سؤال عن الإضاءة أضاء الله حياتكم بالنور والسرور

خبرتي بالإضاءة

قد تكون معدومة أعرف شكل الإضاءة وممكن أشرح الصورة اللي أبغيها بس ماعرف نوعها

سؤاااااااال

شنهي نوعية الإضاءة اللي احتاجها لقاعة تتسع ل600 شخص تقريباً وأكثر

أبغي الإضاءة اللي أتعم القاعة كاملة اللي تغطي الستاير اللي راح أنلبس فيها القاعة وتعطي إنعكاسات عليها

أشكثر أحتاج وشنهي الأنواع ؟؟؟

ممكن مساعدتكم وأكيد ذوي الخبرة وعلى رأسهم المايسترو طبعاً

وينور حياتك اختي ويسعدك ربنا

هنا فيه موضوع كامل عن الاضاءه نزلته مشرفتنا اخر العنقود
كل شئ عن الاضاءه ومعداتها
وانا رديت عليها بعدها مباشره بالشرح لكل جهاز وطريقه عمله

-----------
بالنسبه لتغيير لون القاعه بالاضاءه باستخدام السبوتات هذه صورتها لسبوتات رخيصه

انتي طبعا المفروض ماتشتريها فيه مؤسسات في دولتكم متخصصه اكيد بالاضاءه ممكن تتفاهمي معاهم في طلباتك بالتفصيل

طبعا صوره الاسبوت اللي فوق لاضاءه عادي مسلطه فقط
فيه اجهزه خاصه اسمها كلور ماشين
تعطي تلوين لمنطقه كامله يستخدموها ايضا لتلوين مباني خارجيه
ماعندي صوره للجهاز حاليا بس الشرح هذا كافي لو قلتي لاي مؤسسه متخصصه راح تشوفيه عندهم
عموما هذه الاجهزه ماراح تحصليها عند محلات الكوش الا لو مؤسسات كبيره هذه تحصليها عند محلات ومؤسسات الدعايه والاعلان خصوصا اللي يتعاملو بالمهرجانات والبازارات والاسواق
وايجار الاسبوت الواحد الصغير اللي فوق
حوالي 100 ريال الى 200 ريال سعودي
اما الكلور مشين الكبير ايجاره من 500 الى 1000 ريال سعودي
وانتي احسبيها بعملتكم مع زياده اسعار البيض والطماطم وراح تطلع لك النتيجه

ياربي يسلمك ويسعدك إن شاء الله

تسلم يامايستروووو المنتدى كله على ردك السريع

بس شوف أنا فكرتي ان جو العرس محتاج نوعية إضاءة وحده بس عشان تشرح الفكرة الأساسية


وكان على هالأجهزة ايه والله ياريت نحصل محلات مثل إضاءات ألعاب الأولمبيات

بس تدري حيروني البنات اللي حوالي يقولون لي لاتصدقين أصحاب المحلات ترى ياخذون عليك بزيادة بيقولون القاعة يبي لها كذا وكذا وهي أصلاً ماتحتاج عشان جذيه قلت بسألك أخاف يقصون علي خبرك أكثريتهم استغلاليين والقهر انك توصل لهم الفكرة ولخذوا فلوسهم كاملة يصدمونك بيوم الحفل مب مثل ماتبغي

وكان على الأسعار ياريت أسعارنا مثلكم أنا قالوا الإضاءة أقل شيء بتكلف فوق 35 ألف
هاي سعر الوسط بعد

تسلم على شرحك والرابط اللي ضفته عالأقل اخذ فكرة قبل لايبيعوني كلام

دعواتك أنهم يفهموني ويسوون لي اللي أبغي

ياريتك في السعوديه
كان طلعت لك فريق الليزر ( ليزر تيم)
متخصص بمهرجانات
يطلعون لك ليزر حقيقي بمبردات
بالسعر اللي ذكرتيه

اكتب اسمك وممكن صورتك في الهواء فوق راس المعازيم اخليهم يتجننو من جد وانقلهم لعالم ثاني

