بنت النور.,.,.,.,,

إذا بكتب بقايا سطور

أكيد الكون كله يدور

وإذا بكتب شعر وبحور

أكيد تكون بنت النور

وإذا كان الزمن ضدي

وتكلم عالمي المجبور

وإذا كان العشق خدعه

بحطم مابقى من سور

وإذا كان المكان أوهام

أبحرق مابقى من دور

وإذا كان الهوى كذبه

بدمر قلبي المكسور

وإذا جار الزمن والناس

أبسكن في حفر وقبور

وإذا مات الوفا صدفه

أبخنق فيني كل شعور

وإذا ماطاعني وقتي

أبرحل في سما وبحور

تعبت ومابقا بي حيل

وصارت ظلمتي كالنور

حسافه والله ياقلبي

خذلك الوقت وجاك بجور

لعب فيك الزمن وإنته

ضعيف وخاطرك مكسور

عطيت الناس كل حبك

وباعوك بثمن مغرور

وشريت الناس بإحساسك

غشيم وماعرفت الزور

وهم خانوك لو تدري

وكنت بعالمك مبهور

عطيت إحساسك وقلبك

وغيرك بس عطاك قشور

خلاص إصحى تعبك النوم

وشوف الدنيا كيف تدور

وشوف بعينك أحبابك

رموك بعالم مهجور

أبصرخ بكل مافيني

أبى أبكي والبكا معذور

بحطم كل معاني الخوف

وأبرسم ورده وعصفور

وأبكتب تحت هاللوحه

حبيبي ضمني بشعور

أنا بردان ياقلبي

أنا خايف من المستور

وأنا حران ياروحي

وفيني للدموع نهور

خلاص أرجوك لاتبكي

ولا تشكي ترى معذور

أنا لوبيدي خبيتك

وبعيوني تصير النور

وأنا لوبيدي أعطيتك

بقايا من بقايا شعور

حبيبي كفكف دموعك

كفايه دمعك المنثور

فديتك يا بعد ناسي

فديتك يابدر لبدور

أعز الناس إنت وبس

وغيرك لاحشا معذور

أبي أحكي ابي أصرخ

أبي أعلنها للجمهور

وأبي كل البشر تعرف

حبيبي بشر بس من نور

ياقلبي شوف من جانا

ياقلبي شوف ذاك النور

تبي تعرف منو هذا

ياقلبي هذي بنت النور



بنت النور ..... مـع تحياتـي ..... عـادل الـبـدر