ياصاحبي لك عين تسأل وش مزعلنـي عليـك.!
المشكله ياصاحبـي لاصـرت ماتعـرف خطـاك
المشكله مااقدر علـى ثـاري ولااقـدر اشتكيـك
تبغى السبب؟ عندي حياء..والا انت ماردك حيـاك
ابعد ترى كل الجـروح اللـي تثنـت مـن يديـك
واللــه ماتبـرى ولاانساهـا ولـو جيـت بـدواك
اول وانا كنت احتمي بك وانت لاجيـت احتميـك
والحين ماتفرق معي .. هي من متـى تفـرق معـاك!
لا جيتني كنت احتفي بك حتـى لاغبـت احتريـك
واستغفر الله لو تموت الحيـن مااحضـر عـزاك
اخطي على نفسي ولاارضى بالخطا منـي يجيـك
جيتك بوجهي وانت يـوم اقبلـت تعطينـي قفـاك
ارميك مابيعك لـو انـي بالغـلا كنـت اشتريـك
هذا كلام اللي رحل واشره على مـن عـاد جـاك
لاعاد تسـأل وش تبـي باللـي نسـاك ولايبيـك
لو جيت عاني هنا..اتـرك هنا..وارحـل هنـاك
الله ياساتـر علـى الدنيـا وياسـاتـر علـيـك
(كل اللي سويته معي) وتقول ماتعرف خطااااك
{ ... انا بنت ورثت العزه من ابوها لجدها!!! .. }
