رواية ((اســــــــــــــف غناتي)))

v,hdm ((hsJJJJJJJJJJJJJJt ykhjd))) hsJJJJJJJJJJJJJJt v,hdm ykhjd

[color=#FF0000][size=5][align=center]عايده تأشر عليها تسكت وما تقول بس سمر ما اهتمت و اونه يعورها: ولدج ماجد يوم شافني تعمد يفر على ويهي الكوره وجان تصك عيني
ام خليفه معصبه: وينه هذا مسود الويه كيف يسوي فيج جذي
سمر: طلع يوم قلت له بخبر عليك خالتي
ام خليفه تنافخ على عينها: ولا يهمج حبيبتي خلي يرجع وانا بتولاه لج
سمر متشققه: كفخي عدل
عايده: هيه عاد انتي لقيتيها فرصه
ام خليفه: عيل هذا سوات يسويها خبق عين البنت وحليلها
سمر تمثل دور الضحيه اونها
ام خليفه: إنزين عايده وين دوا يدج
عايده: في غرفته
ام خليفه: انا دورت في غرفته وما لقيته
سمر: خالوا انا اعرفه وين .. خليني انا بعطي يدي الدواء
ام خليفه: ما شاءالله عليج
عايده: حافظه كل شيء في هالبيت
سمر: عشرة عمر يا عيوني مب يوم او يومين
طلعت لسانها لعايده وطلعت من غرفتها..

وهي طالعه اصدمت بخليفه (بو جسم عضلات ههه)
سمر متغصصه: آآآآي شو سالفة اهل هالبيت محد عنده عيون
خليفه: شو قلتي
ابتسمت سمر بارتباك يوم طلع خليفه: أووو خليفه أخبارك؟
خليفه اخو ماجد الكبير مخطوب ويشتغل في القوات المسلحه بس ألحين هو رايح للتدريب مال الير (التجديف) في القرم .. وطلعت له العظلات لأنه صار له مده وهو يجدف
وخليفه يعتبر سمر من اخواته .. ويدافع عنها أونها اختهم الصغيره
خليفه: ها سمر سمعتج تقولين شيء عنا
سمر: لا اخوي اقصد يعني .. (رجعت تمثل): شوف عيني كيف محمره
خليفه: هيه والله .. كيف استوى جذي
سمر : هذا اخوك ماجد فلعني بكوره
خليفه: أكيد قلتي له شيء
سمر اونها عاد شوي وبتصيح: وين انا ما قلت له شيء اول ما دخلت قالي خذي مني هديه .. وفرني بالكوره .. ويوم يغيت اضربه دزني وشرد
خليفه: ماجد يسوي فيج جذي؟
هزت راسها : هيه
خليفه: بس خلي يطيح بيدي إن ما طلعت له عيونه وركبت في عيونج ما أكون اخوج الكبير
سمر فيها ضحكه بس ميوده نفسها وبإشمئزاز: لا لا ما اريد عيونه .. تبى يخرب على جمالي
خليفه:خخخخخ مب مشكله بس انا بأدبه عشان خاطرج
سمر: تسلم يا اخوي الطيب الحبوبه تسلم
ضحك عليها خليفه وراح عنها ...
سمر ترمس نفسها: هههه مسكين ماجد اول ما بيرجع بلقى مفاجآت تترياه هههاي
دخلت على يدها : السلام عليكم
باست راسه
الحاج صالح: الحمدلله يوم ييتي .. تراني حدي ملان
سمر:والله ..
الحاج صالح: اول شيء وش فيه عيني
سمر في خاطرها: هيه ليش ما اقول ليدي وأخلي ياكل هزبه منه هو بعد
الحاج صالح: سمر ؟!
سمر اونها انتبهت: آه يا يدي شو اقولك بس قصه تعور القلب
الحاج صالح خاف: أحد مد يده عليج
نزلت راسها: هيه
قام صالح بعصاته: منو هذا انتي قولي بس اسمه بكسر له ظهره
سمر توقفه: لا لا يدي ما يحتاج كل هذا ..
صالح: عيل منو اللي مد يده عليج
سمر: يدي لا تكبر السالفه ترى ماجد فر علي كوره وبس
صالح: ماجد؟!
سمر: ما كان يقصد
صالح: كيف ما كان يقصد جيه هو احول ولا عمي ما يشوف
سمر: ما اعرف ليش سوى جذي
صالح يتحرك: وين هو وين فيه
سمر: يدي يدي هو مب هنا .. يوم بيرجع تفاهم معاه وألحين خلنا نهتم بمــلـلـــكـ (مكر مب طبيعي)
صالح: خلي يرجـع بس هالعصا على ظهره
سمر تبتسم ابتسامة الإنتصار: يدي خذ دواك وبنطلع من هنا
وبنقعد برع البيت نطالع اللي ياي واللي رايح ها شو رايك؟
صالح: يالله عيل عطيني الدواء بسرعه
سمر: ههه اوججـ
وهي طالعه مع يدها وفي بالها كيف بكون حالة ماجد بعدما بعطونه ذيك الهزبه ..

سمر:خخخخخخ
صالح: ضحكينا معاج
سمر تبتسم: شيء عادي يدي
يلست مع يدها برع البيت .. على القعده اللي حاطينه
وتمت تسولف مع يدهـا

وعلى آذان المغرب قامت .. ودخلت صالح معاها للبيت
عايده: انتي وين كنتي؟
سمر: كنت يالسه مع يدي برع بيتكم
عايده: انتي شو اشوفج صايره مثل الحريم الكبار
سمر: وانتي شكو يمكن احد يخطبني





صالح: صدقها سمر خلي البنت تشوف نصيبها
سمر: ههه سمعتي
عايده: هاي البنت وايد مأثره في اهلي
صالح: ما عليج منها سمر .. يلسي وتعشي عندنا بعد
سمر:وأحد يفوت جلستكم الحلوه بس أنا بروح البيت بصلي وبكون فريش بعدين بمر عليكم
عايده: هيه تعالي متكشخه وغايضي هندو
سمرتغمز: لا توصين

طلعت من بيتهم ... وهي طالعه لمحت ماجد ياي صوب البيت ... تحركت صوب بيتهم والضحكه شاقه حلجهـا

دخلت البيت .. وراحت تصلي المغرب ... ويوم خلصت من الصلاه
خذت ثلج ولفته بالكلينكس .. وتمت تضغط على عينها عشان يخف الأحمرار... اليوم الكل بجتمع لازم تكون شيء شيء وهذا السخيف شوه جزء من جمالها
لبست جلابيتهـــــا ..... وجحلت عينهــــا بجحـال غـامـج
شـلت وقـــايـتهــــا وطلعـــت مــن غــرفتهــــا
يلسـت عــلى الكنبـه حـذال عـلي اللـي مكـسـر القيـر مـن كـثـر مـا يضغطـ عليـه
سمـر: أقـول ارحـمه
علي عيـنـه عـلى اللعبـه: مـا يخصـج سبـالـه
سمـر: مـونكـي
عـلـي: قــرده
دخل عليهـــم سـالـم: عـلي شو هـالكـلام؟
عـلي خـاف وضغط عـلى الستـوب: هـ ـلا ابـوي
سمـر استغلتـه الفـرصـه: أبـوي دوووم يقـولـي هـالكـلام
سـالم: صحـيح إلا تقـوله أختـــك
عـلي يطـالعهــا بنظـرات غضب: لا ابوي هذي تجـذب عليـك
سالم: وبعـد تقـول عنـهـا جـذابـه
أدخـلـت ام فـاهـم: مـا عليـك منهـم يـا بـو فـاهـم .. مب شـيء يـديـد
سـالـم يـوم شـاف أم فـاهـم نسـى كـل شـيء: هـلا واللـه
سمـر تهمـس لعـلي: ببـدأ الغـزل ألحيـن
عـلي: أقـوم أحسـن لي
مطتـه من قميصـه: ويـن رايح اقعـد

علي: وأنـا كـم مـره قـايـل لـج لا تمطيـنـي من قميـصـي
سمـر: وشـو بتسـوي يعنـي؟
عـلي يطـالعهـا: ابـوي واقـف هنـا ولا كـان خبقـت عينـج مثـل مـا خبقـاه ماجـد
سمر: بـــل متـى لحــق يقــولـكـ
علي: ما يخـصـج يـا السبــالـه
سمـر صـرخـت: يبــا عـلي
قاطعهـــا عــلــي: واللـــه مــا تخبــرينــــه
ســـالــم: شــو فيـــج سمــــر
سمــــر تتطـــالــــع عـــلي: ولا شـــــيء
أنـــا رايــــحـــه بيـــت يدي صــالـح
ام فاهم: إنزين اصبري كلنا بنروح
سمر: انتـوا عـاد ليـن مـا تتطلعـــون
ســالـم: سمــر بلا طـولـه اللســـان وسمعـــي كـــلام امــج
سمـــر مـبـوزه: اوجيج أقصـد إن شـاءاللــــه

علي بصوت واطي: ويييييييه
ســمـــر خذت المخـده وفـرته عـلى ويــــه

عـــايده وهـي طـالــعـه من غرفتهـــا شــافت مــاجد معصب ويفرك على يده
سألته: وش فيـك مـاجد
مـاجد معصب: السخيفه مخبره علي يدي وتخيلي ضربني بعصاته
عايده: هههه تستاهل عيل كيف تضربها بكوره
ماجد: وأنا شو دراني بتدخل
عايده: يعني مب كنت قاصد
ماجد: لو كنت قاصد كان فجرت لها مخها
عايده: هههه عيل تحمل اللي بيك لأنه سمر مخبره عليك امي واخوك
ماجد:سوتهـــا مســوده الـويـــه
عـايـده:ماجـد عيـب
مـاجد: وهذي خلت شيء فيه عيب .. والله لوما اجتماع العائلي اللي بكون في بيتنا اليوم كان شردت من زمان
عايده: إنزين بسوي لك معروف ادخل غرفتك لأنه امي يايه صوبنا
ماجد: قولي والله
عايده: كيفك
فتح باب غرفته ودخل
ام خليفه: ليش دخل جذي
عايده تبتسم: مستعيـــل كـــان
ام خليفه: بغيــت أهــزبـــه عشـــان مـا يضـرب سمـر مـره ثانيـــه
عـايده: يمه خليهـــم في حـالهــم هـذيلا مـن كـانوا صغــار يضـاربــــون
أم خليفه: بس ألحين مب صغار وعيب يمد يده عليها

