رواية ...(*** قبل لاتنساني حبيبي اسمع اخر كلماتي ***)... في قمة الروعة

بالتوفيق إنشاء الله

من جهتي بقراها اربعاء و خميس لاني مرتبطه بالدوام والتحضير صعبه شوي ووعد راح اقراها


تقبلي عذري


وعلى فكره انا مجنونة روايات وبسرعه اندمج فيها واتوتر من احداثها

مملكتي اوكي بس ان شاء الله تعجبك


MNANM

ياهلا فيك متابعه جديده
انتظر انطباعك عن الروايه بعد ماتقرينها

الحمدلله ف احد مجنون زي انا والمملكه ^_^

&&الحلقه الثالثه عشر&&


دخلت سماح علي حنان
سماح:مانمتي
حنان وهي غرقانه في التفكير:لا
سماح:فيك شئ
حنان:تصدقين ان عبد الله خطبني
سماح وهي تجلس جنبها ع السرير:صدق
حنان وهي ضامه رجولها لصدرها :والله
سماح:طب ليه الدموع
حنان:اتخيل نفسي مع شخص كانت هنادي تمدحه لي ليل نهار قبل اذا جت عندنا نسهر وتكلمني عنه كيف يغازلها ويجب لها هدايا كنت اغار منها وقول يالتني زوجة عبد الله كنت اتمنى اتزوج شخص مثله
سماح:والحين هذا الي بيصير ولا بتاخذين عبدالله نفسه
حنان وهي تصيح:وهنا المشكله انا احب هنادي واعتبر زواجي من عبد الله خيانه لها وبصراحه قبل ماتموت هنادي كانت تحاول تجمع بيني وبينه بس من كلامها كرهته ما اتخيله ابد زوجي
سماح:لا حول ولا قوه الا بالله قومي تراه اذن صلي ونامي وفكر زين وانسي انه زوج هنادي وانسى كل شئ ع الاقل فكري في شروق تراه تعتبرك امها
تنهدت وطلعت تاركه حنان في عذاب كان كلام ابوها وسماح متقارب الافكار بتفجر راسها قامت صلت ونامت من التعب
حتى احمد ماقدرت تشيله من راسها رغم انها عرافه انه متزوج بس تحمل له بعض المشاعر


في الطياره:
عادل:هههه وينك عني من زمان
ديما:هههه تدري ان كل البنات متوقعين اني بخاف منك او استحي و لا اتكلم معك
عادل:زين تكلمتي اذكر واحد من الربع تزوج وما عرف شخصية زوجته الا بعد ثلاث شهور من زواجهم اذكره يجي لدوام مرتفع ضغطه لانه بالعذاب ترد عليه وطول الوقت منزله راسها وبينها وبينه متر وماتنام الا في طرف السرير
ديما هنا سكتت كل شئ فكرت فيه الا السرير
عادل:فيك شئ ليش ماتعلقين علي كلامي او تضحكين
ديما:لا ولا شئ بس احس بصداع شكلي بنام
عادل:تعالي
ديما طالعت عادل وهو ماد يدينه

ديما...في البدايه قدام عنود ..وفي الزواج..والحين الناس هنا هذا بيفضحني

ديما:لا ما ابغى اتعبك
عادل:صدقيني انا ما راح ارتاح الا وراسك علي صدري
ديما:بس..
عادل:ترضين ازعل
ديما:لا
عادل:اجل تعالي بعدين احنا في الدرجه الاولي والناس قليل هنا
ديما قرب منه بشويش واول شئ حطت يدها علي صدره بعدين دفنت راسها وهي ماتنكر انها حست براحه معه
عادل وهو يلف يدينه عليها:قولي لي وش حالت العطشان والكاس مكسور
ديما:وش حالت الجسد بدون روح
عادل وهو يشد عليها:وش حالتي انا بدونك..



الصبح طلعت عنود واول ما طااحت عينها عليه غرفة عادل صدق ترك فراغ كبير في البيت
مرة هيفاء:صباح الخير
عنود:هلا عمتي صباح النور وش هالشناط
هيفاء:برجع اليوم
عنود:لا صدق بزهق الحين
هيفاء:امشي الحين خل نفطر ونسولف

ع طاولت الاكل
عنود:لا تروحين توك جايه وترجعين
هيفاء بغت تغلط وتقول بشوف امي بس زين تذكرت:عندي شغل
عنود:ماقلت لك يوم يركب الازرق معنا
هيفاء:ايه صح والله انقهرت ياليتني جايه مبكره عشان اركب معه
عنود:عرفت اسمه
هيفاء:احلفي يلا قولي لا تعذبين اكيد اسمه فارس او مؤيد او متعب
عنود:او فيصل
هيفاء:اسمه فيصــــــل
عنود:ايه ليش مستغربه
هيفاء وهي تمثل انه يغمى عليها:بموت انا الحين
عنود:هههه لا تذبحين عمرك على واحد مادري بك
هيفاء:قهر ياليته يدري فيني والله اتعذب
عنود:ولا ماتدرين ايش يشتغل
هيفاء:لا تقولين طيار
عنود:لالا
هيفاء:لا تغذبيني
عنود:ههههههه احب اعذبك
هيفاء:تكلمي
عنود:محامي
هيفاء:انا افداء المحامين كلهم
عنود:صدق رحتي فيها
هيفاء:والله جد حبيته
عنود:حب من اول نظره
هيفاء:تقدرين تقولين بس يا خوفي يكون حب من طرف واحد
عنود:يمكن احسن لك انسيه
هيفاء:ما اقدر
عنود:صدق عشان ماتنصدمين بعدين بأشياء ما تتوقعينه ولا بتسوين من بعض البنات المجانين الي من يسمعون ان حبيبهم تزوج ينتحرون
هيفاء:صادقه انا ليش اعذب عمري مع واحد مادرى بي بــــــس يعجبني يارب تجمعنا
عنود:ههههه امين


في بيت ابو معتز:
حنان:يبه بطلب منك طلب
ابو معتز:امري
حنان:ابغى اروح لمكه
ام معتز:ايه من زمان مارحنا
حنان:الله يخليك ابغى افكر بموضوع عبد الله وانا في مكان احس فيه براحه نفسيه ومافي احسن من مكه اطهر بقعه بقلوبنا
ابو معتز:في حمله بتمشي بكره بيروح فيها ابو زياد بخليه يشوف كان في مكان نروح
حنان وهي تحب علي راس ابوها:الله لا يحرمني منك
ام معتز:وانا
حنان وهي تحبها:وانتي بعد



في بيت سعد
قامت عليا وشافت البريد حقها مليان رسايل من زوجها
علي فكره عليا طلعت تلفون بأسمها بدون مايدري سعد وصارت تكلمه في المسنجر وهو مهتم فيها اهتمام مو طبيعي ويسمعها كلام عمرها ماسمعته
عليا:وينك ياحنان تشوفين الخطه بدت تطلع مفعولها


في المستشفي
دخلت خوله وشافت ناصر واقف عند باب مكتبها كان متكشخ وكأن اليوم عيد عنده كان لابس ثوب اسود وغتره بيضاء ورامي طرف الغتره علي كتفه كان يطالعا وعيونه تلمع وخوله مايذبحها الا نظرات عيونه
خوله بعد ماقربت عند الباب:ممكن تبعد
ناصر وهو يحط يدنه علي الباب:مافي صباح الخير اشتقت لك
خوله:ناصـــــــر
ضحك ناصر:ههههه اشتقت لعصبيتك
خوله:ياربي رجعنا لطير يلي
ناصر بجديه:خوله ابغى اكلمك بموضوع
خوله:بعدين عندي شغل
ناصر:بس هو مهم
خوله:تقدر تأجله
ودخلت للمكتب وسكرت الباب
وناصر ضرب الباب بعصبيه وراح
خوله لفت يوم سمعت صوت الضربه وجلست تفكر ايش الموضوع الجدي الي يبغى يكلمها فيه بس ابتسمت وهي تتذكر تعابير وجهه صدق هي اشتاقت له


في المدرسه
كان ريان جالس على الاكسل يراجع درجات الطلاب ويثاوب
سلطان:وش فيك ما نمت
ريان وهو يفرك عيونه:لا والله مانمت سهرني ولد اخوي وراح نام وانا الي كليتها
سلطان:ههههه مين سليمان
ريان:ايه هو
سلطان:والله المدرسه بيفقدونه لانه تخرج
ريان:انت شفت درجاته
سلطان:ايه نسيت اني رائد فصلهم
ريان:بشر
سلطان:مبروك نجح ونسبته 89%
ريان:حلـــــــو وايمن
سلطان:مين ايمن
ريان:طالب في علمي اسمه ايمن فهد ال..
سلطان وهو يدور نتيجته في الكمبيوتر :ايش اسم ابوه
ريان:فهد ال..
سلطان:هذا هو ...




في بيت ابو عبد الله
عنود:والله واحنا نروح فيها
ابو عبد الله:هو تحداني
عنود:بس ليش اخترت حرف العين كبدايه والهاء نهايه
ابو عبد الله:هههه هذي قصه قديمه كنت احب وحده اسمها هيفاء وكانت تقول انها تموووت في حرف العين بس ربي ماكتب لنا نصيب وتزوجت امك
هيفاء:عشان كذا حطيت كل اولادك يبدون بحرف العين
عنود:بس ماختمت بالهاء
ابو عبد الله وهو يطالع هيفاء:وش اسوي ماكتب لي ربي مولود سادس ...تبون شئ بروح لسوق
عنود:يبا ماتمل من السوق
ابو عبد الله:لا والله الا وناستي كلها هناك
هيفاء:والله عادل له فقده
عنود:صادقه بس ان رجع بيزيد من افراد البيت
ابو عبد الله:وان شاء الله بعد عبد الله يزيدنا
هيفاء:بيتزوج!
ابو عبد الله:ادعوا ان البنت توافق
عنود:من خطبتوا له حنان
هيفاء:حنان!
عنود:ايه مره عبير كلمتني عنها
ابو عبد الله:ايه امس عبد الله طلبها من ابوها
عنود:يارب توافق
هيفاء:شروق
لفت عنود وشافت شروق جايه صوبهم وهي تفرك عيونها
عنود:صباح الخير
راحت شروق وجلست في حضن جدها وحطت راسها علي صدره
هيفاء:عيب كبرتي قومي عنه
شروق:مابي
ابو عبد الله:ههه خلوها
شروق:يبا
ابو عبد الله:نعم
شروق:امس اقول لبابا ابغى اروح عند ماما حنان عيا
عنود:تبغين اكلمها تجي
شروق:ايه
هيفاء:معتقد تجي امس مكلمينها في موضوع عبد الله وتبينها تجي بترفض
عنود:ادري بس بسكت بعض الناس
شروق:تراني افهم
هيفاء:تعالي تبغين تكلمين ماما حنان
شروق :ايه
دقت هيفاء علي حنان
حنان:الو
هيفاء:اهلين حنان كيفك
حنان:بخير انتي وش اخبارك
هيفاء:تمام
حنان:يلا عاد الغداء اليوم عندنا
هيفاء:والله ما اقدر لاني بمشي للطايف بعد ساعه
حنان:خيرها في غيرها تروحين وتوصلين بالسلامه
هيفاء:ليش صوتك مو واضح
حنان:انا في السياره وفاتحه الدريشه
هيفاء:رايحه الدوام
حنان:ايه
هيفاء:ياربي خلاص ..خلاص..اتركيني
حنان:ههه وش فيك
هيفاء:شروق لعوزتني تبغى تكلمك
حنان:عطينياها
شروق:ماما
حنان:اهلين حبيتي كيفك
شروق:بخير ليش ماتجين عندنا
حنان:حبيبتي انا عندي شغل الحين
شروق بعصبيه:انتي دايم عندك شغل كل الصغار ماما وبابا حقينهم يعيشون معهم في البيت الا انا ليش
(ورمت السماعه علي الارض وهي تصيح)
هيفاء:الو
حنان:وش فيها
هيفاء:دلع اطفااااال خليك منهامعليش طولت عليك
حنان:لا عادي
هيفاء:يل باي
حنان:باي
سكرت حنان من هيفاء وقلبها مكسور علي شروق


ريان:لقيته
سلطان:مشاء الله نسبته 95%
ريان:مشاء الله
سلطان:والله تعبت
ريان:اجل انا وش اقول مانمت من امس واحس راسي ناااااار
سلطان:تدري رح ارتاح وانا امسك شغلك
ريان وهو يقوم:مشكور يا سلطان وبرد لك جميلك في يوم من الايام

