,.-~'¨¯¨'·~-.¸-(_ (فرحتي بالعيد ) _)-,.-~'¨¯¨'·~-.¸

,.-~'¨¯¨'·~-.¸-(_ (فرحتي بالعيد ) _)-,.-~'¨¯¨'·~-.¸

--------------------------------------------------------------------------------


,
,
,

فرحتي بالعيدضياها منطفي..

فرحتي بالعيد بالحيل مخنوقه..

الوقت ياصاحبي غدر فيني وطعني..

سفهته وليتني بيحت له جوره..

سنين وأنا أقول الصبر غدى لي رفيق..

أتاري صبري مل من صبره وهجرني..

وأتاري الصبر ياصاحبي نزوه بحياتي..

وصرت له عنوان..


,
,


هلت أفراح العيد وكلن يضم غاليه..

وأنا في زاوية هالقلب

أعلق أفراحي وهدايا العيد..

وأنتظر عيدي..

,
,
,


أذكره يوم كنت طفله تلعب في جدايلها..

أذكر إني كنت أبكي وأنا أضحك من فرحتي بهلاله

أذكره إيه أذكره وأمي تناظرني والفرح بعيونها يهنيني

واليوم بسبتك صار الفرح يظهر على وجهي قناع

ومن ورى قلبي أضحك وأهني الناس من حولي

كنت أظن إني نسيت وجرحي طويته

كنت أظن ناري أضحت رماد لكنها مع هبة الريح تزايد سعرها

,
,
,


العيد هلت أنواره وأنا دنيتي ظلمه..

كانت شوفتك بالعيد عيديتي..

كانت فرحتي بلقياك هي غادتي ونوري..

كانت هداياك بكل عيد لها بداخلي معنى ..

وتبي الصراحه؟؟

آخر أعيادك كانت لها ميزه..
هديتك لي كانت الفرقا وهذا سبب لوعاتي وحرماني..

ومثل كل مره..

أحتفظ فيها بهداياك.. إحتفظت بهدية فراقك..

,
,
,


بنيت بطعونك لي بيت ماينهدم ساسه..

على جدرانه لوحات فنك بغدري..

وفرشت أرضه أشواق ملتاعه ..

يزورني فيه الحنين وقصة الجرح الأليم..

روايح باقيه من شذى عطرك ..

ونسمه من أنفاسك بين طيات الورق مختفيه

تنتظر لحظة عناق القلم بيدي..

تنتظر نشوة إحساسي بالزوايا..

تنتظرساعه معلقه بالحيط ترن أجراسها ..

تعلن لحظة قدومك من داخل كتابي..

,
,
,


إحتفظت بصورتك فيه..

وكل ليلة عيد آخذه من درجي وأنفض غباره..

ولي شفتك أهنيك .. تدري هذي طقوس الحب وجنوني..

هنيتك وإنت بعيد عن خافقي وشعوره لأجل أرضي نفسي وقلبي

هنيتك لأن العيد يمحي الزله وأنا مابي الزلات تنسج بنفسي خفاياها

وياعسى عيدي وعيدك مثل خلق الله سعيد..


**** منقووووول و كل عام و أنتم بألف خير ****