*بنات أفكاري* رواية خيالية..رومانسية..جريئة

يا الغلا وين باقي الروايه اتمنى با اقرب فرصه تكتمل

بلييييييييييييييييييييييييييييز كمليهاا

.................................................. ............................

هاااااااااااااي
اعذروني عارفة اني تأخرت
بس كان الجهاز عطلان <<واحنا يومنا بسنة
انشاء الله إذا قدرت اليوم بنزل
بارت الليلة
تقبلوا تحياتي





..مغرورة بس مجروحة..

..مغرورة بس مجروحة..
قصة في قمة الروعة
يسلموووووا على طرحك
انتظر باقي الاحداث بالذات لي ترف وزياد
يعطيك العافية

>>>الجزء الثالث عشر<<<

راحت الشغالة ومحمد طلع يشوف مين يبيه..
شاف سيارة همر واقفة قدام الباب.. استغرب ولا واحد من اصدقائه عنده همر..

محمد:يمكن زياد غير سيارته

راح عشان يشوف مين الي بالسيارة وانصدم من الي شافه...

محمد بصدمة وهو يشوفها لابسة ثوب ومتلثمة بالشماغ:اسيل..شنو هاذا؟
اسيل وهي تشيل الثمة:ههههههه شدراك اني اسيل
محمد:عرفتك من عيونك..بس شقاعده تسوين بالسيارة؟
اسيل:العب كورة..شرايك يعني
محمد:ما تخافين احد يشوفك تدرين ان ممنوع الحرمة تسوق السيارة بالسعودية
اسيل:اقول لا يكثر بس مسويلي فيها يلا اركب
محمد:شايفتني مجنون عشان اركب معك
اسيل بدلع:يلا حمووود عشان خااطري
محمد تنهد:اخاف تنكسر رجلي الثانية
اسيل:تكفى ترى تكفى تهز رجال
محمد:طيب بس على شرط
اسيل:امر
محمد:انا اسوق
اسيل بصراخ:لا والله مايصير كذا انت كل يوم تسوق خلني انا اسوق هالمرة بعدين انت رجلك مكسورة كيف بتسوق تبي تموتنا
محمد:بس خلاص كلتيني سوقي انتي بس لو مسكوك الشرطة بقول انك خاطفتني
اسيل:ههههههه اهم شي

ركب محمد للسيارة وشغلت اغنية(تامر حسني-انا ولا عارف)وساقت باكبر سرعة..

*********************************

طالعه من قاعة الامتحان وهي مبسوطة وتغني لانه اخر يوم...

سحر:ماهي هالليلة وبس وانت متغير علي صار لك كم ليلة وانت بالك ماهو لي

شافتها جاية من بعيد وتقدمت لها...

.......:هلا سحر

طالعتها بتفحص هالوجه مو غريب عليها...

سحر ابتسمت:ريوف؟
ريوف ردت لها الابتسامة:شخبارك؟
سحر:تمام انتي شخبارك وين هالغيبة؟
ريوف:تدرين الاختبارات يعني مشغولة شوي
سحر سحبتها من يدها:كلنا عندنا اختبارات طيب على الاقل دقي
ريوف:دقبت عليك كثير بس انتي ماتردين
سحر:ما اذكر...دقيتي على أي رقم؟
ريوف:*******055
سحر:لاا هاذا غيرته من زمان تعرفين عشان النشب
ريوف:طيب شنو رقمك الجديد؟

راحو وجلسو بالكفتريا وعطتها رقمها...

سحربحماس :ايوه شخبارك وش مسوية؟

ريوف استغربت اسلوب سحر المتغير اول كانت تتعامل معاها بغرور لانها اغنى منها واحلى منها بس الحين تتصرف بعفوية..صايرة حبوبة

ريوف:عادي من البيت للجامعه ومن الجامعه للبيت
سحر:يووه يعني مثل حالتي..الا ماقلتي لي شخبار هاذا خويك..شنو قلتي لي اسمه؟
ريوف:قصدك يوسف
سحر:ايوه يوسف انتي للحين ماسحبتي عليه؟
ريوف:لا انا من جد احبه
سحر عوجت بوزها:وهو؟
ريوف:هو بعد وبيجي يخطبني بالاجازة والزواج بعدين
سحر:ماشاء الله اعزمينا عاد
ريوف:افا عليك انتي اول وحدة بتجين..شخبارك مع مشاري؟
سحر:وع مشاري خلااص سحبت عليه من زمان الحين عندي ولودي حبيبي
ريوف:من جد تحبينه ولا؟
سحر:لا لا وليد من جد تدرين ليه
ريوف:ليه؟
سحر:تصدقين مدري بس معاه احس بشي غير احس ان الوقت يوقف ومافي بالدنيا الا انا وهو وبس
ريوف:وهو جدي بالموضوع؟
سحر:اكيد ولا ماكان عرفني على امه واخته
ريوف:الله يتمم عليكم بخير
سحر:تسلمين

جلسو يسولون وماحسو بالوقت سحر كانت لاول مرة تفتح قلبها لاحد طول عمرها تكتم بداخلها وماتقول لاحد عن مشاعرها ومشاكلها وهاذا مو زين لان( الضغط يولد الانفجار) لازم يكون عندنا احد نشاركه بهمومنا ومشاكلنا بافراحنا واحزانا وبكل شي عشا نتفادا مثل هاذي المشاكل...

**********************************

وقفت السيارة عند باب البيت وهي تضحك...

محمد:سويتي الي تبينه اخيرا..ارتحتي الحين
اسيل:هههههه لا لسى
محمد:شنو بتسوين بعد اكثر من انك سقتي
اسيل:اقول ما ودك نروح للبحرين الحين؟
محمد:والله انك مو صاحية خلني انزل احسن لي
اسيل:هههههههه خواف
محمد:بصراحة يحقلي اجل في احد يسوق على 120 وبهالزحمة
اسيل:احسن عشان يصير في شوية اكشن
محمد:اكشن ايوه هين
اسيل:زين يلا انزل تراك صدعتني ابي اروح انام
محمد:مااقدر انزل واخليك اخاف عليك
اسيل:وش بيصير يعني بياكلني الذيب
محمد:اسيل انا اتكلم جد شلون بتروحين لبيتكم لحالك اخف يصير فيك شي
اسيل تاففت:الي خلاني اجي من بيتنا لبيتكم يخليني ارجع
محمد:يعني انزل وانا مطمن؟
اسيل:افا عليك وحط رجلك بموية باردة بعد
محمد:طيب اول ما توصلين دقي على طمنيني
اسيل:زين بس لا تحن
محمد:من خوفي عليك
اسيل خربطت بشعره وهي تبتسم:فديت الي يخاف علي

محمد مسك يدها وباسها...
اسيل حست باحراج من حركته..شالت يدها على طول وابتسمت بارتباك..
محمد رد لها الابتسامه وطلع من السيارة...