بعد مرور ثلاث ايام في مكه

هيفاء:لؤي تعال
جاء لؤي وهو يدف امه في العربيه:هذي امي
هيفاء:ها يما تعبتي نرجع لشقه
ام لؤي:لا
لؤي:يما زحمه الحين نرجع في الليل
هيفاء:الله يهديك بعقل امي بتنزل معنا في الليل بتكون نايمه
ام لؤي:لؤي قربني من الكعبه
لؤي:بحاول
هيفاء:تبغين يما مويه عاديه ولا زمزم
ام لؤي :زمزم
(علي فكره لؤي مب ولد ابو عبد الله لؤي اخو هيفاء من امها ولؤي ولدها من زوجها الاول وهيفاء من زوجها الثاني )
راحت هيفاء عند مويه زمزم وكان في ناس كثير
هيفاء:لو سمحتي ممكن شوي
حنان:اسفه ساده عليك الطريق
هيفاء شكت في صوتها وخافت تنفضح
دق جوال حنان وردت وهي تقول هلا ريان وينكم فيه
خافت هيفاء واخذت مويه لامه وبعدت عنهم بسرعه
هيفاء:سمي
اخذت امها المويه وشربت
لوئ وهو يطالع اخته:تعالي
بعد لؤي الي كان عمره 29سنه ويشتغل دكتور اسنان في مسنشفى الطايف علي جنب وهو ماسك اخته
هيفاء:وش فيك
لؤي:خايف علي امي سنين وحالتها تتدهور اكثر من قبل
تنهدت هيفاء:الله يشفيها
لؤي:امين
هيفاء:وش رايك نرجعها لشقه
لؤي:ماراح ترضى انا من شوي قلت لها


في بيت معتز الصاله الفوقيه
معتز وماجده واقفين عند الدريشه
ماجده:مسكين ياليتنا علمناه انه ناجح
معتز:انا قلت لريان مايقول له
ماجده:الولد من امس مو علي بعضه ورايح للمدرسه يرتجف قبل شوي
معتز:ههه والله ولدنا كبر وبدخل الجامعه
ماجده:صادق شيب فينا
معتز وهو يطالع ماجده نظرات شيطانيه:وش رايك نلعب
ماجده:والله انك رايق
معتز:والله تتذكرين لعبتنا القديمه
ماجده:أي لعبه!
معتز وهو يقرب منها ويلمس خدودها:لعبتنا الي ماتصير الا هناك(واشر علي غرفة النوم)
ابتسمت ماجده:مب وقته
معتز:اجل متى
هنا سمعو صوت سليمان تحت وهو يقول:انا جيـــــــت
(كان متعمد يقول كذا لانه من دخل للبيت رفع راسه وشاف امه وابوه عند الدريشه وخاف يحرجهم)
ماجده:تعال
معتز:اوووووف هذا وقته
ماجده:هههه تراني مب طايره
سلمان وهو يرقص ويغني:الي بسمع كلمت اهله شو بنألو شاطر شاطر والي يذاكر مع اصحابه شو بنألو ناجح ناجح
معتز:مبروك ياولدي
حب علي راس ابوه:الله يبارك فيك
ماجده وهي تضم ولدها:مبرووووك
سليمان:الله يبارك فيكم والله مب مصدق افتكيت من المدرسه
معتز:بس وراك الجامعه
سليمان:لا الجامعه احسن بكثير وهناك المواد تقل
ماجده:فكرت ايش بتدخل
سليمان وهو يمد يدينه:بصير ممثل كوميديا او دراما ساخره
معتز:وش تقول انت
سليمان:ههههه تخيلوني اطلع في التلفزيون
ماجده:لا ياولدي نبغى شهاده زينه
معتز:خليه لا تحطمين طموحه
ماجده:لا تبغاه يمثل مع ممثلين في التلفزيون ويصير معهم بنات
سليمان:هههه لا تخافين ماراح امثل
معتز:اجل وش سالفت التلفزيون
سليمان بجد:انا قررت ادرس اعلام ابغى اصير مقدم برنامج او مذيع تخيلوني في برنامج خاص فيني وبأسمي ((سليمان شــو))
ماجده:لا يكبر راسك ادرس وانجح ونشوف
سليمان:يعني موافقين ادرس اعلام
امه وابوه:اكيد
سليمان وهو طاير من الفرحه:انتم احلا ام وابو متفاهمين في العالم


بعد ماسكرت حنان من ريان راحت للمكان الي قال ريان انه بيقابله فيها بس شافت بنت صغيره تصيح ماتدري ليه حنت عليها
حنان وهي تمسح علي راسه:وش فيك
البنت:ابي ماما وبابا
حنان:وينهم
البنت وهي تصيح:ما ادري
حنان وهي تلتفت يمين ويسار:ياربي وشلون بلقى اهلها
لاحظت ان في رقم جوال مكتوب علي يد البنت
حنان:من كتب عليك هذا
البنت وهي تمسح دموعها:بابا
دقت حنان علي نفس الرقم ورد صوت ماتدري لي هزها ورجع لها حنيت الماضي..
الرجال:الو....الو...



في لندن
كان عادل واقف مع ديما عند اشهر ساعه في العالم كانوا يتمشون في شوارع لندن وهم مررررررره فرحانين
عادل:بردانه
ديما:والله لابسه بلوزتين وكوت واحس ببرد
عادل:يازين برد السعوديه
ديما:صادق بس منظر الثلج هنا مررره رائع
عادل:تخيلي نفسك تأكلين ايس كريم في البرد
ديما:لا والله تبغاني اموت
عادل:هههه تبغين كوتي
ديما:لا عشان تمووت انت من البرد
سكت عادل وناظرها بجد وديما خافت من نظرته
عادل:ديما لنا ثلاث ايام متزوجين وانا من وصلنا هنا وانا محترم قرارك
..تذكرت ديما يوم كان عادل بيلمسها قالت له انها تبغى تتعود عليه اكثر وانها ماتبغى تنام معه في نفس المكان وطلبت مهله كم يوم وحصل كانت تنام في الغرفه وهو علي الكنبه الي في الصاله بس اليوم عادل صبره نفذ
عادل:وش قلتي
..ديما خافت يسوي عادل مثل بقيت الشباب الي مايلقون حاجتهم في البيت يدورونها برى والي زاد خوفها انهم في لندن يعني يلقى أي بنت بالراحه
ديما ووجهها احمر:مثل ماتبي
عادل :تراني مابغى اغصبك علي شئ ماتبغينه
ديما وهي ترتجف بعد:لا عادي
عادل:اكيد
ديما هزت راسه
عادل:نرجع لشقه
ديما بخوف:لا مو الحين
عادل:اجل متى
ديما وهي تحاول تهدي نفسها :خلنا نتمشى الحين وفي الليل نرجع
عادل:بس بشرط
ديما:امر
عادل:بنرجع مبكرين
ديما وهي تشوف الشمس علي وشك الغروب:مثل ما تبي
انتفضت ديما وهالمره مو برد خووووووف
عادل يبتسم:اذا بردانه تعالي ادفيك بحضاني
ديما بتوسل:عادل الله يخليك خف علي
عادل:ههههه احبك والله



&&الحلقه الربعه عشر&&



الو؟؟؟الو....
حنان:لو سمحت اخوي انت كاتب علي يد اختك او بنتك رقم
الرجال:أي ابنتي هي معك
حنان:ايه
الرجال:جزاك الله الف خير انتي وين
حنان وهي ترفع راسه عشان تشوف اللوحه:عند البوابه رقم سبعه
الرجال:مشكوره اختي بخلي امها تجيك الحين
حنان:انتظرها
سكرت حنان السماعه منه وهي تحاول تنفض الفكار الي طرت عليها وتحاول ما تتأمل وج البنت لانها كل ماشفتها تحس بشئ فيها مألوف
البنت:بابا متى يجي
حنان:الحين بيجون لا تخافين انتي ايش اسمك يا حلوه
البنت:ريم
حنان:خلاص يا ريوم ثواني ويجون ماما وبابا
بعد دقايق جت ام البنت واخذت بنتها وهي تشكر حنان لانها لقتها


ريان:ليش تأخرتي
حنان:كان في بنت ضايعه وعلي يدها رقم تلفون دقيت علي اهلها وجو خذوها وانا جيتكم
ام معتز:جزاك الله الف خير يا بنتي ويعطيك علي قد نيتك
حنان:امين
ريان:يلا ترانا بنرجع اليوم
حنان بخوف الان ابوها ينتظرها ترجع بخصوص موضوع عبد الله:ليش
ريان:انا بتبدا تدريباتي في الفروسيه بكره وما ابغى اتأخر


في بيت ابو عبد الله
عبد الله:يلا شروق
عنود:اوووف الحين صدق بزهق
عبد الله:تعالي معنا
عنود:لا مافيني شدة ملاهي وصراخ
شروق وهي واقفه عند الباب:يلا بابا
عبد الله وهو يقوم:تبغين شئ
عنود:ايه الله يخليك ابغى اوراق لطابعه الكمبيوتر والفاكس
عبد الله:أي شئ ثاني
عنود:لا سلامتك
طلع عبد الله وعنود تحس بملل
عنود:اوووف لو اصرخ بطلع صدى في البيت...مون..مون..
مون الشغاله:نعم ماما
عنود:لا تقولين ماما انا توني شابه روحي صلحي عصير بارد وجيبيه لي فوق
مون:تيكيه ...يعني طيب بالهندي
عنود وهي واقفه في نص الدرج:سنين محد خطبني معقوله فيني شئ او عيب ما اشوفه اوووف متى اتزوج الله يوفقك يا ديما يارب مثل مازوجت ديما زوجني
مون:ماما انتي مجنون
عنود وهي مطيره عيونها:وش تقولين
مون:بابا يقول أي واحد يكلم نفسه مجنون
عنود:أي والله بنجن اقول مون قولي امين
مون وهي تهز راسها:امين
عنود:يارب اتزوج
مون وهي تبتسم:ماما انتي يبغى شادي كروقي
عنود:يايتنا مثلكم يالهنود البنات يخطبون الرجال كان خطبت من زمااااان
مون:ليه انتي يحب احد ماما
عنود وهي تاخذ كاس العصير:اشوفك طولتيها معي يلا روحي المطبخ
مون:خلاص خلاص مافي عصب
وراحت..
عنود:مسكينه حطيت حرتي فيها وهي ماسوت لي شئ


في بيت ابو معتز:
سماح:سليماااااااااااااااااااااان
سليمان:ههههههه هههههههههههه ههههههههه
ماجده:حرام عليك
سليمان:هههههه والله بطني عورني ههههههه
سماح:الشرهه مب عليك علي انا الي طلعت لك الصور
سليمان:هههههه والله اشكالكم تضحك
سماح:المشكله ان صورك الي عندي كلها حلوه لو عندي لك شئ شين
معتز:تغارين من ولدي عشانه احلامنكم
سماح:اصلاً من وين وارث كل هالجمال مني انا وحنان
سليمان:اشك انكم طبيعين اكيد مسوين عمليات تجميل
ماجده:خلاص يا سليمان
سليمان:هههه يمه صدق شوفي بالله هذي اشكال
سماح :معتز سكت ولدك
معتز وسليمان ضحكوا باقوى ما عندهم عشان يستفزونها :ههههههههههههه هههههههههههههه ههههههههههههههههههههههههههههههههههههههههه

تحـــــــــــــــدوه البشر كلهم
وصارو ضده بالهواء والله صارو
ولا همو حبيبي
حبيبي ومهما صارو الناس ضـــــــــــده
تحداهـــــــم وحط يدي بيده ولا همو حبيبي
ابيك وما ابيهم
ابيك وما ابيهم
ابيك وما ابيهم ولا غيــــــــــــرك سكن
قلبي وعيني

دخل بكل خفه وهدوء وهو يخفي باقت الورد ورى ظهره قرب منها وكانت نايمه من التعب بس صحاها احمد ببتسامه عذبه وبوسه تبرد الجرح مهما كان
احمد:دانه ,,,,دانه
دانه وهي تغطي وجهها بيدينها:ابغى انام
احمد:طب لا تنامين في الصاله يا عمري الكنبه بتعبك وانتي حامل قومي
دانه:نامت ريم
احمد:من زمان
دانه وهي تجلس وتعدل شعرها الي كان منسدل علي وجهها المدور :تعبنا اليوم واحنا ندور عليها
احمد:جزاها الله الف خير الي لقتها
دانه:أي والله
احمد:خذي
دانه وهي تأخذ الورد:مانسيت
احمد:وشلون انسى اني في هاليوم تزوجت احلا البنات وعشت معها اسعد اللحظات
دانه:بس سعادتنا ناقصه بدون اهلك
قام احمد بعصبيه وكن نار كوته:لا تجيبين طاريهم
دانه:بس مهما كان هم اهلك
احمد بنفاذ صبر:واهلي ماكنو يبغونك زوجه لولدهم
دانه وهي تحاول تضمه:طب خلاص لا تزعل
احمد وهو يبعد عنها:ماتبغيني ازعل لا تجيبين طاريهم
دانه:خلاص بنساهم بس لا تزعل
احمد:وعــــد
دانه :وعد
احمد:لالا مابغى اشوف دموع في عينك
دانه كان وجهها قمه في البرائه وعيونها كبار لدرجه ان احمد يلاحظ تعابيرها بسرعه
دانه:ماتبغاني اصيح لا تعصب ما احب اشوفك مهموم وعصبي
احمد:خلاص تعالي
وضم زوجته الي تحدى العالم كلها ووقف ضدهم عشانها
بس كان فكره مع الرقم الي دق عليه مستحيل ينساه هذا رقم من سنين ما شافه بس مانساه وعمره ماراح ينساه هذا رقم حنان ***


