*بنات أفكاري* رواية خيالية..رومانسية..جريئة

زياد بعد الجوال عنه وطالع الرقم باستغراب...

رقم غريب ودولي بعد يعني مو بالسعودية...

زياد لاحظ نظرات ترف المستغربة له...

طلع للحديقة...

زياد بشك:ب...بتول؟؟

بتول ابتسمت:كويس مانسيت صوتي

زياد:وش تبين؟؟

بتول:افا عاد زياد من زمان ما كلمتك وتقولي وش تبين

زياد:اتوقع اني مليون مرة قلت لك مابي اسمع صوتك ولا عاد تدقين على هالرقم

بتول:عموما انا دقيت ابي اقول لك اني تزوجت

ما يدري ليه بهالحظة حس بطعنه بقلبه..معقوله هو للحين يحس بشي اتجاهها..

بشي ولو كان بسيط...طيب كيف هو يحس بحب لترف ويكره بتول..

طيب اذا كان يكرهها جد ليه يحس بهاذا الشعور...

زياد ببرود:مبروك

بتول:الله يبارك فيك

زياد:طيب ليه تقولين لي..انا وش دخلني

بتول:يعني توقعتك بتهتم

زياد باستهزاء مصطنع:لا ما يهمني..الله يوفقك

بتول:اوكي باي

زياد:باي

سكر الجوال وظل يطالع بالشاشة...

لسى مو مستوعب الي سمعه منها...بكل برود داقة عليه وتقول له تزوجت...

وش قصدها يعني...هو للحين يحس انه منجرح من سالفة زواجها من سامي...

والحين تجي وتقول له تزوجت...

زياد((الحين انا ليه مهتم..مو انا الي اقول ما احبها ولا ابيها..تتزوج تتطلق تنحرق..انا ش دخلني...بس ليه احس اني متضايق..ليكون للحين احبها))...

بعد هالافكار من راسه وطلع برة البيت...

******************************

على طريق الرياض والدمام..

جالس بالسيارته ويحس انه مكتوم...

راكان ضرب الدركسون بقووة وهو مقهور:ليه؟؟...ليه ياسحر ليه؟؟

طالع الاوراق مرة ثانية وهو يحس انها قيد تخنقه...

نزل من السيارة ووقف على حافة الشارع...

الجو بارد باليل والفجر قريب يطلع...

طلع الولاعة من جيبة...حط الورق على الارض وولعه...

جلس على حافة السيارة يناظر بالورق وهو يحترق...

مقهور على شرفه الي ضاع وعلى بنت عمه الي باعت نفسها بسهولة...

طيب ليه,..هي مو ناقصها شي..ليه تسوي كذا؟؟...

انطفت النار بعد ما حرقت اخر جزء بالورقة..

اخذ جزء من الرماد ونفخة...وقف وهو يناظر بقايا الرماد الي يتطاير بالهوى...

مع اشعة الشمس الي تعلن شروقها...ممزوجة بظلمة اليل...

دخل لسيارته ورجع للشرقية...

****************************

في الصبااح..

نزلت من الدرج وهي تغني..

تحس انها فرحانة والدنيا مو سايعتها...

للحينمو مصدقة انها بعد كم شهر بتصير زوجة محمد خلاص...

لينة بتجيهم اليوم..تحس انها مشتاقة لها من قلب..كم شهر غابت فيهم عن البيت تحس انها سنين عدت عليها...

متعودة كل يوم تشوفها وتكلمها...فجاءة انقطعت عنهم...بس اليوم بترجع تشوفها والدنيا مو سايتعها...

استغربت لما شافت وحدة جالسة بالصالة...

الشكل ابد مو لينة..

هاذي وحدة واضح انها كبيرة بالسن..الشعر الاشقر والعيون الملونة..

التجاعيد المشدودة من العمليات واضحة بوجهها...شفايفها نافختها بوتوكس وواضح..

اسيل وهي عاقدة حواجبها:هلا...صباح الخير

الحرمة وقفت وضمتها:كيفك حبيبة البي..وحشتيني كتير

اسيل بعدت عنها وهي مستغربة:نعم بغيتي شي؟؟

الحرمة:اسيل ولو...ماعرفتيني..ولك انا امك

اسيل فهت وهي تطالعها..هاذي وش قاعدة تخربط...

ام اسيل قربت منها وباستها من خدها:وحشتيني كيفك؟؟

اسيل مو مستوعبه شي...لا شعوريا قامت من مكانها وطلعت لغرفتها...

وقفت بنص الدرج ولفت عليها تتاكد اذا جد ولاهي كانت تحلم...

شافت بعيونها نظرات استغراب من ردة فعلها وكانت تقول لها تعالي..

اسيل طنشتها وراحت لغرفتها...الي قاعد يصير مو طبيعي اكيد هي للحين نايمة وتتخيل...او الفرحة اثرت فيها..

********************************

دخل للمكتب وفتح الباب بقووة...

كان لسى بلبسه الي امس..وثوبه مليان بدم سحر...

راكان وقف قدام مكتب ابوه:ممكن اكلمك

ابو زياد طالعه باستغراب..وطالع ثوبه المهدل...واستغرب من الدم الي عليه..

السكيورتي وهو يحاول يبرر موقفة:طال عمرك حاولت امنعه بس..

ابو زياد اشر له يسكت...

ابو زياد وهو يعطي الملف للسكرتير:خلاص اطلع انت وخذ معك هاذا...(وهو ياشر على السكيورتي)...

طلع السكرتير والسكيورتي وهم مستغربين من شكل راكان ولبسه..

ابو زياد ببرود:وش هالمنظر الي ان جاي فيه..مكان محتر زي ذا وتجي كذا

راكان جلس:ابي اكلمك ضروري

ابو زياد:قول وش عندك يا....

سكت لانه مو عارف يفرق بينه وبين زياد...

راكان باستهزاء:راكان

ابو زياد بلا مبالاة:ايوه راكان....وش تبي؟؟

راكان بجدية:ابي اتزوج سحر

ابو زياد رفع حاجبة مو مستوعب:نعم؟؟

راكان وقف:الي سمعته يبى...ابي اتزوج سحر بنت عمي

ابو زياد:وهاذا مكان نتفاهم فيه..وهاذا منظر تتكلم فيه...روح للبيت وبعدين نتكلم

راكان:الحين تروح وتقول لها ونسوي العرس بسرعة بعد وماله داعي شبكة ومهر.. (باستهزاء)..البنت..ما تستاهل

ابو زياد باستهزاء:لا والله وحضرتك مقرر كل شي وجاي تخبرني بس

راكان:يبى...

ابو زياد قاطعه:وحطبة...خير انت وش شايفني ولا وش شايف بنت عمك عشان تقول كذا...تبي تخطبها اهلا وسهلا اتوقع تدل البيت رتوح وتكلمني وبعدين اشوف وش ممكن تقدم لها واذا دخل راسي الموضوع اسال البنت وعاد هي توافق ولا لا

راكان ضغط على يده بقووة...

راكان من بين ضروسه:يبى..افهمني.انا ابي استر على بنت عمي

ابو زياد وقف بعصبي:وش تستر عليها انت وش شايفها

راكان قال له كل شي..

ابو زياد جلس..حس رجله مو شايلته..عمره ما توقع بنت اخوه تسوي كذا...

راكان:انت الي حديتني اقول لك...صدقني يبى انا ماكنت ابي اقول لك

ابو زياد:انت تكذب..قول انك تكذب

راكان:لو مو مصدقني روح للمستشفى وهم يقولون لك

ابو زياد:الله ياخذها..ليه ما ذبحتها وفكيتنا منها هالبلوى..الله يستر من خواتها بعد وش مسوين

راكان:اسمحلي يبى..بس العيب مو منهم..العيب منك انت

ابو زياد:وانا وش دخلني

راكان:طول عمرك كنت هاملهم حتى ما تسال عنهم..وش تتوقعهم بيطلعون يعني

ابو زياد:انا الي علي سويته بس هم ما يثمر فيهم

راكان عقد حواجبه..ليه مو راضي يعترف انه غلطان...

ابو زياد:اليوم تتزوجها وتقلعها عن وجهي.مابي اشوفها واذا على البيت بعطيك من الي عندي بس استر عليها

راكان:يبى انا بسكن عند امي...بالرياض

ابو زياد:احسن بعد عشان محد يدري

راكان:وانت كل الي هامك الناس...مايهمك بنات اخوك ولا ولدك؟؟

ابو زياد باستهزاء:بنات اخوي..الله على بنات اخوي وحدة خذت لها مليونير وانا ما استفدت شي.ووحدة انخطبت لخبل مثلها والثالثة هاذاهي مسدحة بالمستشفة وانت بتاخذها..ولرابعة الله يستر منها

راكان:وعيالك ما يهمونك

ابو زياد بصراخ:عيالي وش فيهم بعد جحوش كل واحد طول الباب..هاذا انت عايش حياتك وبتتزوج وزياد عنده خير الدنيا والدين وش تبون مني بعد...انا الوحيد المظلوم بينكم محد منكم يا عيالي مد لي ولو الف محد منكم قال لي يبى تبي شي

راكان:بس يبى انت مو محتاج

ابو زياد:ولو انا مو ابوكم ولي حق عليكم ولا شلون

راكان:يبى انت تحكي من جد؟؟

ابو زياد:اقولك اطلع برة

راكان:يبى

ابو زياد:برة وبنت عمك خذها معك اليوم وفكني منها واذا على التقيع انا مستعد

راكان:يبى مايصير اخذها كذا...خواتها بيشكون

ابو زياد:بالطقاق...قول لهم

راكان:لا مستحيل اقول لهم...انا اخطبها الحين وبعد اسبوع الزواج

ابو زياد:بكيفك بس فكني منها

راكان تنهد:طيب

طلع من المكتب وهو مستغرب حال ابوه...على كل الي يسويه فيهم وبعد يقول مظلوم...

******************************

دخلت للبيت بسرعة..للحين مو مستوعبة الي قالته لها اسيل..

دخلت للصالة على طول...

شافت ام اسيل جالسة على الكنب وقدامها كوب العصير...

لينة جلست جمبها:وين اسيل؟؟

ام اسيل وهي حاطة رجل على رجل:انتي لينة؟؟

لينة:ايوه...(وقفت)..ممكن اسالك سؤال

ام اسيل:ولو تفزلي

لينة:ليه جاية؟؟

ام اسيل رفعت حاجبها:شو ليه جايي..اكيد مشان شوف بنتي

لينة جلست:والحين توك تفتكريها

ام اسيل تنهدت:اسمعي لينه هيدا مو مني انا من المضروب على البو عمك

لينة وقفت:الحين كل هاذا مو مهم انا بروح اكلم اسيل

ام اسيل:بدك ياني اجي معك؟؟

لينة:لا مو لازم

ركبت للاصنصير وراحت لغرفة اسيل...

******************************

ترف:ممكن اعرف وش فيك؟؟

زياد:ترف كم مرة اقول لك مافيني شي

ترف:اجل ليه امس رحت بدون حتى ما تقول لي؟؟

زياد بصراخ:وانتي امي..قبل لا اروح أي مكان لازم اقول لك

ترف:الحين انت ليه تصارخ علي؟؟

زياد تافف:تدرين شلون..باي

ترف فتحت عيونها على وسعهم.. وهي تطالع الجوال..

ترف:تسكر بوجهي يازياد...هين انا اوريك...

*****************************

واقفة قدام الباب وماسكة قبضته...

اول مرة تخاف من شي لهاذي الدرجة...

خايفة من ردة فعلها...

لينة تنهدت وفتحت الباب...

لينة بهدوء:اسيل...اسيل

التفتت بالغرفة تدورها بس ما لقتها...سمعت صوت الحان القيتار من غرفة الموسيقى حقت اسيل...

دخلت للغرفة ووقفت على الباب...

كانت جالسة على الكرسي وتعزف بكل هدوء ولا كان شي صاير...

لينة وهي تجلس جمبها:اسيل

اسيل صارت تعزف وبدى صوته يعلى اكثر..وكانها تقول لها مابي اسمعك...

