*بنات أفكاري* رواية خيالية..رومانسية..جريئة

تقدمت لعند الدريشة وفتحت الستاير...

ابرار بصراخ:صباح الخير..

سامي فز من مكانه..ماتوقعها تفاجئه كذا...

سامي:بسم الله(بصراخ)..هي انتي شفيك انجنيتي
ابرار وهي تلعب بشعرها:اقول بس مالت عليك..هاذا جزاتي اني اصبح عليك مع ان المفروض ما اكلمك من بعد هاذاك اليوم
سامي باستهبال:ليه انا وش سويت؟
ابرار تخصرت:ايوه استهبل استهبل
سامي وهو كاتم ضحكته:ليه طيب انا وش سويت؟
ابرار:اوكي خلك على استهبالك..خله ينفعك

توها بتسكر الدريشة بس صوت سامي وقفها...

ابرار بعصبية:خير
سامي:شفيك ليكون زعلتي؟
ابرار:واصلا وش بيني وبينك عشان ازعل يعني

قالت كلمتها من باب المزح...ولا تدري انها جرحته جرح كبير...

سامي سكت للحظات..شلون تقول وش بيني وبينك..وين ايام قبل..ايام ماكانو يفترقون فيها عن بعض...صحيح كانو يتهاوشون كثير بس كله من مزح مو جد...معقولة كل هاذيك الفترة ماحست فيه..ولافكرت فيه كحبيب..لمرة وحدة بس..

سامي بهدووء:صح..مابيني وبينك شي

سكر دريشته بهدوء وطلع من غرفته..

ابرار عضت على شافيفها..ماتدري ليه حست بتانيب الضمير فجاة..هي اصلا ما همها وعمرها ماراح يهمها سامي...بس ليه تحس نفسها متضايقة...

ابرار وهي عاقدة حواجبها:حسبي الله عليك ياسامي..مدري ليه مو قادرة اشيلك من بالي...اوف

مسكت راسها بقوة تحاول تطلعه من افكارها ومن بالها...

ابرار:انا كيف اسمح لنفسي افكر فيه...وبسام...بسام الي صار لي فترة مطنشته من اخر مرة كنا فيها مع بعض وجا سامي...(ضغطت على راسها اكثر)..ياربي حتى لما افكر ببسام يطلع لي هالسامي..

رفعت جوالها ودقت على بسام...

بسام وهو يحاول يخفي لهفته:نعم
ابرار عضت على شافيفها:sorry ادري انك زعلان مني بس خلني اشرح لك
بسام:وش تشرحين..تشرحين تطنيشك لي ولا تشريحن وش صار بالمطعم ولا تبين تشرحين عن هاذاك الي مدري من وين طلع
ابرار:بل بل بل..كل هاذا شايلة بقلبك علي..(قالت بدلع)..ماهقيتك قاسي كذا
بسام تنهد:انا مو قاسي يس بجد نرفزتيني
ابرار:طيبsorry
بسام ابتسم:خلاص مسامحك
ابرار ابتسمت:جد
بسام:اصلا انا مقدر ازعل منك
ابرار:احبـــــك
بسام:وانا اكثر

*******************************

بعد شهر...

ترف وهي تجمع بطاقات العرس:شوف عاد..انا ابي عشرين وحدة
زياد:عشرين وش بتسوين فيها بتعزمين الدنيا
ترف:اقول بس عطني عشرين(سكتت شوي وهي تحاول تتذكر)..لا والله ابي خمس وعشرين
زياد:خوذيهم كلهم احسن

دخل راكان وهو شايل كرتون الكروت...

راكان:بس عاد عن الازعاج صوتكم واصل لين الشارع

ترف وقفت جمب راكان وخذت منه الكرتون...

ترف:والله عاد قول حق اخوك هو الي مزعج
زياد:لا والله انتي المزعجة كل شوي تغيرين مرة 20 ومرة 25 وبعدين تقولين 30 ويلا من يزيد
ترف بدلع:راكـــان...شــــوووفــــه
راكان وهو يخربط بشعرها:خلاص زياد خلها لا تزعلها
زياد وقف:لا والله...(تقدم لهم وقف بينهم)..انت مالك دخل اصلا ترف ماتزعل مني..(التفت على ترف)..وانتي لا تتدلعين الا لي زين
ترف حمرت خدودها:اقول بس اذلف

بعدت عنهم ورجعت للطاولة...

زياد:وربي هالبنت تجنن ودي اكلها
راكان ضربه بخفة:هي انت تراها بنت عمك
زياد التفت له:لا والله..تصدق توني ادري
راكان:يعني استح على وجهك
زياد:وش فيها يعني..احبها وتحبني..عااادي
راكان:انت الكلام معك ضايع

توجهو للطاولة عند ترف...

راكان وهو يجلس:اقول ترف
ترف وهي منشغلة بالبطاقات..قالت بدون ما تطالع فيه:مممم
راكان:الحين انا وزياد متى بندخل
ترف:بعد الزفة

فجاة سمعو صوت صراخ من فوق..التفتو كلهم لمصدر الصوت...

اسيل وهي توقف قدام راكان:نعم نعم..مو كانكم نسيتو شي
راكان باستغراب:وشو؟
اسيل وهي تعدل بلوزتها:احم احم..(قالت وهي تاشر عل نفسها)...انا

راكان:انتي وش فيك؟
اسيل:ابي ادخل معك انت وزياد
زياد:والله انك مو صاحية
اسيل طالعته وهي عاقدة حواجبها:ليه يعني وش فيها؟
زياد:اقول خلك بمكانك احسن
راكان:الحين انتي من جد تحكين؟
اسيل:لا امزح معك...شرايك يعني
زياد:ما اقول لك انهبلت..خلك منها بس..واذا خاطبك الجاهلون قولو سلاما
اسيل:جاهلون بعينك

جلست جمب راكان ومسكت يد بترجي...

اسيل:تكفى راكان دخلني معكم ترى تكفى تهز رجال
راكان تنهد:وش بيقولون عنك الناس اذا شافوك داخلة مع عيال عمك
اسيل وهي تغني:وش علي انا من الناس وش على الناس مني
زياد:شنو وش عليك من الناس؟
راكان:لحظة زياد...خلاص اسيل انا موافق
اسيل نطت من الفرحة:واااااااو واخيرا بحقق حلمي
زياد:اكيد حلمك انك تدخلين معي
اسيل طالعته بقرف:مالت عليك من زينك عاد...اصلا انا طول عمري احلم اني ارقص بعرضة رجال...اقول راكان
راكان:هلا
اسيل:وش رايك تخليني اروح معكم لقسم الرجال وارقص هناك
زياد وراكان بنفس الوقت:نعم نعم!!
زياد:انا قايل لك لا تعطيها وجه
اسيل:خلاص خلاص امزح
راكان:أيوه بعد على بالي...ترا والله اهون وما اخليك تدخلين معنا
اسيل بسرعة:لا لا لا لا..خلاص خلاص تووووبة

قامت وراحت لجهة الاصنصير....

ترف:وين تعالي ماتبين تاخذين بطاقات؟
اسيل:بعديين يصير خير..الحين بروح للخياطة ابي افصل ثوب..ونااااسة

دخلت للاصنصير وهي ترقص...
الكل:هههههههه
راكان:يحليلها بنت عمي دمها عسل
ترف:بس دمها الي عسل؟
راكان رفع حاجبه:وش قصدك؟
ترف رفعت كتوفها:ولاشي

راكان طالعها بشك..بعدين طلع عشان يجيب باقي الكراتين...

