روايه رومنسيه(فرحة عمري)؟؟

قمر الصباح ,,

الروايه شكلها تجنن وخاصة من ردود كيفي عنيده شوقتني مرره ياحليلها ^_^

بس انتظري علي شوي اخلص من رواية مغرورة واجي اقرا روايتك <<< مجنونة روايات ^_^

دمتي بود
تقبلي مروري المتواضع

فتاة الظل

تشرفيني حبيبتي

وتنور روايتي بوجودك
7
7
7

ياقلبي على عنيده متابعه جيده لاء (ممتازه)0

خلصي من روايتك وتعالي

علشان تحصلين على الأمتياز مثل عنيده

انتظرك

ان شاء الله البارت الجاي

قريب ابي اشوف أرائكم

احس ماعندي دافع للكتابه بدونكم

الجوري وشوق اكيد بيتصالحوون
ها المهند يهبل واتوقع بتكون العلاقه بينهم اقوى من قبل
يعطيك العافيه على البارت الحلو لا تتاخرين علينــــــا

قمــر الصبـاح ,,
جييييت ^_^

والله الروايه من بدايتها تجنن
اعتقد جوري وشوق زعلهم من بعض ماراح يطول

شخصية مهند مررررررره عجبتن احسه شهم << اندمجت مع موواقفه ههههههه

سارة وتركي احس لهم دور كبييييير في الاحداث الجايه

وعهدي شخصيته ماعجبتني جوري كرهتني فيه <<, لاكذا تاكدت دخلت جو بقوه

انتظر البااااااااارت الجاي بفارغ الصبر
بلييز ياحلوة كل يوم نزلي بارت
لان اعصابي ماتستحمل

المملكه كل دنيتي
يسلموحبيتي
بس هالمهند مو بس يهبل الا ينننننننننننننننن‘‘‘‘

وبالنسبه الجوري وشوق بنشوف اشراح يصير بينهم




فتاة الظل
مهند شهم من قلب

وساره وتركي بنشوف شيصير عليهم

وعهدي لاتضلمينه وايد


تسلمين على هالدقه وحرصج بالمتابعه ياقلبي



ان شاء الله اليوم او بكره
البارت الجديد

لعيونكم حبايبي

مرحبااااااا
اعذروني تأخرت عليكم
بس أنا كنت محتاجه ها التأخير

ابي اعرف غلاتي عنكم
واكتشفت انكم تغلوني اشوي00 وهذا يكفيني


تفضلوا البارت السادس
وان شاء الله يعجبكم

سمروووووووو اعينكم على قولت (تيمون وبمبا)




---------الجزء السادس--------------


--------------- بالكويت--------

يعقوب: هلا اشلونك فيصل
فيصل : تمام 0000من وين طالعه الشمس اليوم
00لاحقني للوكاله0

يعقوب: هههههه ياي اشتري منكم سياره0

فيصل : أفاعليك بس أنت تشتري!!!
أنت اشر والسياره تيك للبيت0

يعقوب : مشكور يا ولد العم ما تقصر 0
بس أنا كنت قريب منكم قلت اطل يمكن ألقاك وأسلم عليك0

فيصل : فيك الخير والله يا ولد العم0
---------------------
نيويورك


جوري : قعدت وهي حدها متضايقه
تبي تتكلم مع
دقت جوري على فيصل
----

فيصل ويعقوب للحين عنده
-------

فيصل: لحظه يعقوب خل أرد على الجوري0

يعقوب: رد أكيد قلبك معاها
وبداخله (هيااااااااه هذا إلي أنا كنت ياي علشانه حصل)0

جوري: الو هلا با اخوي اشلونك شخبارك0

فيصل: تمام أنتي شلونج أن شاء الله بخير وشاده الحيل0

جوري : الحمد لله (حس أنها متضايقه)0

فيصل : جوري أش فيج عسى ما شر مبين من صوتج انج متضايقه0

يعقوب : فز قلبه وخاف عليها وبأسلوب لقافه -------
خير فيصل أش فيها0

جوري: لاء سلامتك ما فيني شيء ‘‘
بس ما أدري أش فيني أحس أني فاقدتكم ‘‘
وما اقدر اصبر عنكم ياليتني عندكم فيصل
(وراح صوتها مع البجي)0

فيصل : ضاق صدره على أخته---
اسمعيني جوري دايما الأيام الأولى تكون صعبه‘‘
بعدج ما تعودتي على المكان والناس
000بس أخذيها نصيحه مني إذا تبين تكملين مشوارج
إلي هو حلم حياتج لازم تندمجين مع الناس إلي حولج
وتكونين لج صداقات معاهم0