لينة:اسيل اتركي الي بيدك واسمعيني

اسيل بدت تعزف بقوة اكثر لحد ما انقطع وتر من اوتار القيتار..

لينة مسكت يدها:اسمعيني

اسيل بانفعال:وش بتقولين؟؟..بتكذبين كذبة جديدة بعد

لينة بصدمة:اسيل ليه تقولين كذا؟؟...انا...

اسيل قاطعتها:انتي كنتي تدرين وساكتة..(بكت)..ليه؟؟..ليه ما قلتي لي؟؟

لينة:انا سويت كذا لمصلحتك..ماكنت ادري ان...

اسيل:ما كنتي تدرين ان ماما عايشة صح...ولا كنتي تدرين انها بتجي لهنا...(التفتت عليها)...وطبعا ابوي مو عبد العزيز صح؟؟

لينة هزت راسها...

اسيل مو مستوعبة...هي قالت كذا بس لمجرد انها كلمة..ماتوقعتها تكون جد..

اسيل بهدوء:ايش؟؟

لينة نزلت دموعها:أي اسيل...انتي مو اختي...انتي...بنت عمي

اسيل طالعت لينة وهي مو مستوعبة الي تسمعه منها...

ابوها...هو عمها..عمها نفسه ابو زياد ولا واحد ثاني بعد...

لا اكيد واحد ثاني...

لينة:اسيل انتي اخت راكان وزياد

اسيل لا شعوريا جلست على اقرب كنبة لها...

اسيل:شنو يعني؟؟

لينة وهي تمسح دموعها الي مو راضية توقف:يعني انتي بنت عمي..واخت راكان وزياد

اسيل:عمي بو زياد..هو..هو..(تحس بصعوبة...عقلها مو راضي يتقبل.شلون بيوم وليلة صار ابوها..وهي تكرهه كره العمى)..

اسيل:عمي..هو ابوي؟؟

لينة جلست جمبها:ايه

اسيل والدموع مغرقة عيونها:بس شلون؟؟...انا بنت عبد العزيز

قامت وراحت لغرفتها..فتحت الدرج الي حمب السرير وطلعت ورقة...

اسيل وهي توري لينة:شوفي ورقة ميلادي...مكتوب اسيل عبد العزيز الماسي..شلون؟؟

لينة ضمتها وبكت:حبيبتي خلاص

اسيل بعدت عنها:لا شلون؟؟...لينة انا بنت مين بالضبط؟؟

لينة:بنت عمي...بس انتي طول عمرك اختي وبتظلين كذا

اسيل رمت الورقة على الارض...

طلعت من الغرفة ودخلت للاصنصير بسرعة...

لينة بصراخ:اسيل...اسيل وين بتروحين؟؟

نزلت من الدرج يمكن تلحقها قبل لا تسوي شي بنفسها..

********************************

جالسة وتلعب بطرف شعرها...تحاول تهدى شوي...

الي صار لها امس مو شوية...

تركت شعرها اول ما انتبهت بوجوده داخل الغرفة...

ركان واقف وعاقد حواجبه ويطالع فيها...

سحر بلعت ريقها بخوف بعد ماشافت وجهه الثاني امس صارت تخاف منه...

تحس انها بتموت بمجرد انه يطالع فيها...

راكان جلس على الكرسي بهدووء..(قال بحدة):انا رحت لابوي..وقلت له

سحر طالعته بصدمة...

راكان تنهد:اليوم بطلعك وبنروح انا وانتي وابوي للشيخ عشان نملك..وبعد اسبوع بتروحين معي للرياض

سحر بانفعال:نملك؟؟...يعني زواج؟؟

راكان رفع حاجبه:ايوه ليكون عندك مانع بعد

سحر:أي طبعا...انا مستحيل اخذك

راكان وقف:تاخذيني...اهاا...(قال بصراخ)...اقول انتي لا تصدقين نفسك....فاكرة نفسك بنت بنوت....لا ياحلوة اصحي

سحر نزلت راسها وجلست تلعب باصابعها...معاه حق..هي مالها حق ترفض او توافق...

سحر:ومتى بتطلقني؟؟

راكان:ههههههههه..لا ضحكتيني

سحر باستغراب:ايش؟؟

راكان حط اصبعه السبابة على راسها وضغط عليه بقووة:متى ما اقرر

تركها وهي ظلت تطالع فيه مستغربة...راكان الحبوب فجاءة ينقلب كذا...

راكان وهو يطلع:جهزي نفسك للملكة يا عروس هههههههه

سحر بكت باقوى ما عندها:يحقلك يا راكان تتطنز...انا الي جبته لنفسي

******************************

اسيل وقفت قدامها والدموع بعيونها...

اسيل رفعت اصبعها وهو يرتجف:انتي..انتي ليه جايه؟؟

ام اسيل وقفت:اسيل يا البي اهدي شوي وبعدين بنتكلم

اسيل بانفعال:قولي لي وش تبين مني؟؟

ام اسيل:اسيل انا اميك بتحاكيني هيك

اسيل تنهدت ونزلت دمعه من عينها:اوكي امي ودرينا..ليه جيتي الحين...انتي تدرين كم عمري الحين..25 سنة...تبين تقنعيني انك بعد 25 سنة جاية تسالين عن بنتك؟؟

ام اسيل وهي تجلسها:حبيبتي اهدي والله بعرف انو معيك حق بس خليني اشرح لك وبعدين اولي يلي بدك ياه

اسيل وهي تحاول تهدى:اوكي قولي

لنية وقفت عند باب الصالة..رجعت لورى وسكرت الباب...لين متى هالانانية فيها..

هي ماقالت لها عشان ما تروح عنهم..بس لين متى.هي عارفة ان بيجي اليوم الي بتعرف فيه اسيل انها مو اختهم..

اهم شي عندها ان اسيل تكون مرتاحة وسعيدة بحياتها...

****************************

جالسة بالغرفة وتحاول تتناسا الي سمعته...

مو مستوعبة الي سمعته من سامي وهو يكلم صديقته اليوم...

((زياد انا اول مرة اكلمها تبيني على طول اقول لها احبك))...

ابرار للحين مو مصدقة:معقولة سامي يحبني؟؟...لا اكيد قصده وحدة ثانية...واذا يعني انا وش دخلني...خله يولي بس

رن جوالها وحست ان قلبها نط من مكانه...

ردت وهي حاطة يدها على قلبها من الخوف:الو..

سامي:هلا والله ابرار

ما تدري ليه حست قلبها يدق بسرعة...لا شعوريا ابتسمت:هلا

سامي:شخبارك؟؟

ابرار جلست على الكرسي وهي تلعب بشعرها:بخير..انت كيفك؟؟

سامي:بخير دامك بخير

ابرار سكتت...ماعرفت وش تقول له..ماتدري ليه تحس نفسها مرتبكة...

سامي:ابرار ممكن اطلب منك طلب

ابرار:اكيد وشو؟؟

سامي بتردد:ممم...ممكن اشوفك؟؟

ابرار باستغراب:ليه؟؟

سامي ارتبك:ابي اقول لك شي مهم

ابرار:مايصير تقوله الحين؟؟

سامي:يعني ما تبين تشوفيني؟؟

ابرار حمر وجهها:لا مو كذا بس...تدري شلون خلاص اوكي

سامي ابتسم:اوكي خلاص اليوم بنفس الكوفي شوب..طبعا تعرفينه

ابرار ابتسمت وهي تشوفه من الدريشة...وواضح انه مرتبك:ايوه اعرفه

سامي:باي

ابرار بهدوء:باي

سكر التلفون وسكرت الدريشة على طول اول ما حست انه انتبه عليها...

***************************

اسيل وهي مو مصدقة:معقولة عمي..اقصد ابوي..يسوي كذا

ام اسيل:مشان تعرفي بس انو هوي يلي منعني عنك...اخدك مني وحرمني من اني شوفك

اسيل..ما استبعدت هالشي من عمها..او ابوها..مو بعيده انه يتبرى من بنته بس عشان الفلوس...الي خلاه يقول عن ولده انه ميت..يخليه يحرم ام من بنتها وهي حتى ما كملت ال 6 شهور...

*****************************

بالكوفي شوب..

ابرار وهي تحط العصير على الطاولة:سامي شفيك ساكت؟؟...قول وش فيك؟؟

سامي ابتسم:ولاشي...ليه انتي تشوفين فيني شي؟؟

ابرار رفعت حاجبها باستغراب:لا بس....يعني انت قلت لي تبيني بموضوع وللحين ما تكلمت

سامي وهو يلعب باصابعه بتوتر:ممم...طيب ابرار ممكن اكلمك بصراحة

ابرار:اكيد

سامي رفع راسها:انتي تدرين اننا اول...يعني تعرفين كيف كنا

ابرار ضحكت:عادي كنا صغار

سامي:بس انتي تعرفين انا ليه كنت اسوي كذا؟؟

ابرار:ليه؟؟

سامي بتردد:لاني كنت....ممممم..كنت...(سامي بحزم وجدية)...ابرار انا..

سكت لان جوال ابرار قاطعه...

ابرار طالعت بالرقم(نصفي الثاني)...ابتسمت..من زمان ما كلمت محمد..

ابرار وهي ترفع الجوال:شوي بس..اوكي

سامي:ايوه اوكي

ابرار صدت عن سامي:هلا محمد

محمد:هلا ابرار

ابرار:شفيه صوتك مغير

محمد:اسيل ما كلمتك؟؟

ابرار:لا شسالفة؟؟....(وقفت)...انت وش تقول؟؟...من جد ولا تمزح...خلاص انا بروح لها الحين...اوكي باي

ابرار سكرت الجوال والتفتت لسامي:سامي انا لازم اروح الحين..نكمل كلامنا بعدين اوكي

سامي وقف:شسالفة؟؟

ابرار:لا بس خطيبة محمد محتاجتني ولازم اروح لها

سامي بهدووء:اوكي...مع السلامة

ابرار:باي

سامي جلس وهو مقهور....

سامي:جد قهر...لما جيت اقول لها تدق عليها هاذي..اوف...ياخي انا علي حظ يكسر الصخر

*********************************

بعد يومين..

واقفة قدام المراية ولابسة عبايتها...

هي حالفة اليوم تطلع وتستانس...مو كفاية انها بتتزوج راكان وياعالم وش بيسوي فيها اذا وداها للرياض...

مو بعيدة يذبحها بعد...

رن جوالها وكانت صديقتها ريوف...

سحر:هلا ريوف

ريوف:هلا والله...خلصتي تراني عند الباب

سحر:أي خلاص دقايق واكون عندك

ريوف:اوكي باي

سحر:باي

طلعت من غرفتها ونزلت من الاصنصير..

ركبت للسيارة مع ريوف وراحو للراشد...

**********************************

راكان وهو يجلس:زياد انت وش قاعد تقول؟؟..اسيل اختي؟؟

زياد:الي سمعته

راكان:مين قال لك؟؟...قصدي شلون...(سكت مو عارف ايش يقول الصدمة شلت لسانه)...

زياد تنهد:ترف دقت علي وقالت لي

راكان وقف:لا عاد ما اتوقع حقارة ابوك توصل لهاذي الدرجة

زياد وقف:راكان وش هالكلام..هاذا مهما يكون ابوك

راكان عفس وجهه:أي ابو الله يخليك...محذف عياله بكل مكان ولا يدري عنهم...انا ابي اعرف اذا هو مو قد المسؤولية ليه يجيبنا..يعني عشان يعذبنا بس

زياد سكت...صحيح كلام راكان مو عاجبه...بس بعد معاه حق بكل الي يقوله...