**************************

جالسة بالغرفة وتفكر..بكرة ملكتها يعني بتكون زوجة تركي رسمي...تنهدت تخفف من ضيقتها..التفتت على الجهة الثانية من السرير..رفعت خصلة نزلت على وجهها...

تذكرت اخر مرة كانت عند فيصل..

كانت جالسة جمبه على السرير...وهو بلا حراك كالعادة..تمنت يلتفت لها..او بس يحرك اصبعه...لاكنه جسد بلا روح...موجود معها بجسمه بس..تتمنى الدكتور يدق عليها باي لحظة ويقول لها فيصل صحى من الغيبوبة..تتمنى يصحى قبل لا ينكتب كتابها على تركي..ساعات تتمنى تركي يموت..

قامت من السرير بسرعة...

لينة:استغفر الله ايش يموت...تركي مايستاهل

تركي ما يستاهل..حسسها بمدة قصير قد ايش هو انسان..انسان بمعنى الكلمة..طيب..يدخل القلب بسرعة...الكل يحبه ويتمنى قربه..بس هي لا..هي ماتبي غير واحد وبس...فيصل...

لينة:حرام اعيش مع واحد وانا قلبي ملك لاحد ثاني...انا لازم اكلم تركي الحين وافسخ الخطوبة

غمضت عيونها ومدت يدها للجوال..ماتبي توقف باخر لحظة...مسكت الجوال..فتحت عيونها ببطئ...حطت على رقم تركي..يدها على زر الاتصال..مترددة تضغطه ولا لا..متوترة لابعد حد...تذكرت كيف تركي حنون عليها...مع كل الي تسويه فيه والمعاملة الشينة له...الا انه يتحمل ومايبين انه متضايق..قلبها انكسر لقسمين لما شافته امس...

لينة جالسة مع تركي وكل شوي تطالع الساعة...
تركي ابتسم لها:لينة
لينة رفعت راسها:نعم
تركي ببتسامة حلوة:اذا تبين ناجل العرس عشان امك..انا ماعندي مانع

فرصة وجتها عل طبق من ذهب..كان لازم تستغلها احسن استغلال..لاكنها لما شافت نظرته الي تبين عكس مايقول..ماقدرت تقسي قلبها اكثر...هي مو متعودة تكون قاسية مع أي احد...

لينة بهدووء:لا ماله داعي..امي صار لها شهر او اكثر من توفت يعني عادي
تركي ابتسم وجلس جمبها:لينة
لينة حست بتوتر لما جلس جمبها..قالت بهدوء:نعم
تركي:احبك
لينة تطالع الجوال وتطالع رقم تركي فيه...فجاة نور الجوال يعلن قدوم رسالة جديدة..

طالعت اسم المرسل..(تركي)...
ترددت تفتح الرسالة...تبي أي شي يمنعها من فتحا..عارفة لو فتحتها ماراح تقدر تدق عليه وتقول له الي تبيه...

اندق باب الغرفة..وماصدقت خبر ورمت الجوال على طول..

فتحت الباب وشافت سحر مبتسمة...

سحر:يعني اذا عروس مانشوفك؟
لينة ابتسمت:ادخلي
سحر:لحظة

التفتت على الشغالتين الي وراها..وكل وحدة شايلة معها خمس فساتين تقريبا...

لينة:ليه كل هاذولا؟
سحروهي توجه كلامها للشغالات:حطوهم هنا..(وهي تاشر على السرير)..

سحر:ابي اخذ رايك..اي واحد احلى البسه بكرة
لينة وهي تطالع الفساتين على السرير:طيب ليه كل هاذولا اثنين او ثلاثة يكفون مو عشرة
سحر:لو سمحتي 12
لينة ابتسمت على اختها:طيب ولا تزعلين 12 بس ليه كثير يعني وش بتسوين فيهم بعد الملكة
سحر:بعدين بفكر..يلا عاد اختاري

لينة تطالع الملابس..شد انتباهها واحد ذهبي وفيه شك بالنحاسي على كل الفستان..

لينة رفعته:وش رايك بهاذا؟
سحر ابتسمت:عاد انا كنت بختاره بس احترت بينه وبين هاذا

رفعت فستان لونه عنابي موديله من النوع الي يجي من قدام قصير لين فوق الركبة ومن ورى طويل وفيه كسرات..داخل معه فصوص بالعنابي وشك من قدام...

لينة:أي بعد هاذا حلو
سحر:يوه عاد لينه انا جاية اسالك وانتي تعيدين نفس كلامي
لينة:طيب خلاص خوذي العنابي احلى
سحر وقفت قدام المراية:ممم طيب وش رايك اقص شعري
لينة:ايش؟!...لا طبعا
سحر مدت بوها:ليه؟
لينة:شعرك طويل وحلو حرام تقصينه
سحر:أي انا بقصه بعدين بحط وصلة
لينة:وليه تطولين السالفة وهي قصيرة خلاص لاتقصينه من اول وخلاص
سحر:لا لا انا ابي اقصه ابي اغير
لينة:وشولن بتقصينه؟
سحر:ممم افكر اخليه مكسر واصبغه اسود
لينة:والله مدري كيفك
سحر:يعني بيطلع حلو؟
لينة وهي تقرص خدودها:وفي شي تسويه سحورة ومايطلع حلو
سحر ابتسمت وهي تضمها:ويلوموني ليه احبك واموت فيك

باستها على خدها بقوووة....

لينة:هههههههه

رن جوال لينة باغنية(انت طيب لنوال الكويتية)...

سحر بلقافة رفعت الجوال وشافت الاسم...

سحر:تركي

لينة حست بطنها مغصها اول ماسمعت اسمه...

سحر وهي تعطي لينة الجوال:في وحدة تسمي زوجها باسمه العادي
لينة:مابعد يصير زوجي
سحر:يعني فرقت يوم
لينة:ماتدرين وش ممكن يصير بهاذا اليوم
سحر:اقول بلا فلسفة وردي..مسكين شكله نام على السماعة
لينة:ههههههه..طيب

لينة بهدوء تحاول تخفي فيه توترها:هلا
تركي بلهفة:هلا وغلا كيفك حبي؟
لينة قلبها دق..ماتدري ليه..يمكن عشان سحر قدامها ومرتبكه:بخير انت كيفك؟

سحر:الظاهر انا جاية عرض..اطلع احس لي

نادت على الشغالات يشيلون الفساتين..

سحر:باااي لينة

لينة اشرت لها باي...

تركي:مين هاذي؟
لينة:سحر
تركي:حياتي وربي مو مصدق انك بكرة بتصيرين زوجتي
لينة حست بضيق اول ماتذكرت ان بكرة الملكة:أي وحتى انا
تركي:احبك مووت

حست الدموع تجمعت بعيونها...تركي مايستاهل الي قاعدة تسويه له..

لينة:تركي
تركي:عيونه
لينة:ممكن اقول لك شي
تركي:اكيد وشو قولي حبيبتي

لينة:تركي انا.....

**********************************

...نهاية البارت...

