تذكرتك بعد موتك بكيتك وانكسر رجال

تذكرتـك بعـد مـوتـك بكيـتـك وإنكـسـر رجــال
ونثرت بمجلسك حسره وقصيدة وجد لوصالك

أشيـل مـن الحـزن حمـلٍ تثاقـل تنقـلـه أجـيـال
وأنا ماينفطـر قلبـي كثـر حزنـي علـى أمثالـك

أخايـل طيفـك بعينـي وأنزلـهـا قــدر وإجــلال
لأنــك عـايـش بقلـبـي ورب الكـعـبـه لـحـالـك

ثلاث سنين من لحظةرحلت وحال مامـن حـال
أشوفـك بـس بأحلامـي وتبكينـي عـلـى فـالـك

غيابك موتي يغيابـك كأنـه صيـف دون ظـلال
أدور لـك مـن الذكـرى بقايـا رسـوم لأطـلالـك

رثيت الطيب من بعدك عسير وصار ماينطـال
أحسـه مـات مـع موتـك بعـد ماغابـت أفعـالـك

أحس الأرض من تحتي تنافـض يايبـه زلـزال
وأقول الحزن مارافـق بهالدنيـا سـوى عيالـك

بـكـت سجـادتـك فـقـدة جبيـنـك كــل ماينـهـال
بسجـودٍ طابـع الهامـه علامـه لطيّـب أعمالـك

ليامـن صـوت نجـرٍ دق أحــس بدقـتـه مــوال
أجيك أركض أحسب إنك تبي من يغسل دلالك

رحلـت وكـل ماباقـي حكايـا تنـضـرب بأمـثـال
وقصايـد كـل مـن حبـك حزينـه حيـل ترثـالـك

تذكرتـك كـثـر نــورٍ يـشـع بوجـهـك ويخـتـال
تذكرتـك كثـر نــاسٍ نـسـوك وكـانـوا رجـالـك

تذكـرتـك كـثـر نــاسٍ رفعـتـه للنـجـوم وطــال
وأشوفـه مـن بعـد موتـك تنكّـر فزعـة عقالـك

لـك الله مابكـاك إلا يتـيـم وكـنـت راس الـمـال
بكى لين إنعمـت عينـه حـزن لغيـاب مرسالـك

لــك الله مافـقـدك إلا رفـيـقٍ ظـامـه الـتـرحـال
تحدتـه الطـغـاة الـلّـي بمـوتـك خـانـوا ظـلالـك

لـك الله يايبـه مابـه بعـد موتـك بقـايـا رجــال
أظـن المرجلـه ماتـت يتـاج الــراس برحـالـك

خــذاك الـمـوت لـكـن الـوفــا يـاسـيـدي لازال
بقلبـي وجعـلـه الجلـطـه إذا هالقـلـب موفـالـك

كـذا سـوت بـي الدنيـا وكـذا سويتـنـي تمـثـال
لــوأدري بدلّـتـك فـرقـا فــلا جـرّبـت فنجـالـك

كـذا سـوت بـي الدنيـا وكـذا سويتـنـي تمـثـال
لــوأدري بدلّـتـك فـرقـا فــلا جـرّبـت فنجـالـك



قصيدة كلها احزان

الله يبعد الحزن عن الجميع ويرحم جميع أباء

موتى المسلمين

الله يعطيك العافيه أختي فتاة على الاختيار الرائع

اهئ اهئ اهئ

لقد ابكيتنا بهذه الكلمات المحزنة ....


اسأل الله ان يحفظ آبائنا ويرحم من مات منهم

سلمتي وسلم قلبكـ من الاحزان.....

لاهنتي


وصح لسان الشاعر وتسلم يدين الناقل






تحيتي

طامي

غاليتي الغاليه...
فتاة الظل

اسعدالله مساءك بكل الورد .. وتسلم يمناك علي
هذا النقل .. المميز رغم عمق حزنه..
ابدعتي كما انت دوماَ..
مع خالص تقديري وأحترامي لشخصك الكريم.
ودي يالغلا..

قــــــــــــلـــــــــ الوفاء ـــــــــــب

آهـــ يافتووووو


جروحي تنزفني أوجاعا من نزف المشاعر بين ابياتك


فكلماتك أبدعت في تمزيقي


فلا ادري ماذا اكتب وماذا اقول


بصريح العباره


نزلت دمعتي


وتوقف تفكيري

امواتنا هم عند ربهم .. تحت رحمته ..

انتقلوا الى من هو ارحم من الام على ابنها
الى خالقهم ومدبر امورهم
الى رحمن الدنيا والاخره


فلتبكي اعيننا على فراقهم وليفرح القلب لفرحهم فقد ...

,, انتقلوا من ظلم البشر ,, الى رحمن الدنيا والاخره ,,

(** معلومه حبيت اقولها انصح كل وحده منكم تقرأ كتاب "الروح " ماابالغ لوقلتلكم انه اروع كتاب قريته
فيه حياة البرزخ كيف تكون وربي تفرحون من قلوبكم وتخف رهبة الموت **)


السبيعيه ,,

الله يسلمك على المرور
الله يبعد الاحزان عن قلوبنا

دمتي بفرح

**********
حلوة مره ,,

يسلمو على المرور

***********

شموخ وانكسار ,,

يعطيك العافيه ياعسل على المرور
سلامة قلبك من الاحزان
انتظرك دوما لتنيري مواضيعي

دمتي بمحبه

**********
قلب الوفاء ,,

الله عليكي وعلى مرورك المميز دايما
ماني عارفه ايش اقول غير الله
.. لايحرمني منك ومن روعة ردوك ..

********

آهاااااااااات ,,

فديت قلبك
الله يبعد الاحزان عن قلبك
اعذريني على الالم اللي سببته لكي
اعتذر وبأسف شديد

تسلمين على هالقصيدة ... كلمات كلها حزن ...

الله يعطيك ِ العافية

الله يسلمك على المرور