راكان:زياد لازم نروح نكلمها

زياد:ادري..بس انا ابيها تهدى شوي..اسيل واعرفها اكيد الحين منهارة

راكان بقهر:يحق لها..انا الي عمري ما شفته وانقهرت..اجل وشلون هي الي طول عمرها تحسبه عمها واخر شي يطلع ابوها...لا والمشكلة انه بكل قوات عين يجلس معاها ويتكلم عادي.ولا هو يكذب الكذبة ويصدقها...صدق انها بنت اخوه

زياد بتردد:..ممم..طيب وش دراك...يمكن الحرمة تكذب

راكان فتح عيونه:نعم؟؟...تكذب..ليه تكذب...وبعدين في احد يقدر يكذب على ابوك والله كان محاها من الوجود

زياد:معاك حق..طيب متى تبينا نروح لاسيل

راكان:الحين

زياد:لا امها للحين عندها خلها بكرة يمكن تروح

راكان:واذا عندها اختنا ونبي نكلمها

زياد ابتسم:والله عمري ما توقعت يصير كذا...كاننا بفلم هندي

راكان:من جد ههههههههه

*******************************

بالمجمع...

جالسين بقسم العوايل وكل وحدة حاطة حجابها على كتفها وياكلون الايس كريم من (باسكن روبنز)...

ريوف:اقول سوسو

سحر:هلا

ريوف:وش صار على موضوع وليد...متى بيخطبك؟؟

سحر كانت بتاكل الايس كريم..بس لما سمعت طاري وليد انسدت نفسها ورجعت الملعقة للكوب...

ريوف باستغراب:سحر شفيك؟؟

سحر وهي تحاول تبتسم بس ما قدرت:لا ولاشي..بس انا ووليد..خلاص

ريوف:شلون يعني؟؟

سحر:يعني خلاص...كل واحد راح بطريقه...انا بتزوج راكان وهو...وهوسافر يكمل دراسته

ريوف: ياقلبي...كنتي تحبينه؟؟

سحر بهدووء:كنت..(رفعت راسها وهي تبتسم بتصنع).بس احب راكان اكثر ووليد كان حب عالماشي...يعني تقدرين تقولين حب مراهقة

ريوف:هههههه حلوة ذي حب مراهقة

دخلو 2 للقسم وانتبهت لهم ريوف بس سحر كانت منزلة راسها وما انتبهت...

ريوف وهي تهزها:سحر..سحر...سوسو

سحر رفعت راسها:نعم؟؟

ريوف:شوفي هاذولا الي دخلو...في واحد ما نزل عينه من عليك

سحر رفعت راسها عشان تشوفهم...

حست الدنيا كلها توقفت وما عادت تشوف احد غير الي قدامها...

هو وليد ولا هي تتخيل...

ريوف:سحر وين رحتي..هههههههه اقول تراك مخطوبة

سحر وقفت لا شعوريا...

وليد تقدم لعندها ووقف قدام الطاولة...

وليد:سحر ممكن نتفاهم

سحر نزلت دموعها غصبن عنها:نتفاهم على وشو..انا ما عاد بيني وبينك كلام

وليد:بس انا زوجك

سحر:كنت...وبعدين هاذاك تسميه زواج..خلاص وليد ابعد عني...انا ما عدت احبك ولا بيني وبينك شي

سحبت شنطتها عشان تروح...بس وليد مسك يدها..

وليد:انتظ....

ما كمل كلمته لانه جاله كف من سحر...

ريوف حطت يدها على فمها من الصدمة...

وليد طالعها بصدمة.....

سحر:لا تلمسني يالقذر...تفوو عليك وعلى اشكالك الواطية

حطت الحجاب عل راسها باهمال وراحت...

ريوف طالعت بوليد الي للحين منصدم...

حست على نفسها وراحت وراها...

سحر تمشي بالمجمع وما تدري وين تروح..

غبية..ليه طلعت اليوم..قلبها كان حاسسها انه بيصير شي..مع كذا اصرت تطلع...

نزلت دمعه من عينها وراها دمعه ثانية وثالثة..

ماقدرت توقفهم...غطت وجهها بالحجاب وكملت طريقها...


يضايقني الحكي عنك
وتشعل سريتك ناري
واحس بضيقة في صدري
اذا لك مر أي طاري

كرهتك انت وايامك
ولا باقي بعيني دموع
واذا دار الحكي عنك
احب اغير الموضوع

خلاص انسى حكايتنا
وماضي الحب ياقاسي
دموع الحب ما تنفع
شلتك والله من راسي

ولا تسال بعد عني
ولا تفكر ولو تفكير
مدام انك بعيد انت
تاكد اني اكون بخير

يا اكبر غلطة في عمري
يا اول حب بكاني
يا اقسى قلب في الدنيا
حاول بس تنساني

يضايقني الحكي عنك
وتشعل سريتك ناري
واحس بضيقة في صدري
اذا لك مر أي طاري


***************************************

بالبيت...

واقفين قدام الباب وكل واحد يحس ان توتره زاد...مع انه قبل شوي كان عادي...

زياد:يلا دق الجرس

راكان:وليه انتد ما تدقه

زياد:انت الاكبر

راكان:لا والله

زياد:ايه

راكان:طيب زياد..قبل لا ندخل بقولك شي

زياد طالعه:ايش؟؟

راكان بتردد:....انا ...انا بتزوج

زياد ابتسم:والله.مين بتاخذ؟؟

راكان بدون نفس:....س...سحر

زياد زادت ابتسامته:سحر بنت عمي؟؟

راكان بنفس الهجة:وفي احد غيرها

زياد ضمه:مبرووك..منك المال ومنها العيال

راكان((وش تبارك عليه))...انتبه لكلام زياد..

راكان بانفعال:لا وش عيال..مابي

زياد:هههههههه وش فيك تقولها كذا

راكان:خلاص ولا شي...يلا ندخل

زياد:يلا يالعاشق الغامض...ولا تقول لخوك ها..طيب انا اوريك..شغلي معك بعدين

راكان بدون نفس:ايوه طيب

دخلو لداخل البيت وجلسو بالصالة..

زياد قال للشغالة تنادي اسيل...

جلسو لدقايق وبعدين نزلت اسيل...

اسيل بهدووء...الو مرة تحس باحساس غريب لما تجلس مع راكان اوزياد:السلام عليكم

راكان وزياد:وعليكم السلام

بارت((21))
جالسة بالصالة وجمبها ام اسيل الي مندمجة مع التلفزيون...

لينة بصوت واطي:ياكرهك..

ماتدري ليه مو راضية تتقبلها...مو مرتاحة لها...

دخلت سحر الي واضح انها متضايقة...دخلت وراحت لغرفتها حتى بدون ما تسلم عليها..

لينة طالعت سحر باستغراب:شفيها ذي؟؟

قامت بتروح وراها....

طلعت ترف من الغرفة وبعد واضح انها متضايقة..

لينة باستغراب:شفيكم انتو اليوم؟؟

ترف:ايش؟؟

لينة:مدري انتي وسحر وش فيكم..كل وحدة داخلة ومادة بوزها شبر..شسالفة؟؟

ترف تاففت:ولاشي

لينة مسكت يدها:لا في..تعالي

دخلت لغرفتها وسكرت الباب...

جلست شوي تطالع غرفتها...من زمان ما شافتها..وواضح ان محد دخلها.للحين زي ما تركتها...

ترف:لينة اخلصي علي وش تبين؟؟

لينة:انتي الي شفيك...صاير شي وانتو مخبينه عني

ترف رفعت حاجبها:اهاا قصدك زي ما خبيتي عننا موضوع اسيل...لا تطمني مافي شي

لينة سكتت...ما توقعت ترف بتقول كذا...فاجاءتها باجابتها هاذي...

يعني هاذا ذنبها انها ماتبي اسيل تبعد عنهم...كذا يعاملوها بعد ما ضحكت بكل شي عشانهم...

جلست على السرير بهدووء بدون ما تكلمها..

ترف حست ان كلامها بايخ وماله داعي..وان لينة زعلت من كلامها...

جلست جمبها بهدووء:sorry

لينة بدون ما تطالعها:لا عادي

ترف باست خدها:والله مو قصدي بس...

لينة طالعتها:بس ايش؟؟

ترف تنهدت:معليه اتكلم بصراحة

لينة:اكيد

ترف:زياد

لينة وقفت:وش فيه بعد..لا تقولين تهاوشتو..انا من عرفتكم وانتو تتهاوشون

ترف بكت:لينه ليه تتكلمين كذا...انا ابي افتح لك قلبي وانتي تتطنزين

لينة هدت شوي:اسفة بس حتى انا اعصابي تعبانة هاليومين...قوليلي وش فيك؟؟

ترف:والله مدري من يومين مدري وش الي قلبه...كنا جالسين عادي بس بعدين جاله تلفون ومن يومها وهو مقلوب 180 درجة علي...حتى ماصار يدق علي ولما جا اليوم ما كلمني ولا حتى فكر يسلم علي

لينة حطت يدها على كتفها:وهاذا الي مضايقك

ترف هزت راسها:وموضوع اسيل بعد

لينة:كلنا مضايقنا موضوع اسيل...طيب وش دراك..يمكن عشان كذا زياد متضايق هو مو متعود على الوضع واكيد شاغل باله

ترف طالعتها ببراءة:تتوقعين؟؟

لينة ابتسمت:الا اكيد

ترف ضمتها:thank you

لينة:هههه العفو حبيبتي

********************************

الجو هادي بينهم...

كل واحد مو قادر يستوعب الي يصير...

زياد بهدوء:بنظل ساكتين كذا

اسيل وراكان التفتو له بانتباه..

زياد:ههههه وش فيكم تطالعوني كذا؟؟..انا وش قلت

اسيل ابتسمت:شفت يازياد..على اخر الزمن طلعت اختك

زياد:من جد..تو انا وراكان نتكلم نقول كاننا بفليم هندي

اسيل:هههههههه والله جد

راكان ساكت ويطالعهم مستغرب...شلون قادرين يضحكون وكل شي عندهم عادي...طيب ليه يحس نفسه انه هو الوحيد الي تازم من الموضوع...مع ان المفروض تكون اسيل...

اسيل حطت يدها على رجله:راكان..شفيك ساكت؟؟...ليكون ماتبيني اكون اختك بس

راكان انتبه:لا مو كذا...بس متفاجئ بصراحة


اسيل وزياد:من شنو؟؟

طالعو بعض وضحكو...

زياد:بدينا التواصل الروحي ها.هههههه

اسيل:اكيد مو اختك هههههه

راكان ابتسم:اسيل انتي مبسوطة اننا طلعنا اخوانك؟؟

اسيل بهدوء:بيني وبينك....(رفعت راسها)..ايه..طول عمري كنت احلم ان يكون عندي اخو ولد..(ابتسمت ورفعت اصبعها السبابة والوسطى)...بس الحين صار عندي 2

زياد:تدرين عاد...مع اني كنت ما اطيقك

اسيل خزته...

زياد ابتسم:لا مو يعني اكرهك بس احيانا اكره تصرفاتك..بس الحين لو شنو ماتسوين ما اكرهك

اسيل قرصت خدوده:ايوه عشاني بس طلعت اختك لو اني بنت عمك كان سويت علوم

زياد باستهبال:كانك تقرين افكاري

اسيل:لا والله هههههههههههه

رن جوال راكان...

طالعهم باستغراب...

زياد:راكان شفيك؟؟...مين داق عليك؟؟

راكان بهدووء:هاذا ابوي

اسكتو وهم ينتظرون راكان يرد...

راكان اخذ نفس ورد:..الوو

ابو زياد بحدة:انت وينك؟؟..اخلص انا قدام باب البيت

راكان وقف...كيف نسى انه اليوم بيملك على سحر...

راكان:طيب طيب..الحين جاي

ابو زياد:لا والله تطلعني وبعدين انت ما تجي...ترى اذا ما جيت خلال نص ساعة بمشي

راكان:يبى خلاص انا بالطريق الحين

سكر السماعة بدون ما يرد عليه....

راكان طالع السماعة وبعدين حط الجوال بجيبه...

اسيل بتردد:...وش يبي؟؟

راكان:معليه الحين لازم اروح...بجيلك بعدين اوكي

زياد:شسالفة؟؟

راكان وهو يطلع:بعدين بعدين

زياد وقف:تبيني اروح معك؟؟

راكان:لا مو لازم...مع السلامة

زياد واسيل طالعو بعض باستغراب...