اشرت له باي وبعدين مشت بسرعة...
شافت محمد من المراية وهو ياشر لها تهدي السرعة..
ضحكت له وطنشت...

***********************************

دخل لغرفته وهو يحس بملل ماعنده شي يسويه غير انه يشغل باله بالتفكير بالي شافها بسيارة زياد..رمى نفسه على السرير وتافف..

سامي:مين هي..معقوله كنت اتخيل..بس انا كلمتها..سمعت صوتها..لمست ايدها(تافف بطفش)..طيب ليه قالت لي لاتقول لزياد..اكيد تعرفه وماتبيه يعرف بس ليش..شنو ليه انا الفبي بعد اكيد تقرب له..بس انا متاكد اني شايفها من قبل..بس وين..وين ياسامي؟؟؟

قطع عليه افكاره صوتها وهي تغني..ابتسم وهو يسمعه..صوتها يعجبه بس مايحب يقول لها...توجه للنافذة الي تطل على غرفتها بخطوات ثقيلة ما يبيها توقف بس بعد ما يبيها تصدق نفسها..

كانت تغني اغنية فيروز(زوروني كل سنة مرة)..كان صوتها خيااال مع الحان القانون...

سامي فتح وصرخ عشان تسمعه:عدال يافيروز لا تتقطع بلاعيمك
ابرار بعصبية:انت شفيك..شتبي؟
سامي وهو يخفي ابتسامتهه على شكلها المعصب:ابي انام ازعجتيني
ابرار:رووح نام محد ماسكك واذا ازعجتك سكر الدريشة وفك عمرك
سامي:انا ابي اخلي الدريشة مفتوحه بكيفي
ابرار:اجل تحمل الي يجيك

فتحت الدريشة اكثر وجلست على الكرسي وجلست تعزف وتغني بصوت عالي...

سامي:السالفة عناد يعني؟

ابرار طنشته وكملت عزف...

سامي بصراخ:هيي انتي؟
ابرار وفقت عزف وشهقت:انا هيي؟؟
سامي ماقدر يكتم ضحكته:ههههههههههه
ابرار بنرفزة:في شي يضحك؟
سامي:هههههههههه
ابرار:سخيف
سامي:مثلك
ابرار طالعته بستحقار:تدري انك اكثر شخص اكرهه بحياتي
سامي وهو يسوي نفسه يفكر:ممم اتوقع انه شعور متبادل

ابرار طالعته بنرفزة وسكرت الدريشة بكل عصبية...

سامي ابتسم..يحب بنرفزها ويشوفها وهي معصبة...

****************************

طالعت جوالها بتوتر...

لينة:ادق عليه ولا لا؟؟...بس لازم يعرف اذا ماقلت له اكيد بيزعل لاني خبيت عليه..طيب لو تركني..(بعدت هالافكار من راسها بسرعة..مستحيل تتخيل حياتها بدون فيصل)..بس لازم اقول له..(قالت بالم)..حتى لو بيتركني...

دقت عليه بسرعة قبل لا تتردد..حست الدم يوقف بعروقها وهي تسمع رنة التلفون..توها كانت بتسكر بس سمعت صوت فيصل بالخط الثاني...

فيصل لما حس سكوتها طول قال بخوف:لينة..لينة..حبيبتي وين رحتي؟
لينة بلعت ريقها وقالت بتوتر:هلا فيصل
فيصل:اهلين..شفيه صوتك ليكون تعبانة؟
لينة وهي تحاول تعدل صوتها:لا مافيني شي..فيصل
فيصل:عيونه
لينة:ممم..اقدر اشوفك؟
فيصل ماصدق الي يسمعه:انتي لينة الي تكلميني ولا وحدة ثانية؟
لينة:فيصل..لا تمسكها علي عاد تقدر ولا لا؟
فيصل بسرعة:اكيد اصلا انا صارلي مدة مو شايفك
لينة ابتسمت بتوتر:طيب متى بشوفك؟
فيصل:متى ماتبين
لينة:ممم طيب يصير اليوم؟
فيصل:اكيد يصير..بس شسالفة؟
لينة:ولاشي بس مشتاقة لك
فيصل ابتسم:فديت المشتاقة انا
لينة:ابتسمت باحراج وكانه قدامها:فيصل خلاص عاد
فيصل:هههههه زين شغلي معك اذا شفتك
لينة:باااي
فيصل:هههههههه يالبي على الي يستحون
لينة:فيصل..وبعدين
فيصل:خلاص خلاص.باي
لينة:باي

حست براحة لما كلمته ماتدري كيف صبرت على فراقها طول هالايام..

لينة:جد اني غبية لو وحدة ثانية مكاني وعندها واحد مثل فيصل ماتتركه ولا لحظة

**************************

وصلت للبيت وهي تتلفت عشان محد يشوفها..
بعد ما تاكدت ان مافي احد حولها..شالت اللثمة وحطت الشماغ على كتفها وبدت تمشي بعربجة وهي تتخيل لو انها كانت ولد وش كانت بتسوي<<لاحظو الاحلام بس خخخ

طلعت من البيت متجهه للحديقة ومعاها قطوتها وتلعب وياها..
نزلت عشان تحط الطوق على رقبة القطوة وانتبهت بظل احد قدامها..شافت طرف الثوب..ثوب رجالي..حست قلبها يدق بقوة..معقولة يكون زياد.رفعت راسها وصرخت...

اسيل:اوش..اسكتي فضحتينا
ترف:ليه مسوية بنفسك كذا؟
اسيل ابتسمت:حلو صح؟
ترف:وعع كانك ولد
اسيل عوجت بوزها:اقول خلك بس مع قطوتك
ترف:ليه لابسة كذا؟
اسيل:كان عندي مشوار
ترف:واذا بتروحين لمشوار تلبسين ثوب وشماغ
اسيل:أي هاذا المشوار ماينفع الا بكذا
ترف بشك:اسييل..انتي وين رحتي بالضبط؟
اسيل قربت منها:تبين تعرفين؟
ترف:أي
اسيل:قربي اذونك عشان اقول لك

ترف قربت اذونها لعندها عشان تقول لها...
اسيل صرخت باذنها...

