 |
||
|
|
||
  |
  |
 |
قوانين شبكة افراح التسجيل والمشاركه للنساء فقط مركز تحميل الصور
 |
 |
 |
 |
||||||||||
|
|||||||||||||
 |
 |
 |
 |
||||||||||
 |
|
|
LinkBack | أدوات الموضوع | انواع عرض الموضوع |
14-Jun-2008, 09:38 PM
|
رقم المشاركة : 1 | ||
|
|
بسم الله الرحمن الرحيم السلام عليكم ورحمة الله وبركاته أنا كـ شاب أعزب أشعث أغبر ما قد شفت الا شغالتنا <<كنها من عمال البلدية >>الله يكفينا شر خلقك ,,,,اقسم بالله اذا جابت صحن العشاء انه مايطب فمي.. ووينك يالمطاعم.... عموما نرجع لموضوعنا المهم والي لازم نجد له حل حتى لو وصل الامر ان نشتكي نحن معشر الشباب لحقوق الحيوان <<اسف قصدي الانسان والله دوبني احس اني انسان الحين لانه نحن مجتمع الشباب منبوذين ومحظورين من كل شي في هذا الوطن الغالي لانه الى الان لم يعترف بنا كبشر ,,,,,, في امريكا كانو الزنوج ممنوعين من دخول بعض الاماكن هناك ولكن قبل فتره اعترفو بهم من مبدا احترام الشخصيه الانسانيه ومعاملة الجميع معامله انسانيه فالف مبروك للزنوج وعقبال عندنا نحتفل نحن معشر الشباب بالاعتراف بنا كبشر ,<<ياليل مطولك ,,, والله شي يقهر تخيل ممنوع ندخل الاسواق عوائل <<البائعين رجال والاجانب يدخلون اذن فوضى والمنع ليس من اجل منع الاختلاط لان الاختلاط حاصل بوجود البائعين>> ولكن القائمين على هذه الاسواق هم اجانب يصدرون القوانيين بمنع الشاب السعودي من الدخول بينما الاجانب يسرحون ويمرحون ,,, والسبب في ذلك ,,,,عدم وجود قانون صريح وواضح بما يتعلق بالاماكن العامه وترك المجال لفئه من الدروز والاجانب لكي يعلمونا الاخلاق <<اين رجال الهيئه الشرفاء لماذا قلت متابعتهم للاسواق وخاصه عندنا في مدينة <<الرياض<<,,,انا هنا لا اطالب بدخول الاماكن المخصصه للعوائل وانما اطالب بوجود البديل والحل بسيط بس مثل ما قلتلكم باقي لم يعترفو بالشباب انهم من البشر مساكين شي يقهر ,,,,,, ,طيب صلحو اسواق خاصه بالشباب يمنع دخول العائلات بدل المناظر المحزنه للشباب وهم على الارصفه متبطحين <<من زين الجو بعد درجة الحراره في ليالي الصيف تصل الي 50 وهم يضحكون ومبسوطين شفت كيف انهم قنوعين يرضون بالقليل ,,, ولذلك نشات عندي فكرة الاسواق الخاصه للشباب بدل المهازل الي قاعده تصير ,,,,,,,,,, تعالوا وشوفو أروح للسوق بصحبة العائله أشتري أغراض .. فجأة.. تشطفني بنت عينها بعيني عليها عباية أضيق من البنطلون !!!!! وش موقفي ؟ أكيد بأعض الأرض وأتمتم قائلا : ألعن أبليس أنا كـ شاب أفكر مثلآ في الجنس الآخر وهذه فطره في اي رجل على وجه البسيطه,,.. أروح المستشفى وألقى ثلاث بنات مروا من جنبي عليهم اسم طرحه والأكمام كأنها كراسيدا باكستاني أنواع الزخارف ,, وش ترجون مني ؟ أكيد ابليس بيدق علي ويقول: دز وراهم .؟؟؟ أنا كـ مواطن متحمس و لي حق العيش في هذا الوجود المنتعش ,, أروح المستشفى أبغى أعالج راسي من الصداع ,, ثم تصادفني في ممر المستشفى فتاة عليها لثمه كأنها ناوية تسرق وعيونها كحل في كحل وش أسوي ؟ أكيد راح يزيد صداعي وبأرجع من المستشفى مصدع أكثر من قبل والبركه في عبايتها لا والمشكله ,, تلقى البنت شينه وشيفه تذكرك بعض الاحيان بسوالف الجن بس مع البرقع والمخصر تطلع شيخة الزين ..... يعني شفتوا كيف ان العبايات المخصره والبراقع واللثمه قد إيش ملاعين ؟؟؟ دايم أسأل نفسي وانا من النوع اللي أحيانا في العصريه أجيب ثلاجة شاهي ومكسرات وأتقهوى انا ونفسي ونسولف بس الغريب ان نفسي من النوع الخجول . تصدقون ماعمرها قالت لي ولا مرة: صب لي قهوة << حلوة قبل فترة كنت جالس مع نفسي وحصل موقف رهيييب .. , سألتها : من المسؤؤل عن العبايات السامجه اللي انتشرت ؟ وين اللي في الهيئة أو شااابين على مندوبنا حنا بس يا الشباب ؟ وينهم عن العبايات هذي ؟