اسيل:تتوقع ابوك درى

زياد:عن ايش؟؟

اسيل:عن امي

زياد:والله مدري بس حتى لو درى والله ولاهزت شعره منه

اسيل نزلت راسها:ادري

زياد حط يده على كتفها:ولا يهمك..خليه يولي مع وجهه

اسيل:هههههههه تقول كذا عن ابوك

زياد:ههههههه عاادي

********************************

طلعت من باب البيت ودقت على تركي...

تركي:هلا حبي

لينة:هلا تركي...شوف الحين انا بروح للمكتب عشان اقدم استقالتي واخذ اغراضي من هناك اوكي

تركي:يعني مصممة تتركين الشغل

لينة بهدووء:اكيد

تركي:على راحتك خلاص

لينة:اوكي باي

تركي:باي ياقلبي

لبست نظارتها وركبت السيارة..

*****************************

وقفت عند باب غرفتها...

محتارة تنزل من الدرج ولا الاصنصير...

قررت تنزل من الدرج لانها بتطول وهي تنزل...

بدت تنزل وهي تجر رجولها جر..

دق عليها عمها وبعد ما قط عليها كلام قال لها تنزل...

تاففت لما وصلت لاخر عتبة بالدرج...

وقفت قدام المراية الي عند المدخل وعدل حجابها...

قررت تغطي وجهها مالها خلق كلام زيادة من عمها...

طلعت للشارع وشافت سيارة عمها عند الباب ووراها سيارة راكان...

توجهت لسيارتهم بس صوت عمها وقفها..

ابو زياد بحدة:هيي انتي...تعالي لهنا

سحر تاففت بصوت واطي وراحت لعنده:نعم؟؟

ابو زياد:نعامة ترفسك..وين بتروحين؟؟

سحر:بروح للسيارة بعد وين يعني

ابو زياد:وتراددين يالتبن..خبل انا اخليك تروحين لحالك عشان تهربين...يلا اركبي معي اخلصي

سحر عوجت بوزها من ورا الغطى وركبت مع عمها...

*******************************

وصلت للبنك ودخلت لمكتبها..

اول ما دخلته حست شريط حياتها مر قدامها....

كل لحظة قضتها هنا وبهاذا المكتب مرت قدامها...

هنا اول مرة شافت فيها فيصل...وهنا اول مرة اعترف لها بحبه...

عاشت هنا احلا ايام عمرها...ايام مستحيل تنساها بسهولة...

انتبهت بصوت وراها...

......:وحشتيني

......:وحشتيني

لينة التفتت بسرعة وهي حاطة يدها على قلبها من الخوف...

لينة بصدمة:فيصل؟؟!

فيصل ابتسم:ياعيونه

لينة طالعته بصدمة...مو مستوعبة انها تشوفه قدامها...حست لسانها انشل..ماهي قادرة تنطق ولا كلمة....

فيصل:لما دريت انك هنا ما صدقت....قلت لازم اجي بنفسي واتاكد

لينة ظلت تطالع فيه...بجد اشتاقت له ولنظراته لها...

بس لا...ما يصير يالينة...انتي الحين متزوجة..وزوجك ما يستاهل تسوين فيه كذا...

صدت عنه وبدت تشغل نفسها بتجميع اغراضها...

فيصل بهدووء:...ماوحشتك؟؟...ما اشتقتي لي؟؟

لينة تنهدت..قالت بهدووء عكس الي تحس فيه:استاذ فيصل هالكلام مايصير...انا الحين..(حست بغصة وهي تقولها)...متزوجة

فيصل رفع حاجبه:استاذ فيصل؟؟!

لينة رجعت تلهي نفسها باغراضها...

فيصل تقدم لعندها:انتي ليه تسوين كذا؟؟...تطلقي من تركي وانا مستعد اتزوجك

لينة وقفت...قالت بدون ما تطالع فيه:ومين قال لك اني ابي اتطلق من تركي...هو...هو يحبني

فيصل:بس انتي لا....انتي تدرين وانا ادري

لينة بارتباك:م....مين قال لك

فيصل وقف قدامها ومسك يدها:ماله داعي احد يقول لي...كل شي واضح

لينة سكتت وهي تطالع فيه...ما تدري كم مر وهي تطالع فيه...

انتبهت على نفسها وسحبت يدها:فيصل خلاص الي نسويه مايصير

فيصل:لينة ليه مو راضية تفهميني...انا احبك

لينة بلعت ريقها بتوتر:فيصل خلاص

خذت ملفاتها وشنطتها وتوجهت للباب...

فيصل سحبها بقووة:لا مو خلاص

لينة بضعف..ماتقدر تنكر انها للحين تنشد له:فيصل شتبي مني؟؟

فيصل:قولي انك للحين تحبيني

لينة تجمعت الدموع بعيونها:اتركني

فيصل شد على يدها:لا

لينة:فيصل تكفى

فيصل رخى يده بس ما تركها:انتي الي تكفين..لا تحبينه..حبيني انا وبس

لينة ما قدرت تستحمل ونزلت دموعها.قالت بضعف اكثر:اتركني

فيصل تركها بهدووء...

طلعت من المكتب وهي تحاول تداري الي بقى من دموعها...

مستحيل تسويها بتركي...هو ما يستاهل...كافي الي هي تسويه...كافي...

ركبت السيارة وهي تمسح دموعها..طالعت يدها الي مسكها فيصل..

كانت حمرة من كثر ما شد عليها...

باست يدها وبكت اكثر...

*****************************

طلعت وهي حابسة دموعها...

خلاص الحين هي زوجة راكان...

التفتت على راكان الي ما كان واضح على وجهه غير الصدمة...وكانه مو مستوعب انها خلاص صارت زوجته...

انتبه لي وتعلقت عيني بعينه...

توحلت ملامحه من الصدمة للبروود...برود قاتل...

انا الحين من نظرة مو متحملته...اجل كيف لو عشت معه...

كل الي اتمناه الحين انه يطلقني باسرع وقت ممكن...

سمعت صوت عمي المزعج والي ينرفز....

ابو زياد:بعد ثلاث ايام...ثلاثة لاتقل ولا تنقص.بتروحين مع راكان للرياض..فاهمة

التفت له ابي اتكلم...

ابو زياد رفع اصبعه:اوش ولا كلمة..مابي اسمع همس..الله ياخذك

ركب لسيارته وراح..

وقفت مصدومة...راح وخلاني...وكانه نسى انه هو الي وصلني لهنا...

التفت حولي وما لقيت غير راكان...

هزيت راسي بخفة وانا ارفض هالفكرة....مستحيل اركب معه..مستحيل...

ركان تافف وهو بمكانه..بجد حركة بايخة من ابوه..حتى لو كان متنرفز مو يخليها ويروح....

مستحيل اخذها..احس اني لو جلست معها بمكان واحد لوحدنا ممكن اذبحها....

سحر((يوه عاد...الحين بتشتغل عنده النذالة زي ابوه وبيذلني...ياربي..حتى جوالي ما جبته...اووف))...

راكان بتردد:....دقي على أي احد يجي ياخذك...واذا ما عندك جوال انا بعطيك

سحر طالعته بصدمة...لهاذي الدرجة ما يتحمل يجلس معها...تحمد ربها انه ماراح عنها...

سحر بهدوء:اوكي عطني الجوال

راكان رفع حاجبه....طبعا تبي تروح لحالها عشان تروح له....

راكان:تعالي معاي...بوصلك

سحر تاففت وركبت بالسيارة...بس جلست ورا...

******************************

دخلت للبيت وهي تحس بالذب...ليه تروح كان خلت تركي يسوي كل شي وتتجنب شوفة فيصل...

ماتوقعت تشوفه هناك ابد....

انتبهت بتركي الي طلع من المطبخ...

انتبهت بشكله التعبان...

لينة قربت منه وهي تحاول تبين انها عادي:تركي شفيك؟؟

تركي وهو يتنفس بصعوبة:مدري احس اني تعبان...ومو قادر اتنفس

لينة بخوف:تبي تروح للمستشفى

تركي وهو يشرب الماي:لا خلاص...الحين اصير كويس

لينة وهي تطالع يده الي ترجف:تركي شكلك تعبان..خلني اوديك المستشفى

تركي ابتسم:لا خلاص...مو لازم...احس اني صرت احسن...انتي قوليلي...وش سويتي...وشخبار اسيل الحين؟؟

لينة تنهدت:كل شي اوكي...بس امها ذي ماني طايقتها

تركي:هههههههه...تغارين منها

لينة رفعت حاجبها:لا والله...ليه اغار يعني انا ادري ان اسيل تحبني

تركي:وهاذا الي قاطع قلبك

لينة:وش قصدك؟؟

تركي:يعني انتي خايفة ان اسيل تكون تحب امها اكثر منك ويمكن تاخذها بديله منك وانتي طول عمرك كنتي متعودة انك انتي لك الاوليه بقلبهم كلهم وخصوصا اسيل

لينة:تدري شلون.معك حق...انا انانيه صح؟؟

تركي وهو يفكر:ممم يعني شوي

لينة:لا والله هههههه

تركي:هههههه والله جد

*********************************

طلعت من غرفتها ولقت امها تكلم بالجوال...

ام اسيل:أي نسرين...لا ان شاء الله ما بطول....كلون يومين وبرجع للبيروت

اسيل اختفت ابتسامتها لما سمعت امها تقول انها بترجع لبيروت بعد يومين...

بترجع وتخليها....كيف تخليها بعد ما تعودت عليها اسبوع تقريبا...

تصحى وتنام وهي معاها....والحين تبي تروح وتتركها...

مو كافي ام لينة الي راحت بعد ما تعلقت فيها....

بس هاذي غير...هاذي امها...

ام اسيل سكرت السماعة والتفتت....

ابتسمت لاسيل الي واقفة وواضح انها سرحانة....

ام اسيل ضمتها:حبيبتي بشو سرحاني؟؟

اسيل بدون ما تطالعها وبدون ماتتحرك:ماما بتروحين؟؟

ام اسيل اختفت ابتسامتها للحظة....اكيد سمعتها...

رجعت ابتسمت:أي حبيبتي...بتعرفي خالتيك نسرين...ما بقدر خليها لحالا

اسيل طالعتها:وانا تخليني لحالي؟؟

ام اسيل جلست على الكرسي بهدوء:أي بس انا مابقدر اديك معي

اسيل وهي تحبس دموعها:ليه؟؟

ام اسيل:شو نسيتي انيك مخطوبي...وزواجيك ما بقى عليه كتير

اسيل مدت بوزها:طيب انتظري لحد العرس

ام اسيل وهي تمسح على شعرها بحنان:حبيبتي مابأدر...ان شاء الله بحاول اجي لعرسيك

اسيل وقفت:تحاولين

ام اسيل وهي تشرب الشاهي:على حسب الزروف حبيبتي

اسيل راحت وهي منقهرة من برود امها...

********************************

جالس يسوق السيارة بكل هدووء...وبدون ما يطالع فيها...

او بالاحرى يتجنب انه يطالعها....

سحر جالسة بالكرسي الي ورى وهي في قمة التوتر...

من اول مادخلت السيارة وهي مو قادرة توقف هز رجلها....

هزت رجلها بقوة وصقعت رجلها بالكرسي الي قدامها...

سحر بانفعال:اااي

راكان التفت لها وواضح انه معصب..قال بصراخ..:ممكن تسكتين

سحر انقهرت منه وسكتت...يعني شنو تسوي...لاشعوريا طلعت منها الكلمة...

الجو متوتر بين الاثنين...وكل واحد مو متخيل كيف راح يقدر يتحمل الثاني لما يروحون للرياض...

*******************************

راحت للغرفة المخصصة لها بالقصر...

طلعت جوالها من الشنطة ودقت عليه...

ابو زياد بصوته الي كله هيبة:الو...

ام اسيل:اهلين سعود

ابو زياد عقد حواجبه:مين؟؟

ام اسيل:ولو ماعرفتني...

