*بنات أفكاري* رواية خيالية..رومانسية..جريئة

لينة بهمس:المطار...يعني بيسافر...

حست عيونها تحرقها من الدموع الي حابستها....

لينة((فيصل بيسافر...يعني خلاص ماعاد اشوفه ولا اعرف شي عنه....انا السبب..لو ماعاندت وتزوجت تركي...ماكان صار الي صار))....


**************************************

صباح اليوم الثاني...

فتحت عيونها على صوت العمال وازعاج ودقدقة...

عقدت حواجبها من ازعاج نور الشمس...

طالعت المكان الي هي فيه باستغراب...

تذكرت انها الحين مو بالقصر الفخم...الي فيه مليون واحد يخدمها ويتمنون رضاها...

ظهرها يالمها من ضرب راكان لها امس...وبعد زاد عليها الالم نومتها على الارض...

وقفت بصعوبة...رجلها تالمها بقوة واثار العقال معلمة عليها...

بكت وهي تمشي من الالم...وبكت اكثر وهي تتذكر شكله وهو يضربها امس...

وحش... هاذي الكلمة الي توصف فيها شكله امس..

حاولت تتماسك وتقوي نفسها...

وقفت قدام الشباك وهي تشوف العمال وين قاعدين..

سحرباسغراب:بالبيت عندنا؟؟

سمعت صوت فتح الباب وراها...

التفتت بسرعة وشافت راكان واقف يطالعها بنظرات مافهمتها...

بس كل تعرفه انها تحس بالخوف منه...ماتبي تقرب منه ولا يقرب منها...

راكان بهدوء يخوف:وش تسوين عند الشباك؟؟

سحر بلعت ريقها وقالت بسرعة:والله ماسويت شي...بس سمعت الصوت وقمت اشوف شالسالفة..بس

راكان سكت وهو عاقد حواجبه...واضح خوفها منه...حتى بطريقة كلامها...

هو مو متعود يكون قاسي على احد وعمره ما مد يده على وحدة...بس هي غير..

راكان بنفس النبرة:انا جايبهم عشان يحطون حاجز بين بتنا وبيت الجيران...(مايدري ليه فجاء حس نفسه مرتبك)...يعني...عشان تاخذين راحتك....وانا ارتاح

ماعلقت على كلامه...خايفة تقول شي ويعصب عليها...فضلت السكوت احسن..

بس كلامه صاير الغاز..مو فاهمة ولاتبي تفهم...

راكان وهو يطلع..(قال بدون ما يطالع فيها):اذا جوعانة انزلي تحت...امي مسوية لك اكل...وياليت اذا بتنزلين تلبسين شي عدل ماله داعي تحرجيني قدامها

طلع وخلاها واقفة مقهورة من كلامه...

فوق ماهو ضاربها يقول لها كذا....اذا تفشله لهاذي الدرجة..اجل ليه ما يطلقها وخلاص...

ولاهو ذل وبس...

نزلت لتحت بعد ما بدلت لبسها..

وقفت عند الدرج وخذت نفس قبل لا تدخل عندهم...

صوت ضحكته ماليه اذنها...

واضح انه مبسوط مع امه..الي يشوفه وهو يضحك ويسولف...

مايقول انه هو الي يكون معاها لوحدهم...

اول ما دخلت تصنعت اجمل ابتسامة...

سحر:هااي...صباح الخير

التقتو راكان وامه على مصدر الصوت...

وقف يطالعها وهي لابسه البنطلون الجينز الضيق وبلوزة كت وفيها فتحة واسعة من قدام اورنج فاقع...

وروج برتقالي بنفس لون البلوزة...فاتحة شعرها البني ومخليته على حريته...

ام راكان وقفت وباست سحر وهي مبتسمه:هلا والله...هلا بزوجة ولدي

سحر ابتسمت:اهلين

ام راكان وهي تاشر لها تجلس جمبها:تعالي اجلسي جمبي...

(قالت وهي توجه كلامها لراكان)...

ام راكان:راكان ابعد شوي خلي زوجتك تجلس جمبي

راكان بعد وهو يناظر بسحر الي قاهرته....من اول ما شافتها امه طارت فيها...

سحر جلست وهي مو مستوعبه ردت فعل ام راكان...

حبوبة وطيبة معاها....وهي الي توقعتها عكس كذا....

الظاهر ما وصلها الخبر من راكان...

التقت عيونها بعيون راكان الي واضح انه مقهور منها ويبي يكفخها..

**********************************

قام من النوم وهو يحس بشعور غريب...

ناظر من الدريشة المنظر رووعة ويسحر أي احد يشوفه...

العمارات والشوارع المنظمة...

المنظر حلو وخصوصا من قمة برج العرب...

التفت لما سمع صوت الجرس حق الغرفة يرن..

توجه للباب وهو مبتسم..فتح الباب..

اليازي حمر وجهها وحست بالاحراج من منظر فيصل....

قالت وهي موجهة نظرها لبعيد:صباح الخيراستاذ فيصل

فيصل:صباح النور

خذت نفس من التوتر:انا ياية عشان اخبرك ان الحين موعد الاجتماع

فيصل حس باحراجها...قال وهو يخربط بشعره:اوكي دقايق واكون جاهز

بعدت عن الباب وهو دخل بعد ما سكره...

لمست خدودها الي صارت حاارة من كثر الاحراج...

*********************************

ناظرت غرفتها قبل لا تفارقها على طول...

تنهدت وهي تسحب شنطتها برة الغرفة...

التقت بامها عند باب الجناح...

ام اسيل وهي تمسح على شعرها:شو حبيبتي خلصتي كل شي؟؟

اسيل هزت راسها...

ام اسيل:متاكدي مانسيتي شي؟؟

اسيل التفتت على غرفتها...

اسيل:لحظة...ابي اجيب القيتار معي

م اسيل:اوكي البي روحي

دخلت لغرفة الموسيقى حقتها وشافت القيتار عند الزاوية...

انتبهت للعود الي محطوط جمبه...

ابتسمت وهي تتذكر لما ارسلت لمحمد اغنية بصوتها يوم زعل عليها..وكانت تعزف على العود...

ضمت العود بقوة وبكت...

اسيل وهي تبكي:عمري ماراح انساك يامحمد...احبك...

حطت العود بمكانه بهدوء واخذت القيتار..

طلعت بسرعة من الغرفة قبل لا تهون عن السفر...

وقفت عند باب غرفتها وخطر على بالها فكرة...

اخر شي تبي تسويه قبل لا تروح للبنان...

اخذت جوالها ورسلت له...

قفلته وحطته بالشنطة...

قالت بعد ما خذت نفس:انا جاهزة

**********************************

طلع من غرفته ونزل معها لتحت...

فيصل:مين راح يكون موجود بالاجتماع؟؟

اليازي:مدراء بنوك كبيرة بدبي بالاضافة لمديرين الشركات

فيصل:افا يعني مافي امل نربح الصفقة

اليازي ابتسمت:لا ان شاء الله في امل

فيصل وهو يطالعها من الجنب:عاد توسطي لنا عند الوالد

اليازي:ههههه..لا عاد الشغل شغل مافيه واسطة

فيصل:ان شاء الله يا انسة اليازي

اليازي:هههههههه

فيصل:تدري ان اسمك عاجبني...غريب بس حلو

اليازي حمرت خدودها:تسلم

فيصل:ممكن اسالك سؤال

اليازي:تفضل

فيصل:انتي ليه كل خدودك حمر؟؟

اليازي استغربت من سؤاله وبنفس الوقت انحرجت...

رفعت كتوفها:مدري...انا كذا دايما

فيصل ابتسم:بس شكلك كذا احلى يعطيك شكل طفولي

وقف الاصنصير ونزلو...

اليازي:تفضل

فيصل:لا lades first

اليازي ابتسمت:اوكي


دخلت ودخل فيصل وراها بالموزين الفخم...

فيصل انبهر من منظر اللموزين الفخم من داخل والي مايحوي انه كذا من بره...

اليازي وهي تفتح الثلاجة:شو تبي تشرب؟؟

فيصل بهدوء:أي شي

ابتسمت وطلعت له عصير...مدته له بعد ما قالت للشغالة تحط له بالكاس...

فيصل وهو يطالع من الدريشة:انسة اليازي

اليازي:نعم

فيصل:ممكن اطلب منك طلب..ولو اني مصختها شوي

اليازي:لا شدعوه لا مصختها ولاشي...تكلم شو تبا؟؟

فيصل:ممكن بعد ما يخلص الاجتماع توديني بجولة بدبي

ماتدري ليه فرحت من طلبه...تحس انها كانت تتمناه من زمان..

اليازي:اكيد

فيصل ابتسم ورجع ناظر الشوارع والعمارات...

يتمنى لو انه الحين يكون مع لينة...يتكلم معاها..ويضحك معاها..ويسولف معاها...

************************************

منسدح على السرير وباله مشغول فيها..

ابرار قالت له انها اليوم بتسافر...

بتوحشه...يبي يروح يودعها...بس ما يبي يضعف قدامها...

رن جواله بنغمة رسالة...

فتحها وهو ماله خلق...

فتح عيونه وهو يشوف رسالة من اسيل...

فتحها بلهفة وشوق...يبي يعرف وش راسله له..


لحظة وداعك اه يا لحظة وداعك
ياهي صعبة بالحيل صعبة
وانا الي ابي قربك وابي حبك
وابيك بدنيتي تبقى معي تبقى
نسيت اني اعشقك ولا تنسى اني بفقدك
لحظة وداعك ياهي صعبة بالحيل صعبة
وقف وهو يسمع الاغنية...

لازم يروح لها ويودعها..مشتاق لها ويبي يودعها...

ملي غيريك ياعمري لو بعدت ورحت عني
لو تحس بس الي فيني لحظة ما تتخلى عني
نسيت اني اعشقك ولا تنسى اني بفقدك
لحظة وداعك ياهي صعبة بالحيل صعبة
وصل للمطار وهو مشتاق لها...

يدور عليها بعيونه..مو لا قيها...

سمع صوت من وراه...

اسيل بهدوء:..محمد؟!

التفت لها وهو يتنفس بصعوبة:اسيل

اسيل استغربت ماتوقعته يجي...ماعرفت وش تقول او وش تسوي...

محمد مسك يدها:الحين بتسافرين

هزت راسها وهي للحين مو مستوعبة انه قدامها...

محمد:بتوحشيني

اسيل:وانت بعد

محمد:عاد لاتقطعين

اسيل وهي تحاول تحبس دموعها:ان شاء الله

ام اسيل:حبيبتي يلا فتحو الابواب

اسيل طالعت امها:اوكي

حاولت تسحب يدها من محمد بس هو كا ماسك يدها بقوة..

اسيل:محمد...يدي

محمد انتبه لنفسه:..اه..سوري

اسيل:احنا وش قلنا

محمد ابتسم:اسف..السموحة

اسيل:ههههه ايوه خلك كذا رجال

ام اسيل:يلا يا البي

اسيل:اوكي..مع السلامة

محمد:مع السلامة...انتبهي على نفسك

اسيل هزت راسها:اوكي...وانت بعد..باي

محمد:باي

بعدت عنه وراحت مع امها..بدون ما تلف عليه..ماتبي تشوفه وبعدين تهون وترجع...

وقف يطالعها...لين اختفت من عيونه ودخلت للبوابة..