ترف بعدت عنها بسرعة وسدت اذنها:ااي اذني
اسيل:هههههه عشان تتركين هالقافة عنك
ترف مدت بوزها:طيب انا اوريك
اسيل تقلدها بطريقتها الدلوعة:أي الحين بتقول..بروح اعلم عليك ماما
ترف بدلع:لا انا مو بزر عشان اقول كل شي حق ماما
اسيل:ايوه هين
ترف:اصلا الشره مو عليك علي انا الي جالسة معك

دخلت ترف للبيت وهي معصبة..واسيل ظلت بمكانها عشان تروح للباب الخلفي عشان محد يشوفها...

*******************************

وصلت للكوفي شوب وهي تحس بارتباك مو طبيعي..ماتدري ليه مع انها مو اول مرة تقابله..خذت نفس عميق ودخلت...
شافته جالس على الطاولة ويكلم بالجوال..قربت من الطاولة..ابتسم لها واشر لها تجلس..
جلست وهي تبتسم بتوتر...خلص مكالمته وابتسم لها...

فيصل:تو مانور المكان
لينة:منور بوجودك
فيصل:كيفك عمري؟
لينة وهي تحاول تخفي ارتباكها وتبين عادي:تمام..وانت؟
فيصل:بخير دامني شفتك

لينة ابتسمت بهدوء...

فيصل:لينة
لينة:هلا
فيصل:شفيك؟
لينة بارتباك:مافيني شي
فيصل طالعها بتفحص:من متى تكذبين علي؟

لينة طالعته وتجمعت الدموع بعيونها...

فيصل لاحظ دموعها:حبيبتي شفيك؟

لينة ماقدرت تتحمل وبكت...

فيصل استغرب:شفيك تبكين؟
لينة من بين دموعها:فيصل سامحني
فيصل:على ايش؟
لينة:انا خبيت عنك موضوع مهم ماكان لازم اخبيه عليك
فيصل:شنو؟
لينة تحاول تجمع شجاعتها:صدقني لو تركتني ماراح ازعل وبتظل انت الي ملك روحي وقلبي ومحد يقدر ياخذ مكانك
فيصل بخوف:لينة شسالفة؟

جمعت شجاعتها بس ماقدرت تتحمل نظراته لها نزلت راسها ومسحت دموعها..قالت له عن كل شي عن امها وعن تركي وكل المواقف الي صارت بينهم...

فيصل وعلى وجهه صدمة:انتي تتكلمين جد؟

لينة هزت راسها بالايجاب وهي تمسح دموعها...

فيصل راح لعندها وجلس على ركبته..رفع راسها بيده:ليه تبكين؟
لينة من بين شهقات:ل..لاني كذبت علي...وادري انك بتتركني..وانا مااقدر اتحمل
فيصل ابتسم بهدوء:اجل للحين ماتعرفين غلاتك بقلبي..لينة انتي الوحيدة الي قدرتي تحركين قلبي وتخلينه يدق لك..اكذب عليك لو قلت اني كنت احبك من اول مرة شفتك فيها وانتي قاهرتني..

لينة ابتسمت من بين دموعها..

فيصل كمل:بس كنتي عاجبتني كنت احسك عزيزة نفس ومافي شي يعجبك وهاذا الي كان يعجبني في شخصيتك زيدي على كذا شكلك الي انهبلت فيه اول ماشفته..بس لما تعرفت عليك وحبيتك تاكدت اني مستحيل افرط فيك لو شنو ماصار.لينة انا احبك مستحيل اخليك

لينة طالعته بنظرات حب توقعت انه اول مايعرف بوضوع امها بيخليها وبيقول مستحيل يناسب وحدة امها خريجة سجون..لام نفسها لانها فكرت بفيصل هاذا التفكير..

فيصل قام من الارض وراح على الكرسي:اما بالنسبة لهاذا التركي شغلي معه بعدين
لينة:لا فيصل تكفى لاتسوي له شي..خلاص هو من ذاك اليوم وانا ماعاد شفته لاتتهور بليز
فيصل ابتسم:لاتخافين ماراح اسوي شي..كل الي بسويه اني بجي اخطبك اليوم وساعتها بتصيرين زوجتي على سنة الله ورسوله ومحد يقدر ياخذك مني لا تركي ولا الف غيره

لينة ابتسمت مو مصدقة الي تسمعه..فيصل بيجي يخطبها لا واليوم بعد...

لينة:فيصل انت تتكلم جد؟
فيصل:قد مرة مزحت معك بشي؟

لينة هزت راسها يعني أي..

فيصل ابتسم:أي بس هاذا الموضوع غير مافيه مزح
لينة:طيب كيف بتجي تخطبني وامك بالمستشفى؟
فيصل:بجي مع خالي اكلم عمك وبعدين امي كم يوم وبتطلع وتجي وتتكلم مع امك

لينة تحس نفسها بحلم..مو معقولة كل الي تبيه يتحقق..تمنت امها تطلع من السجن وطلعت..وتمنت فيصل يخطبها وبيجي اليوم..تتمنى ان هالفرحة ماتغيب عنها ابد..

فيصل وهو يحرك يده قدام وجه لينة:الو وين رحيتي؟
لينة ابتسمت بهدوء:معاك
فيصل:ممم ليكون تفكرين ب...
لينة قاطعته:فيصل بلا سخافة عاد انت تدري ان محد يقدر يشغل بالي غيرك لا تركي وغيره
فيصل ضحك:طيب شدراك اني كنت بقولك تركي
لينة ابتسمت له:احس بالكلمة الي تبي تقولها حتى قبل ماتقولها
فيصل قرب لها وقال بخبث:طيب وشنو الي الحين افكر فيه؟
لينة بعدت عنه وهي تضحك:اقول باي
فيصل:يو طيب ماقلتي لي وش افكر فيه
لينة :خل تفكيرك لك..يلا بااااي
فيصل:اشوفك اليوم

لينة ابتسمت باحراج..قالت بهدوء:اوكي
فيصل ابتسم:باي

قبل لا تطلع اشرت له باي وطلعت من الكوفي شوب...