انتظر الباقي
يعطيك العافية

أن شالله مول نواره اليوم اكمل كذا بارت

>>>الجزء السادس عشر<<<

محمد:لا حبيبتي مافي

اسيل:لا والله وليه ان شاء الله؟

محمد:شنو يعني تلبسين ثوب وترقصين مع عيال عمك احنا وين قاعدين

اسيل:بالسعودية

محمد:اسيل ترا مو وقت مزح الحين انا اتكلم جد

اسيل مدت بوزها:حمود لا تصير لي زياد الثاني

محمد:طبعا اكيد هو مو موافق

اسيل:اصلا انا مالي دخل فيه اهم شي راكان موافق وانا مقتنعة

محمد بغيرة:وش معنى راكان يعني؟

اسيل حست بنبرته المتغيرة:يعني لانه اكبر واحد

محمد:اها قلتي لي

اسيل:محمد شفيك؟

محمد:مافيني شي..خلاص سوي الي تبينه

اسيل:لا
محمد:شنو لا

اسيل:يعني لا ماراح اسويه

محمد:اسيل ترى انتي بتجننيني الحين صار لك ساعة تقنعيني ولما رضيت تقولين لا

اسيل:أي لا ماراح اسوي الي ابيه الا لما تقول انك موافق

محمد:انا قلت لك سوي الي تبينه

اسيل:أي هاذا الي انا ابيه بس انت ماتبيه

محمد:مين قال

اسيل:احس

محمد تنهد:خلاص موافق

اسيل:مو من قلبك

محمد:والله من قلبي الي انتي تبينه انا بعد ابيه

اسيل ابتسمت:اكيد

محمد ابتسم:واكيدين بعد

اسيل:محمد

محمد:عيونه
اسيل:احـــبــــك

محمد:ههه لو ادري بتقولينها لما ارضى كان قلتها من زمان

*****************************

تركي:حبيبتي شفيك..وش تبين تقولين

لينة حطت يدها على قلبها الي يدق بقوة من التوتر والخوف..تخاف تقوله وتكسر قلبه..مو كافي كسرت قلب واحد..ماتدري وش بيسوي لما يصحى من الغيبوبة ويعرف بلي صار..على الاقل تفرح واحد...

لينة:احم..احم...لا ولاشي

تركي:على راحتك حبي

لينة تنهدت..تحس بتانيب ضمير فضيع:طيب تركي انا بسكر الحين..بكلمك بعدين طيب

تركي:اوكي عمري..باي

لينة بهدووء:باي

سكرت الجوال وجلست تطالع فيه لفترة....رمته على السرير وهي تافف...سحبت عبايتها من الدولاب وطلعت...

******************************

وليد ماسك يدها والهفة والحب بعيونه:مشتاق لك حياتي

سحر بلهفة وشوق:وانا اكثر حبيبي

وليد:حرام عليك كل هالفترة تقطعيني ولا حتى تلفون تطمنيني عليك

سحر وهي تطالع يدينها المتشابكة بيده:مو مني حبيبي بس تدري يعني وفاة ماما و..........

وليد قاطعها:مو مهم كل هاذا..اهم شي انك بجمبي الحين واشوفك قدامي

سحر ابتسمت...

وليد:وبهاذي المناسبة انا عازمك ولا تقولين لا..في كلام كثير ابي اقوله لك

سحر:ممم..والله مدري وش اقول لك بس.....

وليد:لابس ولا شي...قولي انك بتجين معاي

سحر وهي تطالع لبسها:يعني ماتشوفني مو لابسة عباية..شلون بطلع

وليد ابتسم:بسيطة

نزل من السيارة وفتح الباب الي ورى...

سحر طالعته باستغراب:وش قاعد تسوي؟

وليد ابتسم لها:بتشوفين

سحب كيس من ورى ورجع للكرسي الي قدام...

سحر وهي تطالع الكيس:شنو هاذا؟

وليد مد لها الكيس:افتحي

سحر فتحت الكيس باستغراب وهي عاقدة حواجبها...

سحر ضحكت:من وين جبتها؟

وليد:هههه شبيك لبيك وليد بين اديك الي تبينه يجيلك بلمح البصر

سحر:هههه لا جد من وين جبت العباية..وش دراك اني بطلبها

وليد:انتي قبل لاتتكلمين احس فيك ياعمري

سحر:طيب من وين جبتها؟

وليد ببتسامة:اخذتها من هاجر

سحر:وهي ماقالت شي

وليد:خليها تتكلم بس شوفي وش يجيها...هاذا الي ناقص بعد

سحر:طيب وخواتي وش اقول لهم اذا مالقوني بالبيت

وليد:انتي مو تقولين عيال عمك عندكم وكلهم مشغولين بتجهيزات عرس اختك

سحر:أي

وليد:خلاص اجل ماراح يلاحظون بعدين احنا ماراح نطول كلها ربع ساعة وراجعين بس بقول لك شي

سحر:يعني مايصير تقوله هنا

وليد:قولي انك ماتبين تطلعين معاي وخلاص..اكيد ولد عمك راكان عجبك واكيد انه اوسم مني

سحر:وليد لا تقول كذا انا احبك وبعدين راكان وش دخله الحين

وليد:مدري من يوم ماجا وانتي متغيرة علي

سحر:وليد لاتخليني ازعل منك..انت تدري اني احبك ومستحيل احد ياخذ مكانك

وليد:..............

سحر:يلا عاد عن حركات البزران

وليد عطاها نظرة:انا بزر الحين

سحر عقدت حواجبها وهي تبتسم:وش هالنظرة؟

وليد طالع قدامه:ولاشي

سحر تنهدت:ليكون زعلت؟

وليد بدون مايطالعها:لا ابد

سحر قربت منه ومسكت بيده وحطت راسها على كتفه:حبيبي والله اسفة

وليد طالعها..وهي رفعت نظراتها له...

وليد ابتسم:مو زعلان

سحر:اكيد

وليد:اكيدين

سحر وهي تلعب باصابعه:لو قلت هالكلام مرة ثانية بزعل منك

وليد باستهبال:أي كلام

سحر رفعت راسها وضربته على خفيف:ولـــيــــد

وليد:هههه خلاص خلاص

********************************

يوم الملكة...

جالسة على الكرسي والكوافيرة تستشور شعرها...دمعتها بعينها ومو راضية تنزل...


اسيل فتحت الباب والابتسامة على وجهها:خلصتو؟

الكوفيرة البنانية:لأ لسا بائي شوي

اسيل:لينة عندي لك مفاجاة

لينة بدون اهتمام:وشو؟

دخلت نجد من الباب وهي تبتسم وضمت لينة....

نجد:وحشتيني

لينة اول ماشافت نجد وضمتها نزلت دموعها الي حابستها...

لينة:وانتي اكثر

نجد بعدت عنها شوي:كذا اليوم تصير ملكتك ولا تقولين لي..ماهقيتها منك يالينة

لينة:والله مو قصدي بس انتي تدرين الظروف الي مرينا فيها

نجد:وليه ماجيتي لعرسي؟

لينة:ادري اني مقصرة معك بس والله مو بقصدي سامحيني

نجد وهي تمسح دموع لينة:لا حبيبتي لا تبكين انا مو زعلانة منك

اسيل اشرت للكوافيرة تطلع معاها...

اول ماتسكر الباب التفتت نجد للينة...

لينة زاد بكيها:شفتي وش صار فيني يا نجد..شفتي وش صار بفيصل..(ماقدرت تكمل وبكت)...