عبيد كان صاعد غرفته: منو هذا اللي مد يده
ام خليفه ارتبكت وتعرف إنه عبيد بيعصب:هلا بو خليفه متى ييت
عبيد: اول ما خلصنامن الصلاه ما قلتوا لي منو اللي مد يده
ام خليفه تطالع عايده ..
عايده:لا تشغل بالك ابوي كنا نتكلم عن مسلسل
ام خليفه: هيه صح تخيل با ابو خليفه ريال كله يمد يده على حرمته و .. قاطعها
عبيد: صج ما عندكم سالفه .. بدال ما ترحون وتشوفون العشا قاعدات ادقن سوالف ..
ام خليفه: اطمن يا بو خليفه كل شيء جاهز ومرتب يعني مب أول مره ترى

خميس: يا اهل البيت وينكم
عايده: اوه هذا عمي خميس
عبيد: هلا والله خميس
نزل له تحت .. عشان يسلم عليه
عبيد: وينهم الباقين
خميس: حرمتي يالسه تسولف مع ام فاهم وعبير بتي مع اخوها زايد
ام خليفه: وييي وهذيلا ليش واقفات برع
خميس: انتي حرمه وروحي أسأليهم ليش من يشوفون بعض كأنا من زمان مب شايفين بعض

عايده وام خليفه: هههههه

لم الشمل العايله .. وهم لازم كل ليله بعد الصلاه يجتمعون
صح إنه الكل أهليه ما عداه عائلة سالم بس بحكم عشرة العمر الطويله بين العايله صاروا جزء من العايله و محد يقدر يستغنى عنهم
مفرشين صفره طويله والكل قاعد سمر يالسه حذال عبير (بنت خميس)
سمر: ها عبير شو سويتي بسالفه البنت
عايده: أي بنت؟

راح اتابع الروايه انا لان دلوعة القلب باذن الله مسافره
وان شالله ترجع لنا بسلامه

صح إنه الكل أهليه ما عداه عائلة سالم بس بحكم عشرة العمر الطويله بين العايله صاروا جزء من العايله و محد يقدر يستغنى عنهم
مفرشين صفره طويله والكل قاعد سمر يالسه حذال عبير (بنت خميس)
سمر: ها عبير شو سويتي بسالفه البنت
عايده: أي بنت؟
عبير: أنتي مب منج فايده اسبوع ونحن نتكلم عن السالفه وتسأليني أي بنت
عايده: إيييه البنت اللي تبين تخلينها تحبج
عبير: هيه
عايده: الله يهديج بعدج متعلقه بها
سمر: اووو عايده انطبي وخلي عبير تخبرني
عبير: يقولج سويت مثل ما قلتي ما سويت لها سالفه وبدت تتأثر واليوم يت صفي وسألت عني
سمر: يوم اقولج سمعي كلامي
عايده: وانتي ليش تخربين البنت
سمر: البنت مختربه من زمان شو يفرق يعني
عبير ضربتها: لا والله
سمر: ههه اتمصخر وش فيج؟
هند(بنت عمتهم): مزاحج ثقيل مثلج
سمر بسخريه: مب اثقل من وزنج
سكتت هند ...إلا قامت
سألتها نوره (عمتهم أخت خميس و عبيد)
نوره: هند ما كليتي شيء
هند:يمه شبعت
سمر تطنز: خليها عمو تخاف عن تنطر من المتن خخخخ
هند طالعتها بنظرات احتقار
عايده: سمر
سمر: ما عليج منها
ام فاهم: شو هالدلع بعد يالله يلسي وكلي لا من متنج
هند تبتسم بغصب: صج شبعانه ومالي خاطر اكمل
ام خليفه: على راحتج لا تجبرون البنت
راحت هند تغسل يدها
عبير: هههه
عايده: كله منج
سمر: وانا شو قلت يعني عليها دلع مب طبيعي
عايده: وانتي كلش عاد مب دلوعه
علي: أقولك قربت أخلص اللعبه
ماجد واللقمه بيده : قول والله
علي: هيه ذبحت واحد واحد وشو الدمان اللي طلع منهم عجيب يا ريال
ماجد: خساره ما شفته بس قبل لا توصل جزء الأخير خبرني
علي: خبرني ربيعي إنه الجزء الأخير بكون دموي واااايد
خليفه: انتوا إيه تراكم لوعتونــا
زايد: وألحين أحد يستانس بدمان وتذبيح
ماجد: صدقني زيود لو بتلعبه بتعرف نحن عن شو نتكلم
خليفه: اشوفك صاير عنيف هالأيام
ماجد: أنا؟
خليفه: هيه عيل كيف تفلع سمر بكوره
ماجد: تقص عليك هذي
خليفه: وعيونها المحمره بعد تقص علي
ماجد سكت
زايد: افا بس ماجد قلنا تضاربون بس تمد يدك عليها
ماجد: ياابوي انتوا فاهمين السالفه غلط وصدقني يا اخوي كان بدون قصد
علي: صح صح كلام ماجد اصلا هيه دخلت من غير ما ادق الجرس وهو عاد ما شافهـا
خليفه: انته عاد خلك ساكت احسن لك تراك من نفس الطينه
احذرك ماجد لا تمد يدك عليها ولا على غيرها
ماجد عصب: مكبرين السالفه على شو ما ادري
قام من مكانه
زايد: انته اللي ألحين مكبر السالفه تعال كمل عشاءك
ماجد: سدت نفسي


بعدما تغسل ... راح المطبخ عشان يشرب له ماي .. وشاف هند يالسه على الكرسي وقاعده تاكل تفاحه
ماجد يفتح الثلاجه: شو عندج تاكلين بالسر؟
هند: ناس سدوا نفسي بالأكل
ماجد يصب له الماي في الكوب: اكيد سمر
هند: وفي أحد غيرها
ماجد بعدما شرب الماي:هيه والله حتى انا تركت العشا من سبتها
هند: انتوا كيف متحملينها
ماجد: عن نفسي ما اطيقها و ودي اليوم قبل باجر افرها برع
سمعوا صوت: اللي يقول ألحين أنا ميته فيكم ..
ماجد: طرينا الأبليس و شرف
سمر: إبليس يشلك ويحوطك على عياله وتسكن معاهم يا رب
عبير: سمر شو قاعده تقولين؟
سمر: ما تسمعينه قاعدين يحشون عني هالقرده
هند: سمر حدج عاد
سمر: خوفتيني تصدقين
عبير: سمر خليهم
ماجد: عبير شليها من هنا قبل لا اشويها
سمر:ههه انت بس حاول ,, حركه منك بتوديك بستين داهيه
ماجد معصب وفي نفس تذكر أهله
سمر كانت بتستمر بس عبير سحبتها

هند منقهر: خاطري اعرف على شو شايفه نفسها هذي
ماجد: لا تحرقين اعصابج تراه صج ما تستاهل
هند: بس صج تقهر
ماجد:وااااااااايد