جوري: (أنبها ضميرها وبينها وبين نفسها حست انه معناته شوق ما غلطت أمس)0

فيصل: وإذا أنتي لهدرجه متضايقه أنا مستعد اليوم
احجز و ايي اقعد عندج جم يوم لما تتعدل امورج0

جوري: يا بعد عمري اخوي0000 لاء خلاص لا تعب نفسك أنا بسمع كلامك وان شاء أصير احسن0

فيصل : وشوقوه وينها عنج مخليتج بها الحاله اكيد خامده صح 00ومخليتج بروحج0

جوري: لا والله مسكينه هي بعد حالتها حاله000 امس الليل كله وهي تبجي قطعت قلبي0

فيصل : (حس انه قلبه وقف من خوفه على شوق )
ليييييه أش فيها شوق أش صاير لها تحجي0

جوري: لاء لا تخاف أنا تهاوشت وياها أمس على موضوع سخيف وأحنا الثنتين صايرين مانتحمل كلمه زياده 00علشان جذيه كانت تبجي0

فيصل: جوري ترى شوق حتى لو كانت كبرج هي من داخل حيييييل اضعيفه --- خليج يمها‘‘
وطولي بالج عليها أنا ادري فيج حاره وماتصبرين0 على طيارتها0

جوري: الله ما سرع قلبت علي عشان شويقه000 أنزين هذا بدال ما توصي شوق علي توصيني عليها خلاص لا تحاجيني زعلت0

فيصل: يله عاد يا الدلوعه أنا ادري انج تتحملين مسؤليه بس هذيك ياهل وما تمشي شبر لحالها0

جوري:هههههههههههههههههههه أي والله وأنت الصاج0

جوري وهي تلمح لآخوها: أقول افصيل مو جنه عندك معلومات وايد عن شويقه0

فيصل : يبي ضيع الموضوع)هي أنتي انا اسمي فيصل وبعدين يله روحي يعقوب ولدعمي عندي فشله طولت عليه0

جوري: اعفست ويها )أنزين أنزين لو أنت قايلي من أول يعقوبوه
البخيل عندك جان صكيته شر صكه0
فيصل:ههههههههههه0(يدري انه جوري من صغرها ما تحب و ما تواطن يعقوب)

يعقوب: يكلم فيصل 000سلمني على الجوري0

فيصل : يعقوب أيسلم عليج000 يله و أنا بعد اقولج بااااااااااااي0

جوري : بعصبيه (الله يسلمه أف ) باااااااااااااااااااي0

جوري:وهي تقفل الجوال) اف ويعه من زينك اتسلم علي ياالزقه 00000الله يستر من هاليوم الي اوله سلام يعقوبوه الدب
نبذه عن يعقوب)





جوري : صباح الورد0

شوق:0000000000

جوري: لا تحاجيني أنتي الخسرانه0عاد كان عندي حجي بس خلاص غيرة رايي(تقصد كلام فيصل)0

شوق: 0000000000000(حيل زعلانه وماخذه بخاطرها)0

جوري:يله تأخرنا أنا بروح البس ونطلع 0

وطــــــول الطريق ما تكلموا لأنه شوق حدها متضايقه من جوري وجوري حاسه أنها غلطانه0
-------------

بالجامعه



مهند:ساره اشلونج شخبارج0

ساره: اكششششششخ أش عندك بصراحه الأسود والأبيض عيك خطيررررررررمسكت حدك اليوم0

ساره حست إنها زادت الميانه اشوي معاه :اسمحلي على الميانه ما اقدر امسك لساني0

مهند : ابتسم لاء عادي ومشكوره كلج ذوق‘‘‘
بسألج ساره ماشفتي الجوري اليوم 0

ساره : لا والله بس اعتقد أن عندها محاظره لأن لو ما عندها محاظره جان اقعدة ويانا وين بتروح هم للحين ما يعرفون احد0