نجد ضمتها اكثر:خلاص حبيبتي اهدي

لينة من بين شهقات:انا كنت احسبه خاين وكذاب...بس هو طلع مظلوم...طلع مريض وبالعناية المركزة

نجد بكت معها:خلاص لينة انتي مالك ذنب

لينة:أي بس كان لازم اكون بجنبه واواسيه مو اروح اتزوج واحد ثاني..لو قام من الغيبوبة ولقاني بعصمة واحد ثاني...ايش ممكن يصير فيه

نجد:هاذا كله مقدر ومكتوب..بتعترضين بعد على ارادة ربك

لينة وهي تمسح دموعها:ونعم بالله

نجد:بسك دموع عاد ما مليتي..انا بصراحة طفشت..شوفي وجهك شلون صاير

لينة طالعت وجهها بالمراية والمكياج سايح وكل الي سوته الكوفيرة راح على الفاضي...ابتسمت على شكلها..

نجد:يوه نسيت اقول لك

لينة بهدووء:شنو؟

نجد وقفت وشالت عبايتها...

نجد:وش رايك؟

لينة حطت يدها على فمها:واااو نجد بيصير عندك بيبي..ليه ماقلتي لي؟

نجد:والله مثل ما انتي تخبين علي بعد انا بخبي عليك

لينة:لا والله

نجد:لا امزح بغيت اسويها مفاجاة..وش رايك فيها؟

لينة ابتسمت:احلى مفاجاة...ولد ولابنت؟

نجد وهي تجلس:والله مدري

لينة:ليه مارحتي للدكتور يقول لك

نجد:لا مابي خليها كذا مفاجاة

سكتو لما دخلت اسيل والكوافيرة وراها...

اسيل:بسكم هذرة ترى مايمدي تخلص شعرها وتعدل لها المكياج

نجد قامت:طيب اجل انا بطلع ولما تخلص برجع

لينة:لا لا تطلعين خليك معاي

نجد:يعني انا بسافر بجلس مع اسيل

لينة:معليه خليك عندي

نجد جلست:طيب

*******************************

ترف وهي تركض:هههههه والله ما تاخذها

زياد:اقول لك عطيني اياها

ترف بعناد:no خبلة انا اعطيك اياها عشان تطلعها برة البيت

زياد:هي المتسببة ليه تشمخني

ترف:الحمد الله والشكر تحط عقلك بعقل قطوة

زياد:المهم لها عقل

راكان وهو داخل:وش بلاكم؟

ترف ركضت وتخبت ورا راكان....

ترف:شوف اخوك المجنون يبي يطرد قطوتي قال ايش شمخته

راكان:هههههههه طيب وش فيها

زياد:فيها ان انا متسبب وابي اتهاوش مع احد

ترف بعفوية وبسرعة:دور غيري تتهاوش معاه مو انت عندك واجد

لحظة صمت بين الثلاثة...ترف حطت يدها على فمها...مستغربة كيف نطقتها....زياد طالعها بنظرات مافهمتها...هو بعد مستغرب ليه قالت كذا وشنو قصدها من هالكلام...

راكان حس بتوتر الجو:اقول ترف

ترف بهدوء:نعم

راكان:وش رايك بكشختي؟

ترف لفت عليه وطالعته بتامل...جد شلون ما لاحظت انه متغير..

ترف:اوه اوه..راكانو الله يطلع منك

راكان:لا والله شنو يعني يطلع مني ليه انتي وش شايفتني

ترف وهي تتامل شكله..كان محلق لحيته بس مخليها خفيفة ومسوي سكسوكة وطالع جنااان...

تقدمت لعنده وقرصت خدوده:والله تهبل

راكان ضرب يدها على خفيف:هههه اقول استحي على وجهك بس

ترف رفعت حاجبها:هاذا جزاتي

راكان:احم احم..يعني كملي

ترف:ههههههه والله انك مفهي

زياد بغيرة:وانت ليه لابس من الحين تو الناس

راكان ببتسامة:عادي ملكة بنت عمي ومستانس عشانها..انت ليه مقهور

زياد برتباك:مو..مو مقهور ولا شي...عادي واصلا ليه انقهر انا ادري اني احلى منك

راكان ضحك:الحمد الله والشكر

زياد بعصبية:على شنو تتحمد ربك ليه وش شايفني..انت اصلا على شنو شايف نفسك

راكان باستغراب وصراخ:انت شفيك؟

زياد بصراخ:انا ولا انت

راكان وهو يحاول يمسك اعصابه: زياد انت الحين تعبان روح ارتاح وبعدين نتكلم

زياد:ايوه قول كذا من الاول تبيني اروح عشان يفضالك الجو

راكان بعصبية وصراخ:أي جو؟

زياد:انت فاهم ماله داعي تستغبا

ترف وهي تسحب زياد بعيد عن راكان:خلاص زياد اهدى

زياد طالعها والشرار بعيونه...

ترف:شفيك؟

زياد سحب يده منها بقوة:انتي ابعدي عني

ترف تركت يده والصدمة على وجهها..ليه يعاملها كذا..هي شنو سوت..

ركضت لاصنصير وهي تبكي...

راكان:مستانس الحين

زياد وهو عاقد حواجبه:انت مالك دخل

سحب مفتاح سيارته من الطاولة وطلع...

*******************************

وقف عند باب بيته...مايبي يدخل..يحس انه مخنوق..لانه متاكد اذا دخل بيشوفها..

تنهد سامي بضيق وهو يطالع البيت....

سكر السيارة ودخل...

دخل المفتاح بالباب...بس وقفه صوت جواله...

سامي:هلا والله زيود

زياد بضيق:سامي

سامي عقد حواجبه:شفيك؟...صوتك متغير

زياد تنهد:انت وينك؟

سامي:بالبيت..ليه؟

زياد:يعني ماتقدر تجي عندي

سامي:الا اقدر كم زياد عندي انا

زياد:طيب تعال بسرعة

سامي خاف من نبرته المتغيرة:اوكي بس قلي انت وين؟

زياد قاله عن المكان وبدقايق كان عنده...

سامي:هلا زياد..شفيك خرعتني

زياد تنهد:متضايق

سامي:من ايش؟

زياد:هالبنت يا بتجنني يا تبي تذبحني

سامي:ههههههه للحين انتو على نفس السالفة

زياد:لااا موضوع ثاني

سامي:زياد وش سويت؟

زياد:ماسويت شي بس هي مجنونة

سامي:ههههههههه..مجنونة..وليه تقول كذا؟

زياد:أي مجنونة وتبي تجنني معاها

سامي:طيب انت قولي شنو السالفة؟

زياد قال له السالفة من اول ما وصل راكان لين االيوم...

سامي:اخوك ماصار له مدة مو جا وتهاوشت معاه على طول

زياد:ادري اني غلطان بس مو بيدي..احبها بجنون وما ابي أي احد يقرب منها غيري..انا وبس

سامي ضغط على يده وتنهد وهو يطالع قدامه:حاسس فيك

زياد التفت له..صار له مدة ما يجلس مع سامي زي اول..من لما وصل راكان وهو متجاهل سامي...سامي صديق عمره...وهو اول ما احتاج له جاله على طول...حس قد ايش هو مقصر مع صديقه..وما صار يعرف عنه شي...

