___المصنع اليدوي 00 لصانعة الاكسسوار هنا وبس ___ ***مــــمــــيــــز***

بس ارجوا عدم الرد او المشاركه لغية ما اقول خلاص خلصت
اوك يا بنات بليزززززززز

يالا هنبتدي على طووووول
اول حاجه ازاي نعمل اللاكسسورا ده


الأول دي الحاجات اللي هنحتاجها

سلك نحاس

حلقتين صغيرين زي اللي في الصورة

خرز اسود متوسط الحجم
خرز (خرج نجف طويل) لونه دهبي أو بيج
للقفل نجيب الحلقة والعمود الصغير اللي بيدخل فيها

ست خرزات شبه الخرز الاسود بس دهبي

قطعتين النحاس اللي بيمسكوا الخرز والسلك

وفي الآخر حاجة صغيرة كده زي بنسة اسمها زَرَّادية مع شدة على الراء

دي شبه البنسة الكبيرة دي بتاعت النجارة تقريبا بس على صغنوووون

أهيه
الحاجات دي بقى منيييين؟؟

من عند أي محل خردوات أو أدوات الخياطة وبتوع الخرز

هما غالبا بيكونوا في مكان واحد جنب بعض بيبيعوا الحاجات دي يعني

وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا


نيجي للطريقة بقى

أول حاجة هنجيب واحدة من قطع النحاس مع السلك وتلات خرزات دهبي

ونربطهم بالشكل ده

أهم حاجة ماننساش في النص لازم يكونوا سلكين

ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر


نبدأ بقى بالجزء اللي في النص

وركزوا فيه
هناخد الأول خرزة سودا نحطها في السلكين

بعدها في كل واحد فيهم نحط واحدة خرج نجف عشان يعمل الشكل ده

بعدها نلف السلك حولين الجنبين ونضمهم في النص تاني

وممكن لو عرفنا بدل ما نلفه ندخله في الخرز الاسود على الجنبين

أهم حاجة ناخد بالنا من طول السلك يكون طويل شوية لو حبينا نقصره نقصه عادي

بدل مانعمل ومايكفيش في الآخر


بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا

وتاني نفتحه باتنين خرج نجف ونلفه وهكذا بقى

في الآخر بتوصل بالشكل الجميل اللي شفناه ده بعد مانوصل القفل من الجهتين

دلوقتي هنعمل ان شاء الله مع بعض حلق ظريف بالخرز الأحمر

وده شكله



وبرضه هنستخدم الزرادية اللي قلتلكوا عليها قبل كده

عشان نقدر نتني السلوك بتاعتنا بالشكل المظلوب زي ما هتشوفوا معايا

بعد كده الحاجات اللي هنستخدمها كالتالي



سلسلتين بالحجم اللي شايفينه في الصورة
نجيبهم من عدن بتوع الخردوات وأدوات التطريز

أو ممكن نعملهم بإيدينا بالسلك

خرز أحمر اتنين كبار و 12 حجم أصغر

سلوك على شكل دبابيس بس هي مش مدببة من تحت عادية مش بتشوك

هنجيب منهم 14 واحد

ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا


الأول هشرحلكوا طبعا على فردة واحدة من الحلق واعملوا التانية زيها

هنجيب واحدة من السلسلتين

ونيجي عليها من نصها بحيث يبقى جزء أقصر من التاني
وندخل قطعة المعدن بتاعت الحلق في حلقة صغيرة فيها
بالشكل ده



بعدها نجيب الدبابيس (الغير مدببة)