فيصل جلس وسند راسه على الكرسي وهو يحس براحه من الي سواه...

فيصل((ان شاء الله لو كل اهلها سفاحين ما يهمني اهم شي عندي لينه وبس))

توه بيقوم من الكرسي الا يرن جواله...رفع الجوال واستغرب لما شاف رقم غريب..

فيصل رد باستغراب:الو...مين؟...ايش؟...طيب خلاص دقايق واكون عندك

حط الحساب على الطاولة وطلع بسرعة وهو مو شايف قدامه...

******************************

وصلو لبيت محمد...

سامي:والله فشلة من متى وهو بالمستشفى والحين تونا نزوره
زياد:عادي مافيها شي احنا تونا ندري
سامي:على قولتك وبعدين ما اظن محمد يزعل
زياد:لا ماراح يزعل يلا بس انزل

نزلو من السيارة...

زياد:ندق عليه احسن ولا ندق الجرس
سامي:لا دق الجرس عشان تصير مفاجاة
زياد ابتسم:اوكي

دق الجرس..

محمد وهو ينادي الشغالة:تيلا تيلا تعالي افتحي الباب
ابرار:لا ماله داعي انا بروح افتحه
محمد:مايصير انتي ضيفة
ابراركترى مو لابقة عليك السناعة..انا ناوية اروح وبطريقي بفتح الباب
محمد:هههههه طيب

راحت للباب وفتحته...

سامي ابتسم اول ماشافها:وانتي كل منقعة في بيوت الناس ماعندك بيت
ابرار طالعته باستحقار:انت مالك شغل امي وابوي ماقالو شي من انت عشان تتحكم فيني
سامي:بسم الله كلتيني بقشوري تراني ماقلت شي..بس اقول يعني الدجة مو زينه للبنات
ابرار شهقت:انا داجة..هين ياسموي ان ما توطيت ببطنك

كانت ناوية عليه بتضربه بس وقفت لما شافت زياد..شلون ما انتبهت له الحين شنوبيقول عنها خصوصا انها ما تعرفه...

سامي لاحظ صدمتها وضحك على شكلها:هههههههههه
ابرار رجعت تناظره:خير في شي يضحك؟
سامي:ههههههه الصراحة يبيلك صرة على هالشكل هههههههه
ابرار بدون نفس:ها ها ها ..لا ضحكتني بموت من الضحك
سامي:اقول وخري بس ابي ادخل
ابرار سدت الباب:خير تدخل شنو هي وكالة من غير بواب
سامي طالعها من فوق لانها قصيرة بالنسبة له:شتبين انتي؟
ابرار:ماراح تدخل
سامي:لا صار بيت ابوك امنعيني..وخري عاد ابي اروح اشوف محمد
ابرار:لا الين افتكرت محمد صار له مدة بالمستشفى ولا شفت رقعة وجهك
سامي قرب منها وهمس باذنها:ابرار لا تفشليني قدام خويي اخلصي بعدي خليني ادخل
ابرار بصوت عالي:اهااا عشان كذا

طالعت بزياد...

ابرار((انا شايفة هالخشة بس وين...وين يا ابرار))

قطع افكارها صوت سامي العالي..

سامي:شنو يعني بتخلينا هنا لين بكرة
ابرار كشرت:لا تصرخ عاد فضحتنا(همست باذنه)اقول سموي
سامي بدون نفس:خير
ابرار دفته:تكلم زي الناس...اقول هاذا خويك شنو عايلته؟
سامي:ليه بتلعبين عليه.تراه مرتبط
ابرار:انطم لا يسمعك..لا بس انا مشبهه عليه وابي اتذكر
سامي:عايلته الماسي
ابرار شهقت:يقرب حق اسيل الماسي؟
سامي:وانا شدراني اخلصي بعدي
ابرار:خويك بيدخل بس انت لا
سامي تكتف:وليه ان شاء الله؟
ابرار:لانك قليل الادب ولسانك طويل
زياد سحب سامي وهمس باذنه:شفيك على البنت..انت تعرفها؟
سامي:أي
زياد:شلون ومين هاذي؟
سامي:بعدين بعدين بقول لك

قال لابرار:ترى اذا ما دخلتينا بقول لمحمد
ابرار:يامامي بيقول لمحمد..تصدق بصيح
سامي:يلا عاد ابرار عن النذالة..بالله ما اطسر الخاطر انا وخوي قاعدين بهالبرد
ابرار تنهدت:عشان تعرف ان قلبي طيب بدخلك بس قسما عظما يا سامي لو ازعجتني مرة ثانية ماتلوم الا نفسك فاهم
سامي:فاهم يا ابلة
ابرار طالعته باستحقار:ادخل بس لوعت كبدي

دخلو سامي وزياد..وابرار طلعت هي اصلا كانت بتطلع بس حبت تنقعهم شوي...

سامي:ول ذلتنا
زياد:مين هاذي؟
سامي:ابرار بنت خالة محمد
زياد:بس شكلها تعرفك
سامي:أي احنا جيران ولما كنا صغار كنا كل نلعب مع بعض انا وهي ومحمد...بس عليها لسان اعوذ بالله
زياد:ههههههه... واضح انها تكرهك
سامي:ههههه..شعور متبادل
زياد:بس حلوة
سامي بقرف:وعع ايش الي حلو فيها هاذي بجه والحلا بجه ثانية
زياد:لا عاد حرام عليك البنت من جد حلوة
سامي((بس مو احلى من الي شفتها))..اقول بس خليك بترف حقتك
زياد تنهد:يعني لازم تذكرني
سامي:بدينا النكد..اصلا انت المتسبب
زياد:اقول بس خلنا نروح عند محمد مت من البرد
سامي:أي والله يلا ندخل

*****************************

بالسيارة عند ابرار...

ابرار بنرفزة:اوف سخيف..تافه..اكرهه

رن جوالها..ردت بدون ماتشوف الرقم...