زياد حط يده على كتف سامي:شفيك؟

سامي:شفت شلون تحس لما تكون تحب احد وهو مو حاسس فيك...لا والمشكلة هاذا الشخص يحب واحد ثاني...وصارحك بمشاعره اتجاهه...تعرف هاذا الاحساس؟

زياد:حالتك خطيرة..شسالفة؟

سامي قال له عن سالفته مع ابرار وبسام...حس انه شال هم كبير على قلبه لما تكلم معاه...

زياد:متى اخر مرة جلسنا فيها وتكلمنا
سامي التفت له:مدري

زياد:سامحني لو كنت مقصر معاك

سامي:لا عادي..انت عندك ضروفك

زياد:ولو بعد انا غلطان...لازم اعوضك

سامي عدل جلسته:شلون؟

زياد:اليوم انت معزوم على ملكة بنت عمي

سامي:بس انت عزمتني

زياد وهو يحك شعره:جد والله...ممم طيب معليه اعزمك مرة ثانية

سامي:ههههههه طيب

**************************

ابرار وهي تطالع بالملابس المعلقة بالدرج:وش بتلبسين احس ملابسك ما تنفع حق ملكة

اسيل:يوه مالي خلق اطلع شي

ابرار:من جدك انتي..اليوم ملكة اختك وانتي ما شريتي لبس

اسيل:البركة فيك يلا اختاري لي

ابرار تخصرت وهي رافعة حاجبها:احلفي

اسيل ابتسمت:والله

ابرار:ها ها ها..بايخة

اسيل وهي تلعب بالقيم بوي:مشكورة بس اخلصي طلعي لي لبس

ابرار:امري لله طيب

جلست مدة وهي تدور وكل ما تطلع شي ما يعجب اسيل..لحد ما طفشت ورمت الملابس على الارض...

ابرار بصراخ:والله ترى طفشتيني ماني فاضية لك ابي اروح للمشغل اسوي شعري

اسيل:مو لازم اذا خلصت الكوفيرة من لينة خليها تسوي شعرك

ابرار جلست على السرير:شدعوة ليكون للحين ما خلصو؟

اسيل رمت العبة على السرير وتنهدت:والله مدري وش فيها لينة

ابرار:ليه؟

اسيل:احسها متضايقة..يعني في شي غير الملكة مضايقها

ابرار باستغراب:وليه تتضايق من المكلة؟

اسيل حست على نفسها وغيرت الموضوع:اقول ابرار خلينا نروح عند سحر..هي شارية فساتين واجد خلينا ناخذ واحد بدال ما ترميهم

ابرار:ترمي فساتين؟

اسيل:تسسويها هاذي مهبولة

ابرار:هههههههه طيب يلا

طلعو من جناح اسيل وراحو لجناح سحر...

طبعا كالعادة كان صوت الاغني مالي الجناح كله..

اسيل:ياخي ذي البنت مزعجة

ضربت الباب بقوة...

اسيل بصراخ:سحر...سحر

كانت بتضرب الباب اقوى بس فتح الباب...

سحر بصراخ:خير؟!

اسيل بنفس النبرة:بكلمك

سحر عقدت حواجبها:ايش؟!

اسيل علت صوتها:بكلمك..سكري الي عندك

سحر بصراخ:طيب

ابرار:انواع الازعاج انتي وياها

اسيل:عادي لو انتي عندنا كان تعودتي

سحر سكرت الاستريو وراحت لاسيل وابرار...

سحر:نعم؟

اسيل:طيب قولي تفضلو

سحر تاففت:ادخلو

ابرار طالعتها باستغراب ودخلت مع اسيل..

سحر:امري وش تبين؟

اسيل باستهبال:ممم واحد عصير برتقال..وجيبي حق ابرار عصير ليمون

سحر:يا شينك..بلا استهبال تراني مو فاضية

اسيل:طيب اعصابك...ابي فستان من عندك

سحر تخصرت:نعم

اسيل:خلصيني اليوم ملكة لينة وانا ماشريت شي

سحر:مشكلتك هاذي

اسيل وقفت وتقدمت لسحر..

قالت وهي تقرص خدودها:يلا عاد سوسو انا اختك حبيبتك سندك بالدنيا..تبخلين علي بفستان

سحر ضربت يدها بخفيف:خلاص بلا طرارة بعطيك

اسيل قرصت خدودها اكثر:فديتج سوسو

سحر وهي تفرك خدودها:خلاص عاد

اسيل حطت يدها على فمها:اوكي

راحت لغرفة الملابس وفتحت دولاب كله فساتين...

سحر ببتسامة:شبيك لبيك..اختاري وش تبين

اسيل وابرار طالعو بعض مستغربين..اول مرة يشوفون كمية فساتين زي الي عند سحر...

اسيل غمضت عيونها و رفعت فستان بطريقة عشوائية..فتحت عيونها وكان فستان ستان لونه سماوي..قصير يوصل لين فوق الركبة..وينربط من فوق بشريطة وظهره عاري...وفيه كسرات مع شريطة بيضة كبيرة بالنص...

اسيل حطت الفستان عليها:حلو؟

سحر:كذا ما يبين البسيه وبعدين نقول لك اذا حلو ولا لا
اسيل:طيب

راحت لغرفة التبديل...

سحر:من متى تعرفين اسيل؟

ابرار:من زمان

سحر:كيف عرفتو بعض؟

ابرار:اول مرة شفتها بالمستشفى كانت جاية عند....(سكتت لانها كانت بتقول لها عن محمد)...اقصد كنت رايحة عند ولد خالتي هناك وشفتها جلسنا نسولف وبعدين صرنا صديقات

سحر مادخل راسها الموضوع بس مشت السالفة:اهاا

طلعت اسيل من الغرفة وهي مغمضة عيونها...

اسيل:حلو ولا لا؟

سحر وابرار جلسو يناظرونها..شكلها متغير معقولة البس يغير كذا..ناظرو بعض وابتسمو...

سحر:طيب افتحي عيونك ليه مغمضتها ههههههه

اسيل فتحت عيونها... ما كان في تعابير بوجوههم...

اسيل تاففت:اكيد مو حلو ياربي

ابرار:طيب افتحي شعرك

اسيل:شدخل الحين هاذا؟

سحر:معليه خذينا على قد عقلنا وافتحيه

اسيل تاففت..هي خاربة خاربة خليها تفتحه احس..سحبت البكلة الي على شعرها وتناثر شعرها الاشقر بطريقة حلوة على وجهها..وعطاها شكل ملايكي مع فستانها السماوي الرايق وعيونها الزرق...

سحر:لا عاد ما تفقنا على كذا

اسيل باستغراب:شنو؟

سحر:كذا بتغطين علي وعلى لينة

اسيل:يعني حلو؟

ابرار:يهبل ماشاء الله عليك

اسيل التفتت للمراية الكبيرة الي على الجدار وابتسمت...

اسيل وهي تحضن سحر:مشكورة ياقلبي

سحر استغربت من حركة اسيل بس ابتسمت وحضنتها:العفو

اسيل بعدت شوي عن سحر:وانتي وش بتلبسين؟

سحر:لا حقي مفاجاة بعدين تشوفينه

اسيل:اوكي اجل بروح انا وابرار نشوف لوخلصت الكوفيرة عشان تسوي شعر هاذي..(وهي تاشر على ابرار)...