ونحطها في الخرز زي مانتوا شايفين كده وبعدين من الناحية التانية نتنيها

ونخليها على شكل حلقة

وطبعا لو طلعت طولة شوية نقصها بالزرادية



بعد كده هنحط الخرزة الكبيرة في السلسلة في الجزء الأطول

بالشكل ده



وبعدها نبدأ نوزع باقي الخرز الصغير زي ماحنا شايفين كده

طبعا الحلقة بتاعت الخرزة كانت مفتوحة شوية بعد مانركب الخرز في السلسلة

نبدأ نقفل الحلقات دي كويس بالزرادية





وكده نكون عملنا حلق شكله جميل وكمان بإيدينا

دلوقتي معايا شكل جديد

هو عبارة عن ميدالية ممكن تتحط في قلم زي كده



أو حتى نحطها في الموبايل


نبدأ كالعادة بالخامات اللي هنستخدمها معانا



هنجيب سلسلة باللون الدهبي أو الفضي زي ماتحبوا

بس طبعا المهم لون السلسلة يكون نفس لون الأسلاك اللي هنستخدمها

وهنستخدم مجموعة من الخرز الشفاف زي الموجود في الصورة
بمختلف أحجامه

اتنين لونهم موف كبار

ومجموعة ألوان على زوقكوا حجمهم أصغر شوية

ومعاهم خرزتين زي اللي استخدمناهم في الحلق

واتنين غيرهم برضه بشكل هندسي كده زي مسدس هندسي زي مانتوا شايفين في الصورة

وغيرهم ست خرزات لونهم دهبي على شكل وردة زي ماحنا شايفين في الصورة برضه

وفاكرين الدبابيس الغير مدببة اللي قولنا عليها قبل كده؟؟

هنستخدمها بس حجم أكبر شوية

وهنسخدم كمان قطعة اكسسوار دهب جواها زي جلد اسود أو كاوتش

عشان نلفها على أي حاجة عايزينها سواء سلسلة صغيرة للموبايل أو على القلم

ودي ممكن نجيبها من عند اللي بيصلجوا الشنط الجلد أو من عند برضه بتوع الخردوات

ومع الخامات دي هنستخدم مجموعة أدوات تسهل علينا شوية في تشكيل المعادن

أولها طبعا الزرادية وغير كده كمان حاجة شبه البنسة برضه بس أساسها كاتر

يعني بتقطع المعادن وشكلها زي الصورة دي

لو الزرادية بتاعتك فيها مكان بيقطع المعادن وكويس يبقى ممكن نسنغنى عن الكاتر ده

وفيه شكل تاني من الزرادية مدور شوية زي ماحنا شايفين عشان نقدر نتحكم في شكل الحلقات




ودلوقتي نبدأ مع بعض


نبدأ الأول بالدبابيس بتاعتنا نحط فيها الخرز بالترتيب وفي الآخر نعمل شكله حلقة زي الصورة



بعد كده هنجيب السلك وندخله في ناحية من الاكسسوار بتاعنا

وبعدين نلفه على السلك الناحية الأولى بالشكل ده



الجهة التانية من السلك اللي مش مربوطة بالاكسسوار طبعا هنربطها بالسلسلة

اللي عملناها بالخرز في الأول

وده بعد مانعمله زي قطعة الاكسسوار نلفه الأول حولين نفسه ونطلع زي حلقة منه

واللي هيتم ربطها بالسلسلة


وفي النهاية بيكون شكلها كده بعد مانحطها على القلم بتاعنا



وزي ماقلتلكوا في الأول ممكن نحطها في الموبايل
مع زيادة السلاسل بتاعتنا بنفس الطريقة مثلا

الأنسيال ده شكله جميل وبالرغم من انه لأول وهلة ممكن نقول صعب

لكن هتحسوا معايا انه في منتهى السهولة والبساطة

وممكن تستخدموا أي لون تحبوه

اللون اللي معايا دلوقتي الأورنج مع اللون البيج الفاتح أو السكري


الخامات:



هنستخدم سلسلة طولها حسب ما تحبي على أد إيدك أو أوسع حاجة بسيطة

ونجيب قفل عشان نقفل بيه الأنسيال

كمان هنستخدم الدبابيس اللي قولنا عليها بس المرة دي كتير شوية

وهنستخدم مجموعة من الخرز على شكل نقطة الميا لونها سكري حجم كبير وحجم أصغر
والباقي على شكل السمبوكسات (سمبوسك) لونها أورنج برضه حجم كبير وحجم أصغر

وهنستخدم مجموعة خرز لونه نحاسي صغير كفواصل بين الخرز بتاعنا

أول حاجة هنبدأ بيها هي أبسط حاجة

وهي تركيب القفل بتاعنا في السلسلة عن طريق الزرادية

ونقفل الحلقة بتاعته كويس أوي



بعد كده هنبدأ في تركيب الخرز

الأول نجيب دبوس من الخامات اللي معانا وندخل فيه خرزة سكري
وبعدها الفاصل النحاسي وبعدها خرزة أورنج
زي الصور بالظبط


وبعد كده نتنيه بالشكل ده

ونعمل حلقة عشان نوصلها بالسلسلة بالطريقة دي

وندخلها في السلسلة بتاعتنا كده

ونلف السلك بتاع الخرز حولين نفسه بالشكل ده ركزوا عشان صغير مش باين أوي

ونقفل اللفة كويس على السلك بالشكل ده


ونكمل باقي الخرز بنفس الطريقة لحد الآخر مع تبديل الأولان مرة الكبيرة السكري ومرة الكبيرة الأورنج



ممكن الحكاية دي تاخد وقت شوية بس أكيد في الآخر هي بسيطة وشكلها كمان جميل أوي


وده الشكل النهائي للأنسيال





انا لسه مخلصتش
استنوا شويه بجهز الباقي

جبتلكوا معايا حلق شكله جديد موت




وكالعادة هنبدأ بالخامات اللي معانا

أول حاجة معانا هنجيب سلكين معدن أتخن من اللي استخدمناهم قبل كده
تخنه اتنين مللي تقريبا أو مللي ونص



