تابع الجزء الثاني(ليلتك لما لاتكون من وحي الطبيعة2)

قبل كل شيء متابعينا وضيوفي الجدد بطرحي المتواضع

قبل كل شيء كان ودي أعطي الطرح حقه بس غصبن عني مع اني محضرة كل الأفكار المدعومة بالصوربس الكم كبير والأفكار يبي لها طرح مطول يعني أنا بطرحه عشان ماتأخر عليكم أكثر

فسمحوا لي على أي تقصير

نرجع لموضوعنا مازلنا نستوحي حفلتنا من الطبيعة
خلصنا من الورود نرجع نبحث بموجودات الطبيعة وبعرض لكم رد كان لي عن طلب عن حفل زواج من هالسياق

وبضيف عليه

طبعاً أذكر اني شديت حيلي بالرد بالمقابل اللي سألت الله يذكرها بالخير

مافتكرت أطل على الموضوع تعطيني رأيها وفعلاً الواحد يبغي يساعد بس ترى يحز بخاطره لو شد حيله وضاف وشل وحط وبالأخير اللي طرح التساؤل مايفتكر يطل على الموضوع !!!

يعني هاي جزا اللي يحب يخدمكم بدون مقابل مانقول إلا يوفقكم الله جميع

فكرة زواجي على شكل غابة اللون الغالب اخضر فساعدوني

اقتباس   المشاركة الأصلية كتبت بواسطة بريق الفجر هالحركة حلوة لو حابة أتكون أطراف المناديل مربوطة بأوراق الشجر مثل ذي ومايمنع لو حابه أتضيفين عليها حياة أتحطين بالنص حبة كرستال أخضر أو إذا كنتٍ حابه أتسوين صواني للتوزيع وحابه أتبدعين بتزينهم ممكن أتلبسينهم مخمل أخضر مثل ماهو دارج بهالفترة وعلى أطراف الصينية ينربط ورق الشجر بهالصورة وينضاف له كرستال وإذا حابه جو الغابة والجو العشبي أختاري مفارش لونها أخضر وتكون مقطعه بورق الشجر مثل ذي والستاند خليه غصون شجر بنيه وضيفي عليها الليتات اللي تولع وتطفى بتعطي جو ساحر بالقاعة

اقتباس   المشاركة الأصلية كتبت بواسطة بريق الفجر باااااااااااااك أنا رجعت وأنتٍ مارجعتٍ حبوبة مادري إذا أفكاري عجبتج أكمل يعني ولا !!!! بخصوص الكوش حبوبة أحس إن شكل غابة وكرسي فيها بتكون بشكل موحش يعني بما إنك عروسة حلوة ونعومة بتكونين وسطها لازم شيء نعوم رقيق يناسبج فأقترح يكون الكرسي على هيئة أرجوحة من الورد كأنها بوسط غابة وأنتٍ حطي وردة كبيرة بشعرج على جانب تسريحتج وليش ماتخلين شك الفستان من غصون الشجر بس طبعاً أبيض بأبيض ماأفضل أندخل ألوان لأن هاليوم الوحيد اللي بنلبس فيه أبيض خالص فاتحة خير لأيامنا جعلها دوووم بيضاء يارب وحوالين الأرجوحة شجر وزهر وإضواء مغطية الشجر تولع وتطفي مثل أستاندات غصون الشجر لي عودة بس بعد ماشوف تعليقاتج إذا أكمل ولا

هي ماردت عشان أكمل لها لكن لعيونكم بكمل إن شاء الله

وهاي صورة كوشة وعرس من أجواء الغابة



ستاندات الغابة ممكن تكون



وألحين بنجول بمكونات الطبيعة فيه كائنات حية خلقها الرحمن وفيها إبداع خلقي سبحان الله بتكوينها ممكن نستوحي منها

أنشوف الفاكهة



ممكن عناقيد العنب أستهلكت وايد حسب ظني

بس الكرز بعد له شكل جمالي !!!

