سلام عليكم
انا جبت لكم قصائد لشاعر الاندلس:ناصر القحطاني
اتمني اذا تقدرون تجيبونهم لي بصوت الشاعرنفسه
( عنود الصيد )
حبيبي طال موالٍ يجيب الهم والتنكيد
عسى الله ما يخلي لي خليل إن كان خليتك
يا بو عذرٍ يشابه ضحكة الأطفال يوم العيد
أنا أبكيتك حشا واللي فتني فيك ما ابكيتك
حرام بعينك الدمعة حرام بصدرك التنهيد
حرام البرد يمضغ راحتينك ما ترضيتك
تعال وكل جرحٍ فدوتك يا اقرب من التضميد
اشوفك من زمان وقدر المولى وحبيتك
من اول مرةٍ شفتك تمنيتك وكنت السيد
وتمنيت أني أصلا يوم شفتك ما تمنيتك
تخيل كيف سكّنتك وخليت القريب بعيد
وروّح كل عاشق يحلم ببيت ٍ مثل بيتك
فداه من البيوت اللي يمل ويعشق التجديد
يا عمري شف وهو قلبي متاني فيه وصيتك
أسج وتنقلب ضوضا الشوارع في عيوني بيد
واجيك ويرتعش في خافقي عصفور لا جيتك
دخيل الطلة اللي كل ما جت فوق ذاك الجيد
دريت أنك طموحي يا طموح ما تعديتك
حشا ما مرني يومٍ صبوح .. إلا أنت بالتحديد
تراك الصبح في عيني من أول ما تهجيتك
نسيت أن الرسايل من يدي كانت تسفر ليد
تكحل لك مساك وعطرها يحييك ويميتك
نسيت أنك ظفرت بزفرةٍ تستاهل التمجيد
ولا تلحق جزاها لو تجمّع لي تناهيتك
نسيت اني وضعت الشمس في كفك وعفت الغيد
وحطيت القمر في كفك الثاني وخاويتك
أنا لي ذنبك .. وللذنب عذر .. وللعذر تمهيد
ولك خيل الرضا تصهل بصوتي يوم ناديتك
تمتع بالغلا ياللي يسمونك عنود الصيد
والا يا كثر ما غرتني حروفي وسميتك
حبيبي .. لا سقا الله عرفي اول قبل أجيب العيد
سقا الله يوم طشت .. الا سقا الله يوم حبيتك
=====================
( تناساني )
حبيبي ماكفاني في الحضور الصوت والصوره
ولاطفت لهيب الشووق ثنتين تحلاني
سقى الله ليلة فيها القمر غاب وطفا نوره
بعد ماسلمك يانور ليلي وجهه الثاني
سقى الله يوم كان الحب غصن نقطف زهوره
عسى الريح اللي اومت به تنام ويسعد الجاني
حبيبي علها تكبر جروح منك مغمووره
نصيب جابني لك...باتجاه الشمس وداني
ذخرت اغلى شعور وكل خفاق ومذخووره
لعينك يالجريح المستريح القاصي الداني
وشلتك داخل الوجدان حمل لذ لي جوره
ولو اشغلتني واشغلت بي تفكير خلاني
اب اولع لك الدنيا قصايد عشق منثوره
واب اعزف لك نغم للحب ياقيثاره الحاني
عليك عيون ناس وكل قلب ضاق بشعوره
تمنتك العيون وجيت ياعيني تمناني
احبك....كيف مااحبك...وانا اللي لك بنى سوره
على جمر يدفي بارد اشجانك من اشجاني
حبيبي والمشاعر فيك مختاله ومغروره
تدلل...وانت في ساعه غلاي اليوم وحداني
واذا ملت خطاك الدرب مسموحه ومعذوره
تناساني دخيل الحب لو تقدر تناساني
------------------------------
][`~*¤!||!¤*~`][ غاده ][`~*¤!||!¤*~`][
جيت يا كثر السوالـف والقصايـد
الـدلال مبهـره لعيـون غــاده
جيت اسمرها واحـط لهـا وسايـد
من شجـون قتلهـا للبـرد عـاده
جيت اغنـي والغـلا كلـه ودايـد