مهند: طيب يمكن يتمشون يتعرفون على الجامعه0

ساره : لا لاء أنا متفقه وياهم اليوم الساعه 10ونص باخذهم جوله بالجامعه0

مهند: أيــــهه طيب وين بتلتقون 0

ساره : أحنا مكانا معروف ثاني طاوله على اليمين بالكوفي شوب تلقانا اهناك0

مهند: اوكيه نلتقي أن شاء الله0

ساره : اوكيه سي يو0

-------

بالكوفي

جوري:هاي شباب

شوق : هاي

ماجد سعود: هلا والله

جوري: شخباركم اليوم

سعود: تمام انتو كيفكم مع الجامعه

ماجد: يبتسم-----طمنوني عسى محد ضايقكم منيه ولامنيه

جوري: هههههههه (بالهجه المصريه)لاء وهم يقدرو حتى دنا بنت رجاله0

ماجد: لاحظ أن شوق متضايقه---
بس جنه شوق احد مضايقها
--صح يشوق ولا أنا غلطان0

شوق: ما جذبوا لما قالوا عنك بابا ماجد هذا وأنت توك تعرفني فهمتني0

سعود والجوري وماجد:هههههههههههههههههههههههه

ساره : يااااااااااااااسلام مخليني افرفر أدوركم وانتو قاعدين اتظحوكون هنيه ظحكوني معاكم اش عندكم00

جوري: هلا والله بالزينه0

ساره: أقول اسكتي اسكتي إذا أنا زينه أنتي أش تطلعين قمرررر0

شوق: هلا ساره0

ساره : أفتحت أيدينها ولمت شوق ----ولج والله ولهت عليييج موت0

شوق :لمت ساره00حتى أنا والله محتاجتج0


وقعدو يسلفون

جوري : حزة بخاطرها كلمة شوق
جوري: عن أذنكم اشوي وبرجع

---------------------------------

طلعت الجوري وصارت تمشي بسرعه
‘‘ حست انه الدموع تجمعت أبعينها 00
ركبت جوري سيارتها وقفلت الباب وحطت
رأسها على الدركسون وقعدة تبجي
حاسه بالذنب انه صديقتها تحتاج لأحد‘‘ وهي يمها ومعاها بنفس البيت


----صوت احد يدق دريشة السياره
رفعت رأسها الجوري ويهها كله دموع وشكلها يعور القلب

مهند:يأشر لها تفتح الدريشه0

جوري:انحرجت انه شافها بهالوضع واستحت حيييييييل
حاولت تمسح دموعها ونزلت الدريشه0

مهند:خاف عليها حيل000000جوري أش فيج عسى ماشر
عسى محد مضايقج من الشباب0

جوري:وهي تنزل رأسها لا لا ما فيني شي0

مهند: بحنيه) إلا فيج مو معقوله كل هالبجي والدموع على ولاشي أنا شفتج أنتي طلعتي من الكوفي شوب متضايقه
من مضايقج0

جوري: زاد بجيها من كلام مهند وغطت ويها بيدها0

مهند : فتح باب السياره وبما انه طويل شوي حنى ظهره ونزل رأسه 00جنب الجوري (بهدووووووء) ونزلت خصلات قصيره من شعره على ويهههه
مهند:جوري أنا ما أبي اضايقج بأسألتي
بس إذا أنتي حاسه انج تبين تتكلمين وتفضفضين
ترى أنا موجود ومثل ما كنت يمج أمس بالحادث‘‘
هذا أنا اليوم بعد يمج وما راح أخليج بروحج‘‘‘
يله عاد شيل ايدج من على ويهج (سحب لها منديل)وهاج امسحي دموعج

جوري:---------

مهند: مد أيده ورفع رأس الجوري0 شوي شوي000

جوري: شالت أيدها من على ويهها‘‘
00 وارتبكت حيل هي كانت متوقعه انه مهند قريب منها بس مو لهدرجه
00ورجعت نزلت راسها وهي تتكلم وتمسح دموعها )
أنا فعلا محتاجه أفضفض لأحد‘‘
لأني كلمت اخوي اليوم وما قدرت أقوله الموضوع‘‘
حسيتها صعبه شوي لأنه هو بعالم وإحنا بعالم0

مهند: تعالي معاي خل نقعد على هذاك الكرسي وقولي لي أش فيج0

راحت الجوري مع مهند وهي حيل مرتاحه من طريقته بالتعامل معها000

اشر مهند لجوري تقعد قبله وقعد هو يمها0

مهند: ارتحتي الحين اشوي ‘
قولي لي الحين شلي خلاج تطلعين والهدرجه متضايق0

قالت الجوري لمهند السافه كلها لحد ما وصلت لكلمت شوق (محتاجتج)
ونزلت راسها ودمعت عيونها0

مهند: جوري حلو ان الواحد يحس بغلطته بس مو لهدرجه
انتي محسسه نفسج بالغلط كله ‘
على فكره أنتي ما غلطتي يمكن شديتي معاها بالكلام اشوي
بس موقفج من الموضوع صحيح 100% لا تنسين ان انتو بغربه ولازم تا خذون حذركم من كل شي0

جوري: أنا مستغربه أنها حتى ما لحقتني لما أنا طلعت من الكوفي شوب أحنا تعودنا ما نتحرك إلا مع بعض0

