وصادف اني لقيتها

في احد المنتديات ونقلتها لكم ( اكيد راح تعجبكم مثل ما اعجبتني )





هذول الاثنين جمعتهم قصة حب غريبه جدا..

لكن مشاعل لظروف تخصها فضلت الابتعاد عن ناصر وهذا في مصلحة الجميع

لانها تدري بان مشوارها مع ناصر ماتقدر تكمله وطلبت منه اسبوع من القطيعه

عشان تتأكد من مشاعرها تجاهه حتى وهي بعيده عنه وهي قصدها تمهد مسألة البعد عنه

وفي نهاية الاسبوع تأكدت من حبها.. لكن حكمت عقلها وفضلت

البعد عشان ماتشغل ناصر فيها وتخليه ينساها رغم انها مستحيل تنساه

وكان ناصر ينتظر الرد من مشاعل.. و ألح في انتظاره للرساله .. لكن ...

مشاعل خبرته برسالتها انها تبي تبعد عنه وانه هالشي لصالحهم الاثنين

ولما ارسلت ردها له ما جاوبها او خبرها ان رسالتها وصلت..

برغم انها تعودت انه يرد عليها في اي شي ترسله له مهما كان

وحست ببعض القلق لكن طمنت نفسها انه يمكن يكون مشغول شوي

او حصل له اي عذر يشغله عن رده عليها

وفي اليوم اللي بعده قرأت في الجريده خبر عن حادث كبير جدا في نفس المنطقه

اللي يشتغل فيها ونفس نوع السياره,,,

خافت جدا وزاد قلقها.. حاولت الاتصال بالجريده وماحصلت على جواب لان الصحفي

اللي نشر الخبر عن الحادث خارج الدوام.. وقرأت الخبر مرة ثانيه ولقيت ان المصابين

نقلوهم لمستشفى كبير وبحثت عن رقم المستشفى

واتصلت تتأكد وسألت عن اسمه وعرفت انه مادخل مصاب عندهم بهالاسم

فرحت جدا وحمدت الله واتصلت بالجريده تتأكد اكثر

وقالها الموظف عن موديل السياره.. وماكانت سيارته... فرحت اكثر واطمئن قلبها

لكن زاد القلق من جديد لمرور اربعة ايام بدون ماتعرف عنه شي

وصادف انه اتصلت بها صديقتها (هند) وهي قريبه جدا من نفسها وشكت لها همها

ومن حسن الحظ ان عم صديقتها يشتغل في نفس المكان اللي يشتغل فيه ناصر

سألت هند عمها: صديقتي اخوها يشتغل معكم لكن اهله يتصلون

عليه يلقون الجهاز مغلق وهو له كم يوم غايب عنهم.. وهم مره قلقانين عليه..

العم: هو وش اسمه وانا اشوفلك عنه.. وارد لك خبر

هند: اسمه ناصر الفلاني

العم: زين.. ربع ساعه واتصل اخبرك

ومرت الربع ساعه كأنها سنين على مشاعل وهند

واتصل العم: الو,, يابنت محد عندنا بهالاسم

هند: كيف ياعمي!! انت متأكد؟؟

العم: انتي تقولين اخوها... كيف ماتعرف عمل اخوها... طيب اعطيني رقمه وانا اتصرف

هند: اوكي اكلمك بعد شوي اكون جبت رقمه

واتصلت هند على مشاعل وقالت لها انه ممكن تنحل المشكله بوجود رقمه

لكن مشاعل ساعتها خافت على ناصر انه لو طلع رقمه ممكن يسبب له

مشاكل في العمل او احراج.. رغم انها مقهوره على نفسها انه طلع يكذب

عليها ويخدعها.. ومعيشها في كذبه كبيره وهي الاسم المزيف

وحست كانه احد سرق منها شي وهي زي المغفله على نياتها

ودمعت عينها بدون ارادتها.. لان الاحساس اللي داخلها مشوش جدا

احساس بالندم على حب وهمي.. وفي نفس الوقت شوق للحبيب وقلق عليه

ورددت داخل نفسها: تعلمت.. يكفي ماتعلمت.. تعلمت مافيه الكفايه..

