๑ஜ๑ஜ๑ أسْـطُـورَة زِمَـانِـيْ ๑ஜ๑ஜ๑

نورس الحب · 13-Dec-2007, 01:49 AM

اهدي هذه الابيات الى كل أم ينبض قلبها
بالحب والحنان

يا بحور الشعر كوني بالعدد كثر الثواني
من زمن حوّاء إلين آخر رحم ينجب جنينه

بي سفينة من مشاعر ما تكفّيها مواني
والشعر عشرة بحورٍ ما توفّي هالسفينة

الشعر في شكله واحد من زمانه الأولاني
له طواريقٍ قديمة يتّبعها ناظمينه

واللي يشعر يحتطب لكن بواديه المعاني
والحطب هو سر حرفه والشعر شعلة حنينه

الحطب فيه الغضا بالنار الأول ما له ثاني
وفيه عرفج في ثواني تشعله ويطفى بحينه

والسمر له ريح طيّب باشتعالاته تباني
والتتن لا خير في ناره ولا خير ابدخينه

والأصيل ابن القبايل لا لفاله الضيف عاني
أشعل العود الأصيل وطيّب الضيف ابيمينه

هذا كلّه من خشب له جذر متشتت يعاني
يرضع نهود الترايب لجل من ياطا جبينه

بس مو كل زين زين وما هو كل زينٍ يزاني
وبالمزاين اتزاين كل زين وكل زينة

والمباني ما اتشابه وان دعيناها مباني
والمداين تختلف وان كان مفرده مدينة

ياشعر علمني وشلون اصبح أسطورة زماني
وكيف اخلي كل طفلٍ يبتدي ابحرفي رطينه

وكيف أعدّي هالسّما من دون ما أبرح مكاني
وكيف ازلزل كل صدرٍ واحبس انفاسه رهينة

وكيف أخلي الشمس تشرق كلّ ما ينطق لساني
ولما اسكت تعتذرلي في خشوع وفي سكينة

ولا تدري لا تحاول توصف احساسٍ غزاني
والله انّي ما أبرضى لو تواصيفك رصينة

كيف أوفّي حقّ شخصٍ من شرايينه غذاني
لين طالت قامتي من بعد نطفة مستهينه

كيف أوفّي حقّ مخلوق ابْحشا متنه كساني
تسعة شهورٍ حملني ما اشتكى ضعفٍ وهينه

كيف أوفّي حقّ أمّي يا كبر ذنبه بياني
كيف أوفّي قلعةٍ في مصحف الباري حصينه

كيف أوفي قمةٍ هي أعلى من شوفي وعياني
كيف أوفّي نسمةٍ أحيا بها بس ما تبينه

كيف أوفّي شمعةٍ ماعت جوانبها عشاني
دمعها زادٍ لها و"الأف" تطفيها غبينه

هي بشر في أرضنا بس طينها من كون ثاني
والله اعلم هي ملاكٍ بسّ ماخذ شكل طينه

كل ما شلت القلم عقلي توسل بي ورجاني
وش بينفعك القلم والفكر عاجز لا يعينه

يكفي انّك أسمك امّي هذا يشعرني ابهواني
والأسد مهما تعالى كان شبلٍ في عرينه

ماني قادر أوصفك الوصف يا يمّه جفاني
وانتى أدرى في عنادي وان راسي ما يلينه

والحقيقة ان وصفك عيا يتركني وشاني
لين جاب الوصف خاضع رافعنلي ساعدينه

اعذريني لا مدحتك واسمحي غلطة بناني
ينحنيلك راس شعري يا ذهب توّج جبينه

يا عصامية بنت من متنها سدٍ حماني
واحتوتني ابكلّها والقلب هدتلي وتينه

المدينة إن سقيناها حصى تعطي مباني
وانتي دنيا من عطايا وان سقيناها غبينه

والقمر يا يمّه واحد يا قمر يضوي زماني
والقمر لامن فقدته وين أبلقى بايعينه

أنتي مو بس تاج راسي أنتي أسباب الجناني
وأنتي روحي وأنتي عمري وأنتي أحضاني الأمينة