سحر:بس انتي شعرك ناعم ليه تسوين شسوار؟
ابرار:لا ماراح اسشوره بس بخليها تسويلي تسريحة تنفع مع الفستان
سحر:اها اوكي

طلعو من الجناح وراحو لعند الكوفيرة....

********************************

بالقصر كان الكل مشغول...والشغالات داخلين وطالعين بالزينة...راكان واقف عند باب القصر ويشرف على البوفيه..ترف مع منسقة الدي جي...اسيل وابرار مع زينة الكوشة والترتيبات..

اسيل:تتوقعين لو محمد شافني لابسة الفسان..شنو بتكون ردة فعله؟

ابرار:اذا مانجن عليك ما اكون ابرار

اسيل ابتسمت:جد

ابرار:اكييد ولد خالتي واعرفه

اسيل:بس حسافة ماراح يشوفني

ابرار:مين قال لك

اسيل طالعتها:وش قصدك؟

ابرار:انتي مو تقولين ان زياد ومحمد اصدقاء

اسيل:أي

ابرار:طيب

اسيل سكتت لفترة تستوعب قصد ابرار....

اسيل:اهاا قصدك يعني ان زياد يمكن يكون عزم محمد واذا جا ممكن يشوفني

ابرار:الحمد الله وصلت المعلومة

اسيل:طيب وش الي ياكد لي ان زياد عزم محمد

ابرار:اساليه

اسيل:محمد

ابرار:اقصد زياد

اسيل:لا صعبة اساله عزمت محمد ولا لأ

ابرار رجعت للزينة:بكيفك بس مو تقولين بعدين ياليت ومدري وشو

اسيل تركت الزينة وجلست تطالع العمال من الدريشة وهم يشيلون الاغراض...

ابرار وقفت جمبها...

ابرار وهي تاشر على راكان:يلا روحي اساليه

اسيل طالعتها:مين قصدك؟

ابرار:زياد

اسيل:ههههه هاذا راكان مو زياد

ابرار:وش دراك انه راكان مو زياد

اسيل:كذا ادري وبس

ابرار:اسوولة

اسيل لفت لها:لا طالعيني كذا..خلصت من ترف جيتيني انتي

ابرار:لا حبيبتي لا تفهميني غلط انا اصلا متاكدة انك تحبين محمد ومستحيل تحبين غيره

اسيل:طيب انتي اسالي محمد

ابرار وهي تسحب شنطتها وتطلع الجوال:عشان خاطرك بس

اسيل ابتسمت وضمتها:فديتك انا

ابرار:أي أي مو عشاني...(اشرت لها تسكت)..بس بس قاعد يرن

اسيل حطت يدها على فمها وهي تغطي ابتسامتها...

محمد:هلا والله ابرار

ابرار:هلا بحمود..اخبارك؟؟

محمد:بخير وانتي؟؟

ابرار:زينة...اقول حمود

محمد:هلا

ابرار:بتجي اليوم ملكة اخت اسيل؟؟

محمد:ليه تسالين؟؟

ابرار:اخلص عاد تراني مو فاضية

محمد:اجل ليه داقة يلا اذلفي

ابرار شهقت:انا اذلف يا......

اسيل قاطعتها وقالت بهمس:ابرار مو وقت هواش اساليه

ابرار بعدت عنها السماعة:هو الي يرفع الضغط

اسيل:حدك عاد ترى ما ارضى

ابرار:مالت عليك وعليه..اوريك انا الحين بسكر

اسيل بسرعة:لا لا لا..خلاص بسكت

محمد:الو..الو..وين رحتي؟؟

ابرار:ايوه معك

محمد:كاني سمعت صوت اسيل ولا انا اتخيل

ابرار((بسم الله)):لا تتخيل انا اصلا بالبيت

محمد:حسافة ابي اكلمها

ابرار:دق عليها

محمد:لا بعدين انا مسوي لها مفاجاة

ابرار:شنو؟؟

محمد:مالك دخل

ابرار:طيب بتجي ولا لأ

محمد:أي زياد عزمني

ابرار:طيب باي

محمد:بل وش فيك؟؟

ابرار:ولاشي بس بروح الحين لعند اسيل

محمد:سلميلي عليها

ابرار:اوكي يوصل..يلا باي

محمد:باي

اسيل وهي تفرك يدينها ببعض:ها وش قال...بيجي؟؟

ابرار مافي أي تعابير بوجهها....

اسيل تنرفزت:ابرار بلا سخافة

ابرار بصراخ:بيجي

اسيل صرخت:والله

ابرار:أي

صرخو هم الثنتين بحماااس....


اسيل:يعني خلاص البس الفستان ولا اخذ غيره

ابرار:لا نفسه يجنن عليك

اسيل:طيب يلا خلينا نخلص بسرعة ترى المعازيم بيجون بعد الصلاة على طول

ابرار:يلا بسرعة

*********************************

بعد صلاة العشاء بدو المعازيم يحضرون...لينة توترها يزيد مع كل لحظة تمر..خايفة من الحظة الي تشوف فيها تركي..ماتدري لحظتها وش بتقول له...او وش بيقول لها...

دخلت ترف للغرفة وهي مبتسمة:لينة

لينة التفتت لها بدون ما تتكلم...ماهي قادرة تقول شي من الارتباك والخوف...

ترف:وصلو اهل تركي وتركي معاهم

لينة طالعت نجد وضغطت على يدها بقوة...

نجد:طيب حبيبتي روحي استقبليهم

ترفk

طلعت برة وسكرت الباب....

لينة:نجد ابي اروح لفيصل

نجد:خير؟!

لينة:تكفين الحين

نجد:انتي مو صاحية..خلاص لينة انتي لازم تنسين فيصل...احنا وش اتفقنا

لينة:طيب طيب خلاص

نجد بشك:لينة..لا تتهورين

لينة:لا تخافين وش شايفتني يعني

نجد تنهدت:والله ينخاف منك

لينة طالعت نفسها بالمراية بدون ما تعلق على كلام نجد....

**************************

نزلت ترف من الدرج وبجمبها سحر والعيون عليهم..كانت كل وحدة احلى من الثانية...

ترف بفستانها الاورنج الصارخ..كان طويل ومزموم من على الجمب وفيه ذيل من ورى...

سحر..كانت لابسة فستان لونه عنابي موديله من النوع الي يجي من قدام قصير لين فوق الركبة ومن ورى طويل وفيه كسرات..داخل معه فصوص بالعنابي وشك من قدام...وشعرها الاسود المكسر زينته ببروش عنابي...

سحر قربت من ترف:شوفي كيف بياكلوني بعيونهم

ترف خزتها:قصدك بياكلوني انا

سحر:مالت عليك اصلا انا احلى منك

ترف:ايوه صح

سحر:اقول انطمي وامشي قدامي

ترف توها بتمشي بس مسكتها سحر...

سحر:لا انا اول

ترف:الحمد الله وال.....

ما كملت كلمتها لانها لاحظت احد من الدريشة

بدون ما تحس لقت نفسها تمشي لبرة..

ترف وهي ترفع فستانها:اوف هالفستان هاذا يعني كان لازم اتفلسف والبس فستان طويل

رفعت راسها تبي تشوف مين الي شافته..هي مو متاكدة اذا كان زياد او راكان...بس اذا كان زياد لازم تعتذر منه...هي عارفة انه يغار عليها من نسمة الهوى..هالمرة من راكان بعد...شي طبيعي يغار ويعصب...