ابرار بعصبية:خير
اسيل:يوه شفيه الحلو زعلان؟
ابرار مدت بوزها:السخيف..التافه اكرهه
اسيل:مين هاذا..ليكون بسام..(قالت بحدة)..شنو سوى فيك قوليلي وانا اوريك فيه
ابرار:لا مو بسام...سامي
اسيل باستغراب:مين سامي؟
ابرار بحقد:ولد جيرانا
اسيل:هههههه وليه تقولينها كذا..شنو سوى فيك؟
ابرار:انتي وينك الحين؟
اسيل:بالبيت
ابرار:خلاص بجي لك الحين وبقول لك..احس اني مخنوقة
اسيل:شدعوة شمسوي فيك...تعالي بسرعة
ابرار:ياشين اللقافة
اسيل:هههههه بسم الله عليك عاد
ابرار:عن التطنز خلاص دقايق واكون عندك
اسيل:اوكي
ابرار:باي
اسيل:باي

سكرت الجوال بقهر وهي تتذكر شكل سامي الي ينرفزها..دايم يحطمها وينرفزها..من يوم ماكانو صغار وهي تكرهه وهو يكرهها..

ابرار:اخ لو تطيح بيدي ياسامي..مايفكني منك الا الرشاش

**************************

طلعو من عند محمد وركبو السيارة...طول الطريق ساكتين ومحد تكلم..زكل واحد فيهم باله مشغول..ومايدري ان الثاني باله مشغول بنفس الي في باله...

حس برجله تصقع بشي...سامي نزل راسه لعند رجله عشان يشوف شنو الي رجله صقعت فيه...رفع ميداليه وشاف فيها صورتها..فتح عيونه على وسعهم مو مصدق الي يشوفه قدامه...

سامي بصدمة:زياد
زياد باستغراب من لهجته:نعم
سامي:مين هاذي

زياد التفت له عشان يشوف شنو عنده...تفاجاء لما شاف صورة ترف بين يدينه..اخذها بسرعة ورجع علقها عند المراية...

زياد:وين لقيتها؟
سامي للخين ماثرة عليه الصدمة:طايحة

زياد سكت ورجع يطالع الطريق..

سامي بتردد:مين هاذي؟
زياد تنهد:ترف

سامي انصدم اكثر..معقولة كان يفكر بحبيبة صديقه..ومو أي صديق..زياد...

زياد استغرب سكوته..لف عليه وطالعه...استغرب وهو يشوفه سرحان وجهه ما عليه أي تعابير..حتى انه ما علق على السالفة...

زياد:سامي
سامي:........
زياد رفع صوته:سامي
سامي انتبه:نعم
زياد:شفيك..بشنو سرحت؟

سامي طالع بزياد وهو يحس بالندم..مع انه ما حبها بس لمجرد انه فكر فيها وانها عجبته..زياد صديق عمره والي كان معاه بكل شي..يجي الحين ويخونه..

زياد لاحظ انه سكوته طول:سامي شفيك؟
سامي:زياد سامحني
زياد:على شنو؟
سامي بلع ريقه:كل شي
زياد ضربه على راسه بخفة:ماسويت شي..ولا تصير نكدي

سامي ابتسم بهدوء...

زياد:ترى وصلنا لبتك بتنزل ولا نروح نتمشى
سامي:لا انا تعبان بروح انام
زياد:سلامتك من شنو؟
سامي:ولاشي بس احس بصداع
زياد:فجاة كذا؟
سامي:شفت شلون
زياد:على راحتك

نزل من السيارة بس وقفه صوت زياد...

زياد:سلملي على ابرار
سامي ضحك غصبن عنه:ههههه يوصل

حرك سيارته ومشى...سامي ظل بمكانه ويفكر..

سامي يكلم نفسه:انا الحين ليه مضايق نفسي..انا ماسويت شي بس فكرت فيها..التفكير موعيب ولا حرام..اوف

دخل للبيت وقرر يروح ينام ...يمكن يرتاح شوي...

****************************

وصلت لبيت اسيل ودقت عليها...

اسيل:هلا ابرار وينك ماجيتي؟
ابرار:انا عند الباب
اسيل:طيب ادخلي ليه واقفة؟
ابرار:لا مابي..انتي تعالي
اسيل:لابرد مابي
ابرار:يلا عاد احس اني مخنوقة ابي اطلع
اسيل:اموت واعرف وش سوا لك هالسامي هاذا
ابرار بحقد:الله ياخذه لا تنطقين اسمه تعالي بسرعة ذبحني البرد
اسيل:طيب خلاص دقايق البس عبايتي واجيك
ابرار:بسرعة انا انتظرك بالسيارة
اسيل:طيب باي
ابرار:باي

*********************************

منسدحة على سريرها وتلعب بشعرها وتكلمه بالتلفون...

سحر:اليوم كلمت اختك
وليد باستغراب:اختي؟
سحر:ايوه هاجر
وليد:مين كلمت الثانية؟
سحر باستغراب من سؤاله:انا كلمتها
وليد بصراخ:وليه تكلمينها؟
سحر استغربت اسلوبه:وليد ليه تصرخ علي شفيها يعني لو كلمت اختك
وليد هدى شوي:مافيها شي حبيبتي بس اختي مغرورة وحقودة واخاف تقط عليك كلمه وتجرحك
سحر:بلعكس اختك مرة حبوبة
وليد:طيب لا تكلمينها
سحر:وليد شسالفة؟
وليد:مافي شي بس سوي الي اقوله لك
سحر:لا مايصير قولي ليه تسوي كل هاذا؟
وليد عصب:خلاص لا تناقشيني

سحر عصبت من اسلوبه المفاجئ هي امها ماترضى لها تصرخ عليها هالمرة وليد....

قالت بنرفزة:اوكي باي
وليد حس انها زعلت:تكفين لا تزعلين
سحر بدلع:انت الي تصرخ وتهزئ وماتبيني ازعل بعد
وليد:انا اسف ماراح اصرخ عليك مرة ثانية
سحر:طيب انت ليه معصب؟
وليد:مو معصب بس....يعني هاذا جزاتي الي خايف عليك منها
سحر:يعني ماراح تقول لي الحقيقة؟
وليد:صدقيني هاذي الحقيقة انا قد مرة كذبت عليك بشي
سحر:no
وليد:خلاص اجل سوي الي اقولك عليه
سحر:طيب لو دقت علي؟
وليد:بسيطة لا تردين
سحر:شنو بتقول عني
وليد:تقول الي تقوله شعليك منها من اهم يعني انا ولا هي؟
سحر ابتسمت:لا اكيد انت
وليد:فديتك وربي انك تهبلين
سحر بدلع:وليد
وليد:لبييه
سحر:احبك
وليد:وانا امووووت فيك

****************************


**************************

بالسيارة...