لا ضحكتي ما أصدق أن بالدنيا أناني
ولا ابتسمتي ما أصدق يبقى في العالم ضغينة

ولا بكيتي كنَّ همَّ الكون كلّه بالمحاني
ولا عصاك ابيوم دمعك تصبح افراحه سجينه

أسألك باللي من السبع انزل السبع المثاني
لا حزنتي لا تجيني ودمع عينك تذرفينه

والله أني ما أبعرف أحضنك ولا أعاني
ولا أشكي ولا أبكي ولا أسمع ما تبينه

صدقيني ما أبالغ لا حزنتي بس ثواني
ودي أبذل كلِّ مالي بسّ ما شوفك حزينه

فدوةٍ لك كلَّ ما لي مو عطيّة بس عشاني
ما أبي أخسر حياتي ابْسيف دمعٍ تشهرينة

ولو بيديني أشتري عنك الحزن تالي الزماني
كان من دمّي شريته لا نفذ ما بالخزينه

أنتي دمي وآنا دمك كيف انا بانسى مكاني
يوم كان اسمي جنينٍ يغتذيبك واتحمينه

وان عطيتك ما عطيتك ما أظن أقدر أداني
نص حقك ولا ربعه ولا أدنى ما ترينه

يكفي انّي أنسى نفسي لاذكرتك في كياني
وانسى اسمي وانسى لوني وانسى كل العالمينه

يا بعد فواز أنتي يا بعد كل من دعاني
يا بعد هالعالم انتي والسماوات المتينه

البدر باسمك تسمّى يا عصب عظم المحاني
والشفق لجلك تحنّى لا وقفتي اتطالعينه

الله اللي بك حباني وأشهد أن الله كفاني
واشهد أنه ما ظلمني وما ظلم حدٍ بدينه

أسألك بالله يا أمي، بربٍ بك حباني
بالعزيز اللي دفنلك جنّته تحتك رهينه

تغفريلي كل غلطة وكل زلة من لساني
وكل حرف وكل فعل وكل ما يخفى ويبينه

خايفٍ ربي وخايف دعوتن تنطر دفاني
دعوتن تنصرك منّي وان بكى قلبك دفينه

دعوةٍ تحرم ظنينك لا غدت كل الأماني
جنةٍ يلقاك فيها قبل قصره وحور عينه

أوعدك مادمت حي اني أغطيك ابحناني
واوعديني تذكريني لا وقف قلبي رنينه

لجلك استنزف خفوقي كل لحظة وكل آني
وان قضى نزفه خفوقي اجرح اجروحي واعينه

لجلك أبنيلك قصيدة مالها في الكون ثاني
يا أهم انسان عندي بين كل العالمينه

هاذي الخمسين تبطي تختصرلك امتناني
ماهي حقّك لا وربّي دون حقّك يا الثمينة

ولو قضيت أيام عمري أنظم أشعار وأغاني
ما بوفّي حق "ظفرك" ولا شيٍ تلمسينه

؛؛؛؛
؛؛؛
؛؛
؛
م
ن
ق
و
ل
؛
؛؛
؛؛؛
؛؛؛؛
تصميم
؛؛
؛؛

๑ஜ๑ஜ๑ نورس الحب ๑ஜ๑ஜ๑

ملاك الشوق · 13-Dec-2007, 02:33 AM

أسألك باللي من السبع انزل السبع المثاني
لا حزنتي لا تجيني ودمع عينك تذرفينه

والله أني ما أبعرف أحضنك ولا أعاني
ولا أشكي ولا أبكي ولا أسمع ما تبينه

صدقيني ما أبالغ لا حزنتي بس ثواني
ودي أبذل كلِّ مالي بسّ ما شوفك حزينه

فدوةٍ لك كلَّ ما لي مو عطيّة بس عشاني
ما أبي أخسر حياتي ابْسيف دمعٍ تشهرينة

ولو بيديني أشتري عنك الحزن تالي الزماني
كان من دمّي شريته لا نفذ ما بالخزينه

كلمات بالصميم اخووي نورس الحب

يعطيك الف عافيه اخووي

بجد عجبتني وذرفت دمعاتي

المملكه كل دنيتي · 13-Dec-2007, 02:42 AM

كيف أوفّي حقّ شخصٍ من شرايينه غذاني
لين طالت قامتي من بعد نطفة مستهينه

كيف أوفّي حقّ مخلوق ابْحشا متنه كساني
تسعة شهورٍ حملني ما اشتكى ضعفٍ وهينه

كيف أوفّي حقّ أمّي يا كبر ذنبه بياني