مهند : وهو يطالع باب الجامعه إلي ورى جوري---
ومن قالج إنها مالحقتج0 شوفي وراج وابتسم لها ابتسامه بينت لمعه بعيونه خلت الجوري تنسى كل شي صااااااار0

جوري: 0000دمعت عيونها شوق اناـــــــــ
(شوق واقفه ورى جوري)

شوق : اصصصص ولا كلمه وتلم الجوري احبججججججججججججججججججج يالدبه
يويلج إذا رحتي و خليتيني مره ثانيه
أبوي مو موصيج علي 0

جوري: شوق هذا إلي ذابحني ‘‘
أول مره أحس إني مو قد المسؤليه0

شوق: هــــي أنا اتغشمر أنتي قدها ونص بعد‘‘‘
لو ما أنتي قدها جان ما خلاني أبوي ايي معاج
وأنتي تعرفين عسارة عبدالرحمن الحريزي0
جوري شوق لمووووو بعض
شوق : الله يخليج لي0

جوري: عسى دايم نكون احباب0

مهند: أنا بعد خلاص وجودي ماله لزمه0

جوري: لا العفو اشد عوه عاد أنت الأساس0

مهند: أخليكم على راحتكم عيل0

شوق: لحظه أخ مهند أنت ذاك اليوم
سألت الدكتور عن المكتبه حقت الجامعه وين مكانها فيه 0

مهند: إذا بتروحين لها روحي الحين بعد اشوي أمين المكتبه بينتهي دوامه 0

شوق : عيل تقدر تودينا لها علشان ما ناخذ وقت واحنا اندورها0

مهند: يبتسم--- أتشرف يله مشينا0

جوري: (حييييييييل عجبها اسلوب مهند واحترامه للشخص الي معاه)
----------

طلعو من المكتبه
-----
ساره : وينكم اليوم يا خاينات الوعد
(وتخز مهند)00طيب مهند تسألني عن جوري علشان تاخذها مني هااااااااا0

مهند: (توهق ماعرف شيرد عليها)0

جوري : تفاجأة من كلام ساره000 وابتسمت‘‘‘
على العموم سوري اشرايج ناخذج معانا رحله لشقتنا تعويض0

ساره :لاء خلوها باجر عندي اليوم
البحث لازم أخلصه وما أبي أعطلكم بعد0

شوق يله عيل سي يو

مهند:جوري إذا أمداني اخلص الكتاب قبل المغرب بيبه لج
(كتاب يخص البحث عند مهند بالشقه قال لجوري بالمكتبه عنه)

جوري:يليت والله ‘‘‘
إذا خلصت دق علي وأنا أمر أخذه منك0

مهند:لاء اش دعوه أنا ايبلج إياه
اخذي بس رقمي ودقي لي
علشان احفظ رقمج واكلمج أذا خلصت منه0

جوري وشوق: مشكور مع السلامه0

مهند : العفو الله يسلمكم انتبهوا على نفسكم0

------------------------------------------------------

أش بيصير اليوم؟؟؟
وساره بتطور علاقتها مع شوق وجوري للأفضل أم للأسوأ؟
الجوري لمتى بتتحاشى عهدي؟

إلى الملتقى القريب!!!!!!!!!!


رأيكم يهمني

يعطيك العافيه قمورره

البارت حلو بس ما سارت احداث كثيره
لكن يظل مهند توب وان يهبل عليه اسلوب في المعامله
مرره حلو وفوق كذا متفهم ويريح الشخص الي معه ويخليه يثق فيه

فيصل شخصيته الى الحين ما وضحت لكن اتوقع في الاجزاء القادمه بتكون شخصيته تجنن
خاصه مع شووق
يعقوب دام ان الجوري ما تحبه شكل شخصيته شينه وترفع الضغط

ياليت تطولي في البارت الجاي مرره قصير ها البارت<<<< متعوده تقراء القصص بعد ما تخلص الكاتبه من تنزيلها
نتظر قموره وربي يعطيك العافيه

واخيراااااااااااااااااااا نزلتي بارت
اليوم الصباح كنت بكتبلك وووينكم طولتي علينا بس النت زفت شوي

عالعموم الباررررت يجنن وخاصة اسلوب مهند في التعامل واو ييجنن

احس يعقوب ومهند بتكون بينهم شي بس ايش هو لسه مااكتشفت ^_^ يمكن يكون حب الجوري


بلييييييييييييييز لاتطولي علينا والله اعصابي انحرقت واحس نسيت بعض الشخصيات من كثر ماطولتي ههههههههه

في انتظارك