عل ذيك النار مـا تصبـح رمـاده
جيت ابي من وصلها جروح جدايـد
القديمـه ملهـا الليـل وســواده
مثل مـا ملـت عتيقـات القلايـد
وجيت البسها من اشعـاري قـلاده
غيرها ما ابي رخا وقـت الشدايـد
ولا تبي لحـدن بعاشقهـا شهـاده
ان رظت ما اظن يرظي الناس كايد
لو تظايق ظـاع مفتـاح السعـاده
كم لقيت اللي لقيـت مـن النقايـد
من نصيب طولـت كبـوة جـواده
كم قظى ليلي وانا اطـارد شرايـط
الدموع لحاف والهاجـس وسـاده
لا عنـد تحنـان ولا الصبـر فايـد
قلت اسوق الدرب يكفينـي جـلاده
وجيت اصب الشوق يوم الشوق زايد
عل خاطرهـا خـذا منـه مـراده
والا انا لـي تالـي اللقيـا عوايـد
قهوة مـن جمرهـا سكـر زيـاده
--------------
]]][]السوالف[][[
السوالـف ياجنينـي طاولـنّـي
والعرب تالي نسوا حسن الضيافه
والخوارج من تدني فـي تدنـي
والبلد مليـان تهريـج وطرافـه
والحياه اكبر من اللي مس ظنـي
واوسع من احلام الانذال التوافه
والقصايد صنعتي والفـن فنـي
والقوافل ماتحسـب الا المسافـه
ليه اعبّـر غاديـات عارضنـي
وصك شحاذ على باب الصحافـه
ماخذيتـك ياجنينـي بالتبـنـي
ولاغذيتك الاحـس لـه رهافـه
حط في بالـك قبـل ماتحتضنـي
مانت باللي ينتقهوى باختطافـه
لك علي مادمت منك وانت منـي
ماتمرّك غيـر الانسـام بلطافـه
وان دخل بك في ظلام الليل جني
لاتخافـه لاتخـافـه لاتخـافـه
كلبوهـا سورتيـن وترجهنـي
يطلع المعتوه ويجيـك اعترافـه
والله اني والله انـي والله انـي
من رجال في ملاقاهـم حسافـه
حقهـم ماياصلـه راع التمنـي
وانتصافتهم ماهيب أي انتصافـه
اتفيّا في ظـلال الغصـن كنـي
شايب رحّال شاف اللـي يعافـه
قلت خلوني على ليـلاي اغنـي
وازعجوا موّالي دعاه السخافـه
عصبه الخناس عشاق التجنـي
ملحقيـن اعمارهـم ذل وكلافـه
وش يبون الخاربين بقلع سنـي
آفـة لابـارك الله بـاي آفــه
لاسلام وكل نـذل يحـل عنـي
مابعد ملّت يـدي مـن النظافـه
والسفيه اللي من العـام متعنـي
ماترك حتى النعامـه والزرافـه
ان مدح وان سب والله ماشحني
اعتبرتـه تافـه وستيـن تافـه
والقصايد صنعتي والفـن فنـي
والبلد مليـان تهريـج وطرافـه
===============
][®][^][®][العروس][®][^][®][
خوية درب عمري ما خذانـي دونهـا النسيـان
وأنا يهل الملامة مـا رغبـت العيـش وحدانـي
ابيلي مهرتاةٍ ما عسفة صغيرة وبنـت أحصـان
أبوهـا إللـي يفـك المشكلـة وزبـن الجانـي
وأخوها لاتعزوى بسمهـا فـزو لهـا العربـان
يحقلهـا الفخـر فـي قولـة آل فـلان جدانـي
أبيهـا فـي بحـر عشريـن لازود ولا نقصـان
أبي هقصاً طويلة والوصوفـا أشكـال والوانـي
أبي الجبها كما الصبح وكما القوس السود الحجان
وابيهـا ناعسـات ونرجسيـه سـود الأعيانـي
أبي رمشاً كما ريشاً يغطي الثلـج فـي الاوجـان
وأبي جفنن يشيـل الرمـش طربانـاً وكسلانـي
أبـي خداًكمـا ورد تنمـا فـي طـرف بستـان
