منقول :طريقة عمل الخبز بالبيت خطوة خطوة

السلام عليكم
للاخوات اللي طلبوا مني طريقة عمل الخبز بالبيت
انا راح اعمل كل الانواع اللي اعرفها باذن الله
واللي تستفيد من اي شي اكتبه
تدعيلي في ظهر الغيب ان ربي يحفظلي اولادي
عندي اثنين بس ادعولي ان ربي يطرح فيهم البركه ويحفظهم ويصلحهم لي ولايحرمني منهم ابدا

بسم الله راح نبدا بالرغيف العربي

بسم الله نبدا



الرغيف العربي

2 كوب ونص دقيق ابيض
كوب ماء
ملعقه ونص صغيره خميره فوري
ربع كوب ماء دافئ مذاب فيه ملعقه صغيره سكر
ملح ملعقه صغيره
اناء فيه ماء
الطريقه
تذاب الخميره في ربع كوب الماء الدافي
تترك لتتخمر




يضاف الملح الى الدقيق ويعمل حفره في النص
يضاف كوب الماء والخميره
يعجن جيدا ونستمر في العجن لان العجن يجب ان لا يقل عن 10 دقايق
اذا كانت العجينه جافه نبل ايدينا بالماء ونستمر بالعجن حتى يختفي الماء تماما
ثم نبل ايدينا ونعجن وهكذا حتى نحصل على عجينه ملساء وتميل الى القساوه
يعني ما تكون طريه زي عجينة الفطاير
نستمر في العجن حتى يرجع الاناء اللي عجنا فيه نضيف كانه ماعجنا فيه لان
العجين اذا خلص وصار جاهز بيترك جوانب الصحن ومابيكون يلصق باليد
وناعم واملس
تبل يد بالماء ونمسح على العجينه ونكورها
ندفي الصحن اللي راح نحط فيه العجين



نغطيها بكيس بلاستك ونلفها بمنشفه اوبطانيه صغيره ونخليها على جنب تتخمر
لمدة ساعه مش اقل من كذه ولا اكثر
انا اضبط ساعة الفرن عشان ينبهني اذا مرت ساعه
اذا زاد الخمير بيطلع الخبز فيه لب من جوه بعد الخبز ويميل الطعم الى الحموضه
واذا نقص الخمير بيطلع السطح منقط اثنا الخبز يعني مايكون محمر لون واحد
لابيكون التحمير على شكل نقط صغيره مثل النمش في الوجه

بعد مرور الساعه
قبل ما تبدائي بتقطيع العجين شغلي الفرن من فوق وتحت وحطي صاج
الفرن قريب السطح يعني في رف الفرن الاخير او اللي قبل الاخير
وتسكري الفرن حتى يسخن الصاج تمام ويكون الفرن على اعلى درجه انا خبزت في الفرن الكهربائي على 300 درجه




تقلب العجين على الرخامه وتعجن عجن خفيف فقط لاخراج الهواء منها
تقسم الى قطع متساويه حسب حجم الخبز اللي تحبيه
ترص في صينيه تبل يد بالميه وترش بشكل رذاذ على كور العجين




تغطى بسفره بلاستك وتترك 10 دقايق فقط


يرش السطح اللي راح نفرد عليه بالدقيق (وما نكثر حتى مايطلع الخبزيابس)
تفرد كل دائره حسب اللي نحب
يفرش في القاع ورق المطبخ (المناديل اللي نستخدمها في امتصاص الزيت )
ثم فوقه القرص ثم يغطى بالمناديل ثم القرص الثاني وهكذا




نخليه يرتاح 10 دقايق واذا الجوا كان حار مرره كفايه خمس دقايق واذا الجو بارد
ممكن ربع ساعه الى نص ساعه

يخرج الصاج من الفرن لوضع الخبز وانتبهي لانه راح يكون حار جدا

ما نمسك الخبز بيدنا او باصابعنا لانه اذا لمسته الاصابع ماراح ينتفخ ابد
واذا انجرح لو خفيف راح ينتفخ ويطلع منه الهواء ويرجع يهبط


نمسك طرف الورق ونحط يدنا من تحت القرص ونقلبه على وجهه على الصاج
وندخله الفرن على الرف العلوي

نراقب الخبز وبعد شوي راح تبدا تطلع فقاقيع

الفقاقيع راح تبد تكبر



اضغطي على زر المروحه اذا كان الفرن اللي عندك في زر مروحه وراح تشوفي الخبز يتفخ بسرعه



مجرد ما ينتفخ اطفي المروحه
وانتظري الخبز حتى يتحمر

طلعيه من الفرن بسرعه او مايبدا يتحمر



وعليكم بالعافيه

ملاحضه
ـــــــــــــ
اذا كان القرص المفرود ثخين شويه بيكون الخبز بعد الخبز طري ولين ويصلح مع الايدامات اللي فيها صلصه
اذا رققنا مره راح يطلع قاسي
وخير الامور اوسطها
واذا الفرن ما فيه مروحه عادي
انا خبزت هذولي القرصين بدون ما استخدم المروحه






لاتنسي تلفي الخبز في كيس حتى يضل طري



وهذا شكل الخبز من جوه



اتمنى يكون عجبكم

مشكوره وان شاء الله ربي يحفظ اولادك لكي
وان شاء الله يكون فيهم الخير والبركه
ويصلحهم يارب

وتسلم يدك على الطريقه الحلوه بس شويه صعبه يبغالها رواقه
ولا تحرمينا من وصفاتك الحلوه

الله يعطيكي العافية ويطرح في أولادك البركة ياارب..

مشكورة اختي ام لبنى.. :)

تدعيلي في ظهر الغيب ان ربي يحفظلي اولادي
عندي اثنين بس ادعولي ان ربي يطرح فيهم البركه ويحفظهم
ويصلحهم لي ولايحرمني منهم ابدا

آآآآآآآآآآآمين

شكراا على الخطوات الواضحة

تسلم الايادي

مشكوووووووورة على الملاحظات المفيدة ..

الله يطرح فيهم البركة ويحفضهم من كل شر اولادك واولاد المسلمين

تسلم يدك
الله يطرح فيهم البركة