ياهي قووــــــــــــــــــــــــ وووويه

يا هي قوووووووووووووووووووووووووويه


أكـره فـصـول العـشـق بالمسرحـيّـه
لانّ الـفـراق يـكـون فيـهـا النـهـايـه
ماجيـت بلعـب مـعـك دور الضحـيّـه
هـذي حياتـي صـدق مـاهـي روايــه
وشلون ابشـرح وأنـت كـل القضيّـه
مـتـخـرّج ٍ فـيـنـي بـعـلــم ودرايــــه
يـا صاحبـي والظلـم فـي العنجهـيّـه
مــن يقـنـع الظـالـم بتغـيـيـر رايـــه
خـلـك معـايـا كــان تـبـغـى المـعـيّـه
عمر العشق ماصـار حكـي ودعايـه
صعب الخويّ يـروح ويتـرك خويّـه
وانـت السفـر عـنـدك أكـنّـه هـوايـه
لحظـة وداعـك يـوووه ياهـي قويّـه
والـلـي يـزيـد الـهــم كثرالـوصـايـه
لا توصّنـي مـانـي بحـاجـه وصـيّـه
ولا تهزّني وتقـول حـرص وعنايـه
والـلـي وهـبْـك الـحـب مـنـي هـديّـه
واللـي عطـاك الحـق بامـر الـولايـه
واللي وضع لك شـان وسـط البريّـه
والـي خلـق حسنـك .. وخـلاك آيــه
انّــي احـــس الـبـعـد عـنّــك مـنـيّـه
ويلي لاصـار المـوت رغبـه وغايـه
يــا معـذّبـي ارجــوك إرفــق عـلـيّـه
نصف العشق تعذيب ونصفه رعايه
لا تـذنــب ْبـحـقـي وخـــلّ الخـطـيّـه
يالله عـســاك تـــدلّ درب الـهـدايــه
احلـم انـا بلقـيـاك .. واحـلـم بجـيّـه
وتقـول لـي:- تعبـان ذقــت الكفـايـه
واقول لك "بـي عنـك" هـات الاذيّـه
الاّ السـفـر دامــه "بـدايـة نـهـايـه"



فيصل الخالد