ليه مايمنعون من يلبسها من دخول الاسواق وغيرها من الاماكن العامه ,, المشكله وصلت قلة الادب والبجاحه عند البنات لدرجة انهم يلبسونها عند ذهابهم للحرم الشريف ,,, المشكله أن نفسي ما ترد لأنها مو لاقيه اجابه .. سألت نفسي ثاني مرة : اعنبوا بليسك هذولي ما وراهم أهل يقولون: العبايه عيييييييييييييب حراام !! للمرة الثانيه تلتزم نفسي السكوت ولا ترد ,, سألت نفسي ولثالث مرة : طيب وين ((الحمية))<<شطحه وين الغيرة ؟ وين أخوانهم الكبار عنهم ؟ أو بس جيدين في تحويم الحمام في السطوح؟ وللمرة الثالثه مارست نفسي السكوت ومعطيتني أشكل! سألتها لرابع مرة : طيب البنات وش هدفهم من عبايات الخصر واللثمه والدانتيل والزخارف؟ معقوله يبون لفت انتباهنا وفعلاَ راضين بالترقيم والتحرش من الشباب ؟ كالعاده لم ترد علي نفسي للمرة الرابعه وحقرتني !!! عصبت انا ,, طنقرت ,, وأنا من النوع اللي إذا عصب على طول أناام مو معقوله يانفسي .. ياختي قولي شيء ,, بالله عليك مو حرام اللي نعيشه في الشوارع والاسواق والمحلات وعند الاشارات ,, ياهوووه تكلمي انطقي بالله مو ظلم مو حرام العبايات تلعن جدفنا كشباب طموح نريد ان نحمل على سواعدنا هموم الامه << هموم الامه يابو هم وهذولا بناتنا ياللعار قل على الامه السلام ..... نرجع للموضوع وانا قاعد اكلم نفسي ............ . ردي ياهو وفجأة .. وبدون مقدمات .. طار الحب والفستق وانكبت ثلاجة الشاهي وقامت نفسي علي وسددت لي ذاك الكف وشالتني ومحطت بي ثم صارخت علي تقول: (( يااخي تراك أزعجتني بأاسئلتك هذي 5 سنين وانت شغال تجلدني بهذه الاسئله لابو مخك لابو العبايات والبنات اللي تقول . شغل مخك خلاص وقتك تغير .. هذا زمان البنت مو زمان الولد .. انت اللي تستحي وهي لا .. هي الجريئه وانت الخجول .. ياخي عاصر زمانك وخلك جنتلمان او ياخي انطق في بيتكم لااعاد تطلع ,, انثبر في غرفتك الله ياخذ شكلك وفكني .,, لاعاد تتمشى بسيارتك ولاعاد تطب الاسواق وكل تبن واقضب ارضك ,, مرت خمس دقائق وانا فاقد الوعي وخايف من نفسي وقعدت أفكر في كلامها وبالذات كلمة : (( ..ذا زمان البنت مو زمان الولد .. انت اللي تستحي وهي لا .. هي الجريئه وانت الخجول .. )) قمت ,, عدلت الزمزمية ,, والتفت عليها وحبيت راسها وقلت : سامحيني والله انك صادقه ابشري من اليوم ورايح ما في طلعه ووالله صدقتي يانفسي في كل كلمه ,, ضحكت وقالت لي : هههههههههه أعترف صح جلدتك ؟ صح أنا أخوف لما أكون عصبيه ؟ قلت: لا وفوق هذا والله انك حكيمه بعد .. الله لايحرمني منك .. قالت : ولا يحرمني منك بعد أنت يا بعد روح روحي .. قربت منها وقربت مني ههههههه ..ودخلت بجسمي وتوي أصحى السؤال : هل تتفقون مع ما قالته نفسي الحكيمه ؟ أم يا هل ترى كنت مبالغ وشطحت قليلا ؟؟؟ ولو الواحد منكم يا الحبايب شاف عباية أخته مخصره ومزخرفه كأنها هوندا حقت ..شباب مراهق .. وش موقفه . يرضى ؟ وإذا - لا قدر الله - وتحرش في البنت أي شاب مفتووون بلبسها ,, ليش اللوم والحكي كله على الشاب والبنت طالعه منها براءة ؟ ليش ؟ السؤال للشباب وللبنات ؟؟؟؟ واذا فيه شيبان او عجايز لا مانع من المشاركة اللي بيجاوب ..يجاوب ,, والمشكى على الله ,,,,, اتمنا لكم قهوة ممتعه دمتم في حفظ الله ri,jd <<hgpgri hgehgei>> <<hgpgri hgehgei>> ri,jd |
||
|
|
15-Jun-2008, 01:37 AM
|
رقم المشاركة : 2 | ||
|
|
اتوقع لو يسمحون بالشي اللي انت تبغاه يااخي الكريم بتصيرالاسواق فوضى واماكن للتحرش انا عني ماارتاح الا في السوق اللي مايسمج للشباب بالدخول فيه |
||
|
|
|
21-Jul-2008, 01:26 AM
|
رقم المشاركة : 6 | ||
|
|
ليش اللوم والحكي كله على الشاب والبنت طالعه منها براءة ؟ ليش ؟ |
||
|
|
|
| مواقع النشر (المفضلة) |
| الكلمات الدلالية (Tags) |
| <<الحلقه , الثالثه>> , قهوتي |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قهوتي..<<الحلقه الثانية>> | سعوددددد | القـــاعة العــامة | 14 | 09-Jun-2008 02:28 AM |
خدمات شبكة افراح
 |
 |
قهوتي <<الحلقه الثالثه>>
العرض العادي
