على كثر القصيد اللي كتبته مـا شفـع لـي بيـت
ولا حسيت باحساس الخفوق اللـي فحبـك مـات
ومــا اعـزيـك فــي مـوتـه ولـكـن اطلـبـك يـالـيـت
اذا باجيلي ابدرجك قصيـد اشطـب علـى الابيـات
كتبت اعذب شعوري لك قصايد وانت مـا حسيـت
بصرخـة حـب فـي ابياتـي ولا حسـيـت بـالاهـات
ومـن شعـري تعلمـت المحبـه ولـلاسـف حبـيـت
سواي وغلطتي ما كنت اعـرف انـك تحـب الـذات
انـا ظنيـت بــك خـيـر بحـسـن نـيـه نـعـم ظنـيـت
تحـس بكـل مافينـي مـن ابيـاتـي مــن النـظـرات
من اللهفه اللـي كانـت فـي عيونـي تامـر ولبيـت
عطيتك كل شي غالـي ولا عمـري طلبتـك هـات
وهاك من الاخير وشـوف فينـي شالـذي سويـت
انا لامـن بغيـت اوصـف شعـوري حـارت الكلمـات
تماديـت ابعـذابـي لـيـش لـيـش ابـربـك اتمـاديـت
وكـل بيـت اكتبـه تهـديـه مــره لــي ولــه مــرات
خـلاص ايقنـت فالاخـر بـإنـي فــوق مــا ضحـيـت
من ايامي معاك اجني من احساس الندم طعنات
وصية قلب يا عمري غدى من طـول صبـره ميـت
اذا مـرك قصـيـدي فـيـوم لا تــذرف لــه الدمـعـات
لانـك مـا تحـس بشـي ولا عمـرك وعــد اوفـيـت
واذا اللي تعشقـه هالحيـن متأمـل وفـى هيهـات
دخيلـك بنشـدك كــم شـاعـرٍ قبـلـي انــا خلـيـت
وكم بعدي عرفت وكم لي مثلي انكوى بصدمات
حبيبـي لا حبيـب الخافـق اللـي صـار لجلـك بيـت
نسيت اطلبك لا تندم على شـي انتهـى او فـات
ولا تتـذكـر المـاضـي لــو انـــي بالـخـطـا مـريــت
فبالـك او صدفـت اسمـي فيـوم بوسـط لمجـلات
انــا اتمنيـتـك القلـبـي وانـــت القـلـبـك اتمـنـيـت
حبيـبٍٍ غـيـر مــن حـبـك وبـيـن اقلوبـنـا خـطـوات
ومـع هـذا انـا مسـامـح وسامحـنـي اذا اخطـيـت
واذا بسـكـات حبيـتـك ابـرحـل دنـيـتـك بـسـكـات
مـدامعنا على خد الثرا واوراقنا تنساب