المايسترووووووووو

حرام عليك لاتخليني ألزم على أهل زوجي إلا أتزوج عندكم بالسعودية

بس مب جنك أنت أخف مني بدل ماأجي أنا ومعازيمي

تعال أنت وسو لك فرع عندنا وصدقني والله انه نتمنى نحصل محل يفهمنا يعني أحين أستاندات العرس تصور شرحت له الفكرة من عندي وهاي تقريباً من المحلات الراقية والثقة اللي بالدوحة فعشان جذيه رحت له أقول له أبغي أشوف شكل الستاند لما أطبقه مثل ماهو بخيالي ولا يقول لي لاتخافين وصعب أجيبه لج المحل والستاند اللي طالبته ضخم وكبير مابقددددررر طلع لي ألف عله وعله

وأنا أخاف يصدمني بيوم العرس ومايطلع مثل مابغي

أحس لو أحصل ويدنغ بلانر مثلك صج بكون مأمنه أن الحفلة بتطلع جنان لأنك ماخذ الشغله على إنها إبداع فني قبل ماتكون بزنس بعكسهم هم همهم البزنس ويسوون أي كلام ويقبضون ويتوكلون على الله

يضيعون ليلة تحلم كل وحده إنها تطلع مثل ماهي راسمتها بمخيلتها

على يدك
جيبي لي شريك برأس مال مليون ريال واحد بس
وتحصليني محضر عندكم بقطر

خليني اعمل ريجيم مره وحده عشان اصير اخف كمان

أهم شيء اللي ناوي يجينا بنيو لوك

بس لو كان عالشريك وين بجيب أنا إحنا البنات مالنا بالبزنس إحنا بس نعرف شلون نصرف وفالحين نبغي ومانبغي بس عقول تجارية مالنا

إن شاء الله يارب تتوفر لك الفرصة وصج اللي بيتشارك معاك أمه داعيه له

ويالله هاي دعوة مني عساك أتجينا خفيف وزن لكن ثقيل بأفكارك الخطيرة

سؤااااااااال

يالمايسترو

ممكن

ألقى عندك جواب

هل ممكن نستغنى عن الإضاءة العلوية اللي تتركب على الجسر مثل ذيه




لأن سقف القاعة عالي وصعب يتثبت فوق

وبيكتفون بالإضاءة اللي من تحت لفوق ومن ورى الستاير بس

ويقولون كفاية مع الليزر


أنت شرايك أنا ترددت هل هالإضاءة كافية تعطي الجو المطلوب

مرحبا بريق الفجر بالتوفيق يارب
الله يكتب لك الافضل
- -
سؤالك اجاوب حسب ماعرف الصوره الي حاطتها استاندات حديد معاااااااهم يركبوها وتجي عاليه مره مالها علاقه بسقف القاعه
- -
حاولي تتاكدي من مشرفه القاعه عن درجة بروده القاعه لان القاعات الي فوق 500 دايما يراعو اضاءتهم القووويه مع نسبه البروده فيها ولما انتي تزودي اضاءات (ترفع درجة الحراره مع الصيف واااو )خصوصا الكوشه بتزيد الحراره لا اضائتها مره شديده + الرقص ماشاء الله هههههههههه صدقيني

هلا حبيبتي صح كلامج أنا أبغيها تتعلق عالسقف مابغيها تتعلق بحدايد على الستيج أو جوانب الحفلة أحس شكلها بيشوه منظر القاعة والقاعة ماتسمح إنه يعلقون على سقفها يقولون صعبة
فعشان جيه يقولون راح نكتفي بالإضاءات الأرضية بس وأنا أخاف ماتوصل الصورة المطلوبة وكان على إضاءة القاعة أنا القاعة مسويه لها تغطيه كاملة

ومابغي استعين بإضاءتها كلش لأن حابه أعطي جو ثاني بإضاءة متحركة

فلاتحاتين اللي يرقصون هههههه بوزع عليهم آيس كريم وكوكتيلات باردة وماراح أركز الإضاءة أكثر حبيبتي