ســــــــــــاعدوني

السلام عليكم ورحمته الله وبركاته
والله أني خجلانه منكم أول مشاركه لي بالمنتدى طلب بس عشمي فيكم كبير
أخوي راح يتزوج بصيف وماني عارفه كيف أرتب القاعه والأستقبال وهدايا المعازيم وأشياء كثير
تـــــــــــــــــــــــــــــــــكفــــــــــــــ ـــــــــــون أبي أفكار حلوه وغريبه شوي وخاصه ألاستقبال
والله أني متوهقه هذا أخوي الوحيد وانا أخته الكبيره ونادر ماأحضر أعراس وماعندي خلفيه عن شيء
وجزاءالله الف خير اللي ترد علي

حبيبتي أنتوا عطونا شيء ببالكم وإحنا اللي نستوحي لكم الفكرة من خلاله مثلاُ

الألوان اللي استهلكتوها بأعراس إخوانج السابقين نتجنبها
بالإضافة لديزاين كوشة عروستكم إستايل كلاسيك ولامودرن

فيه لون حاطينه ببالكم وحابين تستوحون منه

حبوبة

عطينا نقاط رئيسة من خلالها ننسج لج الفكرة

اختي راجعي الاقسام التاليه فيها افكار جديده تماما
قاعة افكار الزفات

قاعة الافكار والابتكارات في الافراح

قاعة المناقشات وطلبات الافراح والزفات

اتصفحي المواضيع المثبته والفهارس وايضا المواضيع القديمه بعضها ذهبت للصفحات الخلفيه وان شاء الله تحصلي طلباتك

هـــــــــــــــــــلا والله بشــــوق ومهـــــــــا
حبيبتي انتي من وين علشان نقدر نساعدك وندلك على المحلات اللي تسوي الكوش وكل مستلزمات الأعراس واختي بروقة فجر ماقصرت قالت لك انتي ايش حابه تكون فكرت زواج اخوكي تبغونه استايل ولا كلاسيك ولا مودرن وحابه ايش تصير الالوان علشان نعطيكي افكار وان شاءالله يكون فرحكم ولا احلى بس اعطينا النقاط الرئيسيه وابشري بسعدك...
تقبلي مروري...

مشكوره حبييتي بريق الفجر وأخوي المايسترو
ومشكوره يالغاليه عذبة جيهينه على الترحيب وتسلمين
مثل ماقلت أختي هذا أخوي الوحيد يعني فرحتنا
أما ألوان ما حطينا شي في بالنا والكوشه العروس مهتمه فيها وراح تكون بغرفه بلقصر مهو بالصاله المشكله أن العرس بمدينه العروس بحائل وحنا من الجوف
نفسي يكون العرس أستايل وفيه شي مميز يذكرونه الناس أما النقاط حبيتي الأستقبال كيف يكون وش أحط عند المدخل وكيف نستقبلهم ولهدايا وبعد العشاء وش أقدم مابي المعازيم يملون من العرس ومشكورين أدري راح أتعبكن

حبيبتي ولايهمج تعبج راحة تامرين أمر أنتٍ

كلنا لبعض ونعين ونعاون بس مابغي إلا دعواتج أن الأمور تتيسر لي وأدعي لي بالتوفيق

حبيبتي أنا بتكلم عن الناحية الجمالية بقول لج شنهو اللي دارج أوكي

بس أنا ماعرف أنظمة الأعراس عندكم بالسعودية شلون

إذا كنتٍ محتارة بالألوان

مفروض تاخذين اللون من العروس نفسها
أقصد لون الكوشة لأن كله يكمل بعض

وبعرض لج نموذج لكل لون أو نوع

لو بنقول اللون الأحمر مع الذهبي أو الأحمر مع الفضي مع الأسود والأسود يكون كلمسات فقط

بمعنى تكون الطاولة زجاج وهذي دارجه بالفترة الحالية مثل ذي شوفي شكلها



لاحظي صايرين يلبسون رجل الطاولة بلون العرس لوحابه أتسوين أسود وفضي وأحمر

ممكن تخلين رجل الطاولة أسود مشغول بفضي

والموضة انك تلبسين رجل الطاولة بلون العرس لو كانت زجاج

هاي بحالة لو اخترتي أحمر وأسود وفضي

ممكن تحطين قطعة مفرش صغير أسود مشغول بفضي

وممكن تستعينين بستاند بالروز الأحمر

مثل هذا
وشوفي حركة الورد من فوق لين تحت

وممكن لو حابه تنزلين سلاسل كرستال وتضيفين شموع فضية كإكسسورات للطاولة

حبوبة والموضة في الكراسي اللي دراجه عندنا بالمحلات الراقية مثل ذي




إذا كنتي مختارة تنسيقات أحمر أسود فضي

فإختاري الكراسي الفضية مثل ذي شكلها روعة بيطلع

وإذا كنتوا أتلبسون صالات الأفراح مثلنا بالأعراس الراقية القاعة كلها تتلبس ستاير بلون العرس حلو لو لبستي القاعة بستاير لونها اسود فيهانجوم فضية ووأدخلين اللون الأحمر في الزوايا على هيئة ستاير بعد مع مسكات للستاير ورد أو كرستال

شوفي الحركتين بهالصورة


طاولات زجاج وطاولات بمفارش ولهم حلوين وشكل الكراسي طالع حلو بالصور وكأنها حديقة

إذا مب حابه اللون الأحمر
عندج الموضة اللون الفوشي

أو اللون البنفسجي النيلي مع الذهبي

أو اللون الفوشي المايل للبنفسجي مع الفضي

كلهم حلوين

هاي بالنسبة لتنسيقات الطاولات

وأي إضافة حابه أضيفها من عيوني حبوبة

ولاتنسينا من دعواتج ياقمر

حبيبتي وفيه فكرة اهنيه ممكن تفيدج إذا كنتٍ حابه تسوين اللون الأبيض وتخلين اللعب بالإضاءة تصير القاعة كلها ملونة والكوشة ملونة

واهنيه حركة الريش تلائم عرس بجو شتوي

بعد



وهاي فكرة الستاند لو مب حابه ادخلين ورد

مشكوره ياقلبي نسيت أقولك أن القاعه نظام مدرجات تعرفينه أو لا مع أني كنت أتمنى يكون طاولات حتى القصر ماشفته لأنه يسون فيه تعديلات يقولون حلو والله أني خايفه سألت عنه
والله يوفقك يا عمري دنيا وآخره ويحققلك كل اللي تتمنيه