هدت الأنفس بعدما قعدوا الشباب و البنات برع مفرشين لهم الحصير
والكبار داخل ...
علي: ملل صح
زايد: هيه وايد
خليفه: شو نسوي؟
ماجد: ما اعرف
سمر : عندي فكره
ماجد: وتعرفين تفكرين بعد
سمر: أقول انت عبالك الناس اغبياء مثلك
ماجد: سمر
سمر: ماجد
عايده: بس دخيلكم
عبير: ما صارت ترى يالله وانتي خبرينا عن فكرتج
سمر تتطالع ماجد بنظرات اشمئزاز وردت تتطالع عبير:
انا شفت لعبه في الفلم اسمه حقيقه ولا شجاعه
هند: وكيف يلعبونه يا آنسه سمر
سمر بدلع : ثانكس
هند تحسرت إنها قالت لها آنسه: مالت
سمر قامت وضربتها
عايده: انتوا يهال؟؟ .. بذمتكم هذي حركات بنات كبار
هند: ما تشوفينها
علي: سمر بطلي هالحركات
سمر: لا والله والاخ ليش يدافع عنها معجب فيها شو
تغيرت ملامح الاثنين صج تقفطوا
زايد بغى يغير الأجواء: يالله يا ام لسان خبرينا عن لعبتج
سمر: زين يوم ذكرتني نيب غرشه ونحركه واللي بتوقف عند شخص يختار ياء يقول الحقيقه ولا يسوي شيء يتطلب الشجاعه
عايده: ومنو اللي بيطلب من اللي توقف عنده الغرشه
سمر: وين بتوقف نهاية الغرشه هو الشخص اللي بيسأل لصاحب اللي وقفت بدايه الغرشه عليه
عبير: شكله حلو
ماجد: بس يباله شجاعه وقول الحقيقه شو ما يكون
سمر: زين يوم فهمت
طالعها باحتقار .. وما اهتمت
سمر: ها مستعدين
خليفه:أنا مب لاعب
زايد: خفت شو
خليفه: لا بس ما احب المغامرات وانا اعرفكم زين اكيد بتطلبون شيء مب سهل
عبير: مب مشكله بروح ايب غرشه
سمر: اركضي هههه
بعدما يابت غرشة البيبسي
يلسوا على شكل دائره
وماجد اول واحد حرك الدائره ...
اول مره وقفت الغرشه على هند ونهاية الغرشه على زايد
سمر: يالله زايد اسألها
زايد: مستعده
هند تضحك: أكيد
زايد: حقيقه ولا شجاعه
هند:ممممم خلها حقيقه
زايد: مممم انتي تكرهين سمر؟
الكل تم يطالع هند ..
هند تطالع سمر: هيه
سمر كانت بتتكلم بس عايده قاطعتها: سمر لا تقولين شيء هذا مجرد لعبه
عبير تزيد الطين بله: إنزين هند وايد ولا شوي
زايد ادخل: هو سؤال واحد بس يسألون
علي: اشوف اللعبه قامت تشعل (يقصد سمر)
عايده: يالله ماجد حرك الغرشه
ثاني مره وقف عند عبير ومجابل ماجد
ماجد: حقيقه ولا شجاعه
عبير: شو اختار سمر
هند: وانتي كل شيء بتاخذين راي سمر
سمر: وانتي شو حارنج متغايضه على شو
خليفه: نصيحه شلوا هالاثنين ولا بدمرون عليكم اللعبه
ماجد: انتي ليش تكبرين السالفه
سمر: لازم بدافع عنها من نفس الطينه
علي: ياناس خلونا في اللعبه
عبير: خلاص خلاص بختار شجاعه
ماجد: متأكده
عبير: هيه
ماجد: عيل اصفعي سمر
الكل شق حلجه
وهند تبتسم لماجد ... عرف يلعبها صح
عايده: ماجد شو هالعبط بعد
ماجد: مب هذي قوانين اللعبه .. ولازم يتنفذ واللي مب قدها لا يلعبها .. صح سمر
سمر اطالعه باحتقار وغضب .. ما ردت عليه .. بس صدت صوب عبير
سمر: عبير شوفي شغلج
عبير: لا سمر ما تهونين علي
سمر: عبور ما بزعل وانتي بعد لا تصدقين روحج وتصفعيني بقوه
عبير رفعت يدها ... صح إنها صفعتها بس على الخفيف
ماجد: مب مشكله المره اليايه بطلب تصفعينها بقوه
سمر: على كيفك هو
ماجد: بنشوف
خليفه: انا اقول لو توقفون اللعبه هنا احسن
سمر وماجد: لا لا
طالعوا بعض .. وسكتوا
عايده: على راحتكم يالله ماجد حرك الغرشه
ثالث مره وقفت عند علي ومجابل لعايده
عايده: ها علوي حقيقه ولا شجاعه
علي: أكيد شجاعه
عايده: ممم تقدر تاخذ عصا من يدي
علي: ها؟
سمر:حلو يا عايده شوما يصير ما بيعطيه
علي: طلعتي مب هينه
زايد: ها علوي بتقدر
ماجد: يبقدر بعد الضرب اللي بياخذه هههه
خليفه: عادي علوي انسحب
علي: لا لا مب منسحب بروح وانتوا تريوني هنا
الكل: إنزين
قام علي ... وراح عند يده صالح ... شافه مشغول ويسولف مع الرياييل
والعصا حاطنه على الجانب ... تقرب شوي شوي .. وحاول يسحب العصا
بس ابوه خرب عليه: علي شو تسوي
صد صالح: علي شو تسوي بعصاتي
علي عاد ارتبك: يدي ابغي ارقص فيه مثل اللي يرقصون في برنامج الميدان
صالح: وما لقيت غير عصاتي
علي: تراها غير عن باقي العصا
صالح: اترك عنك هالسوالف وعطني عصاتي
علي ماسك العصا: يدي خمس دقايق وبس
صالح يسحب العصا: اقولك روح دور لك على غيرها
عبيد: يا ابوي علي اترك العصا انت تعرف ابوي ما يستغنى عنه
علي: عمي 5دقايق وبس
خميس: شو تباها إذا 5 دقايق وبس
صالح: عطني
علي مب راضي مره هو يسحب ومره صالح ... لين ما قام سالم عشان يضربه .. من جذي

ترك العصا وركض برع

يوم شافوا ياي ويده فاضيه تموا يضحكون عليه
رن تلفون خليفه ويوم قام الكل علق عليه : هييييييييييييييه
كانوا عارفين خطيبته رحاب داقه
ابتسم وراح عنهم
عايده: يالله ماجد كمل
ماجد: اوجي
كان بحرك بس صوت ام فاهم وقفهم
ام فاهم: يالله سمر بنرجع البيت
سمر: ليش توه الناس
ام فاهم: شوفي الساعه كم ناويه ترجعين البيت
سمر: برجع مع هالسخيف
علي: استريحي أنا ألحين برجع البيت
ماجد: بي معاك وبنسهر على اللعبه
ام خليفه: ناوي تخرب الولد شو تراه وار مدرسه
علي: لا خالوا لا تحاتيني انا ذكي من غير ما اذاكر
سمر: بس عيل ... (ما يكذب الريال يفهم من غير ما يذاكر)
علي: انطبي يا السبالو يالله ماجد خلنا نروح
زايد: بي وياكم عيل

ام زايد: بالاول وصلنا
زايد: ابوي بيوصلكم
ام زايد: ابوك ناوي يتم
هند: يمه نحن بنرجع بعد

نوره: هيه دام محد بتم خلنا نرجع نحن بعد
ماجد وعلي راحوا اما سمر اول ما وصلت البيت دخلت غرفتها ... وشغلت الكمبيوتر
زايد من نفس عمر ماجد ويدرس في الكليه ... وبما إنه عليه محاضره متأخره
قرر يرد لهم ... بعدما يوصل اهله

سمر بعدما لفت على المواقع حست بالملل .. قررت تنزل وتسوي لها شاي ..
كانت بتزل بس ضحكات الشباب وقفها ..
رجعت غرفتها تلبس وقايتها ... وطلعت من غرفتها
لمحها ماجد بس ما اهتم لها ... اما علي فما خلاها تروح بهدوءها
علي: وين رايحه ؟
سمر: الكورنيش
علي ضغط على الستوب: وانتي ما تعرفين تجاوبين نفس الناس
سمر: وانته ما تعرف تسأل عدل
علي: إذا رايحه مطبخ سوي لي معاج شاي
ماجد: خلك رزين وأسألنا نحن بعد
علي: اوه سوري ... سمروا سوي لنا شاي
ابتسمت سمر: إن شاءالله من عيوني
تحركت
زايد: غريبه سمعت كلامك
علي بأفتخار: لازم تسمع في نهايه انا ريال البيت
ماجد: هههه طلعت مب هين

رجعت سمر من المطبخ وبيدها كوبين بس
عطت زايد الكوب: تفضل زايد
زايد: تسلمين
سمر:افا عليك بس .. نحن في خدمة الغالين
زايد يطالعهم ويضحك: ما تقصرين
تحركت سمر
علي: ونحن
سمر وهي تتحرك: ادلون مكان المطبخ ...
طالعتهم بنظرات سخريه والابتسامه على صوب ودخلت غرفتها
ماجد: وتقول بعد انا ريال البيت
علي: بروح اكخفها ألحين
زايد: وين رايح من صدقك انت
ماجد: اشعليك انت .. تراك من الغاليين
زايد: خخخخ هيه ما قالت هالشيء إلا بس عشان تغايضكم وشكلها نجحت
علي: مب مشكله يا ماجد انا بسوي لك شاي ماذقت مثله
ماجد: اعرفك راعيها انته
زايد يشرب الشاي ويضحك عليهم

قامت على صوت امهـا: سمر قومي صلي الفير
سمر تقوم بكسل: زين زين
ام فاهم قبل لا تطلع: ترى ماجد بعده هنا مو تطلعين بدفاشتج
سمر حتى وهي نعسانه ما تنسى تمدح نفسها: اصلا انا عمري ما كنت دفشه دوومي ترتوب
ام فاهم: قومي صلي وبلا هالمديح الزايد
خصلت من الصلاه .. وخذت لها قرآن متعوده تقرأ برع البيت يعني تقعد على الكراسي اللي في الحوي وتقرأ

رجع علي من الصلاه ويوم شاف اخته : بل والأشباح حتى بالفير يطلعون
كانت بترد عليه بس الضربه اللي لقاها على ظهره ومن ا بوه خلاها تسكت
سالم: احسن منك انت على الأقل
علي يحك ظهره: وانا ما قلت شيء إنزين
سالم: روح جدامي اشوف ...
تحرك علي ... وسالم كلم بنته بحنان: سمر لا اطولين وايد برع
سمر تبستم: قربت اخلص ابوي
سالم: بارك الله فيج يا بنتي
استانست سمر ورجعت تخلص الجزء المتبقي لها ...
فصخت وقايتها يوم خلصت .. حطت في بالها ماجد رجع البيت لأنها ما رجع مع اهلها ...
دخلت الصالــه .. وبيدهـــا المصحــف و وقـاقيتهــــا ..
رجعت المصحف في مكانه (له مكتبه صغيره في صاله)
وهي وقفت بعدما رجعت المصحف تفـاجات بصـوت مـاجـد: يـا سـلام مـن مـتى هالشعـر المنفـوش صـار نـاعــــم
لبسـت وقايتهـا بسرعه وصدت : مـاجد؟!
ماجد يصد يمين ويسـار .. ورجـع يكلمهـا: مـا اشـوف غيري
سمـر: صج جليل الحيـــا
مــاجد رايح صوبهـا ويتكلم: سمر حـــدج عـــاد
سمـر: عبـالـك خـوفتنــــي ألحيـــن
مـــاجـد: أنـــا مــا عنــدي ســـالفـــه اســولـف ويـاء وحـــده نفســـــج
يــوم شـــافهــــا اطـــالعـــه بنظــــرات تستهيـــن بـــه ... عصـــب وراح صـــوبهـــا وهـــي تفـــاجــأت يـــوم تقـــرب منهــــا مـن جـذي رجعــت ورا بس الكنبــــه اللـي كــانت وراهـــا مــا خلتـــهـــا تبتعـــد اكثـــر
نظــرات مـاجد الجـديـه خـوفهــا شوي بس مـا تـريـد تبيـــن
ماجد: انتي شـو تظنـيـن نفســـج
سمر خايفه بس عندهـا وقــت حـق الاستعبـاط: أنـا بنــت عـلى مــا أظــــن
مــــاجد: ها ها ها .. يـا ثقـــل دمـــــج
يـــوم مـــد يــــده خـــافــت وارتبكـــت اكثـــر وشـوي شـوي قــام يبــين علـى ويـهـا
مـــاجــــد حس إنهـــا خــايفـه وبغـى يـزيـد خـوفهــا اكثــر فـابتســـم بخبــث
مـــد يـــدهـ قــرب خــدها اونـــه بيلمسهـــا وهــي تــراقــب يــده بعينهـا الـزايغـــه
ويـوم قـرب أكثـــر غمضــت عينهـــــا .... فتحــت نـص عينهـا يوم سمعـت كلامه: لقيـته تلفـوني
فتحت عينها كـامل: ها؟
ماجد أونه ما يعرف شيء: موبايلي نسيته عندكم وانتي كنتي واقفه ورا
سمر متفقطه : يالله اطلع من هنا ألحين
ماجد يطالعها ويبتسم بسخريه: لايكون البيت بأسمج
سمر: وخر عني لاه
ماجد مصر يوقف: وإذا ما تحركت
سمر : تحمل إلي بيك عيل
اونهـ واقف ومستقـوي عليهـــا ... بس سمـر بعـد مـب هينــــه
داسته بأقـوى مــــا عنــــــــدهـــــــــــا
وركضت لغرفتهـــا ... والضحكـــه شـــاقـه حلجهـــا
مـــاجد طلـع من بيتهـــم يسبهـــــــــــا ويعـــــــــري
مرت الأيام ... وشجار ماجد وسمر قاعد يزيد اكثر واكثر.. رغم إنه ماجد صار وايد مشغول بعدما اشترك في نادي .. بس فوق هذا عنده وقت يضارب معاها ...