محمد((بشتاقلك والله))...


الحين انت بعيد وصدقني هاذا الجديد

الهم والضيقة وحزني زاروني وانت بعيد
نسيت اني اعشقك ولا تنسى اني بفقدك
لحظة وداعك ياهي صعبة بالحيل صعبة

*************************************

راكان وهو مبتسم:جد والله؟!...طيب خلاص...ننتظرك

راح لعند امه الي جالسة وتسولف مع سحر..

تافف وهو يشوف امه تسولف معاها وتعاملها كويس مرة...

كان يتمنى تعاملها زفت عشان تتادب..لانها جد قاهرته...

راكان كان توه بيتكلم بس سؤال امه قطعه...

ام راكان وهي تكلم سحر:سحر شفيها يدك زرقة كذا؟؟

سحر توترت لما سالتها...هاذي فرصتها تطلب الطلاق من راكان...

بس هي توها ما كملت يومين على بعضهم..ايش بيقولون عنها الناس...وخواتها...

سحر:ممم..صقعت بالدولاب

ام راكان:شدعوه دلاب يسوي كذا؟؟

سحر توها بتتكلم بس راكان قطع عليها...

راكان:توني مكلم زياد ويقول هو بالطريق

ام راكان وقفت من الفرحة:جد والله

راكان ببتسامة:ايه

سكت لما سمع صوت الجرس...

راكان:اكيد هاذا هو

ام راكان وقفته:تكفى ابي اروح افتح الباب

راكان:اكيد البيت بيتك

راحت تفتح الباب وكلها لهفة وشوق تشوف ولدها الي نحرمت منه سنين...

توترت اول ما طلعت ام راكان...ماتحب تجلس معه لوحدها..

تقدمت للباب عشان تطلع بس وقفها راكان...

التفتت له باستغراب وهي تخفي خوفها وتوترها...

سحر بغرور وبدون نفس:خيير؟؟!

راكان بنفس نبرتها:مااتوقع اني راح اقولها لك مرة ثانية..بس...شكرا

سحر قربت منه وقالت بحدة:لاتفكر اني خببيت عن امك عشان خاطرك...لا انا بس قلت كذا عشان اتجنب كلام الناس لاني توني ما كملت معك يومين على بعضهم...بس صدقني..والله لا اخليك تندم على الحظة الي فكرت فيها تمد يدك علي

طلعت وخلته واقف مصدوم...

اول ما شافت زياد الي جالس تحت رجول امه ويبوس يدها ويبكي..

حست قد ايش هي محتاجة امها بهاذي الحظة...

ركبت الدرج بسرعة...تحس انها تبي تجلس لوحدها بعيد عن الكل...

**********************************

جالسة بالغرفة ومقهوورة منه...

مرت3 ايام ولا كلمها مرة وحدة بس...

رن جوالها ورفعته بسرعة...

ترف بلهفة:الو

الجوهرة:هلا ترف

ترف تحطمت كانت تتوقعه زياد:اهلين..اخبارك الجوهرة؟؟

الجوهرة:تمام..انتي شلونك؟؟

ترف:بخير

الجوهرة:اقول ترف..انا مسوية عزيمة عندي بالبيت وكل البنات بيجون...تقدرين تجين؟؟

ترف جلست تفكر...مدام زياد قلب عليها بيوم وليلة..اجل ماراح تخسر شي لو راحت وانبسطت شوي...

ترف:اوكي متى العزيمة؟؟

الجوهرة:بكرة الساعة 6

ترف:اوكي خلاص سي يو

الجوهرة:اوكي باي

ترف:باي

سكرت وهي تحاول تشغل نفسها بالعزيمة وايش بتلبس...

************************************

بدبي دار الحي...طلع من الاجتماع وهو للحين متوتر وخايف..

شاف اليازي واقفة تتكلم مع وحدة شكلها اجنبي...

فيصل راح لها وناداها:انسة اليازي

التفتت له وابتسمت...اشرت له لحظة...

استاذت من الحرمة الاجنبية وراحت لفيصل..

اليازي:هلا استاذ فيصل..بغيت شي؟؟

فيصل:لا بس شكلك نسيتي وعدك لي

اليازي ابتسمت:لا طبعا مانسيت..متى تبي نبدى؟؟

فيصل:متى ما تبين

اليازي:اوكي الحين عيل

فيصل:الحين الحين

راحو للموزين...

اليازي انتبهت لفيصل الي يهز رجله بكل توتر...

اليازي وهي كاتمة ضحكتها على شكله:شفيك؟؟...ليه متوتر؟؟

فيصل:لا عادي...بس..تتوقعين نكسب الصفقة؟؟

اليازي:في امل كبير

فيصل:شدراك؟؟

اليازي:عشان انا اعرف ابويه كويس..اذا كان معجب بشي ولا لا...ومن طريقة نظرته لك وانت تتكلم وتشرح وجهة نظرك واضح انه كان مبسوط منك

فيصل اخذ نفس براحة:الحمد الله

فتحت الدرج الي قدامها وطلعت منه ورقة...

اليازي فتحتها:شوف...هاذي خريطة دبي...وفيها كل الاماكن الترفيهية الي ممكن تنبسط فيها...عاد انت شوف واختار

فيصل:ممكن قبل كل هاذا اروح للفندق

اليازي:ليش؟؟

فيصل:ابي اروح ابدل ملابسي عشان تناسب العب

اليازي:ههههههههههه ان شاء الله

قالت للشغالة الي قدامها تقول للسواق يروح للفندق...

**********************************

اليوم الثاني...

قامت من النوم وهي تحس بصداع...

طالعت جمبها...تركي مو موجود...وين ممكن يروح يعني؟؟...

التفتت للباب لما حست ان احد فتحه...

تركي ببتسامة:صباح الخير

لينة عقدت حواجبها باستغراب:صباح النور...انت مارحت الشركة؟؟

تركي وهو يجلس جمبها:لا...امس شكلك كان تعبان لما رجعتي وقلت اجلس اليوم اتطمن عليك

لينة بهدوء بدون ما تطالع فيه:ايه..

تركي:شفيك؟؟...وش صار؟؟

لينة:اسيل

تركي:وش فيها؟؟

لينة:سافرت

تركي:هي رايحة مع امها ولبلد امها يعني بين اهلها وناسها

لينة:بس انا ماابيها تسافر..ابيها هنا

تركي وهو يقرص خدودها:ليه هالانانية هاذي؟؟

لينة وهي تكتم دموعها:مابي اكون لوحدي

تركي:افا تكونين لوحدك وانا هنا

لينة:بس اسيل غير..((وفيصل غير))..

تركي:خلاص ولا تزعلين..بوديك لها متى ماتبين

لينة ابتسمت:جد؟!

تركي ابتسم:وجد الجد

لينة:مشكور تركي

تركي:العفو..الحين عاد انا جوعان مين بيسويلي الفطور اذا كنتي انتي بالسرير

لينة انسدحت على السرير:قول للشغالة

تركي رفع حاجبه:لا والله..تعرفين اني ما احب اكل الخدم

لينة رفعت راسها:تركي تكفى اليوم استثنائي احس اني تعبانة شوي

تركي:سلامتك من التعب...خلاص بقوم اسويه بنفسي

لينة:وانت شعرفك؟؟

تركي:يعني انتي الي كنتي تعرفين..ماعرفك بالطبخ غير الكتب اخذ لي واحد واحوس فيه

لينة وهي تقوم:ههههههه خلاص انا بسوي لك

تقدمت للباب بس فجاءة وقفت...حست بدوخة خفيفة...

جلست على اقرب كرسي لها..

تركي جلس جمبها:شفيك حبيبتي؟؟

لينة وهي ماسكة راسها:لابس دوخة خفيفة الظاهر لاني نمت كثير

تركي:اوكي قلبي سلامتك...خلاص ارتاحي انا بطلب من المطعم

لينة ابتسمت:والله محد ربح هالمطاعم غيرنا

تركي:هههههه من جد

وقفت مرة ثانية عشان تطلع من الغرفة...

بعدها ما حست بشي لانها طاحت مغمى عليها...

***********************************

نزلت لتحت بعد ما بدلت ملابسها...

استغربت ان البيت هادي...

وين ممكن يروحون...

دخلت للصالة ومالقت احد...راحت للمجلس ونفس الشي...

استغربت معقولة راكان يخليها لوحدها وهو ما يثق فيها...

سحر ضربت راسها:غبية..اكيد بغرفته

راحت لفوق عشان تشوفه...وقفت عند باب الغرفة مترددة تفتحها...

بس تخرعت لما انفتح الباب...

راكان وهو عاقد حواجبه وشعره منكوش وواضح انه توه قايم من النوم:نعم؟؟

سحر حمر وجهها من منظر راكان...تلعثمت وهي تتكلم..مو عارفة ايش تقول...

قالت وهي تطالع بالارض:ممم..لا بس...وين امك وزياد؟؟

راكان وهو يتثاوب:امي رجعت مع زياد للشرقية

سحر رفعت راسها:ايش؟؟...الشرقية

اول ما شافت راكان مرة ثانية نزلت راسها على طول...

قالت بهدوء:ليه...تو بدري

راكان:والله عاد كيفهم..يلا وخري عن وجهي ابي اروح اغسل وجهي

سحر بعدت عنه وهي ودها تموته..

راكان رفع حاجبه وهو يناظرها:شفيك تناظريني كذا؟؟

سحر وجهت نظرها لمكان ثاني:مو قاعدة اطالعك

راكان طنشها ودخل للحمام...

وقف عند المراية وشكلها امس ما يفارق وجهه وتفكيره...

شكلها امس وهي تقوله بكل تحدي...

((والله لا اخليك تندم على الحظة الي فكرت فيها تمد يدك علي))...

راكان:وش بتسوين يعني..(ضحك باستهزاء)...ورينا وش عندك يا سوسو

سحر بهدوء..لانها سمعته..هو متعمد يعلي صوته عشان تسمعه...

سحر:حتى وانت لوحدك متسبب...الله يعني عليك بس

*************************************

فتحت عيونها على صوت فيروز...

استغربت مين الي بيفتح المسجل بالبيت...

طالعت المكان حولها...

اسيل باستغراب:انا وين جالسة

طالعت الدريشة جمبها...المظر خلااب..

تذكرت انها خلاص ما عادت بالسعودية وهي الحين بلبنان...

سمعت اصوات جاية من برة...

طلعت تشوف مين واستغربت لما شافت ناس مع امها...

اسيل بهدوء:صباح الخير

الكل:صباح النور

ام اسيل وقفت:شو حبيبتي ارتحتي بنومتك امباريح؟؟

اسيل هزت راسها وهي تطالع بالناس الي جالسين...

ام اسيل انتبهت لها...

قالت وهي تاشر على وحدة تشبه لامها:هيدي خالتيك زينة

اشرت على واحد جمبها:وهيدي ابن خالتيك داني

اسيل ابتسمت بخفة وهي تسلم عليهم:اهلين

داني:شو اسيل ما بديك تاخدي جولي بلبنان

ام اسيل:داني مرشد سياحي ممتاز كتير

اسيل:اوكي ماعندي مانع

داني:لكان يلا غيري تيابيك وتعي معي

اسيل باستغراب:الحين؟؟

داني:ايه من شان نقدر ننبسط كويس

اسيل:اوكي بروح ابدل

راحت للغرفة عشان تبدل...

