اللي يبي يسال اي سؤال عن تنسيق الحفلات والكوش

مساهمة مني في مساعدة اعضاء منتدانا الحبيب انا جاهز لااي سؤال يتعلق في اخر الموديلات الكوش وتنسيق الطاولات والممرات واللي يبي اي صورة انا بحاول اساعده وهذه مساهمة بسيطة لتطوير المنتدى وانا باانتظار اسئلتكم

الاخت مزون انتي حددي الفكرة او الكوشة مثل ايش او من ايش تتكون وانا اساعدك

ماتقصر ابو ريما ماشاء الله

ربنا يعطيك العافيه على مجهودك الرائع

أهلا أبو ريـــما

إنا بصرحه عندي فكرتين لما اسكر أعيوني تطلع حلوة وإذا فتحت أعيوني لقيتها فاشلة

عندي فكرة تكون الكوشة عبارة عن موقع تصوير سينما أو شريط سينمائي

أو تكون الكوشة على شكل تلفزيون يكون على مرحلتين الأبيض والأسود والملون

أشوفها حلوة بس صعبت التنفيذ
ودمت بخير

ابو ريمــــا ,,

يعطيك العافيه ,, جيت في وقتك كنك حاس في وحده جات لها حاله نفسيه من كثر ماتعبت من التفكير هههههههههههه ,,
قبل كل شي ابي اقولك انا اجهز الحين لملكتي مو حفلة زواجي ,,
اول شي انا ابيك تساعدني في اللمسات يعني انا بعطيك الافكار اللي عندي هي عاديه بس ابي منك كم مساعده بسيطه تخليها مميزه ,,

مبدئيا انا الديكور كله مو الفخامه العاليه مره ولا البساطه اللي ماكني سويت شي ..

يعني انا الحين احاول ان الديكور يكون ذوق يعني كل شوي اسويه ابي في لمسه بسيطه مو لازم فخمه بس ابي فكره حلوه وملفته ..
يااارب تكون فكرتي وصلت لك ..

انا الحين محتاره في الألوان اللي ابي اختارها .. اذا عندك فكره ايش الألوان الدارجه الحين !!
الصاله اللي انا اخترتها حجمها مره حلووو كبيره ومناسب لعدد معازيمي وممر الزفه طويل يعني يمديني العب في الممر على كيفي .. بس انا ابي فكره لممر الزفه واكيد ابيه يتناسب مع الكوشه ,,

لفيت محلات الكوشات مالقيت الشي اللي يتناسب مع ذوقي مره تعقدت صرت شايله هم ..
كل ما اروح لمحل اقعد اشرح ساعه لفلبيني والا سعودي والا لبناني وفي النهايه يقولو جيبي الفكره كامله واحنا نصممها لك ونساعدك ,,
الفكره الي براسي للكوشه بوصفها لك بس ابي منك اضافات لأن كل ما اروح لمحل يقول ايش الفكره اللي عندك واحنا نسويها ماحس ان عندي فكره كامله ..

بقوولك اللي في بالي ابي يعتمد تنسيق الطاولات والكوشه وممر الزفه على الكريستالات
يعني مثلا الطاوله في وسطها يكون زي الشمعدان مرتفع شوي عن مستوى الطاوله وابي احط الكريستالات حول الشمعدان او يكون نازل شوي عشان يكون في لمسات بسيطه بس مو عارفه كيف انسقها ابي مثلا تكون الكراسي مغطيه بالقماش العادي بس بدل ماتنربط بشريطه كبيره ابي تنحط كريستالات بس مو عارفه كيف
والممر بعد ابي ادخل فيه كريستالات مع الكوووشه

الكريستال اللي انا اقصده اللي يجي زي السلاسل بس كلها كريستالات ..

ياليـــــــــــــــــت تقدر تساعدني بأفكارك ,,

وان شالله تكون فهمت فكرتي ..

وبكووون شاكره لك اذا ساعدتني ,,

واسفه عالإطاله << ماتنعطى وجه ههههههه

تحياتي

ارسلت لك على الخاص

ابو ريما ..
قريت اللي عالخاص .. ويعطيك العافيه خيوو

طيب وانــــــا ؟