البنات كلهم كانوا يالسات في الحوي و مفرشين الحصير
سمر وبيدها كوب آيس كريم: احلفي وبعدين
عبير: ماشيء كان اعصب وقلت لها حدج ..
سمر: بل طلعت مب هينه
عايده: هذي اللي كنتي تراكضين وارها ؟1
عبير: وانا شو درابي جدامنا هاديه ومن ورانا .. اعوذ بالله منها
هند: أصلا محد مخربنج غير هذي
سمر اطالعها : تقصديني؟
هند: اللي عنده عقل بيفهم
كوب آيس كريم اللي كان بيدها .. فرته كله على هند .. اللي تمت تتحرطم ومعصبه
هند: شو سويتي يا الهبله
سمر بكل بروده: اللي عنده عقل بيفهم
هند واصله حدها وكانت بتضربها بس عايده مسكتها: تعالي معاي
عشان تغيرين لبسج
سمر: مدي انتي بس إن ما كسرته لج ما يكون اسمي سمر
عبير فيها ضحكه: سمر بس
عايده سحبت هند .. لغرفتها
عبير: خخخ قويه الحركه يا سمروا
سمر: تستاهل عشان مره ثانيه تحاسب قبل لا تقولي شي
عبير: يا ليت لو انتي معاي في المدرسه كنا بنكون عصابة خطيره
سمر: هههه عصابه مره وحده
عبير: بس صج سمر شو سالفتج مع هند
سمر باشمئزاز : تبين الصراحه شخصين ما احبهم في عائله ماجد وهند اكرهم اكرهم
عبير تأشر عليها تسكت بس البنت مب مهتمه اطلع اللي في قلبها
سمر: ما ادري شو يحسبون نفسهم ... وايد وايد قاصين على أعمارهم .. اكرهم يا عبير اكرهم
قاطعها: إللي يقول ألحين نحن ميتين فيج
سكتت سمر طالعت عبير بالأول وبعدين صدت وراها
سمر بسخريه: مجوود
ماجد: هيه ماجد اللي قاص على عمره وايد
ما اهتمت وصدت صوب عبير: زين يوم اعترفت بنفسك
عبير تبى تخفف الجو اللي تكرهب على الآخر: هلا ماجد .. مجود تعرف إنه سمر خيست هند بالآيس كريم (ألحين هذي طريقتها لتخفيف الجو)
ماجد: اتوقعي أي شيء من وحده ياهله
هنا سمر عصبت وكانت بتاخذ كوب الآيس كريم لأنه بقى شوي .. بس عبير سحبته عنها ...
قامت سمر معصبه: منو ياهل انا ولا حبيبة قلبك .. مسكينه صاحت وقالت بخبر عليج ريلي ماجد
هههههه صج ضحكنا عليها من خاطر .. روح روح ألحق على حرمتك
ماجد متفقط: انتي ألحين تتكلمين جد
مربعه يدها وتبتسم بسخريه: ما تنلام .. ما عندك عقل عشان تستوعب الكلام
ماجد معصب: ســــــمــــــــر
سمر مب خايفه ولا مهتمه:روح روح ألحق على حرمتك
ماجد: هند مثل أختي لا تقعدين ترمسين هالرمسه
سمر: قول هالكلام لها .. الكل يعرف لأنها مب مقصره مخبره الكل ودخيلك لا تخلي عمرك ما تعرف
ماجد يطالع عبير ... عبير خافت: انا ما يخصني
ماجد سكت .. الريال مفتشل ومعصب من هند كيف اطلع كلام مب صحيح عنه ...
وفي خاطره وهو يبتعد عنهم: هذا وانا ما صرت لاعب مشهور مطلعين علي إشاعه عيل باجر يوم بصير مشهور شو بصير .. بقولون الاعب ماجد تزوج أنجلينا وتركت براد بيت عشاني هههه صج متفيج انا

وفي نفس الوقت سمر مشغوله بالضحك
عبير: ليش تكذبين
سمر: يستاهلون
عبير: وإذا سألها
سمر: خله يسألها وانا شو يخصني
عبير: ألحين بذمتج كاذبه كذبه شو كبرها وتقولين أنا شو يخصني .. انتي مب طبيعيه على الفكره
سمر: اعرف ههههه

كان بيدخل غرفته بس يوم شاف هند طالعه من غرفة عايده ... وقف في مكانه وبنظرات عتاب: هند؟!
رفعت هند راسها : أوه ماجد
ماجد: هند بصراحه ما توقعتها منج
هند مستغربه: شو صار ماجد شو سويت انا؟
ماجد: كيف تنشرين إشاعه إنا بينا شيء ولا جدام منو بعد جدام سمرو
هند: انا؟!
ماجد: منو عيل توني ياي من عندهم وخبرتني سمر إنها خيستج بالآيس كريم وانتي خذيتي اسمي
هند: اصلا انا ما يبت سيرتك .. انا اللي متفاجأه منك كيف صدقت كلام وحده بايعه عقلها وغجريه ما عندها اسلوب
ماجد: يعني تقصدين كله اللي قالته جذب
سهند: أكيد وعبالك انا وهي واحد ترى انا اعرف اتكلم وعندي اسلوب
ماجد معصب: انا هذي لازم أدبها ..
هند: وين رايح
ماجد: عدت حدودها هالبنت ... مب مسويه لنا سالفه
هند: اصلا سمر الكلام ما يفيد معاها والضرب ما تروم تضربه
ماجد:هيه والله صدقتـــي إن سـويت فيها شيء الكل بحــاربنــي ســاحـره اهل البيـــت
هندتضحك: ساحره لازم بتسحر
ماجد:ههه حلوه هاي ... يالله عيل بروح اسبح ريحتي وهفه من خاطر
هند: ههههه

ماجد طالع من الحمام ... ويمشي في الصاله وشعره مبلل بالماي
فامه هزبيته: ماجد امسح شعرك على الأقل ... مخيس الأرضيه كله ماي
ماجد: يمه لازم تشكريني قاعد انظف لج الأرضيه
ام خليفه:غربل ابليسك يا ماجد
لبست وقايتها ... وكانت بتظهر بس يوم شافت سمر بتدخل الصاله
وقفتها: سمر امج متصله وتقولج ارجعي البيت
سمر: كنت برجع بس بغيت اكلم عايده شوي من دخلت ما طلعت
ام خليفه: انا رايحه بيتكم تبيني اترياج
سمر: لا لا خالوا انتي روحي قبلي
ام خليفه: على راحتج
طلعت ام خليفه وسمر هي داشه شافت ماجد اللي كان يالس على الكرسي وياكل موزه من الفواله اللي على الطاوله
سمر تضحك على الخفيف: شوي شوي زين
ماجد عينه على الموزه: سمعتج ترى
سمر غير مبالايه: وشو اسوي يعني
ماجد: دخليج فكيني من لسانج وروحي داخل
سمر: انا اصلا رايحه ومب محتاجه إذن منك
بعدما راحت ماجد قام عشان كان بيطلع ,,,,

ومثل كل مره اجمتعوا ع العشا بس هالمره في بيت سالم
عايده: افا بس ألحين نحن في بيتكم وانتي حضرتج راقده
سمر متغصصه: اووو متفيجه انتي
عايده : قومي وعن والدلع
دخلت عبير عليهم فجأه وبصوت عالي: الســـــــــــلام وعليـــــــــــكم
عبير: اوه سمروي انتي راقده وهناك يدي يســأل عنـــج
سمر: جـــذابه
عبير: وليــــش اجــــذب؟
سمر: عشــــــــــــان تبيـــــنـــي أقــــــوم
عبير تضحك وتتطــــالــــع عايــــده: عــلى راحتـــــــــــج ... عيــوده خليهــــا تنــــام ونـــحن بنـــروح عنـــد يــــدي شفتـــــــــــه يــــاب لنــــا شيء
عايد: هيه صح هو قالي يبانا بسالفه
قامت عايده ... فبعدت سمر اللحاف من ويها بسرعه: إيه وين رايحين تريــــوني
عبير: ويييي أنتي ليـــن مـــا تقوميــــن وتتلبسيـــــــــن بضيــــع عنـــا كـل شـــيء
عايده: خلينا نروح احسن
طلعن من غرفتهـــا ... وكانت تنادي عليهم بس ما سوى لها سالفه ...
قامت بسرعه وعلى الحمام ....