ام داني سحبته جمبها...

داني:ولك شو بيك؟؟

ام داني:شو رايك فيها؟؟

داني:مين؟؟...اسيل؟؟

ام داني:ايه لكان مين يعني؟؟

داني:شوبيها مابها شي...حلوي

ام داني:بعرف انا حلوي طالعة عليي بس انا عم الك انو ابوها التاجر الكبير ابو زياد...يعني راح تربح منا كتير لو تزوجتا

داني وقف:امي...نحنا شو النا؟؟

ام داني:ع راحتك بس انا عم دور مصلحتك

ام اسيل:ولك شو بيك انتي هيي مخطوبي

داني:سمعتي..مخطوبي

ام داني:خلاص سكتنا..عمول يلي بدك ياه

طلعت اسيل وهي لابسة جينز وتي شيرت بنفسجي...

رافعت شعرها بربطة...كان شكلها عادي مو مثل السياح الي يجون للبنان ويكونون بكامل اناقتهم...

داني:يلا اسيل

فتح باب الشقة:تفضلي...

اسيل ابتسمت له...باست امها من خدها:باي

ام اسيل:باي حياتي انبسطي كويس

اسيل ابتسمت لها وطلعت مع داني..

*********************************

طلعت من المستشف وركبت السيارة وهي للحين مو مستوعبه..

طالعت بتركي الي كان مصدوم مثلها...ومتفاجئ..

لينة بهدوء:تركي

تركي التفت:نعم؟؟

لينة وهي تشوف الورقة الي معها:انت مصدق ولابس انا الي مو مستوعبة

تركي ابتسم:انا مو مصدق من الفرحة..للحين مو مصدق ان بعد 9 شهور بصير ابو

لينة ردت له الابتسامة...هي ماكانت تبي عيال من تركي...بس لما حملت حست الدنيا مو سايعتها...

**********************************

باليل...

وقف السواق عند باب البيت...

تنهدت وهي مالها خلق..بس يمكن بعد ماتشوف صديقاتها تتغير نفسيتها...

زلت من السيارة وهي تبي ترد على جوالها الي يرن...

صدمت باحد بقوة...

عقدت حواجبها وهي مالها خلق...

رفعت راسها وكانت الصدمة...

هي شافت هالوجه من قبل..بس ما تدري وين...

ابتسم وهو يشوفها...ماتوقع انه ممكن يشوفها مرة ثانية...

خالد:هلا

ترف بصدمة وهدوء:خالد؟؟!...

خالد:كويس للحين متذكرة اسمي...يا.... الا ما قلتي لي وش اسمك؟؟

ترف:انت شجابك هنا؟؟

خالد ضحك:هاذا بيتنا

ترف:انت اخو الجوهرة؟؟

خالد:وانتي صديقتها؟؟

ترف:حلو الاستهبال

خالد:بس منك احلى يا.... وش اسمك؟؟

ترف قررت تلعب فيه شوي..هي وش خسارنة يعني مدام زياد مو معطيها وجه وماتدري ليه...

قالت بدلع:ترف

خالد ابتسم:تصدقين من يوم اخر مةر شفتك فيها بالراشد وانا افكر فيك

ترف:كم وحدة قبلي قلت لها هالكلام؟

خالد:هههههههه يعجيني ذكائك

ترف:ابعد عني بروح لاختك

خالد:لحظة

التفتت له:نعم؟؟

خالد:ااه..مين هاذاك الي تهاوشت معه؟؟

ترف بهدوء:مات

خالد:مات؟؟...الله يرحمه

ترف هزت راسها وراحت لداخل...

*****************************

باليوم الثاني..


بالشقة الخاصة بزياد...

ام راكان:طيب هي وينها الحين؟؟

زياد:اكيد ببيتهم

ام راكان:ودامك تحبها ليه ما تخطبها

زياد سند نفسه على الكرسي:مدري

ام راكان:وبتول؟؟

زياد التفت:وش فيها؟؟

ام راكان:للحين تفكر فيها؟؟

زياد بتوتر:لا طبعا

ام راكان طالعته بنص عين:بتكذب علي؟؟

زياد وقف:خلاص انا بروح انام احس اني تعبان

ام راكان:طيب روح نام

راح لغرفته وهو يفكر بكلام امه...ليه ماقدر يجاوب على سؤالها...

معقولة هو يفكر فيها...

نفض هالافكار من راسه....

طلع من غرفته....

زياد:يمى انا بطلع طيب

ام راكان:بتتاخر؟؟

زياد:لا في مشوار مهم بسويه وبعدين برجع

ام راكان:طيب

********************************

وقفت عند باب بيت عمها...

لازم تكلم زياد وتفهم منه كل شي...

دخلت للبيت بعد ما فتحت لها الشغالة...

دخلت للصالة وشافت وحدة معطيتها ظهرها وجالسة ع الاب توب..

ترف((اكيد هاذي زوجة عمي...خلني اسلم عليها مالي خلق مشاكل مع عمي))...

ترف:هاي

التفتت بتول لمصدر الصوت ووقفت لا شافت ترف...

الانسانة الي بعدت زياد عنها...كيف تنسى ملا محها...خافظتها عن ظهر قلب...

ترف عقدت حواجبها باستغراب...بتول هنا...هي شافتها مرة وحدة ومستحيل تنسى شكلها...

الانسانة الي بعدتها عن زياد..وخلتا تعيش اسوء ايام عمرها...

الحين توضحت لها الصورة...بتول هنا...عشان كذا تغير عليها زياد..

ترف بعصبية:انتي وش تسوين هنا؟؟

بتول بغرور:انا...انتي وش تسوين هنا هاذا البيت بيتي

ترف:ايش؟؟..

كانت بتتكلم بس قطعها صوت فتح الباب..

عمها دخل..

بتول راحت ووقفت جمب عمها..

ابو زياد:ترف؟؟

بتول:ابوزياد انت متزوجني عشان اتهزء

ابو زياد:مين هزئك يا روحي؟؟

بتول:هاذي الي هنا مدري شسمها

ابو زياد تقدم لترف وقال بحدة:انتي وش قلتي لها؟؟

ترف:ماقلت شي

ابو زياد بصراخ:وتكذبين بعد؟؟

مد يده كان بيضربها بس يد زياد مسكت يده قبل لا يضربها..

زياد بحدة:يبى شفيك؟؟

ابو زياد:ما تسمعها..تغلط على زوجتي وتكذب بعد

زياد:هي ما قالت شي

ابو زياد:وانت بعد معها

زياد بعد عن ابوه ومسك بيد ترف:تعالي

سحبت يدها بقوة وهي معصبة:انت ابعد عني...خلك مع اشكالها

طلعت من القصر وهي كاتمة دموعها...

زياد ناظر بابوه الي مستغرب من كلام ترف...

طالع ببتول الي منصدمة...

طلع من القصر وراح وراها..

زياد بصراخ:ترف

ترف طنشته وتقدمت...

زياد تقدم لها بخطوات سريعة ومسك يدها:وقفي شوي خلي....

سكت لما جاله كف من ترف...

قالت وهي تبكي:يالحقير...وجايبها لحد هنا بعد

زياد بصدمة:ترف

ترف:لا تنطق اسمي...زوجة ابوك وبعد تحبها

زياد:انا احبك انتي

ترف:اذا تحبني...ليه ماجيت تخبطي لحد الحين؟؟

زياد سكت وماعرف وش يقول...

ترف:انا بقول لك ليه...لانك ببساطة للحين تحبها...وتحاول تقنع نفسك انك ما تحبها ولا تفكر فيها...بس على مين تكذب...(قالت وهي تبكي)...بس الي قاهرني مو انك تحبها...الي قاهرني اني انا احبك...ليه تسوي فيني كذا..اذا تحبها ليه تقول انك تحبني وتعلقني فيك...انا وش سويت فيك عشان تسوي فيني كل هاذا...حرام عليك ياشيخ

زياد سكت....كلامها صح..هو لو يحب ترف ما كان للحين ما خطبها...او للحين يفكر ببتول...ولاكان انقهر من زواج ابوه لها...

ترف:مابي اشوفك مرة ثانية ولا اسمع صوتك

تركته وطلعت...

*********************************


...نهاية البارت

>>>الجزء الثالث والعشرين<<<
بالبنان...

جلس على الطاولة وحط الايس كريم قدامها...

داني:هيدا شارع الحمرا

اسيل ابتسمت:ادري

داني:كم مرة اجيتي ع لبنان ابل هيك؟؟

اسيل:مم..كثير..اتوقع خمس مرات

داني:اف..خمس مرات ولامرة شفتي فيها اميك فيها؟؟

اسيل رجعت الملعقو بالايس كريم...

داني:دايئتيك بسؤالي؟؟

اسيل وهي تحاول تبتسم وتبين عادي:لا عادي بس.... والله مدري وش حسيت فيه لما قلت كذا بس مو مهم المهم الحين اني هنا...مع امي

داني:مبسوطي هون؟؟

اسيل هزت راسها:تدري...احس اني ارتحت لك

داني ابتسم:وانا كمان ارتحت اليك كتير

اسيل:انت كم عمرك؟؟

داني:22 سنة

اسيل:يعني انت كبري؟؟

داني:ليش انتي كمان عمريك 22

اسيل:ايه

داني:اسم الله حوليك مو واضح ابد

اسيل:تسلم هاذا من ذوقك

داني وهو يوقف:مابديك تتسوئي؟؟

اسيل:لا ما احب اتسوق

داني باستغراب:في بنت ما بتحب تتسوق

اسيل ضحكت:ذكرتني باختي..كانت تحب تتسوق كثير

داني جلس:شو اسما؟؟

اسيل بهدوء:سحر

داني:كانت اريبي منيك؟؟

اسيل:لا ابد..كنت انا وياها دايم نتهاوش..بس قبل لا اجي لهنا تصالحنا

داني:هي اختيك من ابوكي؟؟

اسيل:لا قصدي بنت عمي

داني:ماعنديك غيرا؟؟

اسيل:الا عندي لينة وترف

ظلو يسولفون وكل واحد يحاول يفهم الثاني...

***********************************

دخلت لغرفتها ورمت عبايتها على الارض...

ضغطت على يدها بقوة...تحاول تمنع دموعها...

مستحيل تنزلها على واحد مايستاهل...مثل زياد...

بدت تفتح الدروج وتطلع كل شي جابه لها زياد...

يضحك عليها بكم هدية وكم كلمة غزل...

ويقول انه يحبها وهو مسلم قلبه لبتول....

هو وياها حقيرين...ماقدرت تاخذ زياد..قامت وتزوجت ابوه بس عشان تصير قريبة منه...

هنا ماقدرت تستحمل...سمحت لدموعها اخيرا تنزل...

بس مو على زياد...تبكي على نفسها وعلى حظها الي رماها مع واحد مثل زياد...

ووحدة مثل بتول...

ترف(وهي تبكي):ليه يصير فيني كذا...ليه؟؟...

حست انها وحيدة بهاذي الدنيا...ماعااد لهاا احد...

امها وماتت...لينة تزوجت وسكتن عند زوجها...

اسيل وسافرت مع امها...حتى سحر تزوجت وراحت للرياض...

قصر كبير مافيه الاهي والخدم...بس تحس انها لوحدها..