انفتح باب الشقه ودقات قلب ديما ما توقف جت اللحظه الحاسمه
عادل:ديما ليش واقفه ادخلي
دخلت ديما وهي ترتجف
عادل:بروح اتروش الحين بس قبل ماروح ابغاك بشئ
ديما بخوف:ايش تبغى
عادل:تعالي
دخلوا غرفة النوم ووقف عادل قدام الدولاب وفتحه
ديما كانت تطالعه بستغراب
عادل:أي قميص نوم تحسينك مستحيل تلبسينه لانك تحسينه جرئ
ديما:عادل مافهمت عليك
عادل:انا بختار قميص النوم الي بتلبسينه بس بعطيك حريت حذف واحد منهم
ديما طالعتهم وتذكرت القميص الاحمر كان فضيحه ويكفي لونه حتى ماكانت هي شاريته البنات اختاروه لها هديه
ديما:القميص الاحمر
عادل:خلاص البسيه
ديما:وشلــــــــــــــــــون البسه ؟؟؟؟
عادل ببرود:ايه
ديما:بس انت قلت انا احذف مو اختار
عادل:وانا ترجعت واخترت
ديما وهي تفكر انها لو ما لبت طلبه بيروح من يدينها ورجعت لها افكارها الي قبل انه بيدور وحده غيرها وانهم في لندن و و و
ديما:خلاص
عادل وهو يناظرها بناظرات اول مره ديما تطالعها وهي مو عارفه تترجمها:بروح وارجع القاك جاهزه
دخل الحمام وديما بعد دخلت للحمام الي في الصاله
بعد ثواني طلع عادل وما لقى ديما
عادل وهو لابس شورت اسود ولابس فوقه روب اسود قصير يوصل نص الساق وتارك الروب مفتوح وصدره طالع:وين راحت كنت حاس انها مب جاهزه اليوم
مشى صوب الباب بس انفتح قبل مايمسكه ودخلت ديما وهي ميته من الحياء
عادل وهو مطير عيونه وكأنه اول مره يشوفها:مشاء الله
ديما نزلت راسها ووقفت في مكانها قرب منها عادل ومسك لحيتها ورفع راسها:متأكده من الي تسوينه ما ابغى اغصبك على شئ
ديما هزت راسها وعادل ابتسم
عادل:طب طالعيني
ديما رفعت عيونها علي شوي شوي كانت تشوف رجلينه بعدين صدره وحست برعشه لانها اول مره تشوف صدر مكشوف قدامها ومو أي صدر عادي كان جسمه رياضي وله شوي عضلات شافت عيونه الي تطالعها بحنيه بعدين غمضت عيونها
عادل:وش فيك
ديما:ماتعود اشوف أي شخص شبه عاري
عادل:ههههه معليش بتتعودين
قرب منها وحست ديما انه شوي ويكون لاصق فيها مسك شعرها وشال الاعواد الي كانت حاطتها في شعرها مثل اليابانين
عادل:احب شعرك لا تحرميني من شوفته كل يوم فليه
ديما وهي منزله راسها وبصوت يكووووود ينسمع:ان شاء الله
عادل وهو يمسكها:يلا تعالي
ديما وهي تطالع السرير وتحاول تأجل الموضوع شوي:صليت
عادل:لا زين ذكرتين
وفعلاً صلا عادل ورجع وكمل الي وقف عنده وكان يمشي مع ديما بالتدريج كان يتكلم معها عادي بعدين بالغزل مع كم حركه الي ان استسلمت ديما له


بعد مرور شهر اشتهر ريان في عالم الفروسيه وعلا اسم مهراء بين اغاب الخيول وعلاقته مع عنود قوت وصارت ترد عليه بس بعض الاحيان وبما ان المدارس قربت في مفاجاءه تنتظر سماح وهيفاء تحس بخوف لان لؤي نقلو شغله وصار يشتغل مع عادل وعبد الله في نفس المستشفى وعادل وديما رجعوا من السفر عشان سبب واحد
تعرفون ايش
السبب كنت انا نفسي
مو متوقعه
اني راح اضيفه في الروايه
السبب
هو
ان بعد اسبوع
تخيلو
اسبــــــــــــوع واحد
زواج
عبد الله وحنان


في بيت ابو معتز
غرفة حنان
ابو معتز:يعني مصره
حنان:ايه
ابو معتز:طب انزلي سلمي عليه وروحي
حنان:ما ابغى خلاص مو بعد اسبوع بصير زوجته ليش جاي يشوفني
ابو معتز:طبيعي يا بنتي تتعرفين عليه وتتعودين علي شوفته انتي حتى اتصالاته ماتردين عليها
حنان وهي ما تطالع ابوها:اوووووف
ابو معتز:يلا يا بنتي اول واخر مره تطلعين له
قامت حنان بعصبيه ولفت طرحه عليها:خلاص بشوفه
ابو معتز:بتنزلين كذا ع الاقل شيلي الطرحه
حنان:يا انزل كذا يا مافي
ابو معتز:الله يعين عبد الله على عنادك

نزلت حنان وهي تشوف عبد الله جالس مع امها من شافتها امها جت بسرعه ووقفتها في نص الدرج وعبد الله يطالعها تبغون تعرفون شئ عبد الله من بداية القصه ومن كلام هنادي الله يرحمها حب حنان بس جزء منه يكابر ويخلق بينهم حاجز كبير وبعد وفات هنادي زاد عناده ومع السنين بداء يزول هذا الحاجز تقدرون تقولون( حبها )بس للاسف حنان مو مع الحب قلبها تحطم لانه مال لانسان غدر فيه وباعه
نزل ابو معتز عند عبد الله الي وقف يطالعها كنها ملاك نازله من السماء بالرغم من انها نازله بجلابيه ولافه طرحه وما حطت مكياج
ام معتز بهمس:انتي وش تسوين
حنان:نازله اسلم على سموه
ام معتز:ليش تتكلمين كذا كنك مغصوبه
حنان:لا يمه بس ما ابغى اشوفه الزواج بعد اسبوع يصبر اوووف
ام معتز:روحي حطي مكياج وغيري لبسك وانزلي
حنان:لا يا يشوفني كذا او لا بعدين هو واقف يطالعني الحين يعني بيكون شكلي غبي وانا ارجع للغرفه
ام معتز:يلا انزلي
نزلت حنان بكل استقامه ووثوق كانت رافعه راسها وهذا الي يعجب عبد الله فيها كانت واثقه وخطواتها مدروسه
حنان:السلام عليكم
عبد الله وهو يطالعها بأعجاب:وعليكم السلام
حنان:تفضل ليش واقف
جلس عبد الله
حنان:تشرب شئ
عبد الله:لا انا بس مريت اسلم عليك وامشئ
ابو معتز سوى حركه عرفت ام معتز انه يبغى يطلع وهي معه فطلعوا وخلوهم لحالهم
عبد الله:ممكن تجلسين
جلست حنان بعيد عنه وهي تعدل طرحتها
عبد الله:اخبارك واخبار الدوام معك
حنان:بخير
عبد الله:سمعت انك بتتركين الشغل
حنان:ايه انا ابغى اكون مسئوله عن شروق من كل النواحي
عبد الله:وانا
حنان:اوووووف
عبد الله:حنان احس انك مو راضيه علي الزواج مني
حنان وهي توقف:تقدر تقول كذا بصراحه انا وافقت مو علي شانك علي شان شروق الي تحسبني امها
وطلعت فوق وعبد الله طلع وركب سيارته بعد مالبس نظارته الشمسيه
مشاء بتجاه المستشفى وهو متوقع رد حنان هو عارف انها بتصده بس ما عصب او حس بضيق لانه حاس انه بيسيطر عليها خصوصاً وهو يتذكر كلام هنادي قبل مايسافرون للبحرين وهي تقول له انها عنيده وانها بتعذبه اول زواجهم لانه كرهته من كلامها معها بس فرح وهو يتذكرها وهي تقول انها تدعي الله ان ربي يرزقها بزوج بنفس مواصفاته

في بيت ام علي
بدريه:تصدقين ان حياتك تغيرت ميه وثمانين درجه
سماح:ولا انا جايه عندك بقولك شئ يثبت تغيري
بدريه:قولي اطربيني
سماح:بشتغل في جامعة الملك سعود
بدريه:ايش تشتغلين
سماح:موظفه في شؤون الطلابات
بدريه وهي تقوم تحبها علي خدها:مبروووووووك
سماح:الله يبارك فيك
بدريه:ان شاء الله تكون هذي السنه بدايه خير علينا
سماح:ان شاء الله يلا قومي معي
بدريه:وين
سماح:ماتملين من القعده في البيت قبل معك ديما الحين انتي بروحك امشي ماجده عندنا ولا امك من العصر هناك
بدريه:ادري بس مالي خلق ولو جاء الحين علاوي يبغى شئ من بيكون عنده
سماح:قالت علاوي قالت تراه رجال ويعرف يخدم عمره يلا قومي ولو سمعك ياويلك
بدريه:ههههه صادقه اذكره يطحن ديما طحن اذا قالت له علاوي وهنادي مايلمسها لو قالت له شئ
سماح وهي تتنهد:اييييه الله يرحمها
بدريه:امين
كانت بدريه بتسألها سؤال بس حست ان الوقت مو مناسب كانت تشوف الحياة تنور في وج سماح ونفسها تزيد هذا النور بس تراجعت واجلت الموضوع شوي



في مكتب المحاماه
نزل فيصل من سيارته وكان لابس بدله رسميه ونظارات شمسيه ماكان لابسها للحراره لان الفصل الحين شتاء كان لابسها لان الشمس ساطعه في وجهه دخل للمبنى وقف عند المصعد تنهد وهو يشيل نظارته
وقف يكلم نفسه وهو يطالع المصعد :والله ماركب فيك امس موقف في عامل المبني الهندي الضعيف ساعه محد درى عنه لو اني مكانه مت
اخذ نفس طويل ووجه نظره لدرج ومشى صوبه وهو يحس بضيقه
فيصل:ياررررربي يبغالي ساعه امشيها من هنا الي الدور السادس آآآآآآه اللهم طولك ياروح
ولبس النظاره وطلع الدرج



قال:سجلتي في الجامعه
قالت:ايه والحمد لله قبلوني
طلال:مبرررروك يابنتي
رازان:الله يبارك فيك
رازان:وش فيك تسرح كثير
طلال يتنهد:من الي سويته في امك كنت ارسل لها رسايل تكرها فيني كنت اصورك وانتي صغيره واعلمك عبارات تجرحها ورسلها لها في اشرطة فيديو
رازان:ان شاء الله تسامحك
طلال:معتقد تسامحني الي سويته فيها مو شوي كل الي قبل يهون عند مدت يدي عليها
رازان وهي توقف لانه اول مره تسمع هلكلام:انت ضربتها
طلال:ايه كذا مره
رازان:ماكنت متوقعتك كذا انت الاب الحنون الطيب الي ماشفت منه الي يضايقني يضرب
طلال:اجلسي
رازان بعد ماجلست :الحين فقدت الامل انها بترجع لنا
طلال وهو يمسك راسه:والله العظيم تبت والله تبت(ودمعت عيونه)
رازان:لا يبا الا دموعك
طلال: وش اسوي الحين
رازان وهي تفكر:يبا امي وش كانت تحب فيك
طلال وهو يتذكرها ويبتسم:كل شئ كانت تحب ابتسامتي نظراتي حتى عصبيتي كان اسلوبي في الكلام معها يفرحها تصوري انه شبهت كلامي بالموسيقى الي ترقص عليها
رازان وهي تحاول تكتم دموعها علي حال ابوها:اللللللللللللله وبعد
طلال:كانت تفضلني بالثوب السعودي اكثر من البدل
رازان:ليه ماتلبس ثياب قبل
طلال:اللبسها في السعوديه بس من سافرنا وانا اللبس بدل
رازان:احنا الحين لازم نلقى طريقه توصلنا لها بس وشلون


قال:اقول جدي جايب لك اخبار عن ولدعمي فيصل
قال:والله وش اخباره
عدنان:بخير بس قل لي الحين السالفه
الجد ابو مبارك:أي سالفه
عندنان:عااااد مو علي حركاتك يالشيبه اطقها مشوار من البحرين للسعوديه اجيب لك علوم وانت تكافئني بسكوتك يلا عاد انت ماقلت لي مين هذا فيصل وايش قصته وكيف يطلع لي ولد عم ما ادري عنه
تنهد الجد:آآآه وش اقول لك يا وليدي لو انا مو خايف عليك تبقى في الدنيا وحيد كان ماقلت لك عنه
عدنان:تصدق اول مره استفيد من وفاه ابوي وعمي
ابو مبارك:عيب يا ولد وش هالكلام
عدنان:والله راحو وتركو ديون الدنيا فوق راسي وانا اسدد وراهم والحمد لله شفت اوراق العائله الي اثبتت ان لي ولد عم
ابو مبارك:الله يرحم عيالي راحو في غمضت عين ابوك وعمك وزوجته
عدنان:الله يرحمهم الحين هند تدري ان لها اخو كبير
(هند عمرها 12سنه )
ابو مبارك:لا بس لازم تعرف ان لها اخو مختفي من ســــ11ــــــنه ..