طلعت من غرفتهـــــــــــــا .... و وقايتهـــا على راسهـا بس بعدهــا مـا لفتــــه رفعـــت يــدهـــا عشـــان تلـــفــــه .. ومن غير قصـــد صكــــت زايـــــد
زايد: أخ
سمر : أوه آسف زايد ما شفتك
زايد: لا عادي ما صار لي شيء
سمر: شو تسوي ياي هنا
زايد: الله يخلي اخوج طلب مني اييب لي قير ثاني إذا ابغي العب معاهم
سمر: ههههه قاص عليك
زايد: ههههه
ماجد: يا سلام طايحين ضحك مع بعض
تحركت سمر من غير ما ترد عليه .. لأنه نظراتها بالغرور كان تكفي ترد عليه
ماجد: مــــــــــالــــــــت بــــــس
ما سمعته ولا كان بترد عليــــــــه
زايد: هههه شو تبـــا فـي البــنت
ماجـد: ما تشــوفهـــا كيــف تطــالعنــــــــي ... هذي لو كانت بنت عز شو بتسوي ..
زايد: خخخخخ والله تضكوني
ماجد: خلك من الضحك ويالله نترياك نحن
زايد: اوجي مب متأخر



خذت الموسده وفرت على عبير
عبير: تخبلتي سمر؟

تقلدها سمر: يدي كان يسأل عنج ... يا الجذابه
عبير: هههه
عايده: شو نسوي بعد كنت ما بتقومين إلا إذا جذبنا مثلج
يلست حذالهم: إلا وين هذي ام الكشه هند
عبير: هههه يقولج
عايده قرصتها عشان ما تكمل
عبير: آآآي
سمر: وش فيج
عبير: ها ولا شيء انتوا وايد عندكم سماسيم
سمر: والله؟!
عايد: هند راحت تقعد عند قوم امي ... اونه تبى تسمع سوالفهم
عايده منعت عبير تكمل كلامها ... تعرفون ليش ... نرجع لورا يوم سمر راحت عند يدها يعني قبل لا تمر عند قوم عايده

هند: انا ما اعرفهـا كيف اطيقونها
عبير: هيه تكون عاديه معانا بس انتي ما ادري ليش تعاملج غير
هند: أكرها الصرارحه
عايده: هند عيب اللي تقولينه
هند: وليش عيب اصلا هي ما تقربنا بشيء
عايده: عشرة عمر اللي معاهم تكفي يا الغاليه هم اكثر من اهلنا حتى
هند: وييييييييييه ما عندج سالفه ... اقعد عند قوم امي احسن لي
عبير بصوت واطي: بالطقاق
عايده: الله يهديكم بس

سمر: حووو ستي وين موديه الصفره فرشي هنا
ستي: لا ماما يقول برع وايد حلوه جو ... في سوي عشا برع
عبير: صدقها

نوره: يا البنات قوموا ساعدونا
سمر: سمعتوا عمتي شو قالت قوموا ساعدوهم
عبير: وانتي حضرتج ما سمعتي
سمر: لا عيوني قالت بنات
عايده: وانتي شو عيل
سمر بدلع: انا بعدني بيبي
عبير: عدال بس

ام فاهم بصوت عالي:بنـــــــــــــــات ؟!
قامن الأثنين عايده وعبير اما سمر فتمت يالسه وتضاحك بعد

الكل تجمع على الصفره ... وعاد انا رسمت لكم المخطط كيف أماكن قعدتهم
اسهل عليكم اوني

الصفــــــــــــــــــــــــــــــــــــــــــــــ ـــــــــــــــــــــــــــــــــره
خليفه زايد علي ماجد سمر عبير عايده هند

شو مقعد ماجد حذال سمر ... بتيكم السالفه ...
علي رجع عند الصفره بعدما غسل يده ..
علي: اوه ماجد انت قاعد مكاني
مـاجد: اوه اسمح لي
علي: لا لا خلك قــاعد بقعـــد حـذالــكــ مـا تفـرق

ماجد كان يتعمـــــد يطلب كل مره كوب ماي ... بس عشان يـأذي سمر ...
بما إنها هي قريبه منه فهي كانت توصله له الماي
ماجد: سمر ماي
سمر: اوف انته شو تاكل شوي وتشرب وايد شو مقعدنك هنا اليوم
سالم: سمـــــــــر
سمر متغصصه : هند صبي الماي لدرام
الكل: ههههههه
مـــاجد: شاهديـــن هـي اللي بـــدت
صالح: يـا وليــدي انته بعد بســـك مـن المــأي ما كـليــت شــيء
ماجد: يــدي المـدرب قـالي لازم تشـــرب وايــــد مـــأي
سمـــر: خذ واتـــرس هالكـــرشـــــه
شـــوفــــوا خبثهـــــــــــا ...
صـح هي مدت يدهـا عشان تعطـي الكــــوب ... بس تعمـــدت اطيــــح من يـــدهـــا اول مــا لمســت يـده الكـــوب
سمر: آآآخ يا مــاجـد مـا تعرف تمســـك المكوب عدل
ماجد: انا ولا انتي تركتي قبل لا امسكه عدل
سمر: ترد علي انا ألحين ... (أونها حزينه): انته وش فيك علي
ماجد: بعد (قاطعه عبيد): ماجد
ماجد: يباه هي اللي
عبيد صرخ عليه:ماجد بس عاد ما فيك شده حتى تمسك الكوب نفس الناس
بس فالح للحواطه والكوره
الكل تارك الأكل ويطالعون ماجد وعبيد
عبيد: متى بتصير ريال
صالح: عبيد خف على الولد ترى السالفه ما تستاهل كل هذا
عبيد: يبا انت بروحك شايفه كيف صاير يالس في البيت بطالي لا شغل ولا مشغله
سالم: خلاص انسوا السالفه
ماجد هنا عصب: لا عمي خله ابوي ما يلقى غيري انا بس ينازعه كأني مب ولده
عصب عبيد: يا جليل الحيا .. قوم من ويهي عن افلعك بها الصحن
قام ماجد ...
علي: ماجد اقعد
ماجد تجاهله ... وقام من الصفره
وبشوي قامت هنــــــد: شبعت
سمر غيرت ويها يوم شافت علي يطالعها باحتقار
عبير: سمر سمر شوفي هند قامت بعد
سمر: متفجيه انتي .. انا ما توقعت السالفه بتوصل لين هنا


ماجد بعدما تغسل ... طلع برع للحوي من باب المطبخ .. يعني مب لازم يمر صوبهم

هند لحقته ... وشافته معصب وقاعد يضرب الجدار بريوله
هند: ليش اطلع حرتك على هالمسكين
ماجد: لأني قاعد اتخيله سمر (هههه ريلاكس ماجد)
هند: بل بل لها الدرجه حاقده منها
ماجد: والله هي تعمدت اطيح الكوب من يدها
هند: مصدقتنك بس مو باليد حيله
ماجد: خاطري ادبها خاطري .. سكت ومن القهر رجع يضرب الجدار
هند تساندت على اليدار: وانا خاطري ادور على حد يكسر غرورها ..
شخص قدها وقدودها
ماجد وقف من الضرب وطالع هند: هند انتي بتكونين شاهده علي لين ما ادبها واحطمها ما برتاح
هند: تقصد انت الشخص اللي بيقدر عليها
ماجد: هيه ليش مب مالي عينج انا
هند: محشوم يا اخوي بس ما اظنك تقدر عليها
ماجد: هذا لأنج ما تعرفيني عدل إذا حطيت شيء في راسي اسويها
هند بنظرات شك: متأكد
ماجد: تراهنيــــن
هند: اراهن واشوف إذا قدرت بعطيك الف درهم
وإذا ما قدرت تعطيني ألفين درهم ها شورايك
ماجد: الفين .. لا والله شو رايج نخليها الف احسن
هند:ما عندي مشكله بس الأهم تكسر غرروهـــا
ماجد:عطيني شهر وبتشوفين
هند: عيل محد بيب طاري الرهان إلا بعد شهر
ماجد: موااااااااااااااافق

ماجد في غرفته قعد يفكر ... كيف يأدبهــــا ويخليها مذلوله
قعد يفكر ويفكر ويفكر بس ما لقى شيء مفيد ... لين ما غفل


ونفس الحال مع سمر ... قاعده تفكر بس الفرق بينها وبينه في شو قاعدين يفكرون
سمر : اللي سويته غلط بس هو اللي بدا قـاعد يستعبط معاي
ابصـم بالعشـره كان متعمد ...
سكتت ... حظنت الموسده وكملت كلامها: اعترفي سمرو انتي زوديهـــا
اوووووو خلاص خلاص باجر بروح اعتذر منه ما يستاهل بو شيفه بس بروح اعتذر له ... تراني مب لها الزود شريره .. اروح له باجر واعتذر منه

ومثل ما خططت ... اول ما خلصت من صلاة العصر .. راحت له
واقفه عند الباب وتكلم نفسها: اعتذر له .. لا لا مب لازم
انا اعتذر له .. بطيح من عينه انسى احسن لي تراه هو بعد بينسى
بس هو من قام البارحه لا تكلم ولا يلس معانا
اووووو اعتذر وخلاص .. بس تعالوا اعتذر جدامهم ولا يوم بكون بروحه
لا شو بروحه مب شيء يعني جدامهم
سكتت اول ما انفتح الباب ... وكان ماجد بيظهر بروح يلعب كوره
اول شيء طالعها مستغرب وبعدين رجع يطالعها بأحتقار
ماجد: مب ناويه ادشين
سمر: ها ؟ هيه
نشبت ما عرفت شو تقوله .. وهو تم يطالعها شوي وراح عنها
اول ما ابتعد من الباب دخلت
سمر: هذا وانا يايه اعتذر يطالعني بها النظرات ... مب ويه اعتذار بطقاق
ما يهمني شو يفكر في ..