ابو زياد بطفش:لا.مين انتي؟؟

ام اسيل:انا نادين...ولا بتحب زكرك اكتر

ابو زياد طالع الرقم وهو راقع حاجبه...رجع رد:نادين؟؟

ام اسيل:أي انا

ابو زياد:وش تبين انتي؟؟

ام اسيل:ولك هيدا اسلوب بتحاكي فيه طليأتك وام بينتك

ابو زياد:والله عاد هاذا اسلوبي من يوم انخلقت عاجبك ولا ظفي وجهك

ام اسيل:بس انا متاكدي انو راح يتغير لما تعروف انو اسيل عيرفيت انك.... كمل ولا وصليت لك المعلومي

ابو زياد بنرفزة:يال..... كيف عرفت؟؟

ام اسيل:ولو شو ماوصليت اليك الاخبار....انا هون...بالشرقية

ابو زياد:عمى بعينك....وش تبين جاية

ام اسيل:ييه هلأ ليه بتسب...وبعدين شو هالسؤال الغبي....جاية مشان شوف بنتي

ابو زياد بستهزاء:بنتك....اي بنت ياروح بنتك انتي

ام اسيل:بنتي يلي حرمتني منا سنين طويلي

ابو زياد بصراخ:انتي تكذبين الكذبة وتصدقينها..مو انتي الي قلتي خذها وما ابيها

ام اسيل:انا بعترف اني إلت هيك بس وأتا كنت صغيري ومابفهم شي وهلأ حسيت على نفسي وجيت لاشوفها

ابو زياد:هههههههه والله ضحكتيني يام الاحساس...(وهو يقلدها بالكلام)...هلأ حسيت على نفسي وجيت لاشوفها....الا قولي خلصت فلوسك وجيتي تطرين مني

ام اسيل:انا ما بسمح لك

ابو زياد:ومين انتي عشان تسمحين ولا لا

ام اسيل:انا....

ابو زياد قاطعها:انتي تاكلين تبن وترجعين للبنان الحين

ام اسيل:ايه بس....

ابو زياد:بس تبين فلوس صح

ام اسيل:بتعرف انك بتعجبني بس تصير بتفهم علي

ابو زياد:ياقلبي انا دايم فاهم عليك...كم تبين؟؟

ام اسيل:أي انت كريم وانا بستاهل...ولا شو؟؟

ابو زياد بخبث:اكيد تستاهلين هههههههه

*******************************

بليل...

جالسة بالغرفة وتحس انها بتموت من الطفش...

طلعت لبرة الصالة تطالع تلفزيون...طفشت من جو الغرفة والخنقة...

طلعت وشافت اسيل جالسة تطالع التلفزيون...

جلست جمبها بكل هدووء وهي تطالع معها فلم..على(mbc 2 )...

اسيل التفتت لسحر الي جالسة بكل هدوء جمبها....

غريبة عليها العادة اذا شافتها دايم تتهاوش معها....

اسيل بهدوء:مبروك

سحر التفتت لها باستغراب:على ايش؟؟

اسيل طالعتها:زياد قال انك وراكان بتتزوجون....ليه ما قلتي لي؟؟

سحر ببرود:خلاص تزوجته

اسيل باستغراب:ايش؟؟؟....انتي وش تخربطين؟؟

سحر:اليوم رحت انا وهو وعمي وزوجنا

اسيل:كذا بدون عرس ولا شي؟؟

سحر:أي...عادي..الشكليات مو مهمة

اسيل:نعم؟؟..الشمس من وين طالعة...سحر تقول الشكليات مو مهمة

سحر وقفت بانفعال:انتو ليه دايم ماخذين عني فكرة غلط...دايما سحر السطحية الي تهتم بنفسها وبس ولو ظفر منها انكسر سوت سالفة

اسيل باستغراب:سحر شفيك؟؟...انا ماقلت شي

سحر جلست بهدوء وهي حابسة دموعها:ليه كذا؟؟...كل شي صار غير...مو مثل ما توقعته ابد

اسيل بهدوء:على الاقل تحقق حلمك...وانا مو اختك وبسافر مع امي

سحر التفتت لها:....وتفكرين اني مبسوطة...

اسيل سكتت...ماتوقعت تطلع هالكلمات من سحر...

سحر وهي تلعب باصابعها:ليه صار لنا كل هاذا...لينة تزوجت وخلتنا...وانتي بتسافرين...وترف انا وهي ما نحتك ببعض ابد

اسيل ضمتها:بس انا برجع ازوركم

سحر رفعت راسها:قلتي لمحمد انك بتسافرين

اسيل بارتباك:...اي...قلتله

سحر:وش قال؟؟

اسيل:وافق طبعا

سحر حطت راسها على كتف اسيل:الله يوفقك

اسيل سكتت وهي تمسح على شعر سحر بهدووء....

*******************************

في اليوم الثاني..

جالسة بالغرفة وتكلم بالجوال...

ابرار:اقول سامي

سامي:عيونه

ابرار ابتسمت باحراج:ممم...شنو كنت تبي تقول لي ذاك اليوم؟؟

سامي بارتباك:متى؟؟

ابرار:هاذيك المرة...وبعدين دق علي محمد

سامي بارتباك اكثر:اهاا..تذكرت...لا بس كنت بقول لك سلميلي على محمد

ابرار بهدوء:اهاا...طيب..يوصل ان شاء الله

سكتو الاثنين وكل وكان كل واحد يبي يحكي للثاني عن الي بقلبه...

كسر الصمت صوت ابرار...

ابرار:طيب انا بسكر الحين...باي

سامي بهدووء:...باي..

سكر الجوال بهدووء...

رما نفسه على السرير....

سامي وهو يطالع الجوال:غبي..ليه ماقلت لها...

تافف وهو يرمي الجوال بعيد عنه...

*******************************

جالسة بالمطبخ وتسوي الغدا....

كتب الطبخ حولها ومتناثرة بكل مكان...

اول مرة تطبخ وبتجرب على تركي...

ضحكت وهي تتخيل شكله وهو يذوق الاكل...

حااسة براحة مو طبيعية اليوم...امس بعد ماشافت فيصل...

وبعد مارجعت للبيت...قررت بدى بداية جديدة مع تركي...

لازم تخلص له هو لوحده...وتنسى فيصل...وعلى طوول...

ابتسمت وهي تسمع صوته يناديها من الصالة...

لينة:هلا عمري انا بالمطبخ

تركي دخل للمطبخ وهو مبتسم:وش جالسة تسوين بالمطبخ؟؟

استغرب وهو يشوفها تطبخ...

لينة رفعت كتوفها وهي تبتسم:اطبخ

تركي وهو يطالع بالقدر:وشو هاذا؟؟

لينة:اسمها مكرونة الفوتشيني...اكله يابانية

تركي وهو يضحك:انتي افلحي بالسعودي عشان تطبخين ياباني

لينة ضربته من كتفه:ها هاها..سخييف

تركي رفع حاجبه:افا...انا سخيف

لينة ابتسمت:بس احبك

تركي رد لها الابتسامة:وانا احبك اكثر

لينة عضت على شفايفها بخجل...

لينة:طيب يلا روح عشان اخلص بسرعة

تركي رفع حاجبه:متاكدة انك تبيني اروح؟؟

لينة وهي تدفه:أي..يلا روح

تركي وهو يتوجه للباب:اوكي..انا بروح الحين...بس تذكري..(قال بهدوء وهو يحرك شفايفه ببطئ)...انتي الخسرانة

لينة التفتت حولها تدور شي تضربه فيه بس مالقت...

رفعت الملعقة الي بيدها...

لينه:تركي لو ما رحت الحين بت.....

تركي وهي يرفع يده:خلاص خلاص بروح

لينة ضحكت لما راح:ياحبي لك

تركي:ترى سمعتك

لينة بصراخ:تركي

*********************************

سحر جالسة مع اسيل الي جالسة سرحانة وهي تعزف بالقيتار بهدووء...

سحر وهي مندمجة مع العزف:عزفك حلو تدرين

اسيل ابتسمت...سحر تغيرت كثير عن اول...بس لسى غرورها الي تكرهه فيها موجود وماتظن انه بيجي اليوم الي بيروح فيه...

اسيل:مشكورة

سحر:لينة كانت تقول لي ان صوتك حلو

اسيل وقفت عزف:تبين اغني لك؟؟

سحر عدلت جلستها:ياليت

اسيل:طيب وش تبين؟؟

سحر وهي تفكر:ممم..مدري على كيفك

اسيل:طيب بغني لك اغنية لاصالة لني ادري انك تحبينها

سحر:اوكي

اسيل بدت تعزف وتغني على الحان القيتار...


اسلي نفسي والدنيا تسلي نفسها فيني
اجاري الوقت لو عانا الاول ما يجاريني
تعلمت اني اسامح واعدي زلة الايام
تعلمت ارضى بالواقع ولا اتبع سنى الاحلام
ولا اتمنى ولا استنى ولا ودي عني
اسلي نفسي والدنيا تسلي نفسها فيني


لما جا هالمقطع..سحر ما قدرت تمسك نفسها بدت تبكي لانها ببساطة تذكرت قد ايش كانت غبية لما حبت وليد...وصدقته بكل كلمة قالها...والحين هي تدفع ثمن تهورها وغبائها...


انا حبيت بس مرة وخان الحب ظني فيه
وقلبي انكسر مرة ولين اليوم اجمع فيه
وتبت وتاب احساسي وصرت اقسى من القاسي
وهاذا الي يخليني اسلي نفسي والدنيا تسلي نفسها فيني
اسيل وقفت عزف اول ما انتبهت بسحر الي تبكي..

اسيل بخوف:سحر شفيك؟؟

سحر قامت من الكرسي وراحت لغرفتها....

اسيل:سحر...سحر شفيك؟؟

قامت وراحت وراها للغرفة...

طقت الباب بهدووء...

اسيل:سحر..سحر افتحي الباب...قولي لي وش فيك؟؟

سحر بصوت مخنوق:خلاص روحي....مافيني شي

اسيل:طيب افتحي الباب

سحر بصراخ من بين دموعها:قلت لك روحي

اسيل تركت قبضة الباب...قررت تخليها على راحتها وبعدين تفهم منها كل شي...

********************************

جالس على الكرسي ورافع حاجبه باستغراب...

ماهو عارف وش قدامه بالضبط...

تركي وهو يطالع لينة:الحين هاذا الي ياكلونه اليابانين؟؟

لينة وهي تكتم ضحكتها من ملامح تركي:ايه انا سويت نفس الي مكتوب بالكتاب...بس...باكتاب كان شكله غير...مدري ليه طلع معي كذا

تركي وهو للحين يطالع الشي الغريب الي قدامه:الله يكرم النعمة...اقول لينة

لينة:نعم

تركي:وش رايك بالبيتزا احسن

لينة وهي تطالع المكرونة الي شكلها يسد النفس:ايه...احسن

*********************************

باليل..

طلعت من الحمام ووقفت قدام المراية تنشف شعرها...

تركي طلع للشغل وهي جالسة لوحدها...

طفشت من كثر ماهي جالسة بالبيت...على الاقل اول كانت تشتغل وتضيع وقت....

بس الحين ما عندها شي يشغلها...

طالعت السرير...الحبوب تحته...لو انها ما تاخذها...كان ممكن الحين تكون حامل وتنشغل بالبيبي والتجهيزات حق اغراضه...

لينة:تركي ما يستاهل اسوي فيه كذا...انا لازم اقطع الحبوب...عشانه وعشان نفسي...لمتى بظل كذا...عايشة على ذكراه..لين متى يعني...كيف بقدر اعيش بدون طفل..يملي علي حياتي...

انتبهت بصوت الجرس...

لينة ببتسامة:اكيد تركي

بدلت ملابسها بسرعة ونزلت...

فتحت الباب...بس اول ما شافته اختفت ابتسامتها...

لينة بهدووء:...فيصل...