وأبي خشم صغير مثـل حـد السـف شامانـي
أبي البسمه كما البـق وثناياهـا كمـا المرجـان
وشفاهـا جمرتيـن وفمهـا خـاتـم سلمـانـي
أبي شعر مثل ذيـل الفـرس لا طبـت الميـدان
أو الشلال لا مـن بـات ليلـه بيـن الأمتانـي
أبي جيدن سواة تبريـك فضـه لأتقـن مليـان
وصـدرن كنـه مرايـه عليـه طلـع رمـانـي
أبي ظهراً كما الجدول وقداً مثـل غصـن ألبـان
وخصراً مثل مجـدول العنـان وجسـم رويانـي
أبيهـا نابيـة ردبـاً وبطنـاً ظامـرن جوعـان
أبيها مدمجت ساقـن وقدمهـا السـان ثعبانـي
أبيها بنت عـز مـن رغدهـا ينعـم الفستـان
أبي الرقة وأبـي الدقـة لهـا بطرافهـا شانـي
أبي المشيى كملي طالع مـن المعركـة كسبـان
وابيها ترش مـع خطواتهـا مسـك ور يحانـي
أبي صوت إلى مني سمعتـة كـن فيهـا الحـان
يدغدغ مسمعي ويثير كل السحر فـي اشجانـي
أبيها حب وخلاص و هواجيس وفـرح واحـزان
أبيهـا مثـل مادكتورهـل العـشـق وصـانـي
أبيهـا لوحـة مـا صورتهـا ريشـة الفـنـان
أبيهـا جوهـره مـا جابهـا قاصـي ولادانـي
أبيها تنتصر لـي مـن زمـان حطنـي ليشـان
وتبشـر بالغـلا إلـي مالفابـه واحـدأ ثـانـي
مهرها قلباً و شعـر يهـز القلـب و الاوجـان
والبسـه القصيـد وتصبـح اوزانـي وقيفانـي
أبي إلي فات والي فات صعب ومن لقا العنـوان
يرد العلـم والأأفضـل ابقـى أعيـش وحدانـي
-----------------
" يا بوي "
يا بوي أنا من ضوّك أشعلت ضوي
والله ما تفنـى ولـو كنـت فانـي
شربت علمك في مراحـل نمـوي
حتى قوى عودي وغنـى لسانـي
تذكر ضناك الحالم .. اللي ينـوي
صار أكبر منيّـة نوايـا وأمانـي
ياليت عمرك طوّل وعشت جـوي
وتشوف كيف أنجبت لك عمر ثاني
عشقٍ على حبل الوريـد متلـوي
لهواية التحليـق وحـدي خذانـي
ما ضقت كم باكر وأنا أقول تـوي
هـذا زمـان الغيـر ولا زمانـي
ودي تحـدّت هالنجـوم بعـلـوي
دام الثرى يحلـم بحـزة طمانـي
من لا دخل بين الرجـال متقـوي
ما ظمنتي يصهل صهيل الحصانـي
واللي على جال الضلوع متطـوي
تباشـري بمفارقـه يـا المحانـي
والله لا سوّي .. ثم أسوّي وأسوّي
ولا فـلا باسمـي فـلان الفلانـي
ماتوا عداي وصار وقتي عـدوي
لا بو دقايـق ساعتـه والثوانـي
أنـا علـى ذاك المكـان متـروي
بس الوعد لا قلـت هـذا مكانـي
---------------------
:::]] راسي[[::::
راسي ولو شح الزمـن ماحنيتـه
ماباقي الا انتـى توطيـن راسـي
رضيـت بالهـم وتعزبـت بيتـه
وصبري وعزة نفسي اهلى وناسي
يا مرحبا بالجـرح لـو ماقويتـه
الذل فـى وجـه عنيـد وقاسـي
ان طاعنى الخفـاق ولا عصيتـه
ماخنت فى يوم من الايـام باسـي
لعـل قلبـا مايثـور لـو نخيتـه
تصبح ركونه للمواجـع كراسـي
وان مرنى ليل الغـرام وسريتـه
لاتحسبين انى مع الوقـت ناسـي
جرحا بـرا وان مابـرا مانسيتـه
لو يمتلى من مويه العـذر كاسـي
تدرين راسـي للبشـر ماحنيتـه
لاانتى ولا غيرك بيوطون راسـي
=========================