سليمان وهو يدخل بيت جده وكلعااااااااااده لازم يسوي جو
كان داخل بكل حماس للصاله وكانت امه وحنان وجده وجدته موجودين وبنت عبد الله شروق
سليمان:ايوه الحلوه عندنا تعالي سلمي
جت شروق وحبته علي خده
سليمان:وش اخبارك
شروق بنفس شينه:زييييييينه
وراحت
سليمان:تعالي وين رحتي ماخلصت معك سوالف
شروق:وش تبي
سليمان وهو يهمس في اذنها:الي الان زعلانه
شروق:ايه ليش ما جبت لي قطوه
سليمان:واذا قلت اني جبتها لك وهي معي بس برى
شروق وهي ميته من الفرح:صدق والله انت احلا واحد في العالم
سليمان:الحين صرت احلا واحد صدق كيدهن عظيم حتى وهم صغار
حنان:وش عندكم تتساسرون
شروق:ماما سليمان جــ...
شالها سليمان وهو ساد فمها:لا ولا شئ اسرار بين حبيبين مالك دخل
ماجده:حرام عليك كتمت نفس البنت
بعد ماوخر سليمان يده تنفست شروق بقوه
سليمان:نطلع نجيبها
شروق:يلا
سليمان:قولي لهم باااااي
شروق:باااااااي
ام معتز:وين ماخذها بعدين لبسها خفيف والجو بارد
سليمان:يما بنروح شهر العسل ولا تخافين بدفيها بحضاني
الكل:هههههههه
نزل ريان من الدرج وتغطت ماجده:مشاء الله ضحكوني معكم
سليمان:عمي تعاااال بسرعه
ريان بحماس:جبتها
هز سليمان راسه وهو يضحك
نزل ريان من الدرج بسرعه وهو يمسكه وطلعوا ومعهم شروق
حنان:الله يستر اجتمعو
ماجده:صادق خل نتجهز لاي مفاجاءه
ابو معتز:حنان خلص فنجالي قومي صبي القهوه
حنان:اسفه ما انتبهت لك
ام معتز:أي اكيد سرحتي في الحبيب
حنان:أي حبيب الله يهديك يما
ماجده:من يعني عبد الله
حنان:ياربي منكم ومن سوالفكم مالقيتوا لكم شئ خلقتوا قصه لى ولعبدالله


عند سيارة سليمان
ريان:طلعها
طلع ريان كرتون فيه قطوتين
ريان:انا قلت لك وحده
سليمان:ادري هذي الصغيره لشروق
ريان:عبد الله يدري انك شاري لبنته قطوه
سليمان:ايه
شروق وهي تطامر في مكانها:عطنيها الحين الحين
سليمان وهو يطلع قطوه بيضاء صغيره ونظيفه في رقبتها معلق جرس صغير:امسكيها زين
شروق وهي تحضنها:الله ريحتها حلوه
ريان:نشوف بعد يومين وش بتصير ماهقيت انك بتنظفينها الله يعين حنان لو تدري ان معها قطوه
سليمان:هههه شف قطوه حنان هنا
ريان:ههههه بنتقم منها قبل زواجها
سليمان:اخاف تكرهنا
ريان:لا خلك منها بس وشلون بنربطها
سيمان:طيب لو سمع احد صراخها
ريان:لا ..لا تخاف انا مخطط لك شئ بس وين شروق هي اساس الخطه
سليمان:لا تصير دخلت عليهم والله تخرب كل شئ بنيناه
ريان:لالا شفها هناك
سليمان:شروق..شـــــــروق تعالي



في المكتب وبين الف والف ملف
فيصل:حشى هالقضايا ما تخلص
حمد:لو الناس قلوبم بيضاء ماشفت هالملفات فوق المكتب الناس الحين مايحترمون بعض حتى الاقارب يتنازعون ويوصلون الامور للمحاكم ويدخلون في قضايا الله لا يوريك
فيصل:صادق في قصايا عجيبه (وسرح في افكاره وهو يقول)تصور ان ابو يطرد ولده وعمره تسع سنوات بسبب
ماكان يقصده
حمد:أي قصيه هذي الي تقراها
حس فيصل انه تكلم في موضوع مسكر من زمااان :لا انا ما اقول شئ مكتوب في الملفات بس تذكرت قصة ولد جيرانا من سنين ابوه طرده والسبب اخوه الكبير
حمد بحماس وهو يعقد حواجبه:بسبب اخوه وشلون
جلس فيصل يقول القصه لحمد وهو يحس بندم لانه من سنين تارك الماضي وراه ملامح اهله نساها وما سمع عنهم أي شئ دفن سره وما توقع انه في هاليوم بيكشفه حتى ريان صديق عمره ماكان يعرف كشف اليوم سره بس بطريقه غير مباشره


دخلت شروق وهي تصيح وعلي طول رمت نفسها في حضن حنان
شروق:ءاااااااااااااااااااااء وءااااااااااااااااء
حنان بخوف:وش فيك
شروق بتشره:ءاااااااااااء اءا ءا ااااااااااااااااءه
حنان:شروق تكلمي في احد ضربك
شروق:ايه عمو ريان وعموسليمان اخذو عروستي الجديده وحطوها فوق الشجره وضربوني ..ءاااااااااااء ءاااااء
ام معتز:خلاص يا ماما لا تصيحين
ماجده بدفاع :لا انا اعرف ولدي مايضرب الا لسبب اكيد مسويه شئ
شروق:ماسويت شئ والله..ءااااااء اءاءااااااااااااااااء
حنان :لا حووووووووول قومي اوريك فيهم هم وين
شروق:في المجلس إلي برى
قامت حنان وهي تلف شال عليها عشان الجو بارد وطلعت لهم
اول مافتحت الباب ضمت روحها وهي ترتجف بس عقدت حواجبها وهي تطالع المجلس وراحت صوبه وهي معصبه
دخلت عليهم وكانو يطالعون مبارات
جنان:وين اللعبه
ريان:بسم الله الناس يسلمون اول
سليمان:وشلون دخلتي ماسمعناك لا تصيرين اخت كاسبر وحنا ماندري
طق ريان سليمان من ورى رقبته:يالغبي انا اخوه يعني انا كاسبر
سليمان وهو يدلك رقبته:لا محشوم
حنان كان ودها تضحك بس كاتمه ضحكتها يقالكم معصبه
حنان:حرام عليكم مالقيتوا الا شروق تحسرونها
سليمان:والله انها جنيه مدري من طالعه عليه
تذكرت حنان هنادي كانت شوي شقيه فيها حركات عجيبه ايام الطفوله مسكت دمعتها قدامهم ورجعت لعصبيتها :ياثقل دمكم جيبوا العروسه
ريان:أي عروسه
حنان:لا والله تسوي روحك غبي قلي علي أي شجره العروسه
ريان:عروسه وشجره والله فيك شئ
سليمان:صادق من قررت تترك المستشفي وعقلها فيه شئ
حنان تنرفزت منهم:يوووووووووووووه منكم انا وشوله اكلم مجانين مثلكم
جت بتطلع بس قام سليمان وركض وقفل الباب
حنان كانت تطالعه بستغراب:خير
سليمان وهو يرسم ابتسامه علي وجهه البشوش:الخير بوجهك يا احلا عمه
قام ريان ومسك حنان من كتوفها وجرها
حنان:خير وش ناوين تسون فيني
جلسها علي الكرسي وجاب سليمان حبل ربط فيه عمته
حنان وبدا صوتها يعلا:والله انكم مجانين قسم بالله لو يحصل لي شئ ماتلومون الا نفـ... ماكملت كلامها لان ريان فك الاشارب الي كان سليمان رابطه علي يده وسكر فيه فمها
وقف ريان وهو يطالعها بفخر كان كاتم ضحكته وهو حاط يده علي فمه عشان مايضحك بس سليمان من يوقفه:ههههههههههههههههههههههه
ريان:اسكت لا تفضحنا
سليمان:شف عيونها وشلون محمره هذا وحنا ما سوينا شئ
انتفضت حنان يوم شافت ريان يطلع من الكرتون الي جنبه قطوه تخوف لونها اسود قبيح ومنظرها مقزز وكان يقربها منها
حنان هزت نفسها والكرسي والشباب ميتين من الضحك
مسك سليمان الكرسي عشان يثبتها وقرب ريان منها القطوه وخلا وج القطوه مقابل وجهها
حنان هنا جلست تصيح وتصيح وهم مو حاسين فيها بس ريان ضعف شوي عند دموعها فبعد القطوه شوي بس بعد ايش بعد ما اغمى عليها
وهم غارقين من الضحك وكل واحد منهم يقول لثاني (قمي فايف)بس سكتو يوم شافوا وجهها مايل علي جنب هي ما تتحرك

&&الحلقه الخامسه عشر&&


رمى ريان القطوه وفك الاشارب وهو يضرب خدها علي خفيف:حنان حنان
خاف سليمان وفك رباطها وهو يتحسس نفسها:ياويلنا لو تدري جدتي توطتنا
ريان:قصدك الوالد طال عمره والله مايخلينا ننام في البيت
سليمان:الحين وش بنسوي فيها اجيب طيب عشان تصحى
ريان قال لا وكانت قاطعه
ريان:لا لو قامت بتقول لهم كل شئ وحنا بناكلها
سليمان:والله ماتوقعتها تخاف من القطاوه لهدرجه
ريان:حنان عندها الموت اهون من القطاوه بس اسمع بروح ادخل من الباب الي ورى وبرقى لغرفة حنان وبفتح الدريشه
سليمان:عمي والله شكلك مجنون صدق وين حنا فيه ترانا مو بفليم اكشن
ريان:والله الافلام هذي فيها شئ يصدق وشئ يكذب تدري انت اطلع فوق وافتح الدريشه وانا بحط السلم واشيل حنان
سليمان:بس غرفة عمتي شوي بعيده
ريان وهو يفكر:صح بس غرفة سماح اقرب وفيها بلكونه
سليمان:حنا ليش جلسين نخطط خل نشيلها قبل تصحى
ريان:يلا عشان لو قامت وهي في غرفته تحسب نفسها صحت من حلم مزعج وبس


في تبوك
ام لؤي:كلمتى اخوك
هيفاء:ايه وتراه يسلم عليك
ام لؤي:الله يسلمه من الشر ويحفظه (وتنهدت)الله يحرسه من الشياطين
هيفاء:امين
ام لؤي:متى بتروحين لبوك
هيفاء:اذا رجع لؤي انا اروح مقدر اخليك بروحك يمه
ام لؤي وهي تصيح:الله يخليكم لي
ضمت هيفاء امها وهي متضايقه من سنين وهي علي هالحال دموع وضيقت صدر ماتدري متى تتنتهي