ترف:هاذا وين راح؟؟...اوف ادخل احسن لي

التفتت عشان تدخل وبالغلط داست على فستانها الطويل...غمضت عيونها بخوف استعداد للطيحة...

بس في يد مسكتها وضمتها...فتحت عيونها بخوف...مين الي مسكها..

وقفت والتفتت تشوف مين الي مسكها...لاشعوريا منها ضمته باقوى ماعندها..هي الوحيدة الي تقدر تفرق بينه وبين راكان..قلبها يدلها له..

زياد ضمها اكثر لصدره..يحبها من كل قلبه..يبغاها تكون له هو لوحده..

ترف بعدت عنه شوي ورفت راسها له:I am sorry

زياد باس جبينها:انا الي اسف صدقيني ما كان قصدي اجرحك

ترف:انا الغلطانة..انا الي حاولت استفزك..جدsorry

زياد:مسامحك ياقلبي

ترف ضمته اكثر...

راكان ابتسم وهو يشوفهم متصالحين مع بعض...

******************************

وقافة قدام المراية وتطالع نفسها...والارتباك واضح عليها...

اسيل:مدري ابرار احس شكلي بيطلع اوفر

ابرار:ولا اوفر ولاشي حطي مكياج خفيف

اسيل:لا مستحيل بس بحط قلوس

ابرار:كيفك تراك طفشتيني..بس اخلصي بسرعة الولد تنقع برة

اسيل:هو ينتظر برة الحين؟؟

ابرار:أي انا قلت له ابيك ضروري الحين وهو داق علي من مساع يقول انه برة

اسيل:وليه ما تنطقين ساكتة من مساع برة وساكتة

ابرار:قايلة لك من سنة جدي وانتي الي كل شوي شكلي افور ومدري وشو

اسيل اشرت لها تسكت:خلاص خلاص بلا هذرة

ابرار:مووقف هواش الحين بعدين يصير خير..يلا اطلعي

اسيل:طيب طيب

تقدمت ابرار عشان تفتح الباب لها..لانها مو قادرة تتحرك من الارتباك...

ابرار التفتت لها:شنو بتقعدين واقفة هنا لين بكرة

اسيل انتبهت:ها..طيب

طلعت لبرة والتفتت وراها تدور ابرار الي فجاة اختفت...

اسيل بداخلها((حسبي الله عليك على طول اختفت))...

سمعت صوت من وراها...صوت الانسان الوحيد الي يخلي قلبها يدق...

محمد بشك:اسيل؟؟!

اسيل التفتت وهي تحس قلبها وصل لين رقبتها من التوتر والخوف...تخاف ما يتقبل شكلها او ما يعجبه ال(new look )..

محمد ابتسم وقرب لعندها:اسيل هاذي انتي ولا وحدة ثانية؟

اسيل لا شعوريا غطت وجهها...

محمد شال يدينها من على وجهها:ليه تغطين وجهك؟

اسيل وهي مغمضة عيونها:شكلي غلط صح؟؟...قول الصراحة والله ماراح ازعل..اصلا انا.......

سكتت لما حست بشفايفه على خدها وباسها...فتحت عيونها بسرعة...

محمد ببتسامة:تهبلييين

اسيل حمرت خدودها...تركت يدها بسرعة وتوجهت للباب....

محمد:وين؟؟

اسيل لفت عليه و ابتسمت:بايووو

قبل لا تدخل عطته بوسة وقالت بهمس:احــــبــــك

دخلت بسرعة قبل لا تسمع رده...

محمد ابتسم ووقف يطالعها وهي تدخل لين ما اختفت من نظره...


ابرار ابتسمت على شكل محمد الفاهي باسيل للحين وكانها قدامه...

رجعت لورى ولا انتبهت الا وهي صاقعة بشي...

ابرار بانفعال:ااي

فتحت عيونها ورفعت راسها تشوف مين قدامها...اخر شخص توقعت تشوفه....

ابرار بصدمة:سامي؟؟!

سامي ماتحرك من مكانه...ولاحتى فكر يساعدها..وقف رافع حاجبه وهو يطالعها...بفستانها البنفسجي..كان موديله كوكتيل وقصير يوصل لين فوق الركبة..وفي كسرات داخل معه اللون الذهبي...

ابرار وهي توقف:جد ما عنك ذوق طايحة قدامك وانت تقز فيني

سامي انتبه لنفسه:اسف ما كان قصدي...بعدين انتي من زينك عشان اقز فيك

ابرار:يحصلك اصلا..يلا ابعد

سامي تكتف:مابي

ابرار:سامي بلا سخافة ابعد خلني امر

سامي ابتسم:والي ما يبعد

ابرار قربت منه ومسكت بأبة ذوبه من فوق:جرب ما تبعد وشوف وش بسوي فيك

سامي ارتبك من قربها له بس مابين لها...

ما حست الا بنفسها مرتفعة عن الارض وسامي رافعها...

ابرار صرخت:سامي..هههههه..نزلني..ههههههه

سامي وهو يدور فيها:ههههههه..لااااا

ابرار وهي تضربه:ههههههه..اقول لك نزلني..هههههه

سامي:اول قولي سامي لو سمحت ممكن تنزلني

ابرار:لا والله

سامي:ايوه ولا اقعدي معلقة طول اليوم

ابرار تاففت:سامي بليز نزلني

سامي:اول شي ليه تقولينها بدون نفس..بعدين انا قلت قولي لو سمحت مو بليز

ابرار بصراخ:ياربي..اوكي..احم احم..هههههه..سامي...(سكتت ماتبي تقولها بس متطرة)..ل..لو سمحت...ممكن..تنزلني

سامي:ول مابغت تطلع

ابرار:يلا عاد قلتها نزلني

سامي نزلها بس كان لسا ضامها بين يدينه

ابرار وهي تطالع يده:احم احم

سامي انتبه:اه..سوري..

بعد عنها على طول..

ابرار بعدت عنه وتوجهت للباب بس وقفها صوته....

سامي:من قلبك؟

ابرار التفتت له وقالت لعناد:لا

سامي اختفت ابتسماته:توقعت

ابرار ابتسمت:ترى امزح...من قلبي

دخلت وهي تطالع فيه..وسامي واقف مصدوم...ماتوقع تتغير معاملتها له بهاذي السرعة...وبلحظة...

*************************

ترف راحت لعند ال(دي جي)..وقالت لها تستعد عشان لينة بتدخل بعد شوي...

منسقة الدي جي اشرت لها بأكوي..

واقفة على الدرج وماسكة بيدها الباردة يد نجد بقوة...

نجد شدت على يدها وقالت لها بهمس:اهدي

انطفت الانوار وتوجه ضوء على اعلى الدرج عند مكان لينة...

طلع صوت سحر الي كله دلع:هاذي الاغنية اهداء من المعرس للعروس

وانزفت على كلمات اغنية (ابي حبك_محمد الزليعي)..وكانت زفتها على طريقة الشعر...

ابي حبك معي يكبر
وابي اهواك انا اكثر

وابي اهديك انا دنياي
وكل الي عليه اقدر

حبيبي انت احساسي
ونبض القلب وانفاسي

لو صار الزمن قاسي
عشان عيونك اتصبر

غرامك كل يوم يزود
ولا يعرف مدى وحدود

عيوني في هواك شهود
يارب مايوم نتغير

عشانك كل شي يهون
لانك حبي المجنون

يا احلى مافي هاذا الكون
صيح يحق لك تغتر

جلست بالكوشة وقلبها بدق باقوى ما عنده...لدرجة انها صارت تحس انه بيطلع من مكانه...