اسيل:هههههههههههه
ابرار:وتضحكين بعد احر ماعندي ابرد ماعندك
اسيل:رقي المنجا وشفيك انتي
ابرار:شلون تبيني اروق وهاذا واقفلي هنا_(وهي تاشر على حلقها)
اسيل:عادي سخافة العيال ماقيها شي
ابرار:بالذمة اسيل انا صوتي خايس
اسيل:بالعكس يجنن بس هو غيران
ابرار:من يوم احنا صغار وهو دايم يتعمد ينرفزني
اسيل:وانتي وش كنتي تسوين؟
ابرار مدت بوزها زي الاطفال:كنت ابكي
اسيل:هههههههههههههههه
ابرار بعصبية:اسيييل
اسيل وهي تحط يدها على فمها:طيب خلاص ماراح اضحك

ابرار طالعته بنظرات زي نظرات الاطفال وكانها شوي وبتيكي...
اسيل ماقدرت تتحمل وانفجرت من الضحك....

ابرار:تدري الشره علي مو عليك
اسيل:هههههه خلاص خلاص ههههههه
ابرار ضربتها بالشنطة:انطمي بس
اسيل:خلاص طنشيه
ابرار:انتي لا تتكلمين
اسيل:يالبي على الدلع ترى مو لابق
ابرار طالعتها بنظرات ماليها الشر:لا تخليني اطلع حرت سموي فيك
اسيل:ههههههه لا خلاص توبه
ابرار:انتي شفيك اليوم مرشوش عليك غاز الضحك بس تضحكين
اسيل:ههههه انا نفسي مدري ليه اضحك
ابرار:الحمد الله والشكر
اسيل:انا اموت واعرف كيف هالبسام قص عليك وخلاق تصدقينه
ابرار:وااااي فديته هاذا وجه اطالع فيه مو القرد سامي
اسيل:اقول لاتضيعين السالفة شنو قال لك؟
ابرار:قالي ليه تركني
اسيل بستهبال:والله احلفي
ابرار:عن التطنز
اسيل:اندري عنك ادري انه قال لك ليه بس انتي ماقلتي لي ليه
ابرار تننهدت:كل من ربعه الخمة
اسيل:وربعه وش دخلهم؟
ابرار:هم الي حشروه علي وقالو له اقطع ايدي لو ماكانت تكلم غيرك ومن هالكلام ومرة شافني انا ومحمد وعشان كذا صدقهم..(حست بغصة وهي تنطق كلمتها)..بعدين تركني وتزوج بنت عمه الي ابوه غصبه عليها
اسيل:وهو ليه ما سالك عن محمد؟
ابرار:على قولته كان خايف اني اكون عرفه جد وماكان يبي ينصدم فيني لانه يحبني
اسيل:اها..طيب انتي شلون بترجعين له..قصدي زوجته
ابرار:لا هو طلقها من زمان
اسيل:عنده اطفال منها؟
ابرار:اثنين
اسيل:اثنين؟
ابرار:أي(ابتسمت)بنته سماها على اسمي
اسيل:الله الله ما اقدر على الحب
ابرار ضربتها بالشنطة:انطمي بس
اسيل:بعد تستحين ههههههههه والله ظحكتيني يا ابرار
ابرار:ليه وش سايفتيني ان شاء الله
اسيل وهي تطالع الطريق:خليني ساكته احسن
ابرار:اسيل ووجع وش قصدك؟

اسيل طنشتها....

ابرار:تطنشين بعد هين انا اوريك

قربت من عندها وجلست تضربها..واسيل تضربها لين طارت الشيلات والنظارت والبرستيج طبعا انمحى قدام السواق..خخخ

*****************************

كانت جالسة وتقلب بالتلفزيون بملل..مافي شي كل البرامج سخيفة...حطت على محطة الاغاني وكانت اغنية تامر حسني(عيونو دار)...

حبيبي يا..كل الحياة
اوعدني انك..تفضل معايا

متغبش عني..خد البي مني
خليك حاضني لحد النهاية

دا عيونو دار..جنة ونار
ضحكة نهار..اجمل رموش

شدوني ليه وان دوبت فيه
وازاي وليه ماتسالوه

الله عليك وانت واقف بين ادي
ضحكة عنيك بيها بنسى الدنيا ديا

لو يوم يغيب..يلقى حبيب
يحلم معاه ويحس بيه

حفضل انا احلم هنا
يجمعنا يوم واحضن عنيه

الله عليك وانت واقف بين ادي
ضحكة عنيك بيها بنسى الدنيا ديا

دمعت عيونها وهي تسمع كلمات الاغنية مع صوت تامر حسني الي يسحرها...تذكرت عيد ميلادها لما رقصت هي وزياد على الاغنية..تذكرت كلامه لها وقتها...لما وعدها انه راح يضل معاها لو شنو ماصار وهاذا هو باول مشكلة بينهم تخلى عنها...

ترف((خاين..اكرهه))

تذكرت شكله وهو حاضن بتول بين ذراعه..تذكرت وقتها كيف انقهرت وانهارت وبالاخير جاي يقولها وبكل بساطة سامحيني...كيف تسامحه وهو جرحها..وهو لما بس شك ان بينها وبين خالد شي.. اتهمها بالخيانة وقال انها حقيرة وكذابة...

ترف((ماتستاهل حتى افكر فيك يازياد...لو شفتك مرة ثانية بثبت لك اني نسيتك وان امرك ماعاد يهمني ولايعني لي شي))

حست باحد يدخل من الباب..التفتت عشان تشوف مين..وكانت الصدمة....

ترف بصدمة وهي مو مصدقة الي تشوفه قدامها:عمي؟
ابو زياد بدون نفس:هلا يا...انتي أي وحدة؟
ترف عوجت بوزها وقالت بصوت واطي:حتى اسمي مايعرفه لا بالله وصلنا خير
ابو زياد:انتي وش تقولين؟
ترف بسرعة:ها...لابس اقول انا ترف..حياك عمي استريح
ابو زياد بغرور:انا في بيت اخوي يعني بيتي مايحتاج احد يضيفني

ترف((هاذا شفيه...الحمد الله والشكر))

ابو زياد بصراخ:ليه واقفة روحي نادي خواتك
ترف انتبهت له وخافت من صراخه:اوكي اوكي
ابو زياد:الناس يقولون ان شاء الله مو اوكي لاكن الشره مو عليك على الي ربوك..الحمد الله والشكر امحق تربية

رحات للاصنصير بسرعة قبل لا يكمل كلامه وهي مستغربة عمها اول مرة يجي لبيتهم..ان شاء الله خير بس...


