الدليل الشامل لعرائس الشرقيه

السلام عليكم ورحمة الله وبركاته

ألـــــــــــــــــــــــــــــــــــــف مبروك لكل عروس مقبله على الزواج والله يوفقكم يارب ويجعلكم قرة أعين لأزواجكم ويجمع بينكم على حب وطاعة الله سبحانه وتعالى

أتمنى من أختي شموخ أن تعذرني بإقتباس فكرة الموضوع منها لإن في عرائس بالشرقيه يحتاجون لهذا الدليل وأتمنى من جميع الأخوات المشاركه والمساعده لكن بتجربتهم أو عن حاجه فعلاً رأوها بأعينهم وثقتنا في عرائس وصبايا الشرقيه كبيره

الدليل الشامل يشمل كل ماتحتاجه العروس من أقمشة ومصممين وبدل وقمصان نوم حلوه وغريبه وإكسسوارات وشنط وصنادل وكوشات ومصورات وكل مايتعلق بحاجة العروس

وتقبلوووووووووووووووا تحياتي

أنا زواجي بعد أربعة أشهر ولاعملت ولاشي إللي سويته اني حجزت كوافيره بس
والمصوره كلمت استديو التلوين الحديث بالدمام قالوا لي التصوير بـ 7000 وانا كنت شايفه صديقه لي مصوره عندهم يوم زواجها وأنا أشوف إنه لابأس به لكن اشوفه غالي شوي وياريت إللي عندها فكره عن المصورات بأي منطقه بالشرقيه (أنا زواجي بالجبيل) تدلني وانا اسمع عن استديو قمرين اللي بالخبر المقابل لمركز شعاع مين جربه وش رايكم فيه وكيف اسعاره.
ثاني حاجه ابيكم تساعدوني فيها عن محلات كوشات تكون كوشاته غريبه وفخمه ويطلع للجبيل
ثالث حاجه في وحده من الأخوات في الدليل الشامل للرياض كانت تسأل عن الألعاب الناريه والنوافير والله عجبتني الحركه وابغى اسويها لكن تعرفون محل تسويها

يالله ياعرائس وصبايا تفاعلوا معي لاتخذلوني وإللي عندها إي استفسار انا تحت الخدمه.

وينكم ياصبااياا

افااااااااا ياصبايا خذلتوني مافيه اي مشاركه