يوم شافت يدهـــا يـالـس فـي الصـالـه ... راحت عندهـا
سمر بويهـا البشـوش: هــلا يـــدي
صالح استانس اول ما شافها: أووه سموووري

مــاجد: علو تراني صج بروح عنك
علي: اصبر إنزين ألحين بخلص .. روح روح ييــب لي ملطف
ماجد: لا والله ومن وين اييـب لـكـ
علي: روح غرفة سمـر
مـاجد: من صدقك انته
علي: هيه روح هيه محد ألحين
ماجد: اعرف إنزين شفتهـا في بيتنـــا وإنزين انته شو تبـا في الملطف من الله رايحين نلعب
علي يتمصلح معاه: فديتك ماجد حتى ولو لازم ريحتي تكون شيء شيء
روح دخيلك ييــب لي ويوم بترجع بتشوفنـي متلبس
ماجد: زين زين لا تقعد تترجاني
علي ابتسم : نعم الصديق والأخو ..
ماجد وهو طالع: بس بس

دخل غرفتهـــا...
تفــاجــا إنه غرفتهـا بسيطــه ويـدل على الهـدوء
ابتسم بسخريه: طلع عندها ذوق بعد


راح صوب التسريحه وخذ الملطــف ... من على المنظره مال التسريحه انتبه على رفوف متلصقه باليـدار
راح صوبهم ...
تم يطـالـع الكتب ومستغرب
دخل عليه علي: بل مجود ما طلبنا بيت شعبي ولا ناوي تسرق شيء من غرفتهـــا
ماجد ضحك: هههه وين اسرق وياء ويهـك
علي: عيل شو تسوي ها؟
راح عنده وخذ الملطف وبعدما استعمله فـراه على الكرافيـه
ماجد: اختك تقراه قصص رومانسيه
علي: أووو لو عرفت إنك عرفت بتقلب علينا الدنيا .. خلنا نطلع من هنا احسن
طلعوا من غرفتهـــا ....
ماجد: بس ليش ما تبا احد تعرف
علي: ما اعرفهــا ... تعرف بعد البنات عليهم حركات غريبه
ماجد وهو طالع مع علي في خاطره: ألحين هذي ام لسان عندها قلب ورومانسيه ... آه عرفته البنات بانواعهم كانوا شريرات ولا طيبات نقطه ضعفهم القلب .. نعم القلب هو هذا ... yes ,,, لقيتها

طلعت عايده من غرفتهــا ويوم شافت سمر نزلت بسرعه
عايده: يا سلام من متى انتي هنا
صالح: من فتره ومهلكتني من الضحك
عايده: سمرو خفي على يدي ترى مب زين عليه الجهد
سمر: اسمع هذي وش فيها إذا ضحك
حضنت يدها: يتعب قلبه
سمر: بسم الله على يدي وقلبه ما في اقوى منه ما عليج من كلام الدكاتره
عايده: صج عيوز انتي
سمر: يدي سمعتها
صالح: عايده لا تغلطين عليها ... ترى كله اللي قالت صدق قلبي قوي (ضرب بيده على قلبه لين ما بدأ يكح يكح فضحكوا عليه البنتين)
في الملعب ماخذين استراحه
علي يرش الماي على ويه: ماجد وش فيك اليوم
ماجد منحني يعني يدي الثنتين على كوعه: ليش شو فيني اليوم
علي: ما تشوف عمرك تلعب وبالك في مكان ثاني
ماجد في خاطره: قاعد افكــر بأختــكـ المغـروره
علي: لا لا أنـت صــج أحــد مــاخــذ عقـلـك
ماجد سحـب عنه الغرشه: ولا شيء امور تـافـه
علي مب مقتنـع: صـح صـح

هو كان اسبوع عادي بالنسبه للكـل .. اما لماجد فكان اسبوع سريع
مب عارف كيف يبـدأ معـاهــا .. حتى هـي مـا صـارت تضـارب معـاه ...

عـايده يلست حـذاله ومـاجد مب حـاس فيهـــا
عايده: احم احم نحن هنـا
مـاجد انتبه: وشو اسوي انتي هنا
عايده: بل بلاك معصب
ماجد: مب معصب إلا قولي ميت من الملل
عايده: إنزين شو رايك تودينـا القـرم
مـاجد: القرم؟
عايده: هيه ولا اول مره تسمع عنه
ماجد: خخخ صرتي تنكتين بعد .. أكيد اعرفه القرم ..
عايده: ها بتودينا
ماجد: نطلع بعد شو نسوي قاعدين هنا
عايده: خلاص عيل بروح اتصل في البنات
ماجد: منو بعد؟
عايده: يعني منو سمر وعبير وهند في احد غيرهم
ماجد ابتسم يوم سمع اسم سمر
عايده اطالعه بنظرات شك: وش فيك ابتسمت فجأه
ماجد: ها؟! أنا اقول لو تقومين وتتصلين فيهم أحسن
عايده : اقوم ليش دام التلفون بيدي
اتصلت أول شيء في سمر لأنها تاخذ وقت لين ما تجهز
عايده: أهلين سموري
خخخ هيه هو ما غيره بودينا
ماجد يوم شافها تضحك عرفت إنه سمر شيء قالت عنه
خلاص عيل بتصل في الباقين و مو تتأخرين
بعدما صكرت عايده من سمر
قام ماجد: خلاص عيل بروح اتلبس انا بعد ..

واقفين عند باب بيتكم سالم يتريون الأميره سمر
ماجد: لا حول هذي شو تسوي
عايده: يا بوك هذي ما تظهر إلا وهي في كامل أناقتها .. ها هذي طلعت
بطلت باب السياره: اوه آسفه آسفه أكيد ما تأخرت علكيم وايد صح
عايده بسخريه: كعادتج عند وقتج ابد ما تتأخرين
سمر مفتخره : أكيد طال عمرج
طالعت ماجد اللي كان يطالعها من المنظره: يالله تحرك شو تتريا بعد
ماجد: لا والله الأخت شايفتني سايق عندها
في خاطره : شو سويت مجود لازم ما ترد عليها

سمر: عنك ما اعرف بس عن نفسي اعتبر نفسي اميره
ماجد: مقبوله منج
عايده وسمر مستغربين من رد ماجد ... اللي تحرك بسكوته
ركبوا الكل
هند تطالع صوب الثاني وباشمئزاز:اوف هذي هنا بعد
سمر: سمعتوا هي اللي بدت يوم بقطهع لها ويها لا تلومني
ماجد: صح هند بعدين قولوا سمر اللي بدت
هند مب مصدقه ماجد ما غيره يدافع عن سمر
عبير: شو هذا شو هذا ماجد يدافع عن سمر
سمر: حالي من حالج مستغربه بصراحه عايده اليوم اخوج مب طبيعي
عايده: اتفق معاج
ماجد: خلاص قررت انهي خلافي مع سمر ... مب مستفيدين شيء
عايده: كفوا يا ولد عبيد
يطالعها من المنظره: ها سمر شو رايج نفتح صفحه يديده
سمر مستغربه وفي نفس الوقت مستانسه: انا عادي عندي بس انته إذا بديت انا ما بسكت عنك
ماجد: هذا من حقج
عبير: كفخوني طيروني .. هل صحيح ما اسمعه
عايده: خخخخ اشوف انقلبت اللغه
عبير: ما تسمعيهم ... يقولج بتصالحون
ماجد: و شو فيها يعني ؟
سمر: هيه شو فيها
عبير: لا يباني وقت لين ما استوعب
عايده: لا تحسدينهم
عبير: ههههه لا تحاتين

عايده: مجود شوي شوي ... هذا جسر عن يطيح
ماجد: خخخخ مسكينه انتي وين بطيح الله يهديج مثبت بالقو
سمر: مايد حدك عاد ما ارضى احد يسخر بربيعتي
عبير: هيه وانا بعد
ماجد: خلاص تأمرون امر انتو .. وهذي بوسه على راس
سحب راسها عشان يبوسها
عايده: ماجد حاسب
هند: الحمدلله والشكر الولد فقد صوابه
سمر: إذا فقد صوابه تعالي دوري عيل
عبير: هههههاي حلوه يا اختي حلوه
هند: ما يضحك هالقد ترى
سمر: وانتي شو حارنج ؟

ماجد: خخخخ خلاص خلاص يالله انزلوا
سمر: لحظه لحظه بشوف كشختي
ماجد في خاطره: متفيجه من خاطر هذي
عايده: يالله عاد سمر
هند: اووو بنزل عنكم انا
سمر: فكه
الكل نزل يوم سمر خلصت من كشختهـا ..... خخخ

تموا يمشون لين ما وصلوا صوب المـــاي ... سمر وعبير حسوا أعمارهم يهـال ... نزلوا بسرعه وتموا واقفين يطالعون حيوانات صغيره تمشي على التراب المبلل باالماي
صوره
سمر: عبير شو رايج نروح عند هاي الصخره
عبير: لا لا اخاف انا وإذا طلع شيء
سمر : يا الغبيه وايد قريب ليش تخافين
عايده: سمر لا تروحين بتخيس عباتج
سمر: العبا يتغسل بس الوناسه ما تنعاد وانا اليوم صايره نونه
هند كانت واقف حذال ماجد
هند بصوت واطي: من زمان
ماجد شافها وتم يضحك
هند: اوه الأخ يضحك ومن ساعه كل صايح يدافع عنها
ماجد ابتسم بخبث ... وهالشيء كان كافي لهند (لازم نفس العقليه) تفهم
إنه ماجد كان متعمد في هالتصرف

المهم سمر وصلت صوب الصخره الصغير
وركبت فوقه ...