موبس بالقصر...الا بالدنيا كلها....

املها الوحيد كان بزياد...وانه بيعوضها عن كل الي انحرمت منه...

بس هو بعد ماعااد لها...


فوق الجروح الي بقلبي من سنين..
////////
يكفي دخيل الله لا تجرحوني...
////////
وش من غذابي والعنا مستفيدين...
/////////
وش مصلحتكم يوم تبكي عيوني...
////////
مادامكم منتو لجروحي مداوين..
////////
انسو وجودي بينكم وتركوووني...
************************************
اليوم الثاني...

رمت الريمونت حق التلفزيون على الكنب بطفش...

تحس بملل مو طبيعي...هي مو متعودة تجلس بالبيت كثير...

تبي تطلع وتشم هوى...بس هاذا من سابع المستحيلات مدامها مع راكان...

قررت تروح للمطبخ وتخربط شوي...

ام راكان مو موجودة وراكان طالع من مساع وماتدري وين راح...

سحر وقفت:احسن جعله دوم

فتحت الثلاجة وبعدين سكرتها...

على مين تضحك هي ماتعرف بحياتها غير التسوق وبس...

ايش عرفها بالطبخ...

رجعت للتلفزيون تتفرج يمكن تلقى شي حلو تطالعه...

حطة على قناة روتانا..وكانت اغنية مادلين مطر(اشغلك)....

حطت الريمونت على الكرسي وبدت تهز على انغام الاغنية وتغني...

وهي تتخيل راكان قدامها وهي تغني له بكل حقد...


اشغلك واشغل حياتك والعب بقلبك لعب
واقدر اخليك تنسى حتى اهلك لو تحب
مو انا يانور عيني ترسم شموخك علي
انا لو قررت اخذ منك اخذ كل شي
واقدر اخليك تبكي واقدر اخليك تسهر
وقد ما تزيد بعنادك قسوتي بتزيد اكثر
انت تهديني الغيوم انا اهديك الربيع
تتعب قليبي معاك والله وراسك تضيع
انت ماشفت السعادة الا بحضاني انا
انكتب لك عمر ثاني يوم حبيتك انا
دخل للبيت وهو يحس بتعب من الشغل..

وقف وهو يشوف سحر ترقص وتتمايل بخصرها بكل براعة...

وهي مو حاسة بشي حولها...

التفتت سحر وهي مبتسمة..اول ما شافت راكان اختفت ابتسامتها وتحولت لارتباك..

وقفت وحست بتوتر من نظراته لها...

رافع حاجبه ويناظرها من فوق لتحت بكل جراءة...

نظراته لها اول مرة تشوفها بعيونه...

انحرجت اكثر من لبسها...كانت لابسة تنورة جينز قصيرة وبلوزة بينك من النوع الي ينربط على الرقبة والظهر يكون عاري...

سحر بارتباك:ر...راكان....

راكان ظل يناظر فيها وهو ساكت...

قررت تبعد وتروح لفوق لانها مو عارفة وش اخر هالنظرات...

بس كل الي تعرفه انها ماتبي تجلس معه بمكان واحد...

وقفت شوي...ماتقدر تطلع لفوق الا لما تمر من جمبه...

خذت نفس بتوتر ومرت من جمبه..

كانت خلاص بتعديه وبتطلع...بس راكان مسك يدها...

حست ان قلبها طاح من مكانها..

وش بيسوي فيها الحين...ضرب وضربها وتهزيئ وهزءها وش بيسوي بعد اكثر من كذا...

راكان بهدووء:وين؟؟

سحر مهما يقول لها تحس بالخوف منه بس نبرته الهادية خوفتها اكثر...اول مرة يتكلم بهاذا الهدوء...

سحر بارتباك:....ب..بروح فوق

راكان بنفس النبرة:ليه؟؟...خلك معي شوي

ماتدري بايش حست بهاذي الحظة...بس شعور غريب ومخوفها...

هزت راسها ودخلت مرة ثانية...

جلست جمبه بكل هدوء...وهي تحاول تتجنب تناظر فيه...

جلس جمبها وظل يطالع فيها...مايدري ليه حاس بانجذاب لها...

استغربت لما شافته ساكت...يناظر فيها بدون ما يتكلم ولو نص كلمة...

يمكن يبيها هي تتكلم...هي اصلا مستحيل تحط عينها بعينه...حاسة انه بيصير شي لو ناظرت فيه..

حست بيده تمتد على خدها...وتلمسه بكل حنية...

حست انه يسمع دقات قلبها...بعدت يده عنها بكل هدوء...

وقفت بهدوء...

سحر وهي تحاول تظبط دقات قلبها:احم احم...ت...(سكتت تحس انها مو قادرة تتكلم من التوتر الي تحس فيه)....

راكان حس بتوترها...وهو بعد يحس بنفس التوتر...مو عارف كيف قدر يلمسها...وهو يحس بمشاعره متخربطة ودقات قلبه تتضارب...

وقف ومر من جمبها بدون أي كلمة...

رمت نفسها على الكنب واخذت نفس عميق بعد ما طلع...

تحس وجهها حااار من التوتر والخجل الي حست فيه...

حطت يدها على خدها الي لمسه...

ابتسمت بخفة وهي تمسح عليه بهدوء ونعومة...

*********************************

كانت تتمشى مع داني...

وقفت اول ما رن جوالها...

رفعت الجوال وناظرته باستغراب...

داني:شو في؟؟

اسيل بفرحة:داني...هاذا رقم دولي..من السعودية

داني:مش يمكن من بنات عمك

اسيل وهي ترد:ويمكن من محمد

داني عقد حواجبه باستغراب....مين محمد؟؟...

ردت بلهفة:الو

خاب املها لما طلع صوت لينة...

لينة:هلا اسيل

اسيل ابتسمت:اهلين اخبارك؟؟ وحشتيني...

لينة:انا بخير انتي كيفك؟؟...شلون خوالك معي

اسيل:أي خوال كله وحدة

لينة:هههههه ماتخلين حراكاتك...شلونك انتي مرتاحة هناك؟؟

اسيل:ايه...عادي

لينة:انتي وينك؟؟...اسمع عندك ازعاج

اسيل:انا مع داني بالسوق

لينة باستغراب:مين داني؟؟

اسيل:هههههه .. شفيك هاذا ولد خالتي

لينة:اهاا طيب سلميلي عليه

اسيل:يوصل

**********************************

جالسة بالغرفة وتكلم صديقتها بالجوال....

ترف:هلا الجوهرة اخبارك؟؟

الجوهرة:تمام انتي شلونك؟؟

ترف:بخير

الجوهرة:ترف بغيت اقول لك شي

ترف باستغراب:ايش؟؟

الجوهرة:امس لما جيتي لبيتي...شفتي احد هناك؟؟

ترف بارتباك:...احد مثل مين يعني؟؟

الجوهرة:اخوي خالد

ترف زاد ارتباكها:ليه؟؟

الجوهرة:بصراحة اخوي قالي عنك...وقالي اسالك انو لو تقدم لك ممكن توافقين عليه

ترف سكتت تستوعب...ظلت ترمش بعيونها اكثر من مرة...

مو مصدقة الي تسمعه...خالد الي ماشافها الا مرتين يبي يخطبها..

وزياد الي طول عمرها قدامه ولا فكر حتى يتقدم خطوة وحدة...

الجوهرة:الوو...ترف الوو وينك؟؟

ترف انتبهت:هاا...لا بس...يعني فاجاتيني

الجوهرة:مو مشكلة فكري بالموضوع

ترف:اوكي

الجوهرة:متى بتردين علي عشان نجي نخطبك رسمي

ترف:الجوهرة شفيك تتكلمين كذا وكاني وافقت خلاص

الجوهرة:لا يعني..والله اني فرحانة لانك ممكن تصيرين زوجة اخوي

ترف:خلاص عطيني وقت افكر وبرد لك قريب

الجوهرة:اوكي مع السلامة

ترف:باي

سكرت منها وهي للحين مو مستوعبة الي صار...

************************************

منسدح على السرير وماله خلق احد...

من بعد ليلة امس...اول ما ودعها ورجع للبيت....

وهو يحس الدنيا مقفلة معه...

ماله خلق يسمع او يشوف احد...

دخلت للبيت وشافت خالتها جالسة قدام التلفزيون وواضح انها سرحانة...

ابرار باست راسها وجلست جمبها:كيفك خالتي؟؟

ام محمد بهدوء:هلا ابرار...انا بخير..انتي شلونك؟؟

ابرار:ماشي الحال....وين محمد؟؟

ام محمد تنهدت:والله محمد من يوم ما سافرت الي ماتتسمى وهو حابس نفسه بالغرفة

ابرار:لا خالتي لا تقولين عن اسيل كذا... والله هي حبوبة....بس...الظروف هي الي جبرتها

ام محمد:الظروف جبرتها بكيفها بس مو على حساب ولدي...اصلا كلا منك

ابرار باستغراب:وانا ايش دخلني؟؟

ام محمد:لو ما راحت معك للعرس كان ما شفتها ولا خطبتها لمحمد

ابرار وقفت:اصلا محمد يعرف اسيل قبل لا تخطبينها له


حطت يدها على فمها...كيف قالت كذا قدام خالتها....

ام محمد:ايش؟؟

ابرار:ااا...اقول انا بروح لمحمد

ام محمد:ايه تكفين حاولي تقنعينه ينزل او حتى ياكل أي شي من الصبح على لحم بطنه

ابرار:اوكي

صعدت لفوق ووقفت قدام غرفة محمد....

طقت الباب بهدووء...

ابرار:محمد...محمد

تنهدت..اكيد ماراح يرد عليها...

فتحت الباب بهدووء ووقفت:يعني مو نايم...اجل ليه ماترد علي؟؟

ظل ساكت ويلعب بالسلسال الي مكتوب عليه اسم اسيل...

ابرار رحمته...هي اكثر وحدة تعرف محمد قد ايش يحب اسيل...

ابرار:محمد...رد علي طيب...تكفى رد علي

محمد وقف تحريك السلسال...قال بهدوء:نعم؟؟

ابرار ابستمت..على الاقل رد عليها:تعال

محمد:مالي خلق

ابرار:يلا عاد لا تحدني اجي اسحبك الحين

محمد تنهد وقام..وقف قدامها:وش تبين؟؟؟

ابرار:بتكلمني كذا...تعال نجلس بالصالة

محمد:مابي انزل لو نزلت امي بتستلمني بالاسطوانة وانا مالي خلق

ابرار ضحكت:لا اوعدك ماراح تقول شي...وبعدين انت بتجلس معي مو مع خالتي

محمد:طيب

راحو للصالة الصغيرة الي فوق وجلسو على الكنبة...

ابرار:ممكن تفهمني وش صار بالضبط

محمد بدون ما يطالعها:وش صار بايش؟؟

ابرار:انت واسيل خلاص...افترقتو...يعني مافي امل؟؟

محمد:ما اظن

ابرار:...طيب...يعني خلاص

محمد:انا واسيل للحين نحب بعض...بس مو مكتوب لنا نكون لبعض.هي خلاص راحت

ابرار:بس كذا مايصير

محمد:وش تبيني اسوي يعني

ابرار بانفعال:تحرك...الحقها سافر وراها..مو تجلس وتقول مابيدي شي...لين متى بتظل كذا يامحمد.ليه ما تحاول ولو لمرة وحدة تاخذ خطوة..لازم يعني يكون في احد وراك عشان يحركك

محمد سكت...فجاءة انفجرت بوجهه...ماتوقع منها هالكلام...