برد برد برد ددددددد برد بررررد
سماح:اوووووه عرفنا انك بردانه
بدريه:والله صدق الجو في الرياض عجيب يا حررر او برررررد مافي حل وسط
سماح:صادقه في هذا الشئ بس وقفي
بدريه وهي تنتفض من البرد:وش فيك
سماح وهي تدفي جسمها بيدينها الي تروح وتجي علي كتفها :البرد يخلينا نشوف اشياء عجيبه
بدريه:مثل ايش
سماح وهي تكبس بعيونها:تشوفين الي اشوفه
بدريه وهي تشوف ريان شايل بنت وسليمان في البلكونه يرفعها عنه :لالا البرد اكيد يوزع موجات علي قنوات للكبار فقط..
سماح:الله يستر قلنا هالاثنين خبول ايه بس يوصلون لهلمستوى لالا امشي خل ندخل بسرعه
ركضوا للباب وكانت شروق تلعب ومعها القطوه
بدريه:ادخلي عن البرد
شروق:مابي
سماح:وخري انتي وياها انا طالعه لهم طالعه
ودخلت وهي تركض
الكل في الصاله استغرب بعدها دخلت بدريه
ماجده:وش فيها سماح
بدريه برتباك وماتدري وش تقول خايفه تقولهم ايش شافت وينصدمون بعيالعهم قالت في نفسها ارقعها الحين ويعرفون الحقيقه بلسان احد ثاني غيري
بدريه:دقت علي وحده من صديقاتي وهي تشتغل في الجامعه الي تشتغل فيها سماح وكانت بتاخذ منها كم معلومات شخصيه وهي ركضت لغرفتها بسرعه عشان تقرالها الملف حقها لانها معها علي الخط ماشفتو جوال بيدها
ام معتز:لا ما دققت
ابو معتز:وش فيك تتعتعين في الكلام كن احد ينقلك املأ
بدريه:لا الجو باااارد وانا اكره البرد
ماجده:امشي اشربي معنا زنجبل عشان تدفين
بدريه:يسلام شئ دافي

رقت سماح وشافت الشباب ماخذين البنت لغرفة حنان
سماح:وش تسون
فز سليمان وبغى يترك عمته بس الحمد لله ماطاحت منه كان ماسكها من كتوفها وريان من رجلينها
ريان:اوووووش لا تقوم
سماح:مسودين الوج تبغوني اشوفكم جايبين بنت من الشارع واسكت
سليمان وهي يضحك في الوقت والمكان الغير مناسب:هههه بنت الشوارع هذي اختك
سماح:مين حنان
قربت منهم وقلبها يوجعها
سماح: وش فيها
سليمان:خلينا نحطها في السرير ونقول لك عورتني يدي
ريان:صادق عمتك مدري وش نفخها
سماح:قولو ماشاء الله
(ودخلو وحطوها علي السرير وفتح سليمان المكيف وشال ريان جزمها من رجلها وطفوا النور وطلعوا وعلموا سماح السالفه كلها)

عند الباب الكبير دخل ايمن بسيارته الجديده وكان فرحان فيها واليوم اول بيت زاره بيت ابو معتز كان معه امه وديما زوجة خاله جو للبيت عشان يأخذون شروق واول مادخلوا كان معتز داخل وراهم نزل ايمن يسلم عليه وفي نفس الوقت طلع سليمان ومعه عمه ريان للسور
ريان:حياكم البيت بيتكم
ايمن:معليش مره ثانيه جاين ناخذ بنت خالي شروق
معتز:وينها ماشفتها
سليمان:نادوها عشان تسلم عليك وناخذها
ريان:بروح اجيبها
سليمان وهو يطالع ايمن:والله في خاطري شئ يقرقع من فتره بس خايف اقوله وتزعل
معتز:ياولد من وين تجيب هالعبارات
سليمان وهو يطالع ايمن:من عاشر قوماً
ايمن:يالظالم انا ما اتكلم كذا
سليمان:ههههه ولا تزعل (وطالع ابوه)من شابه اباه
معتز وهو يضربه علي كتفه:بسم الله علي الا انت نسخه من عمك
ريان وهو جاي:وش فيه عمه
سليمان:تراهم يسبونك
ريان وهو يحط يده علي كتف سليمان:ياويل الي يسبني ترى بيندم صح سليمان
سليمان وهو يتذكر وش سوو في عمته حنان:صح اكيد بيندم
معتز:وين شروق
ريان:تقول امي خل البنات يدخلون يأخذونها من زمان ما شافتهم

نزلو البنات ودخلو علي الحريم
ام معتز:هلا عبير وش اخبارك
عبير:الحمد لله بخير انتي اخبارك واخبار العروس
ام معتز بخير
بدريه:الا يا ديما ليش مسمره وين اختي البيضاء
ديما: تعرفين اختك سبحان الله بشرتها اصليه ما تتأثر بالشمس بعدين اسألي عبير اخوها جنني كل يوم رياضه وركض واصحى من ست الصبح وتعرفيني بالغذااااب ارجع انام
سماح:ههههه الله يستر مايصير عبد الله رياضي كان تنجن حنان
عبير:لا لا طمنيها
بد ريه وهي تناظر اختها:ما صدق ديما تسوي رياضه
ديما:شفتي وشلون وعنود مكبره المخده اقوله قوم اختك معنا يقول لا حنا ازواج وش دخلها بينا
سماح وبدريه:هههههه شكله خفيف دم
عبير:لا وين ديما ماشافت الجانب المظلم
ديما:لا تخوفيني اليوم خالي(ابو عبد الله)خوفني وهو يقولي عن عصبيته الي تطلع بدون سابق انذار
عبير:اووووه بيذن المغرب يلا ديما ...وين شروق
بدريه:عند الرجال
ديما:هذا عادل يدق علي
ديما:الو
عادل:هلا والله بهالصوت من يسمع الو حقتك يكره أي الو ثانيه في العالم
ديما:عدول ترى استحي انا عند البنات
عادل:اموت انا علي يستحون متى بتجين يا عمري
ديما:الحين بنجي
عادل:يلا بسرعه انتظرك
(سكرت ديما منه وهي ماتقدر تطفي اللون الاحمر الي ولع في وجهها)
بدريه:لا ما اصدق اختي متغيره
ماجده:صادقه قبل تقول..مرحبـــــــــــا مثل المجانين والحين..الو..بكل رقه ونعومه
سماح:هههه ولا تقول عدول وتستحي
ديما:اوووه ياثقل دمكم
وقامت من الكنبه ...
ديما:اذا قامت حنان سلموني عليها
ام معتز:متى نامن
سماح:قبل شوي
ماجده:اصلا متى دخلت اذكر انها طلعت ورى الشباب بتهاوشهم ولا رجعت
بدريه وهي عارفه السالفه لان سماح قالت لها كل شئ:يمكن دخلت وانتم ماحسيتوا
ماجده بعدم اقتناع:يمكن

طلعو الحريم بعد ما اخذوا شروق ورجعوا للبيت
بعد ما نزل ايمن ديما جاء عصام الي كان يتكلم مع خاله عادل عن البرنامج الي يدعمه والي راح يقدمه سليمان

ركب عصام:مساء الخير
عبير:مساء النور وينك ما تنشاف
ايمن:خليه مشغول ببرنامجه
عبير:لو يدري ابوك انك تدعم برنامج مثل كذا ما اظن بيخليك

مشت ديما وهي تطالع عادل الي كان يناظرها بحنيه وهو واقف بطوله الشامخ ومكتف يدينه
ابتسمت وهي تشوفه ...اكيد بتتبتسم هي من تشوف وجهه تنسى كل احزانها
عادل:مساء الخير
ديما:مساء النور
عادل وهو يعدل غترته:وش رايك
ديما:تجنن والله تجنن تصدق هذي رابع مره من تزوجتك اشوفك لابس ثوب هذا غير الجمع
عادل:ليه يعجبك شكلي بالثوب
ديما وهي تعض علي شفايفها:امووت عليك بالثوب والغتره
عادل:اووووه لا تقولين كلام حلو ترى اهون وندخل داخل وسييده لغرفتنا
ديما:هههههه عادي
عادل:اقول تغطي وامشي لسياره
ديما:وين بنروح
عادل:تصدقين طلعت اشياء كثيره في الرياض نستنا اماكن كنا نروح لها وانا بصراحه مشتاق لحديقة الوطن
ديما:يا الله انا بعد من زمااان مارحت هناك
عادل:اجل يلا


في بيت ابو عبد الله
راح اخبركم عن عنود تتذكرون كيف كانت تتمنى في بدايه القصه انها تتزوج سنين مره وهي تجتاح احد يهتم فيها لا تقولون ابوها واخانها يهتمون فيها لان الاهل غير والاهتمام الي تدور عليه البنت غيييييير .(المهم ) السنين مشت وعنود تبغى من يهتم فيها بس للأسف رغم انها مدرسه ولازم تكون قدوه الا ان الشيطان لعب فيها اقرو بين السطور الجايه عن حياتها الجديده

كانت عنود جالسه علي الماسنجر ضحك وسوالف بس مو مع صديقاتها ..صديقتها يكلمونها اوقات معينه بس الوقت هذا لفهودي وحمودي وعزوز والشله الي ما تخلص
عنود:هههههه والله انك خطير
حمود:ها يا زمرد مانويتي ترسلين صورتك
عزوز:اقول يا حبيبي احلم ان بغت ترسلها بيكون ع الخاص ولي انا بس
عنود:هي شباب اسمعو صورتي مثل حلم ابليس بالجنه
فهودي:طب ليه انتي عندك صورنا
عنود وهي تطالع التواقيع حقتهم وكل واحد حاط صورته الي تذوووووب :انا بنت وغير
حمود:ليه غير
عنود:ترى ازعل ولا اكلمكم مره ثانيه
عزوز:لالالا الا زعلك وعشانك راح اغني لك
حمود:ايش تغني
غزوز:مشتاق له ميت عليه ...وينه بعد عمري ابيه...بحكي له عن كل الي صار..عن غيبته ليل ونهار..وبلهفتي بحضن يديه وينه..بعد عمري ابيه.
عنود ذابت من نبرت صوته وراحت بعييييد بس صحت من احلامها وهي تسمع اصوات الشباب في السماعه الي يصفق والي يصفر والي يقول عاااااش
عزوز:وش رايك
عنود:صدق بتحضن يديني من لهفتك
عزوز:انتي اطلبي وانا البي
حمود:وقف يا عزوز ترنا متفقين هي مو لك لحالك
فهودي:صادق ان كانت تبي تحضنك تري بالدور
عنود كانت مبسوطه وهي تسمعهم كانت تستمتع وهي تسمع عباراتهم الي تبين انها غاااااااليه عندهم كانت اصواتهم عاليه وهي لابسه سماعات بس طالعت الفاكس وكان يطلع ورقه
عنود:شباب انا طالعه من الاون لاين الحين ادخل بعدين
حمود:لالالالا الحين بزهق
فهودي:انا بعد بطلع
عزوز:اصلاً السوالف معكم بدون زمورد ولا شئ
حمود:تدرون يلا سرينا كلنا
عنود:هههههه فديتكم كلكم

وقامت وسحبت الورقه وكانت من ريان
وينك تعال ارجوووك انا حيل تعبان
حيـــــــرتني وياك وشغلت بالي
وينك تراني ميت الشوق ولهان
ودي علي شوفك ولا لي مجالي
ماتدري اني تايه الفكر حيران
دموع عيني سبتك حيل سالي
(عنود هنا ابتسمت وهي تقول:اللله عشاني تصيح يا سلام..وكملت قرايه)
خليني عايش بلياك وحدان
ابوسط خلق الله وكنيب لحالي
مالي رفيق بالمحبه وخلان
انت اذي قدرك علي الراس عالي
مشتاق لك بالحيل بالحيل بندمان
والمشكله شوف حبيبي محالي
بمشي بدنياي ولاني بندمان
علي امل لقياك ياراس مالي
(مجنون العنووووود)

عنود:اخ لو اعرفك من انت وكيف عرفتني خل ارد عليه لا يطير مني
وردت له برساله بنفس الاسلوب الشعري

في حديقة الوطن
ديما:زحمه
عادل:تخافين تضيعين
ديما حطت يدها في يد عادل:مادام انا معك ماراح اضيع
ابتسم عادل وهو يشوف اللمعان الي في عيونها :احبك
ديما:وانا احمد ربي علي اليوم الي جمعني فيك
عادل:احس بجوع تبغين ساندوش
ديما:خلاص جيب شورما وعصيرات
عادل:طب اجلسي هناك وانا بجيك

مشاء عادل وراح صوب كوشك صغير يبيعون فيه الساندوش وهو جاء مر صوبه احمد اخو ديما وطاح منه الكيس الي في يده ..
مسك عادل الكيس ومده له
احمد:مشكور اخوي
عادل:العفو