كيف أوفّي قلعةٍ في مصحف الباري حصينه

كيف أوفي قمةٍ هي أعلى من شوفي وعياني
كيف أوفّي نسمةٍ أحيا بها بس ما تبينه

يعطيك الف عااافيه اخووي ماا في اغلى من الام بها الدنيااا كلها

وها المشااعر قليله بحقهاااا
دمت بالف خيرر

خـفـ الشوق ـوق · 13-Dec-2007, 06:57 AM

ويش اقول مهما نقول او نفعل مانوفيها حقها

حقها كبر ولا نستطيع ايفائها

ونسئل الله رضاه ورضاها

اخي العزيز نورس الحب

أنامل الإحساس الصادق لا تخط إلا الإبداع

سلمت يمناك على ما كتبت ورسمت

أطال الله في عمر والدتك وولدي المسلمين

وأبقاها الله لك وجعلها راضية عنك

دمت بود وبعطر أحساسك المرهف

تحياتي العطرة

فتاة الظل · 13-Dec-2007, 05:17 PM

الله يخليلنا امهاتنا

الام ,, كلمة لونكتب بها سنين ,, وسنين ماراح نوفي حقها ولو جزء منه

هذه هي الام ,,

بحر معطاء ,, نهر متدفق ,, سماء ممطرة

ارض مخضة ,, روح ام ,,

مشاعري خانتني امام عظمة الام

شكرا على القصيدة المميزة بحق

تقبل مروري المتواضع

قلب الوفاء · 13-Dec-2007, 09:33 PM

أسألك باللي من السبع انزل السبع المثاني
لا حزنتي لا تجيني ودمع عينك تذرفينه

اخي.. يعطيك الف عافيه ..وسلمت اناملك علي هذا النقل.. تقبل مروري..تحياتي وخالص تقديري.

نورس الحب · 14-Dec-2007, 12:55 AM

اقتباس

المشاركة الأصلية كتبت بواسطة ملاك الشوق


	أسألك باللي من السبع انزل السبع المثاني لا حزنتي لا تجيني ودمع عينك تذرفينه والله أني ما أبعرف أحضنك ولا أعاني ولا أشكي ولا أبكي ولا أسمع ما تبينه صدقيني ما أبالغ لا حزنتي بس ثواني ودي أبذل كلِّ مالي بسّ ما شوفك حزينه فدوةٍ لك كلَّ ما لي مو عطيّة بس عشاني ما أبي أخسر حياتي ابْسيف دمعٍ تشهرينة ولو بيديني أشتري عنك الحزن تالي الزماني كان من دمّي شريته لا نفذ ما بالخزينه كلمات بالصميم اخووي نورس الحب يعطيك الف عافيه اخووي بجد عجبتني وذرفت دمعاتي

الله يعافيك اختي الفاضلة
الملاك
وحفظ الله دمعاتك الغالية
والام اعظم من كل كلماتنا وافعالنا
الايكفي ان دخول الجنة مرهون تحت قدميها الطاهرتين
سيدتي الفاضلة
ملاك الشوق
اشكر لك حضورك المبجل
وتفضلك بالمرور من هنا شرف اعتز به


	مآودي آلنآس تدري وش يبكيني ؟؟ آخر رد: بنت الاقصى <::> آنآ صًحيح بنـــت ((لكــن آقدر آعلمك آصوول الرجوله)) آخر رد: بنت الاقصى <::> دخلت المنتدى مدري من الوله ولا على شانك !!! آخر رد: بنت الاقصى <::> مشكورين آخر رد: مليكة <::> عيون علياء تستضيفكم ... آخر رد: مليكة <::> مسااااااااعدة آخر رد: مليكة <::> فن راق .. لا يتقنه إلا محترفوا السعادة .. آخر رد: احمد العمري <::> ُقـِلْـبًٍَِْ الفَـتـٍُِاة ورَدة لا يٌـٍَفـتحًُـهـِا الا الـِحـُبْ آخر رد: بنت الاقصى <::> آســــــف عـــلـــى الـــبــــارح \|--؛.... آخر رد: بنت الاقصى <::> ابسألك بس يايمه حقيقة ليه ولدتيني آخر رد: بنت الاقصى <::>