لهاذي الدرجة هي متعلقة باسيل وماتبيهم يفترقون...

ابرار جلست مرة ثانية وهي تبي تبكي...وجهها صار احمر:تكفى محمد..سو شي

محمد ضمها:خلاص...لاتبكين

بكت بصوت عالي...

ابرار وهي تبكي:حرام...انتو تحبون بعض

هي تدري قد ايش هم يحبون بعض...واكيد كل واحد يتقطع من داخل...

مهما حاول يبين عادي...مثل ماهي كانت تحس...

لماا تركهاا بسام..ماتبيهم يحسون بلي حسته...

محمد رفع راسها:خلاص عاد...قطعتي قلبي

ابرار وهي تمسح دموعها:طيب قوم

محمد:وين؟؟

ابرار:روح تحت والله خالتي قلبها متقطع عليك

محمد:طيب بس مو الحين

ابرار بعناد:لا الحين..يلا عاد....(طالعت بوجهه الي ماليه الحزن)..عشان خاطري

محمد ابتسم بخفة:عشان خاطرك

**********************************

جالس بمكتبه وهو يحس بالتعب...

من امس مانام...للحين مو مستوعب الي صار امس...

لمس خده الي حمَر من الكف الي جاله..

واضح انها مقهورة منه...يحق لها...لو أي وحدة بمكانها كف ما يكفيها...

وقف وهو يشوفها داخلة ووراها الشغالة...

زياد مو مستوعب:ترف؟؟

ترف طنشته واشرت للخدامة تدخل....

زياد:كنت عارف اني ما راح اهون عليك

ترف:ارميهم هنا

الشغالة حطت الاغراض على الارض وين ما اشرت لها ترف...

زياد باستغراب:ايش هاذا؟؟

ترف بحقد:هاذي الي شريتني فيهم...خذهم عطهم للي تستاهلهم

لفت وجهها بتطلع من المكتب...

بس زياد حدها ووقف قدامها....

ترف بانفعال:ابعد عن وجهي

زياد سكر الباب:دقيقة بس خليني اشرح لك

ترف:مابي اسمع شي

زياد مسك كتفها:لحظة

بعدته عنها بقوة وطلعت....

وقف مصدوم...ماتوقعها تسوي كذا...

***********************************

بالرياض...

جالسة بالحديقة وهو جالس بالصالة داخل...

مايبون يحتكون ببعض ابد...الين ترجع ام راكان...

رمت جوالها بطفش...كل مرة تلعب وتخسر...من الطفش مو عارفة ايش تسوي...

حمدت ربها ان راكان ما اخذ منها الجوال بعد...ولا كان الحين ماتردي ايش تسوي...

صحيح تغير الرقم ومحد الحين يعرفه..بس مو مهم اهم شي في
عندها الي يلهيها...

حست بشي يمشي عند رجلها...شي ناعم...

بعدت رجلها بسرعة وصرخت اول ما شافت قطوة عند رجولها...

سحر بصراخ وشوي وتبكي:ابعدي عني....ابعدي

راكان استغرب وهو يسمع صراخها..

وقف وطلع لعندها...رفع حاجبة وهو يشوفها تصارخ على القطوة..

والخوف واضح بنبرة صوتها ورجفتها كل ماقربت منها القطوة...

سحر اول ما شافت راكان...ركضت له وتخبت وراه...

سحر:تكفى راكان بعدها عني

راكان وهو مستغرب:انتي شفيك؟؟

سحر شو وتبكي...شدت على ثوبه اكثر:راكان بعدها اخاف منها

راكان ضحك:الحمد الله والشكر احد يخاف من قطو...وش بيسوي لك يعني بياكلك مثلا

سحر بلعت ريقها وهي تشوف اركان يشيلها...

سحر:شوي شوي تراها تشمخ

راكان:ههههههه الحمد الله والشكر

قرب القطوة من سحر:حلوة حرام عليك

سحر صرخت بخوف:راكان وخرها عني

راكان:هههههههه

قربها منها بعناد...

سحر علت صوتها:راكان تكفى

راكان:ههههههه طيب خلاص

فتح الباب وطلع القطو برة الشارع...

التفت على سحر الي كان وجهها احمر وتبكي من الخوف..

راكان جلس جمبها وقال بهدوء:انتي من جد تخافين منها

سحر هزت راسهاوهي تمسح دموعها...

راكان استغرب ماكان يصدق ان في ناس يخافون من القطاوة بس لما شاف سحر الحين وبهاذي الحالة صدق...

راكان:طيب اهدي

سحر تحاول توقف دموعها بس للحين تحس بالخوف ومو قادرة...

راكان حط راسها على كتفه ومسح على شعرها بهدوء:خلاص اهدي..انا طلعتها خلاص

سحر سكتت ورفعت راسها على طول....وقفت وهي متوترة...

وقفت ساكته ومو عارفة ايش تقول...كل الي سوته انها دخلت لداخل البيت وراحت لغرفتها على طول...

**********************************

ترف ببتسامة:من جد؟

لينة وهي تجلس:ايه جد..امس كنت عند الدكتور وقالي

ترف باستها من خدها:مبروك

لينة رد لها الابتسامة:الله يبارك فيك

ترف:وش تشربين؟؟

لينة:مابي شي...اجلسي بس طمنيني عنك..شخبارك؟؟

ترف تنهدت:ماشي الحال

لينة:ماتحسين بالوحدة هنا...اذا تبين تعالي اسكني عندنا انا وتركي..بدال جلستك لوحدك هنا

ترف:لا شكرا...بس انا مرتاحة هنا....وبعدين انا مو لوحدي انا معاي الخدامات والطباخين هنا...واذا مليت اجي لعندك ولا اروح عند صديقاتي

لينة:على راحتك..بس مثل ماقلت لك..اي وقت تبين تجين وتسكنين عندي..بيتي مفتوح لك

********************************

باليل...

جالسة على حافة البلكونة وتناظر الشوارع والسيارات...

بيروت حلوة باليل...بس تحس شي ناقصها....

لمست السلسال الي على رقبتها...شالته وباسته...

جلست تتامل فيه بكل حب...وكانها تشوف محمد قدامها...

كان اسمه محفور عليه...تذكرت لما عطاها السلسال...

وقتها وعدته انها ماراح تشيله ابد...لبسته على طول وظلت ماسكته...

سندت راسها على الكرسي...

اسيل((ياترى محمد وش قاعد يسوي الحين....يفكر فيني مثل ما افكر فيه؟؟...ولا نساني وكرهني بعد ما تركته وتخليت عنه))...

هبت نسمة هوى خفيفة وطيرت خصلات من شعرها...

غمضت عيونها وهي تاخذ نفس عميق...

تنهدت بهدوء ورجعت تغرق بافكارها بمحمد...

بدت تغني بهدوء وبهمس...


في اول الحكيات حكايتي معاك
بقالي زمان وخدني هواك
وجوى في البي ليكك
ايام مابتتنسيش
واخر الحكيات حكايتي معاك
خلاص حبيت وانا تحبيت
وعايشة معاك كاني اول مرة
اع ــــــــيــــــــش..
*************************************

محمد وقف وقال بحدة:يمى خلاص هاذا الموضوع انتهينا منه

ام محمد:انت الحين ليه تهايط...كل هاذا عشان هالي ما تتسمى بنت المسيحية

محمد:اسمها اسيل مو بنت المسيحية وبعدين امها مسلمة مو مسيحية

ام محمد وهي توجه كلامها لابرار:شفتي؟؟...شفتي شلون يتكلم معي...شوي ويجي يضربني...كل هاذا عشان بنت ابليس

ابرار:خالتي وش فيك على اسيل وبعدين خلاص محمد مايبي يتزوج وش فيها يعني

ام محمد وقفت:الحين انا الي طلعت غلطانة وانتو كلكم ضدي...ابي اعرف بس وش مسوية فيكم هالاسيل ذي..ساحرتكم..اكيد ساحرتكم

طلعت وخلتهم وهي تتحلطم...

محمد وهو يصرخ على ابرار:وتساليني بعد ليه ماابي انزل...وتساليني ليه اجلس لحالي

ابرار جلست جمبه:معليه محمد اهدى...ولا يهمك...هي بس الحين منفعلة شوي وبعدين بتهدى..صدقني

محمد تنهد:ادري...بس هي دايم تحاول تضغط علي

ابرار:خلها علي وانا بهديها

محمد وقف وطلع من الصالة....

انتبهت ابرار لجوالها...

استغربت...معقولة سامي مادق عليها...ولا ارسل شي..

ابرار وهي تحاول تكابر:بالطقاق اصلا ماهمني

تحاول تبين لنفسها انها مو مهتمة...بس ما تقدر تكذب على نفسها...

هي تحس نفسها منجذبة له...ويمكن بدت تحبه...بس ماتبي تتسرع بمشاعرها...

تخاف تعيد نفس تجربتها مع بسام...وهاذا الي ماتبيه...تتعلق فيه واخر شي يكون ما يحبها...

طلعت من البيت وركبت السيارة...

**********************************

بدبي..

جالسين بالمطعم الفخم بفندق هيليتون الفخم...

اليازي وهي تمد الاوراق:هاذي الاوراق الي طلبتها..حبيت اعطيك اياها قبل لا....

فيصل قاطعها:بس عاد..ما تعبتي من الشغل

اليازي ابتسمت وزادت خدودها حمرة:مثل ما تحب

فيصل:ايه تكفين مليت من الشغل والاوراق والصفقات

اليازي:ههههه طيب خلاص..الحين جا الاكل

*******************************

دخلت لغرفتها وشافت الجوال..

مترددة تدق عليها ولا لا..

بس لازم تدق وتقول وش رايها..

رفعت السماعة ودقت على الجوهرة...

الجوهرة:هلا ترف

ترف:اهلين...الجوهرة انا فكرت خلاص

الجوهرة:والله..وش رايك؟؟...يعني موافقة؟؟

***********************************

بالرياض...

جالسة بالمطبخ وتناظر بالاغراض...مو عارفة ايش تسوي...

جالسة وتسمع تاففه واصل لحد عندها...

سحر بعصبية بس بصوت واطي:وهاذا من عرفته وهو يتافف...الله ياخذك وافتك منك

رجعت للثلاجة وهي تحاول تدور أي شي تسويه لراكان...بيذبحها لو ما لقت شي ياكله...

خصوصا انه راجع من الدوام تعبان...

لقت صحن مكرونة ماتدري من متى.بس مومهم اهم شي تحطه له وتفتك منه...

حطته بالمايك رويف عشان يسخن بسرعة...

جلست تناظر اظافرها متكسرة ومو مرتبه...من زمان ما اهتمت فيها...

تتوقع لو وحدة من صديقاتها تشوفها الحين ماراح تعرفها...

انتبهت على صوت المايكرويف...

حاولت تشيل صحن المكرونة بشويش لانه حار...

بس راكان دخل للمطبخ وخافت من دخوله المافجئ..ومع حرارة المكرونة...

طاح الصحن منها...

