مســاءكم / صباحــكم فل وياسميـــن ..,,
"
"
كان في وسط المدينة
طفل أكبر من سنينه
والده مات بحنانه
ولا قعد يندب زمانه
صادق هموم الشوارع
يمسح الدمع ويصارع
طفل لكن كان بارع
مات ابوه وجاء مكانه
يمسح أطراف القوايل عن جبينه
يبعد الشمس ويطاردها بيدينه
طفل أحزانه معالم
طيب وسمح ومسالم
يمشي وينوح بصوته
يبغى قوت أمه وقوته
ولا أقبل الليل ورحل وجه النهار
راح لأمه مثل الأطفال الصغار
وأرتمى .. في حظنها
أرتمى .. في جفنها
أرتمى .. في حزنها
وقامت أمه تبكي لضيعه سنينه
وصاح .. يمــه
ليه ياعمري حزينه ؟؟!!
دمعتك يالغالية والله ثمينه..
تحسبين أني حزين؟؟!!
لا.. ورأسك ما ألين
من لقى هذا الحنين
ينسى حزنه
ينسى همه
ينسى حتى العمر كله
دامك أنتي تحترينه ..
وفي صباح من صباحات الضياع
الحزن قدر يقوله الوداع
نـــــادت أمه .. ماسمع
صــاحت أمه .. مانفع
طـــاحت أمه .. مارجع
الصغير اللي ملىء الدنيا صراع
مــــــات .. من كثر الوجـــاع ..
"
"
المحارم / لـفـهـد المســاعد
" طــ ف ـــل أكبر من سنينهـ "