فيصل:وحشتيني...كيفك؟؟

لينة خذت نفس:شتبي؟؟

فيصل وهو ياشر على نفسه:انا؟؟....تساليني انا وش ابي

لينة تجمعت الدموع بعيونها:فيصل تكفى...انا متزوجة الحين والي بينا خلاص انتهى

فيصل:لا ما انتهى انتي كيف تقولين كذا

لينة حاولت تمنع دموعها تنزل...بس لما حست بالضعف قررت تسكر الباب...

بس فيصل مسك الباب:لينة تكفين...ادري انك متزوجة و..واكيد هو..(حس بصعوبة وهو يقولها...بس لازم يقولها عشان يحط حد لمشاعره)...يحبك....بس الاكيد انك للحين تحبيني...او حتى تفكرين فيني....صح

لينة صدت عنه:خلاص فيصل

فيصل:قوليها...واوعدك ما تشوفيني مرة ثانية

لينة حست قلبها يتقطع مع كل كلمة يقولها...(قوليها وماعاد تشوفيني مرة ثانية)....يعني خلاص....ماعاد تشوفه...كيف بتتخيل حياتها بدون فيصل...

لينة ضغطت على نفسها وهي تتكلم:اذا قلتها توعدني ما تجي لهنا مرة ثانية...ولا تتعرض لي ابد

فيصل بالم:ماراح تشوفيني مرة ثانية

لينة نزلت دموعها وقالت بضعف:...وعد؟؟

فيصل:....وعد...

لينة طالعت فيه والحب واضح بعيونها...بس ماتقدر تقولها...اذا قالتها يعني خانت تركي...وهي وعدت نفسها ما تخونه..بس هي الكلمة الوحيدة الي بتخلي فيصل يروح ويعطيها فرصة تحاول فيها تحب تركي...

لينة ببرود عكس الي فيها...وعكس الي وصل لفيصل(قالت بهمس):...ا..حبك...جد احبك

فيصل تنهد:وانا بعد...(باس جبينها)...الله يحفظك...وتعيشين حياتك مع تركي

لينة بكت...

رفعت راسها...تبي تشوفه لاخر مرة...بس خلااص...رااح بدون ما تشوفه...راح وراحت معه احلا ايام عمرها...


بريحك مني خلاص واغيب عن عينك
مادام هاذي رغبتك لازم احققها
وبطلبك اخر طلب الله لا يهينك
قلي احبك حبيبي بخاطري اسمعها
واخر طلب...اذكر لقانا كيف غير لك موازينك
هالحظة تكفي على الاقل ابيك تذكرها
ليلتها كانت شمعة تضوي بيني وبينك
يوم انطفت انت الهوى الي هب واخمدها
****************************************

في اليوم الثاني...

نزل من الدرج وهو يحس انه متغير اليوم...يحس ان مزاجه صاير احسن عن اليومين الي فاتو...

لازم يروح ويعتذر لها..هو بعد غلط لما صرخ عليها وسكر بوجهها...

ضحك وهو يتخيل شكلها وهي معصبه...اكيد قعدت تتوعد فيه ذاك اليوم...

وقف تفكيره ووقف كل شي فيه...وهو يشوف البنت الي قدامه...

معقولة تكون هي...لا مو معقول..الظاهر من كثر ما كان يفكر فيها الكم يوم الي راحو...صار يتخيلها قدامه بعد...

جالسة بكل دلع وهي تشربه العصير...

حطت العصير على الطاولة وابتسامتها العوب على شفايفها...

رمشت بعيونها اكثر من مرة بدلع وهي تضحك لابو زياد...

التفتت لجهة الدرج واختفت ابتسامتها لما شافت زياد واقف قدامها وهو مصدوم...

ابو زياد انتبه لنظراتهم لبعض...

ابو زياد وهو يوجه كلامه لزياد:وش فيك واقف كذا ياتجلس ولا روح

زياد وهو مانزل عينه من عليها...للحين مو مستوعب الي يشوفه:يبى انت تزوجت؟؟

ابو زياد وهو ماسك كتف بتول:ايوه وهاذي زوجتي اسمها بتول

زياد هنا حس تفكيره توقف...هي بتول نفسها..بس شلون...نفس الشكل بس مغيره شوية المكياج وقصة الشعر الجديدة والصبغة...

زياد:بتول؟؟

بتول حطت رجل على رجل:كيفك زياد؟؟

زياد كان شاكك بس لما سمع صوتها تاكد...شلون بتول تتزوج ابوه...وليه ومتى...هو ماسافر هاليومين..الا قبل ملكة لينة..

معقول تزوجها قبل الملكة...بس بتول ما قالت له الا قبل يومين...
خلاص حس ان تفكيره توقف...مو راضي يستوعب ان بتول متزوجه ابوه..

حس نفسه مخنوق ويبي يطلع...بثواني مزاجه انقلب..والسبه هي...دايم هي تكون سبب بكل مشاكله...وذنبه الوحيد انه حبها من كل قلبه...

ركب سيارته وراح بعيد عن البيت...مو عارف لوين بس اهم شي يبعد...

****************************************

من امس جالس بنفس المكان..جالس وماسك صورتها بيده...

باس الصورة بهدووء وهو يتخيلها قدامه...خلاص ماراح يقدر يشوفها...

مستحيل يخلف وعده ويروح لها..

فيصل((خلها يافيصل...خلها تعيش حياتها بعيد عنك))...

يناقض نفسه ويحاول يبرر لنفسه موقفه...هو يحبها ومايقدر يتخلى عنها...بس بعد مايبي يسبب لها مشاكل مع زوجها...

لازم يتركها ويروح لبعيد...

بس كيف بينساها...كيف؟؟!....


وشلون بصبر
وانا على البعد ما اصبر
ماعلمتني حياتي غير حبي لك
مرات اقول الجفا مكتوب ومقدر
ومرات اقول اللقا مكتوب واجيلك
من علم الناس ما تسهر وانا اسهر
من علم الناس سوى تبجي وانا ابجي لك
حبك تركني مابين اقدر وما اقدر
اجمع صباحك خطا
واغفى على هم ليلك
خافي عنك اماني العمر لا تقصر
بين احتياجي لنفسي واحتياجي لك
واخاف لا اموت في قربك ولا تشعر
واخاف لا العمر يمشي بي وانا امشي به
وشلون بصبر
وانا على البعد ما اصبر
ماعلمتني حياتي غير حبي لك
مرات اقول الجفا مكتوب ومقدر
ومرات اقول اللقا مكتوب واجيلك
***********************************************

ضامة رجلينها لنفسها وتبكي....من امس وهي على هالحال..

من يوم ماراح...حتى تركي..من امس ما جا... رفعت الحبوب الي بيدها وراحت للحمام...

ناظرت بنفسها بالمراية ورمت الحبوب بالبالوعة...

شغلت الماي وبدت تغسل وجهها...نزلت دموعها وهي تغسل وجهها....

اختلطت دموعها مع موية المغسلة...

هدت وسكرت الماي لما سمعت باب الغرفة يفتح...

طلعت من الحمام وهي تحاول توقف دموعها..

ابتسمت بهدووء:تركي...وين كنت؟؟

تركي قرب منها ومسك راسها:شفيك تبكين؟؟

لينة رمت نفسها بحضنه وبكت:...تركي...سامحني..سامحني تركي

تركي وهو مستغرب:شفيك؟؟

رفعت راسها بهدووء:طلقني

****************************************

جالسة بالغرفة وترمي اغراضها بالشنطة...

ترمي وبس ماتدري وش اخذت وشنو خلت...

مو مهم..ماعاد شي يهمها خلااص...

تحس بضيقة كل ماتتذكر انها اليوم بتروح للرياض...

هي مو اول مرة تروح هناك...ودايم تنبسط لما تروح..بس هالمرة غير..

بتروح وهي زوجة لراكان..وبتسكن معه ببيت واحد...

والله وحدة العالم وش بيسوي فيها...هاذا اذا ما ذبحها بالطريق...

راكان واحد ما ينضمن يتغير بين يوم وليلة...

ندمت على كل لحظة فكرت تكلم فيها واحد..او تخليه يشوفها...

ندمت على لحظات التهور الي عاشتها بحياتها..بسنو فادها كل هاذا...

ببساطة..(ولا شي)...ولاشي...

تنهدت ورجعت تكمل لم اغراضها...ثلاث شناط وللحين ما خلصت...

لهدرجة هي تشتري واجد؟؟...حتى انها تشوف عندها ملابس اول مرة تشوفهم وللحين عليهم السعر...

*********************************************

تركي بصدمة:انتي وش تقولين

لينة بعدت عنه وهي تبكي:تركي انا ما استاهلك...انا وحدة خاينة تعرف يعني ايش خاينة....تزوجتك وانا احب غيرك...مرت شهور من زواجنا وانا للحين افكر فيه...حتى لما رحت للشغل اقدم استقالتي شفته...وامس جا للبيت...تركي انت انسان بمعنى الكلمة وانا ما استاهلك

تركي واقف مصدوم من الي يسمعه....معقول الي تقوله جد؟؟..ولا تمزح...

لينة بصراخ:لا تناظرني كذا...سو أي شي...اضربني...طلقني ان شاء الله تذبحني...بس لا تظل واقف كذا بمكانك...تدري شلون اذبحني..اذبحني وفكني من العذاب والتناقض الي انا عايشة فيه

تركي بهدوء:انا مستحيل اصدق هالكلام

لينة زاد صارخها:انت شنو؟؟...ليه ما تحس...اقولك احب غيرك تقولي ما اصدق...انت شنو تحسبني...ملااك...ما اغلط...

تركي:انتي مو ملاك...واكيد بتغلطين..بس الله يسامح...ليه انا ما اسامح

لينة:ببساطة؟؟

تركي:لينه انتي للحين مو مستوعبه انا قد ايش احبك

لينة بكت:تركي صدقني انا اسوي كذا عشانك..ما ابي اظلمك

تركي قرب منها وابتسم:وتبيني اصدق ان وحدة مثلك تبدي غيرها على نفسها..وحدة صايفة وشفافة مثلك تسوي كذا..لا...انا متاكد انك وقفتيه عند حده

لينة:تركي ليه مو راضي تفهمني...انا للحين احس اني اتشد له

تركي:بس ما تحبينه...شي طبيعي كل ماتشوفينه تحسين بمشاعر اتجاهه...لو جد تحبينه..اجل ليه ما طلبتي الطلاق من اول يوم..ليه مستمرة معي للحين

لينة ناظرت بعيونه الي مو مبين فيها أي شي..مجرد بروود..برود وبس...

لينة رمت نفسها بحضنه وبكت:تركي تكفى...خلني احبك..خلني اكرهه...ابي انساه...ابي اعيش معك وبس...انت وبس

تركي مسح على شعرها بهدووء وباس جبينها:وانا احبك


حاولت اقسى حاولت انسى
حاولت اصبر شوي..
انا والله قبل ما اقسى
قسى قلبي علي..
لنا قلبي من غلاهم
صف ضدي مو معاهم
وعلى ايدك ابي انسى
ابس انسى هواهم..
لا ليلي ليل ولابي حيل
يتحمل خطاهم..
قضى عمري عذاب وويل
عجزت اكسب رضاهم..
من كثر ما اشتاق اليهم
ضاع قلبي بين اديهم
وعلى ايديك تعلمني
ابي اتغير عليهم..
انا ذنبي بهالدنيا
ان قلبي شراهم
ولنا القلب على النية
ولا لحظة نساهم..
وعلى ايدك تنسيني
ابي انسى هواهم..
**********************************************

جالس جمبه بالسيارة وهو مو مستوعب...

سامي بصدمة:انت وش تقول؟؟...بتول؟؟!.

زياد وهو يضرب يدينه ببعض:شفت شلون..هال.... قدرت تضحك على ابوي وتخليه يتزوجها...لا والي قاهرني انها جالسة وعادي ولا كانها سوت شي

سامي:انت ليه مقهور هي لا اول وحدة ولا اخر وحدة يتزوجا ابوك

زياد:بس هي غير...انت ترعف هي شنو سوت فيني..وفيك بعد..وفكل الي اعرفهم..ولا تنسى هي وش كانت بالنسبة لي

سامي:قلت كانت..واذا قصدك على الي سوته فيك خلااص شنو بيدك يعني

زياد:لا ياحبيبي بيدي كثير

سامي:وش ناوي تسوي؟؟

زياد:بعدين تعرف بس الحين لازم ارجع للبيت ولا كانه شي صاير

سامي:الله يستر منك بس

**************************************

******

طلعت الشغالة من الغرفة بعد ماخذت اخر شنطة عشان توديها للسيارة...

