زوجك بيسافر بدونك اي دولة.,وش ردت فعلك بليز ردووووو

حايليه موت
اشكرك على طرح هذه الموضوع الرائع جداً
لان اغلب المشاكل الزوجيه تبدأ بهذه الحوارات المتعلقه حول السفر لوحده او مع صديقاً له بغرض الانبساط وتغير الجوء...
انا بصراحه اشوف من اسباب الرئيسيه هروب الزوج والسفر بدون مايأخذ زوجته هو حظر التجول والكمين اللي مسويته حرمته المرأة بيدها تخرب الزوج وينقلب ضدها وبيدها تجعل الزوج خاتم في اصباعها كيــــــــــف..؟؟
قلتيلي كيف في حريم الله يحفظهم ويخليهم تحاصر زوجها وتنكد عليه علشان بنت في التلفزيون كيف يبدأ الحوار:
الزوج: شوفي هذه المذيعه كيف حركاتها بدون مايصرح هي حلوه ولا شينه بس رميت حجر او زلة لسان من الزوج...
الزوجه : ايه عاجبتك اصلك انت عيونك طويله وليه تتفرج عليها وليه ماتخاف الله واصلكم انتم الرجال كذا مايملى عينك غير التراب وعيونكم بحر ... الخ الخ... الا من رحم انا اقولك علشان بكره ماالقى مظاهرة نسائيه ضدي...هههههههههههههه
الزوج:في باله يقول اذا هذه الحين قالت هالكلام اجل كيف لو سافرت والله صح قالولي اصحابي سفر مع حريمنا مشروع فاشل انا ايش ليا بقلبة الرأس الواحد يوم يسافر بينبسط ولا يبغى يروح علشان نضارب انا أخذه من قصره واقعدها في بيتها هذه هو مكانها اللي يناسبها...
او في حريم مره الأمومه تمشي في عروقهم ماشاءالله عليها
يجي زوجها: يقولها ايش رايك نسافر نغير جوا هذه الزوج اللي ربنا هاديه
تجي الزوجه :تقول طيب لازم أخذ العيال معاي طيب
الزوج: يقولها حطيهم عند أهلي ولا أهلك ونطلع نجدد شهر العسل من زمان ماقعدنا لوحدنا مع بعض لو اسبوع يابنت الحلال..
الزوجه : لا كيف عاد اسيب عيالي مااقدر افضل طول اليوم مشغول بالي عليهم واخاف اخليهم عند اهلي ولا اهلك...دخلنا في الزحاليق (مافي فايده) وبعدين تقول زوجي تغير علي ولا فات الفوت تندم حظها وتصيح..
المهم نرجع لموضوعنا
يجي الزوج الضعيف :طيب بنأخذ العيال معنا ..
يوم يسافروا الزوجه: الحق ولدك فلان صابه تغير جوا وسخن وهذاك زكم وفلانه معها مغص وحركاااااااااااااات ...
ويكره الزوج السفر ومايكررها ابداً ولما احد من أصحابه يسأله كيف السفر يقوله ابد كان غرضنا من السفر اننا نأخذ امراضهم وندخل نسوي كشف على مستشفياتهم اللي عندهم ونجي في الأصل وزير الصحه راسلني هناك علشان اسوي تقرير ههههههههههههههههه
وغيره غيره من الأمور اللي تصير ...
طيب ليه مانكسب رجالنا والله اعرف وحده زوجها من قبل كان يسافر عادي مع اصحابه وأهله
والله الحين من بعد ماتزوج لهم اكثر من 10 سنين انه في كل سنه مره ولا مرتين يوم يسافر حرمته معه ماصار يحب يسافر الا معها ليه....؟؟
لانه صاحبته قبل ماتفكر انه زوجته وعيالها تخليهم عند امها وعلى كذا الرجال ماشاءالله تبارك الله صاير مايحب السفر بدونه حتى لو مع اخو حرمته علشان شغل صاير يأخذه معه...
هو تعود عليها وهي اللي عودته واخوه مره جاء يسوي مثل هذه واخذ حرمته جاء يقول لاخوه انت كيف تسافر مع زوجتك انا كرهت السفر وهي معي لا تسوي كذا لا تفعل كذا انت وين تناظر استحي على وجهك وهذه الكلام اللي يسم البدن قاله لا انا زوجتي في السفر اصحاب نروح ونجي سوا وننبسط سوا الحمد لله والله لا يغير عليهم...
بس في بداية زواجهم يوم فكر زوجها يسافر لوحده منعته وقالت حتى انا ابغى اغير جوا واسافر معك ولما سافر وشافها بالسفر كيف والله الحين مايسافر الا وهي معه ماشاءالله
كله بيد الزوجه لا تحاصريه ولا تسويله حظر تجول وهو ان شاءاالله مايسافر الا وانتي معه
وبعدين الرجال مايحب اللي تعانده وتحاول انها تسيطر عليها وتمنعه ماراح تسافر ولا اروح بيت اهلي هذه كل الامور ماهي في مصلحتك انتي اللي بتخسري لانه هو رجال ومايحب كلمته تكسريها وتعانديه حتى لو بالمزح لازم تأخذي الامور بسياسه ويوم يمزح ويقول ابغى اسافر مع صاحبي بس قولي له ماراح يبسطك زي ماانا راح ابسطك في السفر انت جربت صاحبك جربني انا بس اهم شي لا يكون عندك سوابق معه بخصوص وحده بالتلفزيون او في مطعم او كافي لانه الرجال ماراح ينسى اي شي تسويه وهذه طبعه ولا سافر ونسيه وابسطيه وخليك مره فررررري علشان تكسبيه وحتى اصحابه اللي يأثروا عليه بالكلام(( لان الدق يفك اللحام )) يعرف انك انتي شي يتمنون اصحابه حريمهم يكونو زيك انتي وراح يسيب اصحابه حبه حبه ...
وهذه رأئي والله يوفق الجميع يارب...
ويهدي رجال ونساء المسلمين...