حبيبي من يعـزك في الهوى ما تقدر تذله

أبيك في كلمةٍ لو هي خطا تغفـر لي الزله
.................وردتك ظاميٍ وان عز وصـلك بااقطع حبالي

أحبك ذا ترى أول كلامي .. وآخره كله
.................ولكن وش يضر اليـوم لو تدري عن احوالي

وخذ ما جـاز لك من هالحكـي واللي تبي خلـه
.................انا لا قلت ما فــي خاطري والله ما بالي

ظلال العاشق جروحه ومن ما يتبعه ظله
................. أمانة يا شعاع الشمس لا تغضب من ظلالي

وتقـدر تطـوي الدرب البعيد وتقـدر تفـّله
.................ولكن صعب تمنع في الهـوى صبري وترحالي

وتقـدر تغمد السيـف الرهيف وتقـدر تسلّه
................. ولكن عـند خـــلاّق البرية علم الأجالي

متى عمرك سمعت بعاشق قد مات من غلّه
................. هذاك الحــاسد وراعي الهوى تتلفه الأمالي

حبيبي من يعـزك في الهوى ما تقدر تذله
................. ترى قــربك يزيدك بالغلا وان عفتني غالي