لبست عبايتها ووقفت عند الباب....تبي تشوف غرتها لاخر مرة..

تحس انها ماراح تشوفها مرة ثانية...

نزلت من الدرج وشافت سيارة راكان عند الباب...وهو واقف عند السيارة ومتسند على الباب وواضح انه سرحان...

سحر تنحنحت عشان ينتبه لها...

راكان انتبه وتغيرت ملامحه لما شافها...حس انه مو طايقها...

راكان بعصبية:هي انتي..غطي وجهك تفكرين ما وراك احد لا اصحي يا بابا الحين انتي متزوجة وفي من يحكمك

سحر غطت وجهها وهي تتافف...يالله خير...من اولها وهو يهزء فيها..اجل لو راحت معه للرياض وش بيسوي فيها..

راكان:وبعدين وش هالشناط ذي كلها...شدعوة كل ذي ملابس...انا قلت للشغالين يرجعون الشنط...وخليت وحدة بس

سحر فتحت عيونها على وسعهم:ليه؟؟

راكان رفع حاجبه:تقولين لي ليه....انتي تقولين لي ليه؟؟...بكيفي.انا اسوي الي ابيه..وانتي ولا كلمة فاهمة

سحر غضت على شفايفها بقهر..

سحر بصوت واطي:على الاقل ان شاء الله يكون خلى شنطة الملابس الجديدة

راكان:بلا خرابيط واركبي بسرعة..الشمس ذبحتني

سحر:دوم ان شاء الله

راكان:وش قلتي؟؟

سحر بحدة:قلت بركب الحين

راكان ابتسم ابتسامة خفيه....يحب يشوفها معصبة...

*******************************************

جالسة بالسيارة وتحس بتوتر...

من يوم ما كلمها بالجوال وهي مو متطمنه لصوته...

واضح انه عرف انها تبي تسافر مع امها...واكيد مو راضي...

بس ماراح تطلع من المطلعم الا لما تقنعه بالسفر...

وصلت للمطعم ودقت عليه...

اسيل:هلا محمد...انت وينك؟؟...انا عند الباب

محمد:اوكي الحين بجي لك

سكرت الخط وهي تطالع يدينها الي ترتجف....

راحت مع محمد للطاولة...

محمد:وش تشربين؟؟

اسيل بهدوء وارتباك:ماي

محمد:موية بس؟؟

اسيل هزت راسها:ايه

محمد:اوكي على راحتك

طلب من الويتر....اخذ طلبهم وراح...

بعد ما جا الويتر وقدم طلبهم..

محمد ابتسم للويتر:thank you

سكر الويتر البارتيشن....

محمد:ممكن تفهميني وش سالفة السفر؟؟

اسيل بلعت ريقها:ايه وش فيها....ابي اسافر مع امي

محمد:تسافرين مع امك...طيب وانا؟؟

اسيل:محمد ليه تظن اني لو سافرت بغيب عنك...طيب انا عندي فكرة...ليه ما تجي معي...ونتزوج هناك

محمد:شلون اسافر...انتي واقعية للي تقولينه...وشغلي...وامي..ومستقبلي الي بانيه هنا...اخلي كل هاذا واسافر بكل بساطة

اسيل:نسافر سوى ونبدي حياتنا وشغلنا هناك من جديد..واذا على امك...عادي..ناخذها معانا

محمد:اسيل ما اقدر...انتي خلاص بعد كم شهر بتصيرين زوجتي يعني ماله داعي نسافر...انا مو موافق

اسيل:محمد هاذي امي...افهمني

محمد:وانا حبيبك وخطيبك..وبصير زوجك

اسيل:محمد لا تخيرني

محمد:وانا اخيرك الحين..يا انا ياهي

اسيل سكتت..هاذا كيف يخيرها بينه وبين امها...امها الي طول عمرها كانت تحلم تشوفها ولما شافتها وحست انها بتفقدها..وعندها فرصة تكون معها طول العمر...

يجي بكل بساطة ويخيرها بينها وبينه...هو الي حبها وحبته...هو الوحيد الي قدر يطلعها من حالتها الي كانت فيها...

كيف يخيرها بينه وبين امها...كيف؟؟

اسيل حاولتتحبس دموعها قدما تقدر...

وقفت وتطالعت فيه:محمد..ثاني مرة اقول لك...تكفى لاتخيرني

محمد:ادري انه قرار صعب..بس ما اقدر...يا انا ياهي

اسيل رفعت راسها وهي تحاول ما تخلي دموعها تنزل...

فسخت الخاتم بكل هدووء:سامحني...بس الحب يتعوض اما الام لا

تركته وطلعت...

محمد ظل بمكانه مو مستوعب..رفع الخاتم بهدووء...

يعني خلااص...هاذي نهاية حبه لاسيل...

****************************************

البارت ((22))
جالسة بالسيارة ومسندة راسها على الدريشة...

تناظر بشوارع الرياض...

التفتت قدامها وشافت راكان الي كان يسوق السيارة بكل هدوء...

للحين مو مستوعبة انها زوجته وانها بتسكن معه في بيت واحد...

ما حست على نفسها الا لما وقف السيارة...

ناظرت بالبيت الي قدامهم...كان عبارة عن فيلا صغيرة ماتجي شي قدام اصغر ملحق عندهم...

عقدت حواجبها وهي تحاول تقنع نفسها انها ماراح تسكن هنا...

قطعها صوت راكان:انتي هي بتجلسين هنا لين بكرة...يلا انزلي

اشرت على البيت باصبعها:انزل هنا؟؟...انا بسكن هنا

راكان كتم ضحكته على شكلها:قصدك بنسكن هنا...لان امي تسكن هنا بعد

سحر:كلنا هنا...بس..البيت مايكفي

راكان ماقدر يمسك نفسه:ههههههههههههه

سحر تنرفزت:الحين ليه تضحك

راكان:هههههههههه...اقول بس اطلعي..هههههههههه

طلعت من السيارة وهي ودها تفجر فيه...او تقعد ضرب فيه لين تطلع حرتها....

سحر((اه بس لو يمسكوني رقبتك شف شسوي فيك))...

راكان:مبسوطة على الوقفة

طنشته وتقدمت كم خطوة على قدام...بس صوته وقفها...

التفتت عليه تبي تشوف وش يبي...

حط الشنطة قدامها...

راكان:تبيني اشيلها لك بعد

تركها وتقدم عنها وخلا الشنطة قدامها...

سحر ضربت رجلها بالارض وهي تحس انها تبي تبكي...

كانت تبي تصرخ بوجهه وتقول له طلقني الحين ورجعني للشرقية...

بس صوتها طلع غير عن ماكانت تبيه...

كان كله نعومة ودلع..

قالت وهي تحس صوتها مخنوق:راكـان

وقف لما سمع صوتها...ضغط على يده بقوة عشان يحكم اعصابه...

هو عاهد نفسه انه عمره ما يلين معاها...ببساطة لانها وحدة ماتستاهل...

راكان التفت لها وقال بدون نفس:خير

سحر كانت تتكلم وواضح انها بتبكي:حرام عليك..كيف تخليني اشيلها لحالي...(قالت وهي تناظر الشنطة الكبيرة)..والله ثقيلة

راكان عقد حواجبه:خلاص بلا حنة

رفع الشنطة الي كانت ثقيلة شوي...رحمها كيف كان بيخليها تشيلها لحد داخل البيت لوحها...

حط الشنطة قدام الغرفة....

راكان:الدور الاول لامي عشانها ماتقدر تركب الدرج والدور الثاني لك

سحر بتردد:...مم..طيب...انت وين بتقعد

راكان:مالك شغل..وحطي فبالك انها اول واخر مرة اساعدك بشي فاهمة

سحر حاولت تمسك نفسها كثر ماتقدر...ماتبي تنفجر بوجه..ولاتبي تبكي وتنهار قدامه...

فوق ماهي شايلة همه وتسال عنه يعاملها بهاذا الاسلوب...

*********************************

رجعت للبيت ودمعتها ماوقفت ولانشفت من خدها..

ماهي مستوعبة للحين الي سوته...تركت محمد..كيف تتركه...

بس تحاول تقنع نفسها ان كلامها صح...

((الحب يتعوض بس الام لا))...

ممكن تلاقي الحب بمكان ثاني ومع واحد ثاني بس امها اذا راحت...مين بيعوضها عنها..

تبي تترك السعودية وتروح للبنان باسرع وقت...

تبي تبدى حياة جديدة هناك...بعيد عن كل شي بالسعودية....

لاشعوريا رفعت السماعة ودقت على لينة...

ماتدري ليه تحس انها محتاجة لها بهاذي اللحظة اكثر من أي احد...

حتى من امها الي فضلتها على محمد...

طلع لها صوت لينه...

لينة:الوو

اسيل سكتت..من زمان ماتكلمت مع لينة..لانها زعلانة منها بعد ماخبت عنها موضوع امها...

بس اول ماحست انها محتاجة لاحد...هي الوحيدة الي طرت على بالها على طول...

لينة:الوو..مين معي؟؟

اسيل بصوت مخنوق:...انا..اسيل

لينة بخوف:شفيك؟؟...كنتي تبكين؟؟

اسيل بكت:لينة..تعالي البيت بسرعة

لينة زاد خوفها :حبيبتي شفيك؟؟

اسيل:تعالي بسرعة...انا محتاجتلك

لينة:اوكي خلاص الحين انا عندك

اسيل:طيب

لينة:انتبهي على نفسك اوكي

اسيل:اوكي..مع السلامة

لينة:مع السلامة

سكرت السماعة وهي خايفة على اختها...ايش ممكن يكون صار فيها...

اول شخص طرى عليها هي ام اسيل...لو طلعت هي الي مزعلتها بتشوف شي ماشافته...

وخصوصا انها اصلا مو طايقتها وتبي منها الزلة عشان تهزءها...

******************************

ابرار بصدمة:ايش؟؟...محمد انت وش قاعد تقول؟؟

محمد بهدوء:الي سمعتيه

ابرار حطت يدها على فمها..حست ان دموعها بتنزل...طول عمرها تتمنى ان محمد ياخذ اسيل...والحين ينفصلون...ليه؟؟

ابرار:طيب ليه؟؟

محمد تنهد:ابرار انا مالي خلق الحين...انتي كلميها

سكر بوجهها قبل لا يسمع ردها...

*********************************

بالرياض...

من اول مادخلت للغرفة وهي تطالع فيها...

مو مستوعبة انها بتسكن هنا بعد ما كان لها جناحها الخاص بقصرهم..

فتحت الدولاب الصغير الي بزاوية الغرفة..

طالعت شنطتها وكانت مليانة ملابس...

الجو حار...دورت الريمونت حق المكيف بس ما لقت..

سحر وهي ترمي عبايتها بالشنطة:اوف وين الريمونت الغبي هاذا...ووين الشغالة عشان ترتب اغراضي

ماتعرف شي بالبيت...مالها غير راكان يعلمها على كل شي...بس هو وينه الحين من دخلت الغرفة ما طلعت ولا سمعت له صوت...

طلعت برة الغرفة وكانت لسى بملابسها حقت البيت...شورت جينز وبلوزة كت تفاحية...

رفعت شعرها الي راحت صبغته السودة ورجع بني..وطال ووصل لين نص ظهرها...

رفعت شعرها لانها تكرهه لما يكون طويل...

طالعت بالممر الضييق مافي غير غرفتين...وحدة الي هي فيها والثانية بعيدة عنها شوي..

جاها فضول تعرف ايش في البيت مدام راكان مو موجود...

واول شي بتسويه بتروح تشوف الغرفة الي قدامها...

