السلام عليكم ورحمة الله وبركاته
اخواتي الحبيبات حبيت انقلكم تجربتي وطريقة تدخيني لملابسي ولنفسي ،،، والي احس انها (على قولة الناس) وآآآآيد مميزه وفواحه وثابته فياليت احوز على رضاكم وتستفيدو منها لأنها صدددق فواحه،،
اولا الجسم:
• نتسبح بشور جيل معطر وقبل لا نطلع نصب على راسنا من فوق(غرشة ماي انكون حاطين فيها ماي بارد+شوية ماي ورد+نقطة مخمريه او دهن عربي) ونتم انصبها ع راسنا شووووووووي شووووي
• نحط ع جسمنا كريم معطر والافضل انكون خالطينه مع دهن عود او عطر عربي ومخمرينه اسبوع.
• نجيب بخاخ نكون خالطين فيه ماء ورد مع زيت بيبي جونسن مع شوي عطر عربي – )او بدل العطر العربي شوي دهن عود وانكون مخلينه كذا يوم في الثلاجه) ونبخ على الجسم
• نروح فوق المبخره ونحن فوق المبخره نلبس العبايه من فوق الراس يعني بس نطلع الوجه
• ونحن فوق المبخره نضع دهن عود على:
خلف الاذن القلب بجنب الابط
ثنية الركبه ثنية الذراع الايد
• ثم نبخ شوية عطر فرنسي (او عربي)
• ونضع بودره على الجسم لتبيت الرائحة ونحاول نلبس الملابس ونحن بعدنا فوق المبخر
ثانيا االشعر
• نخلط شوية مخمريه ودهن عربي زيتي مع السيروم مال الشعر او الكريم ونفرك شعرنا ونمشطه او نسشوره
• نبخ العطر بالمشط ونحط شوية عطر بأطراف الشعر عشان مع كل حركه من شعرج اتفوح الريحه!!!
ثالثا الملابس
• نبخ العبايه والملابس بالماء قبل تبخير
• ثم نرش نعطرها بالعطور العربيه الدهنيه او الزيتيه
• ونرتبهن فوق المدخن
• ونجيب البخور الي نستخدمه (اولشي نحط من النوع المتوسط الجوده) ونبخ من العطور الفرنسيه او البخاخ الي تحبونه انا استخدم فرنسي عشان المزج يطلع رائحه رائئئئئئئعه، ونخليه شوي
• عقبها نجيب البخور الممتاز او العود ونحطه في المبخره
• وبعد التبخير نجيب أكياس نايلون وننربع الملابس الي ما تتكسف(مثل البلايز القطنيه والشبك الجينز الملابس الداخليه وندخلهن داخل الاكياس النايلون كيس ورا كيس)ثم ندخلهم الفريزر ... ويكون هالشي قبل الطلعه ب5 ساعات ..
• اما الملابس الي تتكسف فنحطهن بصندوق يكون معطر عشان الريحه تلصق(او فالسده بس تكون مغلفه بنايلون معطر شوي ،، وهذا هو سر ثبات الريحه)
وصدقوني الريحه بتكون فايحه عند ريلج وفي البيت والله اني يوم استخدمها بس اطلع من الغرفه الي في الصاله ايشمون الريحه ،، واتمنى اتكونو أستفدتو من تجربتي ولو بشئ بسيط لأني بذلت جهد جهيد عشان ألخصها وأرتبها لكم اخواتي وعسانا نتعطر من مسك الجنه اللهم آآآمين لذلك أأذكركم بأثم من تتعطر وتخرج لمكان قد تتعرض فيه لغير محارمها ،، واللهم أني بريئه ... ولو اني واثقه فيكم انكم ماشالله ولا قوة الابالله بنات صالحات ..
والسلام عليكم ورحمة الله وبركاته ياأحلى بنات في العالم>>
م ن ق و ل
جميع الأوقات بتوقيت شبكه افراح 
طريقة تدخيني لملابسي وجسمي لرائحه فوووووووواحه 
العرض العادي