****************************

دخلت ام لينة للصالة وتفاجات لما شافت ابو زياد...

ام لينة:سعود؟
ابو زياد طالعها بستحقار ووقف:اوه الحمد الله على السلامة متى طلعتي من سجن السفاحين انا استغرب كيف يطلعون مجرمين مثلك مايخافون على افراد الجتمع ههههه؟
ام لينة استحقرته طول عمره كذا يقط كلام ولا يثمنه:حياك
ابو زياد:ماجاوبتي على سؤالي..متى طلعتي؟
ام لينة تاففت بداخلها منه:من زمان تبي تفهمني انك ماتدري
ابو زياد:ادري..بس مايهمني
ام لينة جلست على الكنبه الطويلة:طيب ليه تسال؟

ابو زياد طنشها وقعد يطالع بالبيت...
تنرفزت من اسلوبه البايخ..بس سكتت عنه...

****************************

نزلت ترف وقلت امها جالسة مع عمها...

ترف بصوت واطي:الله يستر بس ماقال لها شي يضايقها

دخلت للصالة بهدووء...

ابو زياد بعصبية:انتي ماتفهمين مو قلت لك نادي خواتك
ترف خافت من صراخه:مو موجودين كلهم طالعين
ابو زياد:معذورين(طالع ام لينة)مالقو من يحدهم

ترف طالعة امها بنظرات يعني طنشيه وام لينة ردت لها النظرات بهدوء...

ابو زياد:لينة وينها؟
ترف استغربت انه سال عنها هي باذات:بغرفتها
ابو زياد:ودامها بغرفتها ليه ماناديتيها يالغبية
ترف مدت بوزها:عمي انا مو غبية
ابو زياد:الا غبية ونص انقلعي روحي نادي اختك

ترف صعدت لفوق بنرفزة من اسلوب عمها السخيف...

ام لينة:هاذا بدال ما تسال عن بنتك تسال عن لينة
ابو زياد:انتي انطمي ومابي اسمع صوتك

ام لينة نا استغربت اسولبه بس هالمرة زودها شنو يقول لها انطمي شنو شايفها اصغر عياله..بس قررت تسكت وتعدي الليلة على خير...

وقفت عند الدرج ودقت على اسيل بس ماردت..

ترف:يووه هاذا وقتك بعد

سركت منها ودقت على سحر الي كنت بالمطعم مع وليد وامه واخته..

سحر قامت من الطاولة:عن اذنكم
وليد بصوت واطي:وين؟
سحر:اختي داقة علي
وليد:اوكي

سحر ابتسمت لهم وطلعت من الكبينة...

هاجر:والله البنت حلوة يا وليد
وليد:حلوة وحقيرة
ام هاجر:وش تبي منها دامها حقيرة؟
وليد:مزاج انتي مالك دخل دامك تاخذين فلوسك كاملة تنطمين ولا تفتحين حلقك..وانتي(وهو يوجه كلامه لهاجر)اسمعي اذا دقت عليك مرة ثانية لاتردي وربي لو دريت انك مكلمتها بدون ما ادري ماتلومين الا نفسك فاهمة
هاجر عوجت بوزها:زين عاد درينا ذليتنا

وليد كمل شرب الببسي الي قدامه....

وليد:دام بفلوسي اجل بكيفي

هاجر وامها ناظروه بستحقار مستعد يسوي أي شي ويدفع كل شي بس عشان يوصل للبنت حتى لو كلفه هاذا عمره....

سحر:الحين عاد؟
ترف:شسوي عمك يبي كذا
سحر:شكله انهبل
ترف:لا والي مجنني انه مصمم يشوفنا كلنا وخصوصا لينة ليه مدري
سحر:طيب خلاص بلا حنة بجي الحين
ترف:لاتطولين
سحر:طيب خلاص يلا باي
ترف:باي

رجعت للطاولة واستقبلها وليد ببابتسامه ملينة حب..ردت له الابتسامة باحلى منها..

سحر وهي تاخذ شنطتها:عن اذنكم لازم اروح للبيت الحين
وليد:وين؟
سحر:عندنا مشكلة بالبيت ولازم اكون هناك
ام هاجر:عسى ماشر؟

وليد دزها من رجلها يعني بلا لقافة وماله داعي تسالين...

سحر ابتسمت:لا ان شاء الله خير((ان شاء الله))..يلا عن اذنكم
وليد:طيب بوصلك
سحر:لا ماله داعي
وليد:نعم لا حبيبتي ما اخليك تروحين لحالك بصراحة اخاف عليك

سحر ابتسمت باحراج وخصوصا ان اخته وامه هنا....

وليد مسك بيدها وطلعو من المطعم...

هاجر:يمى حرام الي يسويه هالحقير بالبنت
ام هاجر:وانتي شعليك اهم شي ناخذ فلوسنا كاملة وكاش
هاجر وهي تشرب الببسي:معاك حق

*******************************

بعد ساعة الكل تجمع بالصالة..وكل واحد على وجهه علامة استفهام..

ابو زياد بدون نفس:شخباركم؟
ترف وسحر:بخير
ابو زياد:كان باقي وحدة فيكم؟
سحر:باقي لينة
ابو زياد:انتو شكلكم مطولين وانا وراي شغل...اسمعي انتي(وهو ياشر على ترف)قولي حق اختك ان......

*****************************

جالسة بغرفتها وتنتظر اللحظة الي تجي فيها امها وتقول لها ان فيصل جا وخطبها..للحين مو مستوعبة ان فيصل بيخطبها..

دخلت ترف تركض للغرفة..فتحت الباب بدفاشة مو من عادتها...لينة تخرعت لان الباب صقع بالجدار بقوة..

لينة:شفيك؟
ترف وهي تاخذ نفس:لينة...في واحد خطبك من عمي

لينة وقفت وهي مو مصدقة الي تسمعه..فيصل وفا بوعده وجا يخطبها قالت بدون ما تحس بنفسها...

