ياللي سكن قلبي من العام طاريك

والله اعزك عزمـن قلـب وغليـك

الشاهد الله عالمـآ غيـب الانسـان

من الغلا لو تطلب الروح أنا أعطيك

هذا الغلا اللي قبل هاليوم لـك كـان

واليوم كيف أقول لك فرحتـي فيـك

فرحت عفوٍ قاتل قصاصه أله حـان

أقلط على بيتـك عـس الله يحييـك

لك العيون ومهجـة القلـب مسكـان

وماتطلبه ياصاحبـي بيـن أياديـك

يامنوتي ياطـب همـي والاحـزان

ياللي سكن قلبي من العـام طاريـك

خذ الغلا اللي صدق من قلب ولسـان

خذه عسـا ربـي بعمـرك يهنيـك

والله يفتح لك علـى الخيـر بيبـان

ياللي بوصفك وين بالوصف أوديـك

مالـك حلـي ولا وصيفـآ ليـا الان

مانتـه حليـآ للقمـر هـو يحاليـك

وبالوصف مايكفيك بالشعـر ديـوان

وهني عين (ن)كل صبحـآ تراعيـك

عين (ن)تشوفك كل صبح ومسيـان

معك أمانـه قلبـي اللـي مخاويـك

عليه تكفـى لايجـي منـك نقصـان

اللي منـاه وغايتـه بـس يرضيـك

ودايم على شوفـك ولامـاك ولهـان

جاك الغـلا باحـلا مثايـل يناديـك

مثايل (ن)بنيت علـى وزن والحـان

من شاعر(ن)معجب بشخصك ويهديك

أحلا هدايـا الـود لولـو ومرجـان

لنـك ستـاذ وعاليات(ن)معانـيـك

ولك بالشعر وزن الذهب وسط ميزان

يسعـد مسـاك ويسـعـد ليالـيـك

جاك القصيد ليـوم لقيـاك عنـوان