وتمت تصفر وتنادي علي عبير اللي كان خاطرها تروح بس كانت خايفه
ماجد: سمر عن اطيحين
عايده تطالع ماجد مستغربه: انا شاكه في شيء
ماجد: بشو شاكه؟
عايده: اونك عاد تخاف عليها
ماجد: نسيتي .. في سياره .. صفحه يديده
عايده: هيه صح صح (مب مقتنعه)

رجعت سمر عند عبير ... و مشو صوب قوم عايده
ماجد: نروح هناك
سمر وعبير: هيه هيه ... سبقوهـــم

ماجد: شوي شوي عن تزحلقون
عبير عجبها صخره ومن تحته ماي طالع
عبير: سموري صوريني بموبايلج هنا
سمر: افا عليج روحي قعدي
سمر:ابتسمي على الاقل
ابتسمت عبير: بس
سمر: شوي اكثر
ابتسمت اكثر: وألحين
سمر فيها ضحكه : هيه بس بعد شوي
عبير: بيظهر ضروسي
سمر: حلو إنزين بقولون هذي وايد مستانسه
عبير:ههههاي سمر عاد
سمر: هههه خلاص يالله إنزين .. هيه زين زين
رجعت ورا وما انتبهت لماجد اللي كان واقف وراهــا .. فصدمته
صدت رواهـا عبالها صدمت بواحد غريب
يوم شافت ماجد ارتاحت: ماجد؟!
ماجد: كنت اشوف كيف كنتي تقصين على عبير
سمر: ههههههه صج مقصه
عبير تصارخ عليهم: أنتوا إيه بعدين دقوا سوالف .. سمر يالله عاد أخاف يطلع لي شيء
سمر صدت بسرعه صوبها: 1 2 3 أكشن
بعدما صورت عبير ... عبير رجعت بس عبير بعد تبى تصور
عبير: سموري تعالي نروح هناك ونصور
سمر: قرب الماي
عبير: هيه
سمر: يالله .. ماجد صورنا
ماجد: اوجي
راحن الأثنين صوب الماي وتبعهم ماجد
وقفوا الأثنين وسوا علامة الإنتصار اونهم ... ضحك عليهم ماجد وهو يطالعهم من الشاشه ... قلبه خون فيه لثواني .. حس بشعور غريب يوم شاف سمر بس مسك نفسه على صوت سمر
سمر:يالله ماجد تعبنا
ماجد: ها؟ زين زين
بعدما صورهم ماجد ..
سمر نادت على عايده تصور معاهم
عايده وهند اللي كانوا واقفات بعيد عنهم
عايده: يالله هند خل نروح نصور
هند بنفس خايسه: روحي انتي
عايده: على راحتج

راحت عايده عندهم و صورهم ماجــــد
بعدما صورهم ماجد طلب منهم يرجعون فوق عند السياره لأنه ناوي يصعدهم على الرمله
وسمر وعبير اول ما سمعوا تخبلوا ... تركوا عايده وراهم وراحوا صوب السياره
ماجد: هههه ضربوا فيج خيانه
عايده: ههههه متعوده منهم هههههه
صعدهم ماجد على الرمله .. وعايده خافت وايد وكل ما تطلب منه يوقف سمر وعبير يصرخون ويطلبون منه ما يوقف ..
وهند ولا كأنه وياهم ... ساكته ومبوزه (ليش يايه ما اعرفها خخخ)
ومسكين ماجد قلبه رجع يخون فيه كل تصكه سمر بيدها .. لأنه يوم يصعد احياننا تندفع هيه جدامه لأنها يالسه ورا (فهمتوني صح ؟ههه)
المهم البنت مب حاسه بنفسها .. مشغوله بضحك مع عبير ...

في نهايه يوم شبعوا من الوناسه حنوا على عايده اللي أغلب وقت كانت تصكر عينهـا وهم راجعين سمر عجبها منظر وصورته


.. ورجعوا البيت
ماجد نزلهم صوب بيتهم
سمر: ماجد ما اقدر امشي وصلني صوب بيتنا
ماجد: سمر والله إني تعبان دامني وقفت هنا انزلي بيتكم لا من بعده
سمر: يعني ما بتوصلني
عبير: مب كأنكم بتضاربون
نزلت سمر من السياره وصكت الباب بأقوى ما عندها .. عاد الشباب كله ولا تصكون باب السياره بقوه هههه صح؟ تراني مجربه من اخواني خخخخ المهم كلمي قصتج انتي
إنزين ماجد نسى كل شيء ونزل من السياره
ماجد: كيف تصكين الباب جذي
سمربكل بروده: ع كيفي
عايده: رجعنا
سمر: شو بتسوي يعني
ماجد: بدوسج بسيارتي وبكسر لج ايديج
سمربسخريه: ها ها ها خوفتني انته حاول بس وشوف شو بصير
عايده: بس عاد انتوا الاثنين نحن بعدنا برع البيت
سمر: مالت عليك وعلى سيارتك بعد .. تقلده ..: صفحه يديده اونه مالت على صفحتك بعد
تحركت .. واول ما سمع منها صفحه يديده تذكر خططته .. لحقها
عبير: اويي لا يكون بضربها
عايده: لا ما اظن
ماجد: سمر وقفي
سمر وقفت: شو تبى بعد شو عندك؟
ماجد ساكت مب عارف كيف يقولها : تعالي اوصلج
سمر بسخريه: لا والله خطوتين و بوصل البيت بعد شو تبى توصلني
ماجد:ارجعي إنزين عشان اوصلج
سمر: صج متفيج
تحركت عنه بس هو وقف جدامها
ماجد: اقولج تعالي بوصلج البيت
سمر: انته تخبلت شو؟
ماجد: يعني ما بترجعين
سمر: لا
ماجد: متأكده عشان صفحتنا اليديده
سمر: أي صفحه ما اعرف شيء عنه
ماجد: خلاص عيل تحملي هذا
مسك بيدها وسحبها بقوه .. الكل استغرب من تصرفه
عبير حاطه يدها على حلجها: اويييي
عايده معصبه: صج ما يستحي
هند ما كانت موجوده نزلها ماجد
المهم سمر تضربه : إيه انته يا الفشله هدني
وصل صوب السياره وفتح الباب .. ركبها بغصب .. سمر تمت يالسه معصبه وفي نفس الوقت مب مستوعبه من تصرفه هذا
بعدما ركب ماجد السياره نزل الجامه: ادخلوا بعد شو
عبير تطالع عايده
ماجد بجديه: ادخلوا انا بوصلها مب خاطفنها
ركضوا داخل البيت

سمر في سياره تمت ساكته لفتره بسيطه لأنهم وصلوا البيت
ماجد: ها ارتحتي
سمر: محد جبرك توصلني
ماجد: عشان تعرفين إني عند كلمتي
سمر طالعته وفجأه نقعت من الضحك
ماجد فجأه قام يطالعها بنظرات حب: ضحكينا معاج إنزين
اختفت ضحكتهـا اول ما شافت نظراته ونزلت من السياره بسرعه وكانت بتصك الباب بقوه بس مسكت نفسها وصكت الباب ببطي وعلى الخفيف
ابتسمت له واشرت عليه يتحرك .. دخلت البيت سيدا

تنهد ماجد : آآآ ضحكتها كانت حلوه .. شــــــو؟!
ضحكتها كانت حلوه واع واع بس
تم يضرب على حلجه .. وعلى خده: وش فيك ميوووود


سمر وهي راكبه تصرخ : عيود عايدو

فتحت عايده الباب ... ولأنه سمر يايه ركض وسريعه صدمت بـ عايده
وطاحوا الأثنين
عايده: حسبي الله على ابليسج يا سمرو
سمر:ههههههههه انتي منو قالج تفتحين الباب
عايده تحاول تقوم: خفت من صراخج
بعدما قامت عايده سمر مدت يدها عشان تقومها عايده
سمر: يقولج قوم فريده ركبوا بيتهم ليتات مال العرس
عايده: والله
سمر: و وايد حلو طالع
عايده: لازم بيتهم كبير واكيد حاطينه على كبر البيت صح؟
سمر: هيه بس انا مب حاضره عرسها
عايده:ليش
سمر: عيل ما عزمونا
عايده: يا العبيطه انا بنفسي شايفه امها تعطي االبطاقه لأمج
سمر: والله عيل انا وين
عايده رحت صوب الكمبيوتر: جواب هالسؤال أكيد عندج انتي ههههه

سمر: أخ بس رجعت مره ثانيه لكمبيوترها السخيف
عايده: حبيبتي انا وراي واجبات ومشاريع
سمر: بس عيل عطيني تلفونج بتصل في عبيرو احسن لي
عايده: عندج إياه بس ماشي رصيد
سمر: صج صج مو منج فايده انزل تحت واتصل احسن
عايده: هههههه روحي

نزلت سمر وألتقت بأم خليفه
أم خليفه: لا يكون انتي اللي كنت تصارخين
سمر: والله صوتي كان وايد عالي
أم خليفه: عالي ونص قولي هههه إنزين امج في البيت
سمر: هيه روحي لحقيها تراه مومي يابه بضاعه يديده يمكن تسوي لج خصم ولا اقول عادي تبيع لج ببلاش هههههه
أم خليفه: ههههه (باست خدها وراحت)
خذت التلفون واتصلت لعبير ..
بعد 10 دقايق عبير عند باب بيتهم ...
فتحت عبير باب الصاله ودخلت
عبير: هاي سمرو
سمر: هايييين عبوري تعالي تعالي ملانه من خاطر
عبير: أفا عليج بس انا راعية طرد الملل وصلت
زايد دخل: خذيها عندج ولا ترجعينها قطعت تلفوني وقطعتني معاه
ودني عند سمر ودني عن سمر صج يوم قال ماجد عنج ساحره
سمر انتبهت على كلامه: شو قلت ماجد قال عني ساحره
انتبه على اللي قاله: سمر عاد مو تسوينا سالفه مع ماجد
سمر معصبه: عيل يقول عني ساحره ولا بعد من وراي
عبير: سموري لا تعصبين يوم بيرجع تفاهمي معاه
زايد: صج سوسوه انتي

عبير:عيل يقول عن سموري ساحره
زايد وايد طيب ألحين هو معصب من اخته بس مب باين عليه
زايد: عبير انطبي احسن
سمر اضطرت تضحك: زايد لا تعصب ما يليق عليك
ضحك بعد زايد: ههههه صج سمر لو تعزيني لا تقولينه شيء ما فيني اصير فتان جدامهم
سمر: عشانك بس لأنك اطيب واحد بينهم طبعا من بعد اخوي خليفه هههههه
زايد: اعرفج طيبه مو مثل ما يقول ماجد شريره
سمر : شـــــــــو؟!
زايد: أحسن لي اروح من هنا قبل لا افضح ولد عمي
طلع زايد بسرعه ... سمر معصبه وعبير ناقعه من الضحك
لين ما شلت سمر الموسده وبغت تخنق فيه عبير ..
مر 4 ايام لا ماجد يلتقي بسمر ولا سمر ... سمر مب مهتمه بس ماجد بدأ يشتاق لها ... وأول ما سمع صوته ... من غير ما يحس طلع برع غرفته ..
وشافها واقفه على باب عايده وكانت متكشخه
سمر بترجي: عيودي والله تروحين معاي اسولف مع منو هناك
عايده: سمر حبيتي والله خاطري اروح الحنا معاج بس شوفي حالتي
عايده كانت تعاني من زكام
فعطست في ويه سمر
سمر: آآآخـي عايده خيستيني أقولج شيء خلاص تمي في مكانج احسن
عايده: خخخ يوم اقولج باجر العرس بروح معاج هذا إذا شفيت
سمر دزت عايده: يالله روحي داخل (بعدما دزتهـا صكت الباب)
تنظف عباتهـا وانتبهت على ماجد اللي كان واقف ويطالعها وبنفسه مب عارف ليش كان يبتسم
سمر: ماجد؟! من متى واقف وحضرتك ليش تبتسم؟
تدراك نفسه: ها؟! توني واقف (خرط)
سمر: وليش تبتسم؟
ماجد: بس جذي حرام
سمر: لا من حقك
نزلت .. لحقهـــا
يلست في الصاله .. يلس معاها ومجابلنهـا بعد
تطالعه: ماجد وش فيك تبتسم؟
ماجد: ولا شيء ولا شيء بس انتي اليوم وايد محلوه
لو احد غيرها بشك بنواياه ... بس الأخت لا ما صدقت أحد مدحهـا
قامت وراحت صوب المنظره: والله وايد محلوه .. تسلم تسلم
اول مره اسمع منك شيء حلو