راكان بصراخ وعصبية:انتي غبية...ماتعرفين تسوين شي

سحر وهي تطالع الصحن الي طاح:انت الي دخلت فجاءة وخرعتني

راكان:حلو والله قطي السالفة علي بعد...انتي الغبية وعديمة المسؤولية وماتعرفين شي..الشره مو عليك علي انا الي مستحملك للحين ببيتي

سحر حاولت تمسك اعصابها لانها عارفة ان لو تكلمت الموضوع ماراح يعدي على خير...

بعدت عن الصحن وراحت على الباب عشان تطلع...

راكان وقفها بعصبية:هي انتي...وين رايحة؟؟

سحر تاففت وقالت بدون ما تلف عليه وبدون نفس:فوق

راكان:نظفي الي طيحتيه

سحر التفتت عليه وقالت بحده:نظفه انت..مو هاذا(قالت باستهزاء)..بيتك

تركته وطلعت لفوق...وخلته واقف مقهور منها...

دخلت للغرفة وسكرت الباب باقوى ماعندها...

جلست على الارض وسندت نفسها على الباب..

خلاص العيشة معاه ما تنطاق...هي لسى ما كملت اسبوع وصار كل هاذا...اجل بعد شهر وش ممكن يصير...

ماقدرت تمسك دموعها..تحس انها مخنوقه وتبي تفضفض عن نفسها...

*********************************

بدبي..

بعد ما خلصو الاكل...

اليازي:استاذ فيصل..اقصد فيصل

فيصل ابتسم:هلا

اليازي:ممكن اسالك سؤال

فيصل:تفضلي

اليازي بتردد:..مم...انت بايش تفكر بالضبط؟؟

فيصل ما فهمها:وش قصدك؟؟

اليازي:خلني اوضح لك....انا دايم اشوفك تضحك ومبتسم...بس احسك تخبي حزن بداخلك ليه؟؟

فيصل حط العصير على الطاولة وتنهد:لا...عادي

اليازي:على راحتك

فيصل ابتسم:طيب ممكن انا اسالك سؤال

اليازي:اكيد تفضل

فيصل:انتي مو امراتية؟؟

اليازي:الا

فيصل:طيب انتي ليه ماتتكلمين امراتي كثير؟؟

اليازي:قصدك انتي ارمس سعودي

فيصل:بالضبط

اليازي:انا امي سعودية..وعشت فتره كبيرة هناك...بس لما ماتت امي جيت لهنا عشان اعيش مع ابوي

فيصل:ليه ابوك ماكان يعيش معاكم؟؟

اليازي وهي تطالع يدها الي بحجرها:كانو منفصلين

فيصل بهدوء:ليكون ازعجتك بسؤالي

اليازي:لا...عادي

عم السكوت بينهم...كل واحد غرق بهمه ومشاكله..

فيصل تنهد:اسمها لينة

اليازي رفعت راسها باستغراب:مين هاذي؟؟

فيصل طالعها:الي كنت احبها...او للحين احبها....عشان كذا تشوفين هالنظرة بعيوني

اليازي:وشنو الي تغير؟؟

فيصل:تزوجت...وانا جيت هنا..0حاول يتصنع الابتسامة)...وانا خلاص نسيتها

اليازي سكتت وهي تتامل بعيون فيصل.واضح انه حزين وانه لليحين يحبها ويفكر فيها....

تنهدت وهي تتذكر اول حب بحياتها وكيف فرقهم الزمن...

كانت تحب ولد عمها سيف...وكانو متفقين على الزواج...

بس بليلة العرس صار له حادث ومات...

ومن يومها وهي عايشة على ذكراه.بس لما شافت فيصل ولاحظت الشبه بينهم..

حست انها بدت تنجذب له بطريقة غير مباشرة...

ماتدري متى وليه...بس لما سمعت كلامه عن لينة..قررت انها لازم تتحكم بمشاعرها وتنسا هالشعور....

***********************************
اليوم الثاني...

جالسة بالصالة وتطالع التلفزيون بملل....

سمعت صوت الجرس يرن...

ترف:اكيد هاذي لينة

رفعت السماعة الي جمبها:جوليا روي افتحي الباب

اخذت صحن البوب كورن من الطولة وحطته بحضنها....

جلست تاكل فيه وهي تطالع التلفزيون...

وقفت الاكل وهي تسمع انفاس وراها..

بلعت ريقها بخوف...ماتبي تلف وتشوفه...هي متاكده انه زياد...

حطت الصحن بهدوء وكان بتقوم..

حست بيده على كتفها...وباس راسها بهدوء..

بعدت يده عنها ووقفت...

قالت بدون ما تلف عليه:نعم؟؟...شتبي؟؟

زياد:ترف انا زياد

ترف بانفعال:وخير ياطير مين يعني

زياد وقف قدامها:طيب طالعي فيني على لاقل

ترف صدت عنه:مستحيل تعرف ليه...لانك ما تستاهل حتى اني اناظر فيك

زياد:والله اسف بس ماكان قصدي

ترف:وانا هاذا الي اخذه منك...اسف...سوري..مو قصدي..لين متى يعني

زياد:اوعدك هاذي اخر مرة

ترف التفتت له وهي تحبس دموعها:كم مرةوعدتني واخر شي طلع كله بالهوى

زياد مسك يدها:بس هالمرة غير

ترف بهمس: ماعاد في ثاني مرة

زياد باستغراب:وش قصدك؟؟

ترف بعدت عنه واخذت نفس قبل لا تتكلم:اخو صديقتي خطبني..وانا وافقت

زياد مو مستوعب:ايش؟؟

ترف خذت نفس:الي سمعته

زياد:ترف انتي وش قاعدة تقولين...ليه؟؟

ترف:ايش ليه...تبيني انتظرك لين متى يعني

زياد ضمها:بس انا احبك

ترف بعدت عنه:بس انا ماعدت احبك..ارجع للي تحبها بجد

زياد:انتي لي فاهمة وعمرك ماتكونين لغيري لو تنقلب السما على الارض

ترف:شنو لي لعبه انا

زياد:هاذاني قلت لك لاتفكرين اني بسكت عن هالموضوع

ترف بصراخ:انت مو بكيفك

زياد طلع من القصر بدون ما يتكلم كلمة زياد...

طلع وهو يحس بمشاعر غريبة..يحب ترف واذا شاف بتول ينشد لها...

بس لو حس ترف بتضيع منه...تصير اغلى من روحه...

************************************

فتحت عيونها على صوت يناديها...

اسيل غطت وجهها بالفراش:لينه وخري عني..زابي اناام

ام اسيل بهمس:شو لينة؟؟

علت صوتها:اسيل حبيبتي...اومي

اسيل فتحت عيونها وهي عاقدة حواجبها:ماما؟؟!...

ام اسيل:اومي يا البي داني عم بينتزريك

اسيل وهي لسى عاقدة حواجبها:داني؟؟

ام اسيل:ايه داني..مو انتة متفئين تضهرو اليوم

اسيل:نطلع؟؟

ام اسيل:وليك شوبيك كل ما اول شي بتعيديه

اسيل بعدت شعرها عن عينها:اوكي بقوم

ام اسيل وهي تطلع من الغرفة:ماتطولي

اسيل بصوت عالي:اوكي

قامت من السرير ووقفت عند الدولاب حق الملابس...

طلعت ملابسها وراحت على تغسل وجهها...

***********************************

جالس بالسيارة وهو طفشان...

ماصدق يفتك من زحمة الشوارع بالرياض هالمرة بالشرقية بعد...

طلع من السيارة لما سمع صوت سيارة الاسعاف...

وقف واحد جمبه بالسيارة...

راكان:اخوي وش السالفة؟؟

الرجال:مدري يقولون حادث

راكان عقد حاجبه:الله يستر

مايدري ليه دفعه الفضول يروح يشوف مين الي صار له الحادث...

مع انه ما يحب يشوف هالمناظر...بس هالمرة في شي بداخله يقول له روح...

وقف مصدوم من الي يشوفه...الحادث مرة قوي...

كانت صدمته اكبر وهو يشوف المصاب..او المرحوم الي مات بالحادث..وسيارة الاسعاف تشيله...

راكان بصدمة بس بصوت واطي:...وليد؟؟!...

دققق بملامحه اكثر وانتبه للبطاقة الي مع الشرطي ومكتوب عليها اسم وليد...

اسمه الكامل...

رجع للسيارته وغير طريقه مثل ماسوت باقي السيارات..

للحين مو مستوعب الي شافه...مايدري يفرح ولايزعل ولا شنو يسوي...

ظل يسوق السيارة وهو يحاول يشغل تفكيره بالطريق...لحد مادخل على طريق الرياض...

**********************************

جالس معه بالسيارة وهو يتوعد فيها وفيه...

سامي:زياد خلاص عاد..انت وش تبي من البنت مو انت قلت لي انك تحب بتول

زياد:لا انا احب ترف

سامي:وهي لعبة متى مابغيت تحبها قلت احبها ومامابغيت قلت احب الثانية

زياد تافف:الحين كل هاذا مو مهم..المهم عندي اعرف مين هاذا...(قال بهدوء)...صدقني سامي والله اني احبها

سامي:حيرتني معاك يازياد

زياد بعصبية:عمرك ماراح تفهمني

سامي بصراخ:زياد انتبه

وقف السيارة بسرعة...لانه كان بيصدم بالعامود...

سامي:شفيك انت

زياد نزل من السيارة وسكر الباب وراه باقوى ماعنده وكانه يبي يطلع كل قهره فيه...

سامي تافف ونزل وراه...

زياد واقف عند حافة السيارة ومسك راسه باقوى ماعنده...

سامي حط يده على كتفه:شكلك تعبان

زياد بدون نفس:مافيني شي

سامي:راسك يعورك؟؟

زياد بصراخ:قلت لك مافيني شي

سامي:طيب خلاص

زياد تنهد:سامي

سامي:هلا

زياد:سهى غيرت رقمها ولا لا؟؟

سامي رفع حاجبه:ليه تسال؟؟

زياد بقلة صبر:الحين انت جاوبني

سامي:أي غيرته يعني انت ماتعرفها كل يومين لها رقم

زياد:عطني رقمها

سامي بحدة:زياد... وش تبي فيه؟؟

زياد:يعني وش بكون ابغى فيه اخلص عطني اياه

سامي:زياد انت وعدتني تتغير وماترجع لهالسوالف

زياد صرخ:وانت شدخلك لاصرت ابوي ذيك الساعة تحكم فيني

سامي:طيب خلاص انا بدق عليها بس انت اهدى

زياد:طيب بس اليوم ابي اسهر فاهم

سامي:يصير خير

***********************************

وصل للبيت وهو للحين يفكر بالحادث...

جت على باله سحر فجاءة...

راكان بصراخ:سحر...سحر

سحر جالسة بالمطبخ ومطنشته...امس مهزئها والحين يجي يناديها ويبغاها تخدمه بعد ما بقى الا هي بعد...

راكان دخل للمطبخ وشافها:انتي هي اناديك ليه ما تردين

فضلت تسكت مالها خلق هواش وطوالة لسان...

راكان سحبها من كتفها:احاكيك ليه ماتردين...(صرخ بوجهها)..اكيد زعلانة على حبيب القلب..لحق يوصلك الخبر

سحر عقدت حواجبها..مو فاهمة شي...