((( يادارنا )))
يادارنا دام ابومتعب على الكرسي
يقرا على اهلك واراضيك آية الكرسي
لين السفينة على امواج البحر ترسي
تشتد الايام .. والديره سعودية
==============
==============
مافيه فارس بلا سيف وبلا هيبه
ومافيه والد بلا قلب وبلا طيبه
ومابه شرف مثل خدمة مكه وطيبه
تشتد الايام .. والديره سعودية
================
================
ياحلو قوله من اللي ماسمع قوله
لاحدا يساوم على الدين وعلى الدوله
وياحلو شوفة جموع الشعب من حوله
تشتد الايام .. والديره سعودية
================
================
ارواحنا رهن اشارة كفه الطايل
وقلوبنا له سواة اعقاله المايل
وأحلامنا تنتظر مجهوده الهايل
تشتد الايام ,, والديره سعودية
================
================
شعبه .. ونبغاه ونحبه ونحتاجه
ونجيه ونصارحه ونمون ونواجه
هذي معاريضنا فيها مية حاجه
تشتد الايام ,, والديره سعودية
================
================
ماتستقيم الديار ,, الا باهاليها
وبلادنا .. تتبع ولاة أمرنا فيها
بالروح والدم نفديهم ونفديها
تشتد الايام ,, والديره سعودية
============
~~~[[[ الفقيره ]]]~~~
يسعد صباح الفقـر ياللـي تذمّينـه
في ذمتي ما انتي من الفقر معـذوره
ماشلت هم الرغيـف اللـي تشيلينـه
كل الهموم لسـواد العيـن مذخـوره
مانتي فقيره تقوليـن اليسـر وينـه
ياقطعة السكر مـن الملـح ميسـوره
من علّم الجوري أنشـودة بساتينـه
من هز ريش النعاس اللي كسا حوره
من ذكر الخيزران اللي نسـى لينـه
من جدل الليل لين اختـال ديجـوره
سلسالك الفضي - اصلا - لو تزمّينه
ماراحت أكثر عقود الماس مغـروره
والأزرق الـرث ياملحـه ويازيـنـه
أبها من أرضٍ نهار العيـد ممطـوره
مستورة الحال بس القـاف تغرينـه
ليه اتنحّى واخلـي الحـال مستـوره
والله لأغنـي لفقـرٍ غنـت سنينـه
لين أيسر المترفات تمـوت مقهـوره
قالوا لي إن الجديـل اللـي تربينـه
معه تربيـت حلـمٍ فاحـت عطـوره
قالـوا بـذاك الركـن سـرٍ تخبينـه
ومرايةٍ مـن رداة الحـظ مكسـوره
لاينكسر مثلهـا الخاطـر وتشقينـه
تمنظري في المرايه حـي هالصـوره
مذكور جرحٍ ورى الأضلاع تخفينـه
وتحت المخده رسالة عشق مذكـوره
أثر الهوى جاي يسوق الشوق بإيدينه
غصنٍ جفاه اليباس وزف عصفـوره
يامن يكون الحبيـب اللـي تحبينـه
ياللي بوجه الليالـي ثـروره وثـوره
وقت مضى ملمـس اللعبـه تمنينـه
واليوم خضر القلوب ألعاب منثـوره
الحزن .. ليه العيون السود في عينه
والبحه اللي تـرد الـروح مذعـوره
فقرٍ ستيرٍ ولا ازكـى مـن رياحينـه
ولا نعيـمٍ فضـوحٍ تغـرق زهـوره
والميت اللي يبـي دعـوات حيّينـه
كنتي وصاته ونزفه وآخـر شعـوره
يازمة الغيـم ورخايـة هـدب عينـه
ماقلت لك ماانتي من الفقر معـذوره
===================>>>>>>>> يتبع
جميع الأوقات بتوقيت شبكه افراح 
قصائد لشاعر الاندلس:ناصر القحطاني 
العرض العادي
