زواج ماليزي

السلام عليكم ورحمة الله وبركاته
أنا جاء في بالي فكره كوشه ماليزيه وش رأيكم فيها لكن ماعندي أي صوره أو معلومه عن هالشي أنا قدامي مهله يومين بس علشان اجهز الفكره كامله زواجي قريب وأنا ماعملت شي وأهل العريس بيذبحوني وهم ينتظرون شكل الكوشه علشان يعملون الطاولات والأستقبال

لااحد يعطيني فكره ويسكت أبغى صور بأي فكره تجي في بالكم وغريبه نوعاً ما واللي عندها فكره عن مصممة أو مصمم أو محل شغله مضمون وسعره معقول بالدمام أو الخبر تنقذني فيه

حبيبتي أنتٍ لين أحين ماستقريتي على شيء

ولايهمج عطيني مهلة أفكر لج وبحاول بسرعة

بس أنا المنتدى وايد يتعبني مايفتح معاي بالساهل

لي عودة حبيبتي

انتظرك ياراعيه الفزعات والله من جد بحيره ودعواتك لي بالتيسير أحس اني مااقدر أفكر وبالي مشغول ومتوتره.

سنديان

بصيييييييييييييح

عذبني المنتدى بكرة عندي دوام والمنتدى جنني عقدني بالدقيقة يعلق ماتصورين أشكثر عذبني بالثانية الصفحة أتعلق عندي وماينفتح ذبحني المنتدى

خل أعبر عن شعوري قبل لاأدش الموضوع

سنديان حبيبة قلبي إذا ماخاب ظني مب أنتٍ اللي كان ببالج زواج تونسي وأنا قلت لج خليه مغربي ولافيوزاتي ضاربة ومضيعه

اللي أبي أوصله لج حبيبتي إن لما انركز على فكرة أعم يصير الموضوع أسهل فلما كان إقتراح عرس تونسي أنا من رأيي إنه يكون مغربي عشان يكون أعم وأشمل

وألحين لما نقول ستايل ماليزي

نصعب على نفسنا الموضوع جبت لج كم صورة من البيئة الماليزية





من هالصورتين أنلاحظ إن جوها جزري وماي وشلالات
وخضار بخضار يعني من أهنيه نستمد الوحي

أنتٍ تبغين الكوشة وفكرتها

يعني أنقول عشب أخضر وشلالات ماي

وأصوات خرير الماي تملأ القاعة

اللي يضيفون يلبسون لبس جزر هاواي وعلى راسهم قبعات عليها فروت صناعي

أما الأستاندات بالإمكان أتكون فواكة إستوائية منسقة بطريقة فنية

أو غصون شجر مثل ماأقترحت على الأخت اللي حابه يكون جو عرسها بغابة بجيب لج ردي من هناك ماقدر أطلع وأدخل دام المنتدى رجع عقب طلعة روح وماعلق علي مثل مايعلق كل مره

برد القادم بضيفه

شوفي هالصورة خلفيه الشجر شلون ممكن تعطيج إيحاء حبيبتي المشكلة الصور بالنت كلها قديمة صعب تلقين صورة مبهرة



فقلت أعطيج إيحاءات وأنتٍ تقدمينها للمصمم عشان ينفذها

هاي الكوشة شكلها قديم بس شوفي شكل توزيع الشجر



عاد لضفتي الذهبي عالكوشة مثل ماهو بالصورة بيصير عرسج جنه عرس بنت سلطان بروناي



وشوفي هالصورة شلون تداخل العشب الأخضر مع الشمعدانات

بالستاندات



أو ممكن أتحطين شلالات صغيرة عالطاولات

أو شوفي هالكوشة عشب عشب بس لو تضيفين على جنبها شلال ماي أو يكون خلفيتها شلال ماي يعطيها حياة



لي عودة بأفكار كنت ضايفتها بطرح سابق ممكن تعجبج وبعدين حبيبتي حددي فكرة واستقري عليها خلاص عشان يكفي الوقت تعطينها حقها من التنفيذ

وبخصوص أسامي المحلات سمحي لي حبوبة أنا مب من السعودية ولاكان فدتج

سنديان ماماتي دخلي أهنيه بعد ممكن يعجبج شيء

هناااااااااااا

ماشاء الله ماقصرت بريق الفجر
كفت ووفت ان شاء الله

سنديان وينج اختفيتي

من خلال تجوالي حصلت كم كوشة ممكنيناسبون ستايل عرسج حبوبة





وشوفي اهنيه فكرة الأدغال



ممكن تاخذين حركة الكوشة والستاندات والكراسي سويها عالموضة حديد ذهبي