راكان:لا تناظريني كذا وكانك ماتفهمين شي ومسوية فيها الطفلة البريئة المسكينة

سحر تنفست بخوف:راكان..والله مو فاهمة شي...انت وش قاعد تقول

راكان سحبها وراماها على الكنبة الي بالمطبخ:ليه كذا؟؟

سحر والدموع بعيونها من الخوف:شنو ليه كذا...والله مو فاهمتك

راكان قرب لها:انتي شنو...ماتحسين؟؟...ليه تسوين فيني كذا...انتي زوجتي انا يعني لازم تحبيني انا مو هو

سحر بلعت ريقها اول مرة تشوفه كذا...

راكان:بعد كل الي سواه لسى تفكرين فيه وزعلانه عليه...واكيد تحبينه

سحر بخوف:راكان ابعد عني

راكان همس باذنها:تحبينه؟؟

سحر غمضت عيونها وبعدت وجهها:راكان اتركني..(طالعت يدها الي ضاغط عليها)...يدي تعورني

راكان بعدها بقوة:طيب ياسحر ابكي عليه...ابكي لين ترتاحين بس بالنهاية انتي لي فاهمة...وبتندمين صدقيني بتندمين

ركبت على فوق اول ما بعد عنها...راحت وهي تبكي...

مو فاهمة شي من الي يقوله بس ماتدري ليه حست بالخوف من كلامه...

**********************************

جالس على السرير...

كلام امه للحين يدور براسه...

(( ام محمد:يا ولدي مايصير كذا....يعني تبي تضل طول عمرك عازب...تبي تعيش على ذكرى وحدة عافتك

محمد:يمى اسيل ما عافتني بس

ام محمد:بس شنو...يلا كان عندك رد قول انا مستعدة اسمع واذا اقتنعت بردك صدقني ماراح افتح معك موضوع الزواج مرة ثانية بنتضرك لين انت تقول لي ابي اتزوج

محمد:اصلا انا مو رافض الزواج عشان اسيل...لانها ماعادت تهمني خلاص

ام محمد:اجل وشو الي مانعك؟؟

محمد:كذا ما ابي اتزوج اذا جا الوقت المناسب انا بجي لحد عندك واقول لك يمى اخطبي لي

ام محمد:على راحتك ))

رما نفسه على السرير وهو يفكر بكلامه...

هو كان جدي لما قال ان اسيل ماعادت تهمه بشي ولا عشان يغير الموضوع ويخلي امه تنسا الزواج...

هو من بعد اسيل مستحيل يفكر يتزوج...

رفع السلسال الي مكتوب عليه اسم اسيل..اكيد الحين معاها السالسال الي عليه اسمه وتفكر فيه

كيف بيقدر ينسى كل لحظة جمعتهم مع بعض...

مستحيل يقدر يتناسا كل هاذا ويتزوج غير اسيل...


على بالي كلام الحب وعلى بالي تفاصيله
على بالي شقاوتنا وامانينا ومشاعرنا
على بالي اليالي الي سهرناها اغنيلك
على بالي الغرام الي عطانا جناحه وطرنا
واذا اني قلت انا ناسيك.. واذا اني قلت انا ناسيك
ترى كذب على حالي تظل انت لي الغالي
وخيالي دوم يحكيلك..على بالي كلام الحب
على بالي تفاصيلك
جنونك روعتك عطفك ماهو بيديني انساهم
احد ينسى من ايامه ياروحي اجمل ايامه
وكل من جوني من بعدك رفض هالقلب يهواهم
محد غيرك قدر يملي فؤادي ويرسم احلامه
بعد مارحت في دربك..مكانك مثل ماهو كان
ولو طال البعاد ازمان..شعوري دوم باقيلك
على بالي كلام الحب على بالي تفاصيلك

***********************************

باليل..

جالس بالغرفة وماسك الجوال بيده...

متردد يدق عليها...

سامي:اوف ياليتني عطيت الرقم لزياد كان الحين انا مفتك

انته بغرفة ابرار الي نورت....

اكيد توها راجعة...

ابتسم مشتاق لها...من زمان ماكلمها...يبي يسمع صوتها...

قرر يدق على سهى واول ما يسكر منها بيدق على ابرار...

دق عليها وطلع له صوتها الدلوع الي يكرهه...

سهى:هلا والله سامو حياتي كيفك؟؟

سامي بدون نفس:تمام انتي شولونك؟؟

سهى:بخير مشتاقة لك انت وزيودي

سامي:على طاري زيودي يبي اكبر بارتي اليوم

سهى باستغراب:زياد؟؟

سامي:ايه زياد فيه غيره يعني

سهى:لا بس مستغربه يعني من زمان عنه

سامي:عاد شكل دعواتك استاجبت وبيجي

سهى:هههههههه اوكي

سامي:اليوم يبغاها

سهى:لا اليوم ما اقدر خلها على بكرة

سامي:وزياد يبغى اليوم حاولي باي طريقه

سهى تنهدت:كل شي يهون لعيون زيودي خلاص بحاول

سامي:اوكي باي

سهى:وين لحظة

سامي:وش تبين تراني مشغول

سهى:انت بتجي؟؟

سامي:اكيد بجي مع زياد

سهى:اوكي خلاص باي

سامي:يلا باي

سكر الخط وهو ماله خلقلها...

طالع دريشة ابرار الي طفت انوارها....

سامي رما الجوال بعصبية:اوف لو اني مكلمها قبل هالزفت ذي كان لحقت عليها قبل ماتنام

حاول يدق عليها على امل انها ماتكون نامت...

بس امله خاب وماردت...

***********************************

الجزء الرابع والعشرين<<<<

باليوم الثاني...

جالسة وتحرك الملعقة بكوب الشاي...

جلست على الكرسي وهي تفكر...ايش الي خلا راكان ينفعل عليها امس...

كان بحالة مو طبيعية..وليه كان يقول ابكي عليه؟؟..تبكي على مين بالضبط؟؟..

من امس وهي تفكر ومو فاهمة قصده...حتى انها ماقدرت تفهم منه شي...من امس طالع وللحين مارجع...

انتبهت للجريدة بجمبها...صارت تتصفحها بملل...ولا مبالاة...

انتبهت لاسم شدها...

وقفت مو مستوعبة الي تقراه...طاح الكوب من يدها...

حست بشعور غريب وهي تقراه...شعور ماتقدر توصفه...

ماتدري تزعل ولا تفرح..تبكي ولا تضحك...

وليد مات...وبحادث سيارة..

حست رجولها مو شايلتها..جلست على الارض وعيونها للحين معلقة بالاسم...

الحين فهمت ليه راكان كان متغير...وليه عصب عليها كذا وكان يقولها ابكي عليه...

بس هي وش دخلها...وشلون بتعرف وهي محبوسة هنا...

وهو ليه يتنرفز عليها كذا...هو مايحبها ولا يهتم فيها..

راميها هنا وكلها كم شهر وبيطلقها...ولا يعني لازم يستغل كل لحظة بعذابها...

ولو على اتفه سبب...

حست بدمعه نزلت على خدها...ماتدري على نفسها او على وليد..

بس كل الي تعرفه انها تبي تبكي وبس...

راحت على غرفتها...ملجاها الوحيد بهاذا السجن مثل ما تقول...

قفلت على نفسها الباب وبكت...خلاص..لين متى بتستحمل يعني.هي مو متعودة على هالمعاملة...

لازم تحط حد لراكان...يااما كذا..او تتركه وتجلس ببيتهم لين يطلقها...

********************************

من يوم ما طلع من عندها امس وهي تفكر فيه...

بس كان لازم تسوي كذا عشان مايتعرض لها مرة ثانية...

خلاص ماعادت تستحمله..كل يوم بمزاج وكل يوم بحال...

مرة معها ومرة مع غيرها..خلاص طفشت هاذي مو عيشة..

اشتاقت لحياتها الاولى.بدون مشاكل..الي تبيه عندها..

تحب تكون دلوعة الكل ومحور اهتمامهم...

زياد ولينة واسيل وسحر..كانو كلهم حولها ويهتمون فيها..

هي الي يشغلهم وبس...ياليتها ماكبرت.ياليتها ظلت صغيرة ماتفهم شي..

تتمنى الزمن يرجع لورى ويرجع كل شي زي الاول..

وهاذا الي مستحيل يصير...بس كل الي تتمناه بهاذي الحظة..والي ممكن يصير...

هو ان خواتها يكون حالهم احسن من حالها...

*********************************

ابرار وهي واقفة قدامه:خلاص بتروح

محمد ابتسم:ايه خلاص

ابرار:اكيد بتفرح اول ماتشوفك

محمد:تتوقعين؟!

ابرار دفته:اقول لك اكيد

محمد مسك كتفه:هههههههه طيب اعصابك

سمعوا النداء الاخير للرحلة...

محمد:يلا مع السلامة

ابرار:مع السلامة وسلملي على اسولة اوكي

محمد:هههه يوصل

ابرار:باي

محمد:باي

وقفت تطالعه لحد ما غاب عن عينها ودخل للبوابة..

ابتسمت بخبث اول ما راح..

طلعت جوالها من الشنطة ودقت عليها...

اسيل:هلا ابرار وحشتيني

ابرار:وانتي اكثر يالدبة

اسيل:ها بشري وش صار؟؟

ابرار:افا عليك وتسالين بعد

اسيل:يعني كل شي اوكي؟؟

ابرار باستهبال:ابن خالتي الان يحلق فوق سماء المملكة متوجها الى لبنان وتحديدا العاصمة بيروت

اسيل ابتسمت وقالت بحماس:فديتك ابرار

ابرار:مايفيدني هالكلام ابي فعل انا

اسيل:امري تدللي وش تبين؟؟..طلباتك اوامر

ابرار:اوه كل هاذا عشان جبت لك المسعد حمود.لو داريه كان من زمان سحبته من كشته وجبته لك

اسيل:هههههههههههههه الله يرجك

******************************

رجع للبيت وهو مو طايق حياته بعد الي صار امس..

ضرب الطاولة بيده وطيح المزهرية القزاز على الارض وتكسرت...

كانت جالسة بالصالة الثانية وتطالع التلفزيون.رمت الريمونت اول ما سمعت الصوت...

طلعت من الصالة بسرعة...وقفت بمكانها لما شافت القزاز متناظر على الارض وتركي بيده دم...

راحت له ومسكت يده بخوف...

لينة:تركي...ليه كذا؟؟..شفيك؟؟

تركي سحب يده منها:ولاشي

لينة طالعته باستغراب وخوف...

تركي مسك ذقنها بيده الثانية:لاتخافين حبيبتي مافيني شي..بس...بس كنت ماشي وما انتبهت للمزهرية وطاحت...هاذا كل الي صار

لينة وهي مانزلت عيونها من عليه:طيب وين كنت؟؟

تركي:....بالشغل

لينة طالعته بشك...شكله مو شكل واحد راجع من الشغل...مو معقولة الشغل يتعب لهاذي الدرجة....

تركي انتبه لنظراتها:طيب انا تعبان..بروح انام اذا خلص الغدا قوميني

لينة هزت راسها:اوكي

**********************************
واقفة عند الدريشة وتناظر الشارع...

ابتسمت اول ما شافت سيارته وقفت عند الباب...

لازم تغير اسلوبها مع راكان...يمكن هو بعد يتغير معاها...

وقفت قدام المراية وعدلت تنورتها البيج القصيرة الي فوق الركبه بشوي..