لينة:موافقة
ترف:زين لحظة اكمل
لينة:خلاص مابي اسمع شي انا موافقة وراضية فيه بكل عيوبه
ترف:بل لهدرجة تبين تفتكين مننا
لينة:هههههههه لا مو كذا بس....
ترف:خلاص خلاص خليني الحق على عمك قبل لايروح

نزلت بسرعة لتحت تبشر عمها بموافة لينة...

لينة رمت نفسها على السرير وعلى وجهها ابتسامة حلوة...

لينة:يعني خلاص انا وفيصل صرنا لبعض..مافي شي ممكن يفرقنا ابد

خذت جوالها ودقت على فيصل...

لينةباستغراب:غريبة جواله مقفل؟...يمكن عنده اجتماع

جات لها امها وهي مبتسمة...

ام لينة:مبروك حبيبتي
لينة ردت لها الابتسامة:الله يبارك فيك
ام لينة:تركي بكرة بجي مع اهله عشان يخطبونك رسمي
لينة اختفت ابتسامتها وقالت باستغراب:تركي؟
ام لينة استغربت مزاج بنتها الي تغير فجاة:أي تركي..شفيك؟
لينة وقفت:تركي الي خطبني؟
ام لينة وهي عاقدة حواجبها باستغراب:أي
لينة تجمعت الدموع بعيونها:وفيصل؟
ام لينة باستغراب:مين فيصل؟
لينة صارت تدور بغرفتها وحابسة دموعها بعيونها:مايصير كذا المفروض فيصل الي يخطبني..مو تركي

ام لينة ظلت ساكته ومستغربة ومو فاهمة ولا شي...

لينة نزلت دموعها:كذاب ليش يكذب علي يقولي بيجي وبعدين يجي تركي.. شلون؟

ام لينة ما فهمت على بنتها..بس واضح انها متضايقة..قربت منها وضمتها..

لينة بعدت عنها وهي تبكي....

لينة بصراخ:كل منك..انتي السبب
ام لينة باستغراب:انا؟
لينة قربت منها وصرخت بوجهها:أي انتي كل منك لما قلت له ان امي خريجة سجون تركني..اكيد يعني مين يبي يناسب وحدة امها خريجة سجون

ام لينة طالعت بنتها وهي مو مصدقة الي تسمعه منها..معقولة لينة تقول كذا...

ام لينة:انتي الي تقولين كذا يالينة؟

لينة حست بالندم من الي قالته بس هي منهارة ومو مصدقة الي صار..ارتمت بحظن امها وبكت....

لينة:سامحيني يمه..بس هاذا فيصل الي راح..فيصل(ما قدرت تتحمل وانهارت بالبكي)

ام لينة:خلاص حبيبتي اهدي
لينة طالعت امها بترجي:يمه مابي تركي..تكفين قولي لعمي ما ابيه
ام لينة:بس انتي وافقتي
لينة:مابيه مابيه
ام لينة:طيب خلاص لا نزعلين نفسك انا الحين بدق على عمك وبقول له
لينة:يلا دقي الحين..تكفين بسرعة
ام لينة:طيب طيب

طلعت من الغرفة ولينة رمت نفسها على السرير وبكت من كل قلبها...

لينة((ليه تسوي كذا يافيصل..ليه تخوني..مو انت قلت لي انك تبيني حتى لو كل اهلي سفاحين..ليه الحين تتخلى عني))

رفعت جوالها ودقت عليه..على امل انها تفهم هو ليه سوى كذا...
لاكنه مارد...

لينة رمت الجوال بعصبية:طبعا ماتبي ترد..مالك وجه

سمعت صوت صراخ من تحت وفجاة انفتح باب الغرفة حقتها بقوة...

ابو زياد بصراخ:نعم نعم انسة لينة..وش امرتي؟
لينة راحت له وقالت له بترجي:عمي تكفى مابي تركي
ابو زياد:مو انتي وافقتي؟
لينة:أي بس..كنت احسب انه....
ابو زياد قاطعها:اقووول لا يكثر هرجك وانطمي...حلوة ذي كنت احسب..كنتي تحسبينه وشو؟

لينة ماقدرت تتكلم انهارت بالبكا....

ابو زياد وهو يطلع من الغرفة:بنات اخر زمن

ام لينة راحت لبنتها وضمتها...

ام لينة:خلاص حبيبتي اهدي

لينة زادت بكي...
اسيل دخلت وباين عليها انها سمعت كل شي...

اسيل قربت للينة:مو بكيفه..اذا جا تركي قولي له انك ماتبينه
ام لينة:شنو انتي بعد تقول له ما ابيك وهي الي موافقة
اسيل:عاد تقول له وخلاص
ام لينة:انتي اسكتي ولا تشيشين اختك

اسيل طلعت من الغرفة وهي متنرفزة هاذا جزاها انها تبي مصلحة اختها وتبي تساعدها...

**********************************

بعد اسبوع...

صارت تطورات كثيرة بالنسبة للينة..تركي جا وخطبها رسمي وهي وافقت بعد مافقدت الامل بفيصل لانها صارت تدق عليه كثير وهو مايرد...

*************************************

كانت جالسة بالغرفة وتقرا بكتاب دايم تقراه..تحس انه يريحها...
تذكرت فيصل..مرة حكت له عن الكتاب وانه يريحها وقال لها انه صار يحب الكتاب عشان هي تحبه وكل يوم قبل لا ينام يقراه ويتذكرها...دمعت عيونها بس مسحتهم بسرعة...

لينة:ماتستاهل يافيصل ولا دمعة تنزل عشانك...اكره...

ماقدرت تكمل الكلمة لانها مو من قلبها...

لينة((قلبي مايطاوعني اقولها..ببساطة لاني للحين احبك))

ماقدرت تتحمل وبكت...

بس تركي تثبت لها انه طيب وحبوب ولازم تنسى فيصل لو شنو ماصار...وهي بدت تحاول تنساه...

عدت على خير....

عدت على خير ياقلبي..نسيناهم
مافي داعي يا قلبي تعيد ذكراهم

الي نسو عشرة ايامك وخانوها
ننساهم احنا مدام احنا عرفناهم

عدت على خير ياقلبي..نسيناهم
مافي داعي يا قلبي تعيد ذكراهم

ياقلبي لو مرة لك ذكرى محبتهم
فضل جمر بعدهم عن ورد جنتهم

والي ارخصو عزتك..ارخص معزتهم
يتحملون الي خانونا خطاياهم

عدت على خير...عدت على خير

يعطيك العافية