راح احمد وجلس جنب زوجته وبنته
دانه:يلا عطني احس بجوع
احمد :هههه اصبري وش فيك ملحوقه ماذكرك اكوله
دانه:انا الحين عباره عن اثنين
ريم:بابا ابغى عصير فراوله
احمد وهو يمد لها عصير الفراوله:احلا عصير فراوله لاحلا ريم في الرياض كلها
دانه:احمد
احمد وهو يتنهد:ادري وش بتقولين
دانه:احمد فكر احنا الحين في الرياض وقربين منهم لا تنسى هم اهلك
احمد:انا اصلاً ماعندي نيه اجي بس لو انهم مانقلو شغلي هنا ..بعدين لا تفكرين تزورينهم من وراى او تجيبين طاريهم وتذكري اهلي هذولي رافضين انك تكونين زوجه لولدهم ..
تنهدت دانه بضيق
ريم:ماما
دانه:نعم
ريم:ليه ما تاكلين مو من شوي تقولين انا جوعانه
طالعت دانه احمد الي هو بدوره طالعها
احمد:مانبغى نخلق مشاكل بينا يا عمري ولا نخلي ريم تاخذ عنا صوره شينه خليها تشوفنا قدوه لاحسن ام اوبو في الدنيا
دانه:ان شاء الله


الصبح في مستشفى قوات الامن الساعه 8 ونص
خوله:وش صار علي اوراقك
حنان:اووووف بعد شهرين بيوقعون استقالتي الي ان يلقون وحده مكاني
خوله وهي تطالعها بنص عين:مشفوقه علي العرس ترى عبد الله مب طاير
حنان:روووووحي بس قالت مشفوقه من عبد الله عشان اركض وراه بعيد وش اخبار ناصر
دخلت هند:خوله قيس برى
خوله:هههه تو حنان جايبه سيرته
حنان:ههه اذا ذكرنا القطو
خوله:لالالا ما اسمح لك لا تقولين قطو بعدين قولي عمره طويل يوم ذكرناه جاء
حنان وهي مطيره عيونها:انا مكثره هالايام اجازات وشكل صار فيها هوايل من متى خوله تتدافع عن ناصر
هند:انا اقول لك بس خليها تطلع لا يقلب علينا ناصر المكتب
خوله:مالكم دخل
(وطلعت)
حنان:وش السالفه
هند:ابد شكل الاخت حبته من كثر مايطلع في وجهها اقول سمعتي عن الدكتور الجديد
حنان وهي تطق اصابع يدها اليمين وكأنها تبغى تتذكر شئ:هو الي اسمه علي ما اعتقد لؤي
هند:ايه هو شفتيه
حنان:لا
هند:يمه لو تشوفينه يجنن
حنان:احلفي اجل طاح كرت عادل
هند:لا عادل ما طاح كرته بس لؤي جميل بس شكل عينه شوي تلف
حنان:ليه
هند:مدري تحسينه راعي مغازل وبنات
حنان:آآآآآآه
هند:سلامات وش فيك
حنان:راسي يوجعني علي اني نايمه نوم ثقيل وساعات طويله وكوابيس تروح وتجي
هند ببتسامه:لا تصير كوابيسك عن عبد الله
حنان:لالا من حبي له عشان احلم فيه حتى كوابيسي ما يزورها بس علتي هالقطاوه تخوفني وامس شفت حلمين الال مررررره يخوف صحيت منه وانا ارتجف شربت مويه ونمت وحلمت ان قطوه سوداء تركض وراي وتحاول تعضني
هند:الله يستر لا تقولين حلمك لاحد لان القطوه تفسيرها الحسد والغيره
حنان بخوف:الله يستر بس علي ايش يحسدون
هند:يمكن علي عبد الله
حنان:ياربي انتم وش فيكم كل شئ عبد الله وعبد الله
هند:مشاء الله عليه مزيون ومكانته حلوه هنا في المستشفى وغني بصراحه هو كامل وما الكامل الا وج الله
حنان بلا مبالاه:تبغينه خذيه والله حلالك
هند خافت من اجابت حنان :حنان تتكلمين بجد
قامت حنان:اووووه قومي ورانا شغل خلصت الاستراحه

في مدارس المملكه الاهليه
كانت نوره بنت عليا ترسم ومرت جنبها مدرسه الرسم
المدرسه:نوره
نوره الي كانت واقفه وقدامها لوحه تلونها بالوان قواش:نعم
المدرسه:عندك مشاكل في البيت
نوره حطت الريشه بين الاوان :مشاكل ؟؟؟؟
المدرسه وحست انها ماراح تأخذ أي معلومه من نوره:بكره مجلس امهات وابغى امك تكون اول وحده
تنهدت نوره:ان شاء الله


بعد ماخلص الدوام في المستشفى مالقت حنان احد يرجعها لان السواق مع سماح فدقت علي ريان وجاء
ركبت السياره وكان سليمان معه
حنان:اشوف انتم الاثنين كاثره طلعاتكم مع بعض
سليمان:ليه تغارين
حنان:من زينكم صدق يوم قالو الطيور علي اشكالها تقع
ريان:اقول لا تغلطين علينا ترى ننزلك في الشارع
حنان:مجانين تسونها ....(سكتت شوي)تصدقون امس حلمت حلم عجيب
خاف ريان وسليمان التفت عليها وهو يخبي نظرات الخوف الي تطلع من عيونه
سليمان:اكيد الحلم روووعه مادامنا فيه
حنان:الا كابوس حلمت انكم ماسكين وجايبين قطوه تخوفوني فيها واشياء يوقف شعر يديني كل ما اذكرها
ضحك ريان مع سليمان وهم يطالعون بعض بخوف..انها تكتشف ان كل الي صار علم مو حلم
ريان:وصلنا يلا انزلي
حنان:طرده
سليمان:لا حشاء انا اموت ولا اطردك بس علي فكره افتحي الراديو بعد ساعه
حنان:ايه صح مبرووووووك
سليمان:الله يبارك فيك
حنان:عاد لا تفشلنا تكلم بلباقه
سليمان:اهم شئ مايعرفون اني صغير عشان ما ينتقدوني
ريان:صادق لان برنامجك للكبار
سليمان:بس تراي مو صغير لهدرجه عمري 19 سنه والعقل عقل ابو 30 سنه
حنان:الا العقل عقل صخله
ونزلت بسرعه من السياره عشان ما تسمع تعليقه وهي تضحك



في بيت سعد
طلعت عليا من غرفة نوره بعد ماسمعت سعد كلام يحبه قلبه وقررت انها بعد زواج اخوها بتخبره انها حبيبته الي يكلمها في الماسنجر
نوره وهي تمر عند امها:يمى لا تنسين بكره تجين للمدرسه
عليا:ماراح انسى بس ليش وجهك اصفر
نوره:ولا شئ

دخلت نوره غرفتها وهي متضايقه حال امها وابوها ما يعجبها عمرها ماشافتهم يتهاوشون بس كانت تحس بصد ابوها لامها ..والمشكله انها تعرف خطت امها لانها تشوفها تكلم ابوها من الكمبيوتر الي في غرفتها وكانت خايف من اليوم الي بيعرف فيه ابوها الحققه ماتدري ليش تحس ان كل شئ بينقلب علي امها



بعد ساعه
عصام:عاد الله الله بكلامك الحلو ابغى الكل يحبونك
ريان:افا عليك ولد اخوي يعجبك
عصام:سليمان وش فيك ساكت
سليمان:ولا شئ بس تتوقع بيكون لي جمهور
ريان:اكيد ليه
سليمان:مدري عشان مستحقر الراديو وعمري ما سمعت فيه شئ
عصام:لا تهتم بعدين حنا في الرياض واغلب الشباب ع الاف ام وانت برنامجك علي قناة ام بي سي اف ام وهي اشهر محطة راديو
سليمان:بصراحه طمنتي
المخرج:لك يا سليمان تعال هلا راح يبلش البرنامج
ركض سليمان وجلس في غرفة خاصه ولبس السمعات ونزل المايك عند فمه
المخرج:خمسه ...اربعه..ثلاثه..اثنين..واحد...
سليمان:السلام عليكم ..اخواني اخواتي الحياه امر رائع وجميل .ليش نسمع ان البعض منا يكره هذي الحياه .انا بساعدكم علي حب هذي الحياه بعطيكم فكره مبسطه عن البرنامج
لو قلت(المشاعر)كلنا نملك مشاعر واحاسيس كلنا نكتب قصايد لمن نحب وخواطر نعاتب فيها من نكره (الحب)كلمه الزمن غير معانيها وخلنا تقريباً نكرها (بصراحه)هذا اسم برنامجي
ابغاكم تكلموني وتفضفضون عن نفسكم ابغاكم تتكلمون بصراحه ..بضرب لكم مثل بنت كلمت واحد وصدمها بكذبه وهي ما تبغى احد يدري ونفسها تفضفض بس مو قادره وش بيصير فيها بيجيها انهيار وبتمرض انا ابغاها تكلمني وتطلع كل الي في قلبها
وانتم كلموني وطلعو كل الي في قلبكم مستعد احل مشاكلكم مستعد اسمع خواطركم وقصايدكم ابغاكم تدقون وتقولون بكل قوه يا فلان اكرهك وهذي الخاطره اهداء لك او يافلانه اسمعي دقوا قول بكل حب اعشقك ..سمعونا مشاعركم الحلو بأحلا كلام ..عارف ان مقدمتي طويله ومليتوا مني بس اوعكم انكم راح تستمتعون معي لا تخجلون وتقولون بنفضح ع الهواء انا مستعد اسمعكم حتي لو ما قلتوا اسمائكم وعادي لو تتصلون بأسم غير اسمكم سمو نفسكم باللقب الي يعجبكم ..(بصراحه برنامج راح يكون من تقديمي اخوكم سليمان ولا تدرون سموني سلوم ترني احب هالاسم )... اتركم الحين مع اعنيه اهداء مني لكم بصراحه امووت في هالاغنيه معكم اغنية (لا تخاف) للفنانه السوريه اصاله نصري
المخرج(كاااااااات)
عصام:يااااااااااسلااااام قلي وش تحس
سليمان:والله اني اتفلسف الي يسوفني يقول دكتور مو طالب في جامعة اعلام
ريان:والله انك رهيب بس بصراحه البرنامج فيه اشياء ماتناسبك اخاف تسمع كلام الحب وتروح تحب ولا تسمع كره وتكره البنات كلهم
عصام:ههههه اذا كنت تتأثر قل لي نغيرك
سليمان:لا يا اخي ما صدقت احقق حلمي بتقديم برنامح حتى لو كان في الراديو بعدين لا تخافون اخوكم سلوم ما يتأثر خل التأثير لخوك ايمن
ريان:اما ضحكتني يوم قلت سلوم
عصام:بالعكس بعفويته بيجذب الكثير
المخرج:سليمان 55 ثانيه ونكون ع الهواء
سليمان:ان شاء الله استاذ


في بيت ابو عبد الله
دق التلفون ورد عبد الله
عبد الله:الو..معليش ناسي جهازي في السياره...لا..انا جاي الحين ..اسمع اذا كان فيه حروق من الدرجه الثانيه تعرف وش تحطون عليه..زين زين..مع السلامه
عنود:عسى ما شر
عبد الله:الشر مايجيك بس واحد مسوي حادث ووجهه متشوه ويبغوني
عنود:زين اشتغل والله ان جلستك في البيت طويله ولا كأنك دكتور
عبد الله:لان قليل يطلبون عمليات تجميل بس احسن شئ ان مكانتي كبير
عنود:أي والله رح لهم الله يوفقك



دخلت بدريه بيت خالتها وشافت سماح جالسه برى وجنبها راديو
بدريه:هلا
سماح:اهلين
بدريه وهي تجلس علي الكرسي:وش عندك جدتي قدامك راديو
سماح:ماتدرين ان سليمان ولد اخوي يقدم برنامج اسمه بصراحه
بدريه:والله
سماح:ايه والحين حاطين هذي الاغنيه فاصل
بدريه:ياحلو هالاغنيه
سماح:تعرفينها
بدريه:ايه اسمعي اسمعي هذا المقطع مرررررررره حلو
كانت الاغنيه تقول :
لا تتغذر بحتياجك
كلنا ناقص حنان
كلنا طفل يتمنى
أي شحض يحضنه
نبني الدنيا وحنا
نوقف بنفس المكان
للأسف ينقص وفانا
مع مرور الازمنـــــــه

تنهدت سماح:والله ما نسيته
بدريه:مرت 11 سنه وما نسيتيه
سماح:الله يلعن الحب واشكاله والله لو اشوفه من بعيد بنسى كل شئ ورجع بين احضانه
بدريه:قسم بالله انك مجنونه
سماح:تدرين وشلون بكلم سليمان
بدريه:وش دخل سليمان في السالفه
سماح:برنامجه بيساعدني كثير بطلع كل الي في قلبي

&&الحلقه السادسه عشر&&



تتذكرون محمد وغانم هذولي الي يبغون يقربون من عنود وحنان
غانم:انت من وين جبت ايميلها
محمد:هي الي كانت تتكلم مع الكل والكل يرد عليها وتعرفني احب اسوي اختراق لاي جهاز فخترقت هازها وقريت ملفاتها وعرفت انها عنود المدرسه الحبيبه
غانم:قهر
محمد:سلامة قلبك من القهر وش فيك
غانم:انت تكلمها في النت ولا صرت واحد من احبابها وانا اطالع حنان من بعيد لبعيد في المستشفى ويالتها تحس فيني
محمد:كلمتها ناديتها
غانم؛لا
محمد:يالغبي اجل وشلون تبغاها تطالعك
غانم:يلا ساعدني
محمد:اسمع


