بعد فتره من غيابك ليه بالله اتصلتي ؟؟

دلــــــــــــع

بعد فتره من غيابك ليه بالله أتصلتي ~ .~



بعد فتره من غيابك ليه بالله اتصلتي ؟

من ثلاث شهور شلي رجعك يعني وصار

ما انتي عشتي كل هالفتره ولا حتى سالتي

وش حصل هالحين ؟ قولي وعلميني باختصار

ليه؟ دام انك رجعتي اليوم ليه اصلا رحلتي؟

يعني الدعوه بكيفك او مزاجية صغار

الا يمكن صار لك حاجه بعقلك والا انهبلتي

وانقلب وضع العلاقه من علوه لانحدار

ولا ماصدقتي اني عشقتك حتى ثقلتي

او كلام الليل فعلا معك يمحيه النهار

يوم قررتي بليا سابق انذار اعتزلتي

جاحدتني كن مالي دور في صنع القرار

وادري انك لا صملتي في قراراتك صملتي

ما تردك دمعتين وكسر خاطر واعتذار

احتملت اللي لو انك في مكاني ما حتملتي

ووالله لو اني عرفتك ما عرفت الانهيار

انكسار وضيق صدر ومشكله لا من زعلتي

وان رضيتي فالمصيبه ضيق صدر وانكسار

ضعت مدري ويش اسوي فيك لكنك وصلتي

مرحله خلتني انسى كبريائي والوقار

صدقيني لو فعلتي في حياتي مافعلتي

مابيدي غير احبك واعشقك اكثر واغار

يكذب اللي قال عندي ماطلعتي ولانزلتي

باعتبارك في عيوني مايجاريه اعتبار

انتي اصلا من وطيتي في مساحاتي وحللتي

صرت احس اني مساحه من بياض ومن خضار

مثل الاسطوره واظنك من خلال اسمي دخلتي

صفحة التاريخ لكن كنتي اسطورة دمار

مجرمة حب قتلتيني لو انك ماقتلتي

يكفي اني قمت احس برغبتي في الانتحار

كل ما اذكر كلامك لي على الجوال قلتي

كل واحد في طريقه لي مسار ولك مسار

اذكر اني كنت ساكت وقتها حتى قفلتي

واختنقت ومادريت الا وانا افك ازرار

والقط انفاسي وانا اسأل ليه ياروحي فشلتي

كانت اول تجربه معقوله اسأت الاختيار

افترقنا واعتقد من بعد فرقاي انشغلتي

وافتكرتيني من بعد ما جار وقتك واستدار

كيف حالك ؟ وانتشلتي :اتصلتي تسأليني

جثتي من قبل اموت من القهر والانتظار

ايه انا في خير لكن ودي اعرف ويش نلتي ؟

من سواتك لا ضربتي عشرتي عرض الجدار

انفصلتي واستقريتي لحالك وانتقلتي

طالعه برغبتك من دار واصبحتي بدار

بس انا في نار عشت وتهت من يومك رحلتي

حتى في لحظة كتابة هالقصيده عشت نار

عندما غبتي ثلاث شهور ما حتى سألتي

اجل آن الاوان يفترض سدل الستار: قلت

وقبل لا اغمض عيوني وبثواني اتصلتي

لجل تنعاد الحكايه كن مابه شي صار

---

fu] tjvi lk ydhf; gdi fhggi hjwgjd ?? hjwgjd fhggi fu] ydhf;

لحن القمر

كلمات في غاية الروووعة
الله يعطيك العافية ان شاالله

دلــــــــــــع

يسلموووو لحن القمر على احلى مرور,,,,

دبدوبه بس حبوبه

كلمااااااااااااااات روووعه جداً

خـفـ الشوق ـوق

اختي دلـــــع



شفافة حروفكِ كروحكِ الجميلة دام هذا النبض

وسلمت أناملك ..

وسلمتي لنا ..

تقبلي فائق إحترامي وتقدير لكِ ،،

السبيعية

مبدعه أختي

الله يعطيك العافيه

نبــ الإحسـاس ـع

اســ الشوق ـــير

نادر ما ادخل على قاعه الشعر والخواطر
لكن لفت انتباهي عنوان القصيده

حقيقه بغاية الروعه
ابيات جميله لاحظتها تنطق وليست تقراء
كباقي الابيات
ابدعتي اتمني لك التوفيق

تقبلي مروري

فتاة الظل

دلـــــــــــــــــــــــع,,
اسجل اعجابي الشديد بروعة مواضيعك
حضور قوي ومميز
دمتي بتميزك
تقبلي مروري المتواضع

آهاااااااااات

كلماااااااات في الصميم

دلووووووعه

حروفك الجمت حرفي وكلماتك سلبت روحي

مهما قلت ومهما كتبت لن اوفيك حقك

اشكرك على ماخطته اناملك من ابداع

دمتِ لنا ودام قلمك المعطاء بود

اختــكـ / آهاااااااااات