تقدمت بخطوات خفيفة...وفتحت الباب بكل هدووء...

كانت الغرفة مظلمة والستاير مسكرة...

فتحت النور البعيدة عن السرير...

تقدمت للسرير وشافت راكان نايم...كان شكله برئ وهو نايم...

مسالم..وهادي...عكس شخصيته الي تشوفها لما يكون صاحي..

سحر بصوت واطي:ياليتك تنام على طول

ترحك شوي وهو نايم...سحر نقزت من مكانها...حست بخوف مو طبيعي..

حتى وهو نايم تخاف منه...

طلعت من الغرفة بسرعة بعد ما سكرت النور...

تسندت على الجدار وهي حاطة يدها على قلبها الي يدق بقوة مو طبيعية من الخوف...

********************************

رجع للبيت وهو يحاول يمسك نفسه...

ممكن يشوفها بأي مكان بالبيت...واكيد راح تكون مع ابوه...

كيف بيقدر يتحمل يشوفها جالسة مع ابوه...

تنهد بقوة وفتح الفريزر الي بالمطبخ...

وقف شويه قدامه والهوى البارد يطلع منه..يحس ان كل هبة تجي عليه تخفف من حدة اعصابه...

طلع علبة موية متجمدة...

جلس على الطاولة الي بالمطبخ...حط العلبة على الطوالة وسند راسها عليها...

سمع صوت ضحكتها الي حافظها من ظهر قلب...

بتول وهي تضحك:اوكي حبيبي ثواني واكون عندك

دخلت للمطبخ وماكانت متنبهة لوجوده...فتحت الثلاجة وطلعت منها صحن الفواكه...

زياد رفع راسها وانتبه لها...

تقدم لها ووقف قدامها بكل برود..عكس الي داخله...

قال وهو يفتح علبه الموية:مبروك عليك ابوي

بتول خافت لما سمعت صوته بس لما شافته وانتبهت لنظرة الحزن بعيونه الي يحاول يخفيها حست بنشوة الانتصار:الله يبارك فيك

زياد شرب من الموية وهو يحاول يكون قمة في البرود قدامها..(قال باستهبال):بما انك زوجة ابوي..تبين اقولك يا ماما ولا ابلة

بتول:ههههههههه والله دمك خفيف

زياد رفع حاجبه وهو وده يكفخها بالموية الي بيده...

زياد رفع يده وقال بهمس وهو يحرك شفايفه بحركة بطيئة:سي يو

تركها واقفة وطلع من الباب الخلفي...

مايبي يشوف ابوه..لانه يحس لو شافه مايدري وش بيسوي فيه..

*********************************

لينة وقفت من الصدمة:ايش؟؟...صاحية انتي؟؟..ليه؟؟

اسيل وهي تبكي:هو الي حدني على كذا

لينة:وش صار فهميني؟؟

اسيل قالت لها السالفة كلها...

لينة بقهر:تتركين خطيبك عشان وحدة توك تعرفينها

اسيل:لينه هاذي امي

لينة:الله والام عاد...(جلست جمبها)...اسيل تكفين فكري كويس..لا تعيدين غلطتي مرة ثانية

اسيل طالعتها والدموع بعيونها:انا احبه..بس احب امي اكثر

لينة:اسيل صدقيني بتندمين..امك ماراح تدوم لك

اسيل وقفت:خلاص لينه انا قررت وماراح اتراجع عن قراري

لينة بعصبية:ودام انك مو متراجعة عن قرارك.اجل ليه دقيتي علي ترفعين ضغطي بس

اسيل وهي تحاول تداري دموعها:مدري

لينة مسكتها من كتفها وقالت بحدة:لأ تدرين...واذا ماتبين تقولين انا اقول لك...عشان انتي عارفة انك غلطانة وتسرعتي بقرارك وتبين أي احد يقول لك ان قرارك صح عشان لو صار وندمتي ترمين الحق عليه وانتي تخلصين ضميرك...صح ولا لا

اسيل سكتت وهي تحس نفسها مقهورة وتبي تبكي.لينه معاها حق بكل الي تقوله...

لينة هزتها بقوة:ردي صح ولا لا

اسيل بعدت عنها:لينه تكفين خلاص

لينة:اسيل والله انا خايفة عليك وابي مصلحتك..ومصلحتك انك تكونين مع محمد...الانسان الي يحبك بجد.صدقيني بتندمين لو تركتيه...(قالت برجاء)...صدقيني

اسيل رمت نفسها على السرير وبكت...

***********************************

نزلت لتحت الحديقة...

كانت صغيرة بس مرتبه..واضح ان راكان يحب الزرع لان بكل مكان بالبيت في نبته ولا ثنتين...

راحت للجهة الخلفية من البيت وشافت شي خلااها تطير من الفرح ولاول مرة من جت للرياض...

سحر صرخت:واااو في مسبح..كويس عشان اضيع وقتي فيه..بس مدري جبت المايوه ولا في الشناط الي رجعها راكان

حست انها تحقد عليه اكثر كل مرة تتذكر فيها شكله وهو يقولها برجع الشناط...

تقدمت لعند سور المسبح وهي منبهرة بمنظر الموية...وانعكاس ضوء الشمس عليها...

نزلت شوية عشان تقدر تلمس الموية الباردة...

سمعت صوت من وراها...

التفتت وهي خايفة ليكون راكان...بس استغربت لما ماشافت احد..

التفتت يمين ويسار وراها وقدامها ومالقت احد...استغربت اجل مين الي يكلمها؟؟..

ركزت على مصدر الصوت وسمعته جاي من فوق...

رفعت راسها تشوف مين...

شافت اثنين واقفين فوق السطح حق جيرانهم وقاعدين ياشرون لها..

سحر رفعت حاجبها باستغراب...وش هالحركات احنا وين جالسين...

واحد منهم صرخ:ياحلو..ممكن نتعرف

سحر تاففت:حتى بالبيت مو سالمين

علا صوته اكثر:الوو...ياحلو..نحن هنا..الاسم ياقمر

سحر بصراخ:هي انت ايش في امك؟!

رد عليها بعد ما عطاها بوسة طايرة:امي تسلم عليك وتقول لك مين معاي

سحر كانت بترد بس سمعت صوت من وراها...

صوت خلااها تفقد كل حواسها ماعدا حاسة السمع..وقلبها الي يدق باقوى ما عنده...

راكان بصراخ وعصبية:سحر

سحر نقزت من مكانها...قالت بخوف مو طبيعي:ر..راكان

راكان مسكها من يدها بوقة:انتي وش تسوين هنا؟؟

سحر صارت ترتجف ومو عارفة هي ايش تقول:انا...انا...

راكان بحدة:جب ولا كلمة

ناظر الي فوق:وانتو وش تبون

سحر رفعت راسها وماكانو موجودين وكانهم فص ملح وذاب..

التفتت على راكان تحاول تشرح له...

سحر:راكان انا....

سكتت لما حست بيده على خدها وجاها اقوى كف شافته بحياتها...

راكان:يال..... حتى وانتي هنا تبين تمشين على حل شعرك..قوليلي وش اسوي فيك

سحر وهي تبكي:راكان والله انت فاهم غلط

راكان:وش فاهم غلط..واقفة تحكين مع عيال الجيران وبهاذا البس وشو تبيني افهم يعني....لاكن انتي ما ينفع معك غير الحبس

سحر بخوف:..ح..حبس...اي حبس؟؟

راكان وهو يسحبها:أي حبس ها..انا اوريك الحين

سحبها باقوى ما عنده...ووداها لفوق....

فتح باب الغرفة بقوة ورماها على الارض بكل قوته...

نزل لمستواها وسحب شعرها...وشد عليه اكثر لما سمع صرختها...

راكان:انطمي

سحر وهي تبكي:راكان تكفى...هد شعري

راكان:شكلك ودك تتربين من اول وجديد

فسخ عقاله وضربها....

ضربها بقهر...يعني فوق ماهو ساتر عليها ومتزوجها وهو مو متحملها تجي وتتكلم مع الشباب لا وفي بيته بعد...

وقف لما شاف جسمها قلب ازرق...وهي مو قادرة تتحرك من الالم..

تبكي وبس..

راكان وقف:مافي طلعة من هنا فاهمة

سحب المفتاح من التسريحة وطلع وقفل الباب وراه...

سحر ضلت بمكانها تبكي وتحس ان دموعها تحرق خدودها من الجروح الي على وجهها..

طالعت كتفها الي صار ازرق ورجلها الي زرقت بعد...

بكت اكثر...مظلومة ويضربها بدون حتى ما يفهم منها شي...

هي غلطت صح بس الله يسامح..ليه هو لا...


ساعات احس ان الزمن قاسي ولا يمكن يلين
وساعات احس ان الفرح محال ولا يمكن يحين
هاذا الي شفته بدنيتي وكل ما مضى لي من سنين
يامن يعلمني الفرح ويفرح القلب الحزين
اشكي مرارة حيرتي بدنيا ما ظني بتزين
واذا بدى بعيني الامل تجد احزاني وتبين
روح زماني وانتهى وترك لي الجرح الدفين
دنيا كف الله شرها تخلي كل قاسي يلين
*************************************

باليل...

طلعت من بيتهم وهي للحين منقهرة من تصرف اسيل البايخ بالنسبة لها..

ركبت السيارة وقالت للسواق يروح للبيت...

طول الطريق وهي سرحانة...مستحيل تخلي اسيل تغلط نفس غلطتها...

واسيل حساسة وماتقدر تتحمل مثلها..

هي تقدر تضغط على نفسها وتمشي...بس اسيل لا...

سندت راسها على التدريشة المظللة...

جلست تناظر بالناس الي بالشارع...

محد حاسس فيها ولاهي حاسة باحد..كل واحد مشغول بهمه...

تنهدت وهي تتمنى ان يكون حال خواتها احسن منها...

وحشتها سحر...ووحشها غرورها وتصرفاتها المتهورة...

تخيل هي الحين وش تسوي...وكيف عايشة مع راكان..

مثل حياتها مع تركي ولا احسن....

تتمنى انها تكون احسن منها...

ترف الي صارت ما تدري عنها شي..غير انها متضايقة من تصرفات زياد الغريبة...

سمعت بزواج عمها من تركي...

ضحكت باستهزاء..تركي يدري...وهي الي هو عمها ماتدري..

سمعت صوت اغنية من السيارة الي بجمبها...

غمضت عيونها وهي تسمع للحنها الهادي والرومنسي...

فتحت عيونها ورفعت راسها عشان تشوف مين الي بالسيارة...

صدمت عمرها...ابد ماتوقعت تشوفه هنا...

صحيح انها تمنت تشوفه ولو من بعيد..بس مو كذا...

الصدمة شلتها...حست من جد هي قد ايش تحبه ومشتاقة له..

بس ماتقدر...هي الحين متزوجه...

رجعت غمضت عيونها وسندت راسها على الدريشة...

وسمحت لدموعها انها تنزل وتبلل رمشها وخدها...

واذنها بانها تسمع الي يسمعه...على الاقل تحس انها تشاركه بشي..


جالس بالسيارة ويسمع الاغنية..

يحس انها انكتبت عشان توصف حالته هو ولينة...

ماقدر يستحمل وهو يتذكر شكلها وهي تطلب منه يروح...

فيصل وهو يمسح دمعه على خده:الله يهنيك يالينة


وش مسوي مع غيري
وش الدنيا بقربه هو
ياروحي انت متهني
ولا بشوق لي مشغول
انا مازلت افكر فيك
واموت بحبك وطاريك
ولا كن هاذي اطباعي
اخبي الحزن بي ما اقول
رجعت اسال غصب عني
جبرني الشوق واعذرني
انا ما اقدر على قلبي
عجزت القى لوفاه حلول
امانة ان جيت في بالك
تطمن قلبي عن حالك
على فكرة انا عايش
وكيف انساك مو معقول

فتحت الاشارة وتقدمت السيارات...

بعدت سيارته عن سيارتها...

طالعت سيارته وين رايحة...

ليطريق المطار..