عشان نعمل بيهم الشكل الأساسي للحلق اللي معانا

ومعاه الحلقتين أو المعدنين اللي بيتركبوا في أي حلق عشان نلبسه في ودننا

وزي ماقلت قبل كده ممكن نشتريهم جاهزين أو نعملهم بادينا بالزرادية

بعد كده هنحتاج خرزتين على شكل اسطوانة صغيرة زي اللي في الصورة

وأربع خرزات صغيرين باللون الدهبي

ومش هننسا الزرادية بأشكالها ولو مش بتقطع نجيب الكاتر cutter الخاص بالمعادن




الجديد دلوقتي هو الشاكوش (شاكوش؟؟)

أيييوة



شاكوش صغير خاص بمعادن الاكسسوارات ممكن تلاقوه برضه عند بتوع الخردوات أو تسألوه على مكانه

يعني لو مالقيتوهوش مش مشكلة أي شاكوش وخلاص

ومعاه قطعة معدن عشان ندق عليها السلك اللي هنشكله

طبعا لو عندكوا بدالها ترابيزة متينة (مش محتاجينها ) مافيش مشكلة



نيجي للطريقة

هنبدأ الأول نشكل أطراف السلوك اللي معانا بالزرادية على شكل حلزوني بالطريقة دي


بعد كده نبدأ نتني السلك ونركب فيه الخرز بتاعنا

زي الصورة كده



وبعد مانحط الخرز في السلك نبدأ نلفه من طرفه التاني

عشان يقفل على الخرز بالشكل ده


طبعا ماحدش يقوللي بعد كل ده ان الحلق هيطلع شكله مستقيم ومظبوط زي الصورة

أكيد هيبقى شكله ملخبط وملوي من كل حتة والحلزونة جاية يمين ورايحة شمال

هنبدأ ندق عليها بالشاكوش عشان تتفرد وشكلها يتظبط

كأننا بنكويها يعني




في النهاية بيكون ده شكل الحلق



والطريقة بسيطة وسريعة في نفس الوقت يعني مافيش أحلى من كده

ودى الأدوات المستخدمة -اعذرونى ان الصورة مش قد كدة-


خيط بلاستيك أواسمه كمان خيط سنارة-لولى كبير لونين لولى صغير خالص لون واحد- قفل



الخطوات بقى:


1-هنجيب خيطين سنارة طولهم حوالى 80سم, وهندخّل فيهم ال 2 سوا اللولى الصغير كدة



2-لما نلاقى طولهم بقى مناسب نقوم قافلينهم بلولياية واحدة- يعنى نضم ال 4 اطراف وندخلها كدة




طبعا احنا بنشوف الدايرة اللى اتعملت دى مناسبة ولا لأ-يعنى هتدخّل صوبعنا ولا لأ-




3-هنكمل عليها بنفس الطريقة حوالى 1.5 سم كمان, كدة, بس باللولى الكبير بقى ونختم باللون التانى.



4-هنفرق الخيط تانى ونخلّى كل طرفين لوحدهم, وندخّل فيهم اللولى الوردى كدة.



-طول اللولى الأحمر اللى فات ده احنا هنقيسه على وش القدم, ولما نحسّه كفاية نوقف ونضم الخيوط ونقفل بواحدة بس-تانى-كدة


-ركزوا معايا شوية بقة دلوقت هنمسك الخيط ونتنيه لتحت بالمنظر دة فيظهر لنا شكل القلب



الخطوة اللى فاتت دى كانت بس عشان تتخيلوا معايا المنظر




7-هنفففففرق الخيط تانى وندخل فى كل ناحية لولى صغيركدة



طيب دلوقتى ايه هو الطول المناسب للولى الصغير ده؟؟


الصورة الجاية توضح




خدوا بالكوا بقى الصورة اللى فاتت, انا عدّيت من نقطة الأصل 8 لولى وردى من كل ناحية وبعد كدة دخلت الخيوط فى الولى رقم 8 عشان يثبت يعنى حاولوا تفهموا بقى!!




خلااااااااص احنا كدة تقريبا خلّصنا, هنكمل الخيط بقى باللولى الأبيض الكبير من الناحيتين



ونركّب القفل بعد مانشوف الطول المناسب اللى هايبقى على مقاس القدم


ودة الشكل النهائى

ررررروعة مشكورة

الله يعطيك العافية بصراحة حركات حلوووة واكسسوارت تجنن والمهم الطريقة السهلة
الله يسعدك ياذوووق

حركااات روووعه بالخرز

والخطوات واضحة

يسلموو الايادي