ع الهواء
سليمان:بصراحه انا مبسوط كثير منكم ومكالماتكم تزيدني حماس وتخليني اتمسك في البرنامج اكثر واكثر بس قبل ما نختم البرنامج معنا اتصال اخير نقول الو
سماح:الو
سليمان وكأن الصوت مألوف عليه:تفضلي اختي معك برنامح صراحه فضفصي فيه عن كل الي في قلبك بس في البدايه عرفينا علي نفسك باللقب الي يعجبك
سماح:خلوني مجهوله احسن
سليمان:طيب يا المجهوله تكلمي
سماح:لا انا ما اقصد ان لقبي المجهوله بس خلني بدون لقب
سليمان:يلا يا اخت بدون لقب تكلمي
سماح:ههههه
سليمان:لا شكل متصلتنا بتتكلم عن حبيب وشوق من قالت الو وهي فرحانه
سماح:بالعكس(وتنهدت) انا احس اني اتعس انسانه
سليمان:تكلمي احنا نسمعك
سماح:بصراحه اناحبيت انسان حب ماله حدود تركت اهلي عشانه وبعت الدنيا عشان عيونه وما اكذب هو كان يبادلني نفس الشعور
(هنا كانت زازان في المطبخ ففتحت الراديو وسمعت كلام امها وهي ما تدري انها امها)
سماح:انا عشت معه اجمل ايام وسافرت معه للغربه والحمد لله الله رزقني ببنوته حلوه منه بس كان في سلبيات في حياتنا وما اكذب اذا قلت انا اخذت شوي من هذي السلبيات ..بس بعد فتره حاولت اصحح حياتي وابداء من جديد بس هو رفض التغير وطلقني في لحظة غضب وكان يضايقني بين فتره وثانيه بس بصراحه كنت اسبه قدام اهلي واح سمعته في الارض لكن في قلبي اعشقه واموت فيه رغم كل الي يسويه فيني سنين وهو تاركني وانا ماسمعت منه خبر والي يومك هذا يا اخ سلوم وانا انتظره
سليمان تأكد مليون بالميه انها عمته سماح فتضايق وريان راح عند واحد من الي يستقبلون المكالمات وسأله عن الرقم بس الشاب رفض وقال ان من مبادئ البرنامج الخصوصيه وممنوع نعطي أي معلومه عن المتصل
سليمان:يا اختي الحياه ماتوقف عند شحض معين ويمكن طلاقك منه خير انتي ماتدرين بحكم الله وذا كنتي متمسكه فيه فأنا ما اعتقد انك تحبينه اعتقد انك متمسكه فيه لان بينكم بنت وخايفه علي مستقبلها وعلي فكره انا احيك علي اخلاصك له رغم طلاقك منه لان الاخلاص صفه قليل نلقاها في هالزمن بس انتي معنا علي الخط..
الو
الو
الاتصال انقطع بس يا اختنا بدون لقب حبيت اقول لك عيشي حياتك ورمي همومك ورى ظهرك وانا اختم حلقتي الاولى بهاء مني لك واقول لك الحياه حلوه
وشغل المخرج اغنيه الحياة حلوه ..


هنا رازان وقفة في المطبخ وهي ما تقدر تتحكم في دموعها ما تدري ليش هالمتصله اثرت فيها دخل عليها ابوها فمسحت دموعها
طلال:لا تصلحين اليوم عشى بطلعك نتعشي برى
رازان:مشكور يبا بس ما ابغى اتعبك
طلال:يلا عاد بلا دلع انا من جيت للرياض ما طلعت وانتي ما تبغينا نطلع
رزان:لا اذا كانت وناستك في الطالعه خلاص سرينا




بعد صلاة العشاء في بيت عبير
عنود:قهر دقو علي المره الثانيه وعطوني خبر عشان اسمع البرنامج
عصام:والله سليمان خطير
ايمن:فاتتك الحلقه يا خالتي
عنود:وانتم ليش ماقلتو لي بس حلوه فكره البرنامج
عصام:احم احم
عنود:لا تقول فكرتك
عصام:ايه حلوه
عنود:والله وطلعتو مب هيني يا عيال اختي
هنا دخل فهد وطلع الدرج وعبير شافته لانها كانت واقفه في المطبخ التحضيري تصلح عصير
عبير تنادي:فهد حياتي تبغى عصير
فهد بدون نفس:لا مشكوره
وطلع الدرج
عبير جاب العصير ووزعت عليهم
عصام:تسلم يدنك يالغاليه
عبير:مشكور يا عمري
ايمن:كم بقي علي زواج خالي
عنود:هانت ست ايام بس قهر بكره ديما تطلع لبيتها
عبير:خلص عادل بيته
عنود:ايه والله بفقدهم
(وفي نفسها تقول احسن ع الاقل ترتاح لانه تشب غيره وهي تشف ادل يغازل ديما وهتم فيها قدامها وهي ما عندها الا شباب النت تتسلى فيهم )


مرت ست ايام ماتغير فيها شئ بس هالمره حست حنان ان في احد يراقبها وهي رايحه لغرفة المدير والحمد لله عطاها اجازه عشان زواجها بس مب لله بعد ما درى ان عبد الله راح يكون زوجها وافق
اما( عبد الله) تعرف علي لؤي خصوصا بعد الحادث الي تشوه فيه الشاب لان عبد الله يسوي له عمليات تجميل ولؤي يركب له طقم اسان جديد
وصار تقريباً يجلس معه بشكل دائم وعزمه علي عرسه
اما (هيفاء) اليوم جت لبيت ابوها عشان تحضر زواج اخوها الي ما يدري انها اخته وعنود مرتاحه لانها هيفاء اخذت غرفة عادل ونامت فيها وعنود مبسوطه مع الخصوصه حقتها والربع الي ما تفارقهم والفاكسات الي تجيها من مجنونها المجهول
و (سليمان)صار له معجبين كثاااااااااااااااااار خصوصاً من الجنس الناعم وهو مستمتع مره في البرنامج والي زاد وناسته ان ايمن وافق يشتغل معه فصار يوم هو ويوم ايمن


(فاطمه)اخت سامي وبنت توفيق دخلو اليوم بيت ابو عبد الله وعبد الله تضايق يوم شافها بس هي هالمره مخططه صحه وعقلها كبر قبل كانت صغيره ايام هنادي الله يرحمها بس الحين الله يعين حنان عليها



ريحه البخور منتشره كل صوب والبنات مايملون من الزغاريد والفرحه منتشره في كل مكان بس عروسنا مكتأبه

كانت حنان قمه في الجمال بفستانها الابيض بس نفسيتها كانت زفت ولا كأنها العروس كانت حاطه يدها علي خذها وتتذكر انها حلمت في هاليوم كان حلمها احمد بس وينه طار مع الريح وتذكرت هنادي وحست بضيقه تحس انها تخونها ما تقدر تتحمل وجود عبد الله قدامها تكره علي الرغم من جماله وهيبته الا انها تشوفه ولا شئ

المعازيم منتشرين في كل مكان وقسم الرجال ملياان واغلبهم دكاتره بعضهم اصحاب عبد الله وبعضهم اصحاب عادل على فكره وين عادل ماشوفه معهم صح صح هو ماجاء الي الان هو الحين جالس في الصاله يستنى ديما تنزل عشان يمشون
كان يكلم عبد الله ويقول له انه بيتأخر شوي
عبد الله:ليش بتتأخر
عادل:وش اسوي ديما كانت في المشغل ورجعت للبيت تلبس حتى ماخلتني اشوف شكلها بعد مارجعت
عبد الله:هههه ما مليت من وجهها
عادل:امل من وجهك ولا امل من وجهها
عبد الله:افاء يا خوي ماهقيتها منك
عادل:نشوف ست الحسن والجمال وشلون بتركض وراها من ايام الخطبه وانت في عالم ثاني اجل اذا تزوجتها بتنسانا
سكت عادل وهو يشوف ديما نازله من الدرج وكانت لابسه فستان اسود مخصر علي جسمها ورافعه شعرها كله ومنزله شوي خصل وكياجها عذاااااااااب وجبت الخال الي في ذقنها هي الي تعذبه
عادل:اقول عبد الله با با ي
وسكر السماعه وركض ومسك يد ديما وهي تنزل الثلاث درجات الاخير
عادل :يا عالم غض البصر وخل العيون تتمتع بالنظر عيني وعينها ماشبعت من بعض
ديما ابتسمت بخجل وحمرت خدودها
ديما:يلا عاد لا تبالغ
عادل وقف وهو يتأملها من فوق لتحت وديما تشتغل حياء قرب منها وباسها
عادل:لا تروحين لزواج
ديما:ليه
عادل:اخاف عليك من العين والله اخاف تروحين الحين وترجعين تكرهيني
ديما:بالعكس خلني اروح كذا وامشي بفخر خلهم يقولون هذي زوجت عادل
عادل:انا ابغاك تكونين احلى البنات بس خايف عليك
ديما:لا تخاف يلا خل نروح قبل ما نتأخر

وهذا الي صار ركبوا لسياره وكل شوي عادل يغازل ديما وقبل ما تنزل قراء عليها المعوذات وهو ماسك يدها وباسها علي راسها ووطلعت من السياره وهو يراقبها الي ان دخلت لقسم الحريم

كانت حنان تموت اليوم مية مره في الدقيقه كانت تحس بغصه وكان شئ واقف في نص حلقها وما تقدر تبلعه كانت تبغى تصيح بس عيونها مب راضيه تنزل دمعه وحده كانت تسمع الزعاريط والاغاني ودها تفرح مب قادره ودها تصيح بعد مب قادره انفتح الباب ودخل وج اول مره تشوفه ....


عنود:وين فاطمه
بدريه:أي والله وينها
عنود:الله يستر لا تصير راحت لحنان
بدريه:ليه الله يستر وش سالفت بنت عمك هذي
عنود خافت:ولا شئ بس اهم شئ هي وينها
جتهم سماح:اقول عنود وش هالزين
عنود:اخت المعرس ولا تبغيني اصير كشخه المهم شفتي بنت عمي
سماح:ايه مشاء الله عليها حلوه بس نحيفه حييييييييل
عنود:المهم تعرفين وينها
سماح:ايه من شوي تسألني اذا كان عند حنان احد

عند الرجال:
ريان:شفت وشلون العرس يخلي الواحد مبسوط
سليمان:أي والله شف عبد الله الابتسامه شاقه وجهه
عصام:لا تنظلون خالي
ريان:هههههه لا تخاف عيونا مب حاره
عصام:هههه الا اخبار المذيع سلوم
سليمان:بخير بس وين ايمن امس الدور عليه والمخرج كلمني وصحاني من احلا نومه جتني بعد ارهاق شديد
عصام:مسكين اخوي كان مشغول مع المعرس ونسى البرنامج
سليمان:ولو يوم له ويوم لي
ريان:بس اغلب الاتصالات تكثر بوجودك
سليمان:وش اسوي يحبوني
ريان:من الي جالس جنب عبد الله احس وجهه مألوف
عصام:ولد عمه سامي
ريان:اااا ذكرته كان جاي يوم زواج عادل تذكرته والله انه طيب وحبوب بس قليل اشوفه
عصام:بتتعودون علي شوفته لانهم بيسكنون هنا في الرياض




فاطمه:السلام عليكم
حنان وهي جالسه علي كنبه في الغرفه:وعليكم السلام
كانت حنان تتوقع انه وحده من المعازيم بتبارك لها بس انصدمت من كلامها
فاطمه:اسمعيي زواجك من عبد الله ماراح يطول مصيره شهر شهرين وان ما حصل ظرف وتفرقتوا بتشوفيني مع زوجك بصفتي حبيبته السابقه وزوجته الثانيه علي اني ما ارضى ان وحده مثلك تشاركني فيه حتى هنادي ماكانت تستاهله
حنان من سمعتها تنطق اسم هنادي ثارت اعصابها
حنان:لو سمحتي اطلعي برى
فاطمه بتكبر ونظرات تحدي:ليه تضايقتي من كلامي
حنان:اصلاً كلامك ما هز فيني شعره وعبد الله لو بغى يتزوجك بالطقاق الي يطقه بس لا تجيبين سيرت هنادي بنت خالتي علي لسانك
فاطمه:لا تقولين انك تحبينها وما ترضين عليها
حنان:ايه احبها وهي اختي من الرضاعه وبنت خالتي وحبيبتي بعد
فاطمه (بسخريه):اشك لانك لو تحبينها ماحطيتي عينك علي زوجها ماصدقتي ماتت عشان تأخذين مكانها
هنا حنان خلاص ما تقدر تستحمل ورمت نفسها ع الكنبه وهي تحس بضيق خلاص ما تقدر تستحمل هي من قالت انا موافقه اتزوج عبد الله وهي تحس بتأنيب الضمير هي وافقت عشان شروق وبس خلاص ما تستحمل ونزلت الدموع من عينها
انفتح الباب بقوه ودخلت عنود
عنود وهي تقرب عند حنان:وش فيك ليش تصيحين
(ناظرت فاطمه)انتي وش قلتي لها
فاطمه:ماقلت شئ بس باركت لها
(وطلعت)

