تجي يارب .. تجي يارب ..

..صباح الخير إذا كنا صباحاً..
..ومساء الخير إذا كنا مساءً..<<لا تلومون من كثر فرحتي إني قضيت من الامتحان"امتحان ملعون فيس" ضاربة الفيوز ..

بصرااااااحة هذا أول موضوع لـ♥شموخ العز♥ــي ..
قصيــدة .. أعجبتني .. وحبيت أنقلها لكم ..
وإن شاء الله تعجبكم ..

على موعد بلهفة جيت .. لا مانع ولا تأخير
لفيت من العصر هايم مع إن الموعد المغرب
وجتني بس أنا مدري .. شعرت الجيه هذي .. غير
وهي تقرب من عيوني احس إن الممات اقرب
وقلت:الله يهونها .. عسى في جيتك لي خير
أنا من شفتك اقبلتي وأنا خايف ومستغرب
على كثر الحكي مدري .. كأنه خانها التعبير
قالت لي جمل واشياء لاتكتب ولاتعرب
هدت فجأه تطالعني .. وأنا في حاجه التفسير
لجل نحكي بهدوء اكثر سألت الحلوة :وش تشرب
وصاحت بي ..أنا أحبك.. ولك في هالحشى تقدير
وتدري ان المثل فينا .. وفي احساسنا .. يضرب
صحيح انك "وفـــــــي" وانك "بــــــــــرئ" من تهمة التقصير
ولكن ذي عوايدهم من ايام وزمن يثرب
تكون البنت لابن العم .. ورغبات الكبار تصير
وتدري الاقربون اولى مع انك للخفوق أقرب
وتدري للقدر كلمه .. لعادات الأهل تأثير
لذا أرجوك تتركني .. وأنا من دنيتك بهرب
شعرت بحكيها كنه قصاص وامر بالتعزير
شعرت الدنيا ضاقت بي .. من المشرق ليا المغرب
مشت خلت وراها طفل مايدرك وش التدبير
يحسب ان الغرام .. اشعار شاعر .. واغنية مطرب
ضحكت وما قدرت اني الاقي لضحكتي تبرير
من اللي بوقتنا مره .. ضحك من لدغة العقرب
رفضت استوعب اللي صار ولا استسلمت لتغيير
ثمان سنين .. اجي نفس المكان بحزة المغرب
برغم أن الثمان سنين جرح .. وكلفتني كثير
أنا لليوم آجي وادعي .. تجي يارب .. تجي يارب

نحب ونعشق بجنون ,,
ولاندري مايخبئه لنا الزمن ,,


شموخ العز ,.,...,
حروف ,, كلمات
كونت اجمل الابيات الصادقه
شفافيه امتازت بحزن عميق

يسلموووو حياتي على الابيات المميزة فعلا
نقل يدل على ذائقه شعريه شفافه وشاعريه

اعذريني فروعة الابيات والاروع انتي
الجمت حروف قلمي

تقبلي مروري المتواضع

أنا لليوم آجي وادعي .. تجي يارب .. تجي يارب


قصص الحب لا تنتهي

شكراا على اختيارك الحلووو

عزيزتي

اهلاا وسهلاا بك اختاا عزيزة في قسم الشعر والخواطر
منوره المنتدى باطلالتك يالغاليه

يعطيك العافيه ويسلم ذووووقك ياشموخ العز
مشاركه اكثر من رائعه بروعة تواجدك..
ننتظر الاروع
تحياتي واحترامي

ولكن ذي عوايدهم من ايام وزمن يثرب
تكون البنت لابن العم .. ورغبات الكبار تصير
وتدري الاقربون اولى مع انك للخفوق أقرب
وتدري للقدر كلمه .. لعادات الأهل تأثير
لذا أرجوك تتركني .. وأنا من دنيتك بهرب




اختيار رائع أختي (شموخ العز)

يعطييك الف عااافيه على هالقصيده الي اعجبتني
مررررررره..
وبدايه موفقه واختيار رائع..

لاتحرمينا من هالذائقه الشعريه الي تحمل الأبداع
المميز..

بأنتظار جديك..


تحيــــــــــاتي..