وعدلت بلوزتها العنابية وفيها شك بالذهبي...

فتحت شعرها وخلته يتناظر بكل حيوية...

وقفت قدام المراية شوي وهي تناظر نفسها...عدلت روجها العنابي...وكثرت من العطر...

ابتسمت بخفة وهي تتذكر لما كانت ببيتهم...

كانت لينة تجيها كل صباح وتجلس معاها وتختار معاها لبسها وتشوف شكلها مناسب ولا لا...

اشتاقت للينة ولاوامراها....حتى لو ماكانت عاجبتها بس بعد اشتاقت لها...

نزلت بسرعة قبل لا يطلع لفوق ويدخل غرفته...

وقفت عند الدرج لما شافته...

كان منزل راسه بس وقف ورفع راسه لما حس ان في احد واقف قدامه...

وقفو لدقايق كل واحد يطالع الثاني والصمت سيد الموقف...

تقدم راكان وكان بيعدي من جمبها..

سحر قالت بسرعة وبكل نعومة:صباح الخير

راكان عقد حواجبه باستغراب...قال بهدوء:صباح النور

سحر وقفت قدامه:وين كنت من امس...شغلت بالي عليك

راكان حس قلبه يدق بقوة مو طبيعية..اول مرة يحس بهالشعور...

لما حست سكوته طول قررت تتحرك هي...

مدت يدها لراسه واخذت الشماغ والغتره... وبكل جراءة حطت يدينها على كتوفه...

سحر بنعومة:تعبان؟؟...اجيب لك شي تاكله؟؟

راكان بلع ريقه بتوتر:ل...لا...شكرا..

سحر قربت له اكثر:طيب ارتاح...تعال معاي

بعدت يدها عن كتفه ومسكت يده ونزلت معه لتحت...

يمشي معاها ومايدري وين...مو مهم اهم شي يكون معاها حتى لو كانت بترميه بالنار...

جلسته على الكنت وجلست جمبه...

سحر وقفت...

راكان رفع راسه:وين؟؟

سحر ابتسمت:بروح اسوي لك شي تاكله...(نزلت راسها لمستواه وحطت يدها على خده بهدوء)...شكلك تعبان

راكان هز راسه وهو مانزل عينه من عليها...

ابتسمت له وراحت للمطبخ...

***********************************

واقف عند باب الشاليه وماسك الكاس بيده...

سامي وقف جمبه وحط يده على كتفه:حرام عليك ياشيخ من امس وانت ماهديت هالزفت من يدك

زياد:هالزفت..الي مو عاجبك....هو..هو الي بينسيني

سامي سحب منه الكاس:عنك مانسيت...بس مو تقتل نفسك

زياد بصراخ:يووه..انت شتبي مني..روووح...روح لها..

مسك كتفه عشان يثبت نفسه:لا تضيعها من يدك...(ضحك باستهزاء وهو ياشر على نفسه)...لا تصير مثلي

اخذ الكاس من يد سامي واشر له على الباب:توكل بس اقول

سامي اخذه منه مرة ثانية:مستحيل اخليك هنا لوحدك..انت انسان مجنون وممكن تسوي أي شي

زياد:ههههههههه..حلوة ذي..انسان مجنون...ههههههه..ممكن تعيدها

سامي عقد حاجبه وتنهد:انت مامنك فايده

كان بيطلع من الباب بس صوت زياد وقفه...

زياد بصراخ:انتو وش فيكم علي....انت وابوي وحتى ترف...كلكم تقولون انا مامني فايدة ولا اعرف اسوي شي..ولا راح اتغير...وش تبوني اسوي يعني(قال بانفعال)...اموت نفسي...اموت نفسي عشان ترتاحون

سامي وقف قدامه:اهدى شوي

زياد بانفعال اكثر:اهدى...انا هادي..مين قال اني مو هادي...انتو بس ابعدو عني وانا اكون بخير

سامي:طيب طيب بس ماله داعي الصراخ والانفعال

زياد بنفس الطريقة:مين قال اني منفعل..انت وش فيك غصب يعني

طاح الكاس من يده وانكسر...

سامي مسكه بخوف لان شكله ما يطمن:زياد خلاص اهدى(بصراخ)..زياد...

***********************************

جالسة بالغرفة والقطوة بحضنها وتلعب فيها...

ترف:هههههههه...تدرين وشو احسن شي سواه زياد...انه جابك لي...ياحبي لك

سكتت لما سمعت صوت جوالها...

عقدت حواجبها وهي تشوف رقم غريب...

ترف رفعت كتوفها:وش بخسر يعني..ارد

ترف:الوو

سامي:الو

ترف:ايوه مين معاي؟؟

سامي:انتي ترف؟؟

ترف رفعت حاجبها باستغراب:مين معاي؟؟

سامي بتردد:انا...انا سامي..صديق زياد

ترف باستغراب:صديق زياد؟؟

سامي:ايه صديقه..اسمعيني انا دقيت عليك عشان اقول لك ان زياد بالمستشفى وهو مرة تعبان و....

ترف قاطعته:اسمعني انت...اذا هاذي لعبة جديدة من الاعيب زياد عشان ارجع له..قوله يستريح لاني مستحيل ارجع له

سامي:هو مايدري اني داق عليك...ترف وربي انا ما اكذب عليك..زياد بامستشفى ومعاه انهيار عصبي....الو...الو

رمى الجوال بقهر..سكرت بوجهه...لهدرجة زياد المها..خلا قلبها حجر من ناحيته...يبي يساعد صديقه باي شي بس مو قادر...مو بيده شي....

********************************

طول الوقت جالسة وتناظر فيه...تحس فيه شي متغير...

انتبهت عليه انه بيرفع راسه..

نزلت عينها على الصحن بسرعة...

قالت وهي عيونها لسى بالصحن:وش رايك بالاكل؟؟

رفعت راسها عشان تشوف ردة فعله...

راكان ابتسم:حلو...بس مو انتي الي سويتيه

سحر ابتسمت:لهدرجة واضح

راكان:مرة

سحر:لقيته بالثلاجة وسخنته...بس مو مهم اهم شي عاجبك

راكان:مو بس الاكل الي عاجبني

ظلت تطالعه لثواني وبعدين نزلت راسها للصحن...

تحس انها مخنوقه...ماتقدر تكذب اكثر من كذا...هي مو متعودة تتصنع ولا تعرف تتصنع وخصوصا عند الناس الي تكرههم...

حطت الملعقه بالصحن ووقفت...

راكان:خلصتي؟؟

سحر هزت راسها:ايوه...اذا خلصت قول لي عشان اشيل الصحون

ظل يطالعها لحد ما بعدت عنه وطلعت من الغرفة...

تنهد...هالبنت مو قادر يفهمها...كل شوي بحال...

بس معقولة مو حاسة فيه..لهدرجة هي تكرهه...

حط الشكوة بالصحن ووقف...

رن التلفون...

راكان:الو

سمع صوت امه وهي تبكي...

راكان بخوف:يمى شفيك؟؟

ام راكان:راكان...الحق على اخوك...زياد تعبانوبالمستشفى

راكان:ايش؟؟..شفيه؟؟

ام راكان:يقول الدكتور معه انهيار عصبي...راكان تعال بسرعة انا ما اعرف حق المستشفيات وابوك بعد مدري وينه

راكان:طيب خلاص انا جاي

***********************************

حاط يده على خده ويناظرفيها وهي تسوي العصير...

داني:ولو اسيل أي ماصار عصير شو عم تعملي

اسيل:انت وش عرفك خلك ساكت بس

داني:أي لو كيميا خلصيت

اسيل:ههههه خلاص خلصت

داني وهو ياخذ منها العصير:منشوف هلأ شو النتيجي

اسيل ابتسمت:يلا

بدى يشرب العصير بهدوء واسيل تناظر برقبته تشوفه لو بلعه ولا لا....

حط العصير على الطاولة وهو عاقد حواجبه...

اسيل:ها بشر وش رايك؟؟

داني وهو لسسى عاقد حواجبه:ممم..بديك اليك بصراحة؟

اسيل:ايه اكيد

داني:ممم بصراحة...ماتوقعتيك بتعرفي تعملي شي بس العصير كسر القاعدة

اسيل:يعني حلو؟؟

داني:كتير تسلم ايديكي

اسيل باسته من خده:ميرسي

داني ابستم بهدوء وارتباك...

داني:ممكن اسالك سؤال

اسيل:تفضل

داني:اليوم شايفيك مبسوطي كتير..شو السر؟؟

اسيل تنهدت وابتسمت:اقول لك وما تعلم احد

داني:كولي ازانن صاغية

اسيل:محمد بيجي اليوم

داني:مين محمد؟؟

اسيل:خطيبي...ممم اقصد الي كان خطيبي..نسيته؟؟..قلت لك عنه

داني عوج فمه:ايوا تزكرتو

اسيل وهي تفتح علبة الماي:هههههه وش فيك تقولها كذا

داني:شو اليت؟؟

اسيل وهي تشرب الماي:ولاشي

رن جوالها...استغربت لما شافت رقم سحر...من اول ماجت على لبنان مادقت عليها...

اسيل:الو هلا سحر

سحر:اهلين..اخبارك؟؟

اسيل:تمام انتي شلونك؟؟

سحر:بخير...اسيل وش بغيت اقول لك...ترى زياد تعبان

اسيل حطت الماي على الطاولة:ايش؟؟

سحر:معاه انهيار عصبي...وكلهم عنده هناك قلت لازم تعرفين

اسيل:اكيد انا جاية لكم

سحر:اسيل ماله داعي خلاص احنا معه بس قلت اخبرك عشان ماتقولين اننا خبينا عنك

اسيل:سحر هاذا اخوي لازم اجي له

سحر:على راحتك

اسيل:اوكي خلاص انا بجي على اول طيارة للسعودية

سحر:اوكي ننتظرك

اسيل:اوكي باي

سحر:باي

داني طالعها باستغراب:شو الحكايي؟؟

اسيل:زياد تعبان

داني:شو بيه؟؟

اسيل:تقول سحر معاه انهيار عصبي

داني:ييه..من شو؟؟

اسيل:ما ادري بس انا لازم اروح للسعودية اليوم

داني بتردد:و...محمد؟؟

اسيل ضربت راسها بخفه:اوف شلون نسيته..(التفتت على داني ومسكت يده)...داني تكفى انتظره بالمطار اذا جاه قول له اني ما قدرت استقبله واني رجعت السعودية

داني:وانا شو دخلني

اسيل:تكفى داني بعدين انا بشرح له بس انت قوله كذا

داني:بس انا ما بعرفه كيف بدي اول له يعني بسحب أي حدا وبسالو ازا انت محمد ولا لا

اسيل:انا عندي صورة له

داني:كمان

اسيل:ايه شنو فيها يعني...يلا عاد داني لاتصير بزر

داني:شو يعني بزر

اسيل:هههههه بعدين بقول لك اذا صرت شاطر وقلت لمحمد الي علمتك عليه بقول لك

داني:ولو انتي شو شايفيتني بيبي

اسيل:بالضبط يلا عاد

داني:اوف خلاص طيب لا تنئي

اسيل باسته من خده بقوة وقالت بحماس:مشكوو...(قرصت خدوده)..فديتك والله

داني ابتسم بهدوء:you welcome

*************************************