مع الذهبي مع الأخضر مع ألوان كثيرة تعطيها بريق ورونق

بعد التفاح وعندي صورة توضح



والبرتقال بعد



الشكل الجمالي يكمن لو قطعناها شرايح تعطي منظر حلو لو كانت الستاندات فازات زجاج فيها شرايح برتقال مع ماي ملون وبالقمة ورد

والكوشة تكون عبارة عن كرات ورد نازلة برتقالية

وشموع اكسسورات

وصواني التوزيع ممكن انضيف بالنص



قشر برتقال بشكل جمالي وبداخله شمعة

الفكرة ذي تناسب برتقال أو ليمون لأنهم عيال عم

وهاي لو كان العرس ليموووني
حتى لو برتقالي بعد الحركة تنطبق



التايقر أستهلك بشكل فضيع




وطبعاً عارفين إن التايقر مع الفوشي رائع

التايقر مع الفيروزي

التايقر مع الأحمر


كلها تطلع تراكيب حلوة مع التايقر بس استهلك بكثرة

هو والطاووس

ممكن أنضيف زواج من الزيبرا


طبعاً ماشفت زواج زيبرا فقلت صعب أركب فحاولت أدور صور أتقرب لكم تمازج الألوان اللي أقصده



زيبرا وموف



الزيبرا والأحمر يجنن

وأضيف إنه مع الفوشي بعد روعة

حاولت أدور صور توضيحية ماحصلت


وتوجد كائنات حية ممكن نستوحي منها ديكور حفلة ممكن ماتناسب عرس

بس حفلة أطفال عشا بسيط ديكور إستقبال ولادة



اللي هو

ليدي بيرد

من فترة أفكر وأتخيل حفل بديكورات ليدي بيرد الأحمر المنقط بأسود

ولمضيفات فساتين منقطة وايد أشياء ممكن نستوحيها لهذي الحفلة

حتى المدخل يكون على نفس شكل راس الليدي بيرد وفيه جوكلت ينباع ليدي بيرد

يعني أشياء كثيرة ممكن نستوحيها منها

وحتى شكل النحلة

بعد لو لحفلة أطفال


سمحوا لي ودي أكمل أفكار

بس عن جد موقع التحميل وايد وايد تعبني وايد يشير علي

والموضوع يبغي جهد كبير لأن الأفكار كثيرة بس صعب أفصل بكل شيء

فأي شخص حاب شرح توضيح إضافة أنا حاضرة

بس لأني مابي اتأخر عليكم وأبي أكون قد وعدي

أنتظروني بالجزء الأخير سعدت بطلتي عليكم

وأتمنى اني كنت ضيفة خفيفة عليكم

وسامحوني عالتقصير معاكم

كان مفروض اعرض صور توضيحية أكثر لأن مركز التحميل وايد ضيع وقتي !!!

فسمحوا لي

ماشاء الله عليكي بريق

دائما متميزه في مواضيعك

يعطيكي العافيه على مجهودك

وافكارك جديده وحلوة

وهذه مررررره عجبتني الحركه

ما شاء الله..
الله يبارك فجهودكم ان شاء الله ..

افكار جدا رااااااااااااااااااائعة
الله يوفقكم واتمنى المزيد

جزاك الله خير

افكار مميزة ومتنوعة ترضي الاذواق

وتناسق الالوان ساحر

دام ابداعك

ننتظر الباقي من الحركااات الحلوووة

يسلمووووووووووو يارب

سمحي لي حبيبتي كان ودي أضيف أكثر بس وايد مزحومة وكل فكرة يبي لها طرح مستقل حتى أعطيها حقها

وإن شاء الله الجزء الأخير يرضي كل الأذواق

حبيبتي

وبخصوص فكرة الزيبرا والموف ممكن تستغل بأكثر من جانب حتى فكرة هالجدارية ممكن تستغل حبيبتي كل شيء ممكن نستوحي منه فكرة جديدة

وتسلمين على طلتك اللي ميزت طرحي حبيبتي والحمدالله إن أفكاري راقت لذائقتكم حبيبتي

جزاكم الله كل خير على دعواتكم الطيبة يالطيبين تشرفت بطلتكم