لعيون الحلوييييين أطلالة حلوة جديدة^_*

هلا ومراحب

ياحلواااات لعيون مشرفتنا فتاة الظل أنحاول أنزل ولو أشياء بسيطة جداً جداً من ماهو محفوظ عندي من أرشيفي بالفلاش وعقبال ماأدور بالكاميرا لأن خبركم بنوتات مشغولة هالفترة وايد وأن كان عندي كم مشروع بالمطبخ مافي وقت أصور أنتوا أدرلى بالحاله


المهم حبيباتي مايصير

أنا صايرة الشيف اهنيه احم احم لأن محد ينزل تطبيقات مصورة وأنا الصراحة ناوية أخرجكم زوجات مستقبليات متحضرات ومتطورات بالإضافة لذلك مبدعات مطبخيات عاش مصدق نفسه

يعني بداية هالمقدمة الطويلة العريضه يلزمنا تطبيق عملي منكم حبيباتي

وأنا بادية معاكم بالسهل جداً

يالله فتاة الظل سوي لهم مسابقة أحسن تطبيق مطبخي خل يشدون حيلهم

حتى ماتكون فيه حجج وكلها أشياء مايبي لها فرن بعد يعني كل شيء سهل

المقادير/

/ حليب نستله..
1 /زبده
2/ بسكويت شاهي
نصف علبه جالكسي السائله (أو نوتيلا كلاهما وجهان لعملة واحدة)
الطريقه/نطحن البسكوت ويكون ناعم..

ونضيف معاه علبه النستله والزبده بعد ما نذوبها وراح تكون مثل العجينه
ناخذ نصف الخلطه (العجينه) ونفردها على القصدير
ويكون فيه شوي زيت علشان ما تلصق الخلطه بالقصدير

نذوب الجالكسي بحمام مائي
وناخذ شوي من الجالكسي ونحطه فوق الخلطه اللي فردناها



نحطها بصينيه وتدخل للفريزر
بعد ما يجمد الجالكسي نطلعها ونلفّها بشكل اسطواني


بعد الانتهاء من لفها تدخّل للفريزر
ونطلعها وقت التقديم ويزال القصدير عنها
وتقطع قطع متساويه
والنصف الثاني من عجينه البسكويت و يعمل بنفس الطريقه
وتقدم بارده مع القهوه
وهذا شكلها النهائي

(ملحوظة )

عاد بريق والرقة الزايده عن اللزوم عقب ماحطيتها بالفريزر وطلعتها كنت مستعجلة مانطرتها تلين شوي فأخذت السيف _( داخلة حرب)أقصد السكين هممت بتقطيعها بس ماقطعتها عدل لأنها طلعت روحي يابسة ماتقطع بالساهل لأن يبي لها عضلات والشغاله كانت محد وقررت أعتمد على نفسي وماأستنجد بحد عشان جيه شوي ماتحسون شكلها متساوي لاتعيبون علي ماكان فيني حيل الصراحة قولوا سويتي كشخة مب معفس قولوا ترى بذعل

تسلم عيونك
اكيد شكلها يجنن مو يكفى انها من بروقه
والله يعينك ويسهل عليك يارب
معذوره والله وعارفين انك مشغوله بس جزاك الله خير
بين كل فتره تنزلي لنا موضوع ومن يدك الحلوه
واكيد لذيذه انا جربت وصفه قريبه منها طلعت مره لذيذه

بروقه اغلب الوصفات اللي انزلها مجربتها
والصور انقلها لانه مااعرف انزل صور ان مصورتها

والمسابقه نفسي اسويها بس ابغى اشوف تفاعل في القاعه وانزلها

والله يعطيك العافيه ولاتحرمينا من وصفاتك الرائعه
ولاتخافي مابنعيب في تقطيعك بس بنضحك هههههه
(امزح والله معاكي مانقدر على زعلك )وشكلها وتقطيعها
حلو وتسلم يدك

هلا وغلا حبيبتي منورة ياأميرة النوووور أنتٍ

ومحد يجنن إلا أنتٍ حبيبتي وعقبال مانشوفج محتاسه مثلنا قريب ياربي

وبخصوص اني انزل شيء إن شاء الله بحاول لعيونكم بإذن الكريم

ومايكون سويت بالمره القادمة أخاف ارفع عندكم السكر بعد اسم الله عليكم بروحكم حلوات بعد أأكلكم حلو مايصير

وبخصوص تجاربج ممتازة دامج اطبقين وعن الصور فديتج ترى السالفة سهلة ومايبي لها تعقيد اذا بالجوال يكون عندج بلوتوث بالجهاز وتنقلين الصورة له وإذا بالكاميرا تركبين الوصلة بالجهاز وتنقلين الصورة كل شيء سهل فديتج مايبي له تعقيد

وبخصوص المسابقة أنتٍ جربي نزلي موضوع جس نبض وشوفي الإقبال إذا حصلتي متقدمات وايد تشجعي ونزليه

لازم خبرج شبكة أفراح مب بس تخرج عرايس مفروض أتخرج زوجات مستقبليات بكل المجالات

والله يعافيج ويسلمج وعن تقطيعي احم احم أشكرج جزيل الشكر أدري اني خطيرة والشيف رمزي بنفسه يعجز أنه يقطع كل قطعة غير عن الثانية أنا مبتكرة أكثر منه كل قطعة لها حجم غير عشان الضيوف مايملون فيه ناس يحبون القطع الكبيرة وناس يحبون الصغيرة فأنا أنوع (اترقع السالفة)

الله يعطيك العافيه أختي

شكلها حلوه مره وسهله بعد

تسلم يدينك

مشكوووووووووووووووورة

تسلمون على اطلالتكم الحلوة

وحضوركم الراقي