تعلمت.. وآخر ماتوقعت... تكون هذي النهايه..

ورغم هذا كله ما قالت لصديقتها على الرقم خوفا على ناصر بعد كل اللي

سواه فيها والكذبه اللي خلاها تعيش فيها وزيف الاسم لها

وفهّمت هند انه رقمه تابع لنفس جهة العمل وانه مو بإسمه

ولما اتصل العم.. هند خبرته عن موضوع الرقم انه لنفس الشركه ومو بإسمه

وقالها: مو مشكله.. اقدر اعرف اسم الموظف اللي معه هالرقم.. انتي بس قولي

لكن مشاعل صممت بينها وبين نفسها انها ماتتكلم ولاتعطي اي معلومه

عن ناصر وانهت الموضوع مع هند وقالت لها انه هي تبي تنهي الموضوع قبل

تعرف الحقيقه ولحد كذا ويكفي... وهند اقتنعت برغبة مشاعل.. وشكرت عمها

وقالت له ان الموضوع انحل.. وبررت بأسباب من عندها للعم وانها هي اعطته

الاسم خطأ وان صديقتها خلاص اطمئنت على اخوها ورد على الموبايل

وبعد مده عرفت ان ناصر مسافر يغير جو ويتمشى في بلد عربي




لكن مشاعل المسكينه هي اللي كانت الضحيه لما صدقت شي اساسه مو صدق

وقررت تبعد وكل الحب اللي بقلبها لناصر راح تتناساه

وتتركه للابد وكلما حنت للحب القديم تذكر نفسها بانه شخصيه وهميه

اخترعها ناصر ( هذا لو كان اسمه ناصر فعلاً ) وتركت الماضي وطوت صفحته من ذاكرتها

لكن بطبيعتها كفتاه قلبها يضعف ويحن ولما تتذكر ناصر تشتاق له وتنسى اللي سواه فيها

وتحاول توجد له اي عذر وتغالط نفسها كأنها فاهمه شي غير الحقيقه

لكن قالت لازم اشواقها تكون حبيسة قلبها فقط

وكان ودها ترسل مسج لناصر عن اللي صار وانها عرفت شي غريب.. وترددت

هل تعاتبه؟؟ والا تواجهه؟؟ والا تشتكي منه له؟؟ والا وش تسوي؟؟

قررت اخيرا انها تكلمه بنفسها عشان تتأكد من اللي صار

لكن هو ما اعطاها فرصه للكلام وما رد عليها فإنسحبت بهدوء وانكسار

وارسلت له مسج خبرته فيها انها عرفت شي وتبي تتأكد عشان ماتظلمه

لكن هو رد عليها وقالها مايهمه وش عرفت ولايبي يعرفه

غير عن كلام كثير يجرح وزود عليها نكد وهم اكثر من اللي كانت فيه

وهي ماتبي تعيد الايام اللي راحت وترجع مثل ماكانت معه

رغم انها تحبه اكثر من روحها... لكن فضلت مصلحته عليها

حتى لما زعلها وكسر قلبها



انتهى الامر بمشاعل انها تحاول تجدد في حياتها وتنسى ناصر

وايامه وتكمل وتعيش حياتها بطولها وعرضها ولو جاء على بالها

تقول:

جرحتني يامداوي الجرح بجراح

وانا احسب انك صادق في دوايه

ابشر ترى روحي نست كل الافراح

وتهدمت تبكي عذابي معايه

******************

والله قصه محزنه واثرت فيني جدا

تذكرني ببيت شعري حلو للامير البدر يقول فيه:

من يداوي علة الروح الجريحه؟!

ومن يسلِّي دمعة العين الشقيه؟!

الله يصبرها