اشتغلت اغنية(اصالة_سواها قلبي)...

سحر قامت من مكانها وهي تسحب ترف:يلا قومي نرقص
ترف ابتسمتk

قامو البنات يرقصون وانضمو لهم ابرار واسيل...

وكل وحدة فيهم حاملة فرحة بداخلها..زوحلم تتمنى انه يتحقق مع الشخص الي تتمناه...

*****************************

...نهية البارت...

>>>الجزء السابع عشر<<<

بعد ما خلصت الاغنية جلسو البنات على طاولة قريبة من عند الكوشة...

نجد وهي تصفق:ماشاء الله عليكم ولعتو العرس

البنات:تسلمين والله

بدت الاغنية الثانية(الزعلان)...

الله الله يالزعلان
خف علينا شوية....
اسيل اول ماسمعت الاغنية انفجرت ضحك هي وابرار...

ابرار:اسيل اغنيتك انتي و.....

سكتت قبل ما تفضحهم..

اسيل:هههههههه ايوه ادري...قومي نرقص

نجد:اموت فهاذي الاغنية

اسيل:قومي ارقصي معنا

نجد وهي تطالع بطنها:لا وهاذا الي في بطني وش اسوي فيه

اسيل وهي تسحبها:يرقص معانا

قامو يرقصون ونجد ولاهمها بالي في بطنها...


رن جوال سحر..طالعت الرقم..رقم وليد...

دق قلبها وماقدرت تخفي ابتسامتها...

سحر وهي توقف:عن اذنك

ترف:اذنك معك

طلعت لبرة بعيد عن الازعاج....

سحر بدلع:هلا وغلا

وليد:هلا بقلبي كيفك وحشتيني مووت

سحر:وانت اكثر حبيبي

وليد:انتي وينك؟؟

سحر:بالبيت نسيت ان اليوم ملكة اختي

وليد:لا بس استغربت ما اسمع ازعاج عندك

سحر:ايوه انا برة

جت في بالها فكرة....

سحر وهي تلعب باطراف شعرها:دودي

وليد:ياعيون دودي

سحر ضحكت بدلع:تسلم عيونك...انت وينك الحين؟

وليد:انا بالسيارة..واقف عند باب بيتكم

سحر:ههههه وش تسوي هناك؟

وليد:يعني متامل تطلعين لي الحين واشوفك

سحر:لا والله يعني انت مو داق عشان تقول لي اطلعي

وليد:وهاذا قلتيها..يلا عاد حبي اطلعي ابي اشوفك وش لابسة

سحر:يعني مايصر اوصفه لك

وليد بسرعة:لا لا لا..لازم اشوفه بعيوني

سحر:ههههههه طيب دقايق واكون عندك

وليد:يلا ياقلبي لاتتاخرين علي

وقفت عند المراية الي عند قسم الرياجيل كلهم مشغولين ومحد حولها...عدلت فستانها ورفعت شعرها بطريقة حلوة.. زادت من الروج الاحمر الصارخ ..ابتسمت وهي راضية عن شكلها...

كانت توها بتطلع بس وقفت لما سمعت صوت رجال يقرب من مكانها...

التفتت حولها تودر مكان تتخبى فيه عشان لا يشوفها...مالقت غير الحمام(وانتو بكرامة)..اقرب مكان تتخبى فيه...ودخلته بسرعة...

راكان وهو يغسل يده:يالله هالعمال الواحد مايرتاح منهم يعني

دخل سامي وهو للحين سرحان بابرار...

راكان:هلا سامي

سامي:اهلين..شخبارك؟؟

راكان:بخير وانت؟؟؟

سحر كانت داخل وتحس انها مكتومة...

سحر بداخلها((اوف هاذولا شكلهم مطولين...ياربي الحين بتاخر على وليد...جد اني فاضية افكر بوليد وانا بهاذا الموقف الحين لو واحد قال بيدخل الحمام))...

سامي:راكان وين الحمام؟؟

سحر توهقت((يوووه يعني كان لازم اتكلم...الله يستر))...

سامي توجه للباب ومسك قبضة...وسحر واقفة تطالعه وشوي وبتبكي...لو شافها وراكان موجود الله يستر وش بيصير وخصوصا انها تعرف كويس ان راكان تفكيره مو زي زياد يعني كل شي عنده فري واوكي وايزي...

كان بيفتح الباب بس راكان وقفه....

راكان:لا هاذا خربان روح الثاني

سامي ترك الباب:اوكي

سحر خذت نفس وهي تمسح دموعها الي نزلت...

ظلت سحر تطالع راكان الي واقف ويكلم بالجوال...

سحر((يعني ما حلى لك تكلم الا هنا))...

طلع سامي ووقف يغسل يده...وبعد ما خلص جلس يسولف مع راكان...

سحر((لا عاد..هاذولا شكلهم متعمدين يلعبون فيني...ياربييي))...

واخيرا سامي تحرك من مكانه وطلع...بس راكان ضل واقف..قرب من الباب الي هي واقفة عنده...

راكان بهدووء:اطلعي ترى مافي احد

سحر فتحت عيونها على وسعهم..طول الوقت كان داري انها داخل..طيب كيف؟؟!....

راكان:الظاهر عاجبتك القعدة

سحر لا شعوريا طلعت..بس راكان كان معطيها ظهره...

سحر بارتباك وخوف:ك...كيف؟؟..كيف عرفت اني داخل؟؟

راكان التفت لها..وسكت اول ماشافها...ماتوقعها تكون سحر..بس هو داري انها بنت...وقف يتاملها ويطالع كل شي فيها...فستانها..مكياجها..تسريحتها...هو متعود يشوفها دايم بلبس عادي بالبيت بس هاذي اول مرة يشوفها بفستان وحاطة مكياج كامل...

سحر خافت من سكوته...ظلت ترمش بعيونها الواسعة وايدينها ترتجف...

راكان انتبه ليدها المرتجفة...دخل يده لجيبه....مسك يدها وسحبها لجهته...حط شي طلعه من جيبه بيدها...

راكان:هاذا الي خلاني اعرف

توجه للباب وقبل لا يطلع قال:اطلعي بسرعة قبل لا يجي احد ثاني

طلع وسحر ظلت واقفه تستوعب الي حصل...

فتحت يدها بهدوء تشوف شنو الي عطاها اياه....

لقت الروج حقها...ابتسمت ابتسامه خفيه...على غبائها كيف نسته...لو احد ثاني غير راكان شافه وش كان ممكن يصير....

طلعت بسرعة اول مارن جوالها وكانها نبهها...

سحر:هلا

وليد:وينك ياقلبي؟؟

سحر ضربت راسها بخفة...شلون نست وليد:معليه حبيبي ما اقدر اشوفك اليوم

وليد:ليه؟؟

سحر:زحمة ومحتاجيني عندهم..معليه حبيبي خلها مرة ثانية

وليد:خلاص حياتي اهم شي تطمنت عليك

سحر:يعني مو زعلان؟؟

وليد:لا شدعوة

سحر:اوكي باي

وليد:باي

***************************

اسيل بارتباك وهمس:ابرار

ابرار بنفس النبرة:نعم