عنود:حنان ردي علي هي قالت لك شئ
حنان وهي تمسح دموعها:لا ماقلت شئ(ورسمت ابتسامه باهته)كل عروس تصيح في ليلة عرسها وش معنى انا مستنكرين دموعي ولا فاطمه عندها شئ وخايفين ينكشف
عنود:لا فاطمه ما عندها بس لسانها شوي طويل
دخلت سماح
سماح:لالالا امسحي دموعك يلا بنزفك
حنان:ما ابغى زفه
سماح:ليه حتى الرجال متحمسين لدخله بعدك
حنان:عنود الله يخليك كلمي عبد الله وقولي له يكنسل الزفه
عنود:بس ..
حنان :ارجوك


عند الرجال:
عادل:هههه يعني ينفع اغازل ديما ع الهواء
سليمان:بس لا تقول ديما قل هذي قصيده اهداء لحبيبتي واذا تهاوشتوا اشكي لي
عادل:فال الله ولا فالك اموت انا ولا ازعل ديما
(طالع عادل علي بس علي ماعلق ولا قال شئ كان سرحااااااان)
سامي:اموت ع الرومنسيه
ريان:خاف بنت خالي ساحرتك
سامي:يمكن ترى منتشر السحر هاليام
عادل:قولو امين جعل حريمكم يسحرونكم وتركضون وراهم مثل الكلاب
سامي:والله اذا صارت حلوه وتستاهل معليش
سليمان:لا ان شاء الله يصيرون سود وفحمات عشان نضحك عليكم
ريان:افا ياولد اخوي يا رفيق دربي تخوني
عصام:ههههه علي طاري رفيق الدرب وين فيصل
ريان:صرت قليل اشوفه اشتهر بأسمه كمحامي والقصايا تهل عليه هل بس ان لقى وقت بيجي
دق جوال عادل
عادل وهو يبتسم :الو
ديما:هلا عدولتي وش لونك
عادل:بخير ومشتاااااق لك حيل
ديما:مالنا الا ساعه هنا وشتقت لي
عادل:آآآآآآآآآآآه الله لا يفرقنا عن بعض بعدك عني دهر
ديما:امين
(عنود طقت كتف ديما )
ديما:اااااي
عادل:وش فيك
ديما:اختك المصون طقتني
عادل:اوريك فيها خلني اشوفها
ديما:المهم نبغاك تكلم عبد الله وتقول له ان حنان ماتبغى الزفه
عادل:خلاص بقول له

سكر عادل منها وراح لخوه وقال له
عبد الله في نفسه..بدينا العناد يا حنان ماقول الا الله يصبرني وان شاء الله بعد هالصبر انال شوي من حبك


عنود:وش قال
ديما:خلاص بيدخل عليها الحين في المجلس بس خل نروح نشوف كان عندها احد عشان تطلع
عنود تنهدت بضيق وهي تشوف فاطمه تمشي في القصر وكأنها ملكه
ديما:وش فيك لا تقولين الى الان تشوفين سيارة تمشي وراك وين ماتروحين وتجين
عنود:لا هذي سالفه قديمه بس الله يعين ع الجاي
ديما ماكان ودها تضغط عليها وتاخذ منها الكلام كانت تسكت وتنتظر أي سالفه من عنود مو مثل بعض البنت الي يستفسرون عن كل شئ


دخلت هيفاء قسم الحريم وهي مبسوطه لانها شافت اخوها لؤي بس ايمن كان يراقبهم وما اعجبه الوضع هو مايعرف ليش خالة امه تتكلم مع واحد غريب ولا تضحك حس بعصبيه مالها حدود ودخل على الشباب وهو في قمة العصبيه كان ناوي يجرها من شعرها ويفضحها بس سكت لانه ماحب يخرب الفرحه المرسومه في وجوه الكل خصوصاً خاله عبد الله


ريان:علي ..علي ..علاوي
علي:....
كان علي يفكر في حنان كان يحبها ويتمنها زوجته بس من عرف انه مستحيل يجيه اولاد تركها عشان ما يعذبها لانه يحبها بيضحي بكل شئ حتى (حبه).... كان يتذكر اليوم الي شاف فيه حنان في بيتهم وصارحها بحبه
حنان هي نازله من الدرج
علي:لو سمحتي
حنان كان معها طرحه تغطت فيها:هلا علي
علي والابتسامه مرسومه علي محياه:هلا فيك وش اخبارك
حنان:الحمد لله
علي:مبروك سمعت انك تخرجتي
حنان:الله يبارك في ايامك بس اهم شئ القى لي وظيفه
علي:ان شاء الله بتلقينها بس حنان انتي ليش بتشتغلين
حنان:تقدر تقول اساعد الوالد في المصروف واضيع وقتي
علي:مافكرتي في الزواج يمكن هو يملى وقتك
حنان بوج متغير:ايش جاب طاري الزواج
علي برومنسيه:لاني صراحه يابنت خالتي احبك من زمان واتمنى تكونين زوجه لي
حنان:معليش يا علي انا ماراح اوافق وعشان ما تنصدم بعدين انا اتمنى اكون زوجه لاخوك احمد وبس بس ياليته يحس فيني ارجوك لا تكره اخوك
(وراحت عنه )

ومرت الايام وتزوج احمد وحط اهله تحت الامر الواقع وعلي كان متضايق من الي سواه اخوه وفي نفس الوقت فرحان لان مافي حواجز بينه وبين حنان
وبعد مرور سنه خفت الصدمه علي اهله وقرر يخطب حنان من ابوها كان مره مستعجل وحب يسوي فوحوصات الزواج قبل يخطبها ويخلص كل شئ عشان مايبقى الا حنان بس للأسف انصدم بنتايج التقارير الي تثبت انه مستحيل يكون اب تضايق وشال فكره زواجه من حنان لانه يعرف قد ايش هي تمووووت في الاطفال
ومرت سنين
وسنين
وسنين
وعلي مبسوط لان مافي احد تقدم لحنان بس جاء اليوم الي سمع فيه امه تزغرط نزل الدرج بسرعه وهو يشوف الدموع تنزل من عينها
علي:يمى وش فيك
ام علي:مافيني شئ ياولدي بس مبسوطه لان بنت خالتك بتتزوج والله خفنا عليها تعنس بس الحمد لله حنان بتأخذ عبد الله
علي بعصبيه:ليش
ام علي:وش فيك يابوي
علي وهو يغير الموضوع:مالقت غير عبد الله تاخذه
ام علي:ادري انك تقصد انه زوج اختك قبل بس زواج حنان منه فيه مصلحه لشروق
علي تنهد:الله يوفقها
وطلع الدرج بعصبيه

علي..
علي..
علي..
ريان:يالاخ وينك
ريان:علي..علي..ياهوووو لا تصير غيرت اسمك وحنا ما نعرف
علي قام من الذكريات الي مهما مر الزماااان بتبقى ناقوس يدق في عالم النسيان
علي:نعم
ريان:وش فيك
علي:ولا شئ بس افكر في الشركه شوي
ريان بنص عين:موب علي هالحركات ادري هالسرحان وراه جنس نااااااعم يا عيني
علي:لا لا يروح فكرك بعيد انا افكر بالشركه
ريان وهو يقلد نبرت صوته وحركة عيونه: لا لا يروح فكرك بعيد انا افكر بالشركه
علي وهو يغير الموضوع:هذا فيصل جاء
قام ريان يسلم عليه:حيا الله ابو عيون زرق
فيصل:ههههه ما تكبر مبروك
ريان:الله يبارك فيك وعقبالك
فيصل:ان شاء الله ..هلا علي
علي:هلا والله تفضل
فيصل:فشيله بسلم علي المعازيم واجلس
ريان وهو يمسكه:اجلس بس لو تسلم عليهم بيخلص العرس وانت ما خلصت ويمكن تسلم علي الشحص الواحد مرتين
فيصل:ههههه في هذي انت صادق بس ع الاقل اسلم ع المعرس
علي:المعرس الحين بيدخل اذا طلع سلم عليه
ريان:الخاينين راحو بدوني بلحق عليهم قبل يدخلون
علي وفيصل:ههههههه



كان يمشي مع ابوه وابو معتز وريان ومعتز وكان ريان ينكت طول الدرب ويعلق علي عبد الله بس كان يبتسم وداخله يحس بخوف ما كان كذا يوم زواجه من هنادي كان مثل المذنب الي يجرونه لحبل المشنقه وبالرغم من برودت الجو الا انه يحس بحر بالذات في هذي الحظه كان يحس ان حنان اول ماتشوفه بتصد عنه او بيشوف نظرات كره في عينها لدرجه انه فكر يلغي الزواج بس قلبه تعلق فيها واصر انه يحارب عشان يفوز بقلبها

وقف عند الباب وتنهد
معتز لا حظ التنهيده وابتسم علي باله شئ ثاني
وريان اصر انه فتحت الباب تكون علي يده علي قولته يتباركون بيده الي تفتح الباب
فتح الباب ريان وهو يبتسم
ريان وهو يمشي صوب اخته:ابتسمي
طالعته حنان بستغراب
ريان:جد ابتسمي
حنان ابتسمت ع الخفيف
ريان:وبعد ابتسمي
زادت ابتسامتها..
ريان:وبقوه ابتسمي
حنان هنا ابتسمت ابتسامه ذوبت عبد الله لانه اول مره يشوفها مبتسمه
ريان:الله لا يحرمني من خبالك
حنان طيرت عيونها...هذا جزاي ابتسم لك
جاء معتز:ابعد انت الخبل بالله هذا وقت مزح ..(ناظر حنان)مبروك يالغاليه
حنان وهي تطالع اخوانها قدامها:الله يبارك فيك
ريان:اوووووووه نسيت اقول لك مبروك
وهنا دخل سليمان:الف الف الف مبرووووك يا احلى عمه في الكون
حنان وعيونها تدمع :الله يبارك فيك
سليمان:اقول عمي تعرف تزغرط زي الحريم
ريان:لا بس خل نجرب
سليمان وريان:كولولولوليش ..ههههههه
معتز:وش فيك
حنان:بشتاق لك وبشتاق للمجانين هذول
ريان:اوريك ذاك اليوم مانفع معك
حنان بستغراب:أي يوم
سليمان:معليش عمتي عندنا سالفه بنقولها لك واعتبريها هدية زواج
ريان:حلللللللوه هدية زواج كفك
سليمان:ترى ذاك اليوم الي حلمتي اننا رابطينك وجايبين قطوه في وجهك مو حلم
حنان وهي مطيره عيونها ووقفت :اوريكم
بس سكتت كانت جالسه واخوانها وولد اخوها مغطين عليها بس يوم وقفت شافت عبد الله جلست وهي ماتدري ايش صابها حست برعشه ودقات قلبها صارت مسموعه من قوتها
ابو معتز:ههههه وش فيك من شفتي عبد الله اعتفستي
عبد الله وهو يبتسم:يمكن تستحي
هنا حنان شافت ابو عبد الله وكان كبير في السن وماسك عصى فقربت منه وسلمت عليه وحبت راسه
ابو عبد الله:مبروك يابنتي
حنان:الله يبارك فيك
قرب ابوها وحب على راسها:مبروك يا بنتي
حنان وهي تمسح دموعها:الله يبارك فيك ويخليك لي
ريان:وش يخليك له انتي خلاص حذفناك من بطاقه العائله يعني ما يعرفك... الله يخليك لعبد الله

ضحك عبد الله وحنان عصبت وضاق صدرها من مزح اخوها ومن ضحكت عبد الله
سليمان:امسك يدك يابو عبد الله
ابو عبد الله:ايه وانا ابوك خل نطلع ونخلي المعاريس لحالهم
ريان:مسويلي ولد بار وحبوب
معتز:يمكن يبغاء وحده من بنات ابو عبد الله
الكل:هههههه


هنا وقف قلب حنان وخافت بس من ايش اخافت ما تدري كانت تطالعهم وهم يطلعون الي ان طلع معتز وسكر الباب