رجعت لمكانهـا: وينها امك وايد تأخرت ترى
ماجد مبتسم: ما اعرف بس انتي ليش ما طلبتي من عبير ولا هند تروح معاج
ماخذه راحتها البنت ريول على ريول: يا أبوك دقيت له عبير قالت عليها امتحان باجر الحمدلله إني مخلصه .. حلو البطاله صح
يهز راسه والابتسامه معاه كأنه اول مره يشوفها
تكمل كلامها: إنزين وهندو اللي تلوع بالجبد مب ويه أحد يطلع معاها
ألا وين علي عنك وغريبه قاعد في البيت
ماجد: علي قال لي بمر علي بعد شوي وبنلعب اليوم
سمر: ويييه ما تملون من هاللعبه
ماجد مو بسك من الابتسامه حلجه ما عوره هذا
يرد عليها: لا وايد حلو شو رايج نتسابق في يوم
سمر: انا ما اعرف كيف يلعبونه
ماجد: انا بعلمج اقصد خلي علي يعلمج
سمر: امك تأخرت لا يكون ضربوا فيني خيانه وراحت مع امي
ويه خلني ارجع البيت وأتأكد
ماجد: بترجعين البيت بروحج
سمر تقوم: هيه وش فيها مب اول مره وفريجنا في امان
ماجد: هيه صح
وصلت صوب الباب وهو وراها وراها مب حاس بنفسه هذا هو مب شايفنها لأربع ايام يوم بتختفي منه شو بسوي
بعدما طلعت طلع هو بعد بس من غير ما تعرف إنه هو كان يراقبها لين ما توصل لبيتهم ...
بعدما تأكدت إنها وصلت بأمان ...
حك راسه: ماجد؟!
شو اللي سويت توك ؟ وش فيك اول ما شفتها تميت متشقق ومستانس هذي سمر اللي
تضارب معاه واللي ناوي تنتقم منها وهذي سمر اللي قلب حبها من غير ميعاد
ضرب قلبه: كيف حبيتها انته ما يصير لا لا هذا مب حب كيف بعد احبها من الدرب وهي من زمان رايحه وراجعه في بيتنا ما حبيتها احبها ألحين ... اصلا قلبي خرف وقعد متأكد أنا
ركز يا قلبي على الخطه ركز فيها ألف درهم ركز .. وسمر مب ويه حب
تم يتحرطم لين ما دخل الصاله ...

يالسات في الحوي وسمر تخبرهم عن ليلة الحنا

سمر: يقولكم فريده كانت حلوه وأحلى ما فيها لبسها روعه كان
عبير: والله؟! واخواتهـا رقصوا؟
سمر: شو ما رقصوا .. بغيت ارقص معاهم بس امي ما خلتني
عايده :أكيد ما بتخليج
سمر: بس الاغاني كانت تربش ... وعاد يدي بروحها كانت تصفق
عبير: وييي لو رحت معاج احسن تخيلي أجلوا الامتحان
سمر: والله أنتي الغلطانه الامتحان اهم ولا العرس خخخخخ
عايده: لا والله انتي خربي البنت
رن الجرس
سمر: عبير روحي افتحي الباب
عبير: لا والله مب بيتنا هذا
سمر: مو بيتي انا بعد
طالعن عايده ...
عايده: حرام عليكم انا مريضه ما تشوفون خلصت علبتين كلينكس
ما اثر فيهم الكلام ... عبير صاده على اليمين وسمر على اليسار
دزتهم وقامت: صج ما تستحون
ضحكن الأثنين : صج ما نستحي ههههههاي

فتحت الباب عايده وكان علي
عايده: اوه علي ؟
علي: افا بس ليش انتي اللي فاتحه الباب بعدج مريضه انتي
عايده تطالع البنات: زمن بلا رحمه نحن .. ادخل علي
يوم دخل علي: ألحين هالميانين هنا ومخلينج انتي تفتحين الباب
راحت عايده عندهم: يوم اقولك زمن بلا رحمه
علي: صدقتي
سمر: أقول انت إيه شو عندك هنا
علي: أقول أنتي إيه ما يخصج
سمر: أقول انت إيه روح عند ربيعك وفكنا
علي: أقول إنتي بعد ما يخصج

بعدما راح علي ...
عبير: علي سو كيووووت
سمر تقلدها : علي سو كيوووت مالت بس مالت


في غرفة ماجد
علي: ماجد يـاللــــــــــه عاد
ماجد في الحمام:زين زين

طلع ماجد من حمام ... ركض علي بسرعه داخل الحمام
ماجد ضحك عليه: وانا اقول مشتاق لي ألحين


لفت إنتباه أصوات ضحكات عاليه ...
راح صوب الشرفه ...
اتكـأ على الجدار وتم يبتسم اول ما شاف سمر .. تضاحك .. يضحك على حركاتها
طلع علي ويده على بطنه: أرتحــــــــــــــت

انتبه على ماجد: حوو ماجد يالله تأخرنا
ماجد: ها ؟ هيه صح


عايده: إيه عدلوا وقايتكم ماجد وعلي يايين صوبنا
عدلوا بسرعه وقايتهـــم
سمر عدلت وقايتهــا ومــا اهتمـــت تمت تكمـل سوالفهـــا
معـــاهـــم ...
ومــاجــد صـح إنه طــاف ومــا تكـلــم بس تمنــى لو سمــر تصــد صــوبــه
بس االحـرمه مشغــولــه بســـوالفهــــا


بعـد صـلاة العشـــا
سمــر بعــدمـا لبست عبـايتهــا وشيلتهــا ...
طـالعــت نفسهـــا بالمنظـــره: يمــه بس اخـــاف احســـد نفســـي
طلعت من غـرفتهـــا بكـل دلـع ورقـــه
وبنفـس الـوقـت عـلي كـان طـالــع وأول مـا شــاف ويهـــا المصبـــغ
عصب .. وراح صــوبهـــا

علي: سمــر شــو هـا اللي حـاطـه في ويهـــج
سمــر مب متفيجـه له: اسمـه مكـيـاج
علي بسخـريـه: أعـرف إسـمـه مكـيـاج بس ليـش مبـالغـه فيـه
سمــر: حبيـبـي أنـا رايحــه العـرس
علي: لا عـرسـج أنتــي
سمـر: أوووه عـلـوي وخـر عنـي انت تعكـر مـزاجــي
كـانت بتتحـرك بس مسكـهـا بيـدهـا: مب طـالعـه لين مـا تخفيــن اللي حــاطتنـــه
سمــر تطـالعــه: عـلوي أنته قـدهـا هـالـحركه
علي بإصرار: قدها ونص ما عندنا بنـات يظهـرون جذي
سمر : مب مشكله .. يمــــــــــــه يمــــــــــــــــه
علي: بل بل طريتــــي إذنــــي

طلعت امهــا خايفه: شو صار
سمر: شوفي ولدج يبا يضربني
علي: جذابه يمه
سمر: عيل إسألي ليش ماسك يدي بقــوه
ام فاهــم اطـالعــه بنظــرات غضب: علي خل يد اختــكـ ويـاويـلـك إذا عـدتهـــا
علي: يمه شوفي كيف مصبغه ويها
ام فاهم: كل البنات جذي يسون يالله خل اختك في حالها ولا انادي لك ابوك ترى هـو هنـــا
اول ما سمــع اســم ابــوه تركهـــا وراح عنهـــم
سمر: سخـيــف
ام فـاهــم : وأنتي بعـد روحـي خفـي من هالمكيــاج
سمر مب مهتمــه: زيـــن
يوم دخـلت امهـــا ولا كـأنـه امهــا طلبــت منهـــا شيء ... راحت ولا بعد تعمــدت تقعــد حــذال عــلـــي

علي مطـلـع حــرتــه على الريمـــوت
سمر: وش فيك معصب حط قناه محدد بدال ما تقعد تغير لي
علي: سمر انطبي قبل لا اكسر هالريموت على ويهج
سمر: ههه فـي أحـلامـك يـا أخــوي العــزيز

أم فــاهــم: يالله سمــر نــروح
قـامــت سمـــر
علي: منو بوصلكم
ام فاهم : خليفه
عيل بروح معاكم لين بيتهم .. ما يصير تطلعون لحالكم
سمر: ويـــن تـبــا يـا عمــــي
علي: ريولي على ريولكم
ام فاهم : اووو بسكم عاد طوف إنزين

اول ما طلعت سمر .. تغشت .. لين ما دخلوا البيت
اول ما فتح علي باب الصاله وشاف ماجد صرخ: مجود حبيبي
ماجد صد وراه:أو علوووي حبيبي
اونهم عاد من زمان مب شايفين بعض .. حاضنين اعمارهم وبنفس الوقت يدورن وينقـزون
سمر: الحمدلله والشكر
علي: وانتي شو يخصج
ماجد ما عرفها اصلا هو في حياتـه ما شاف سمر متغشيه
ماجد: منو هــذي
نـزلت سمـر الغشـاوه: أونكـ عـاد مـا عـرفتنــي
قــومــوا عنــــي لاه
راحت عنـد عــايده
ماجد اللي كان قلبه طايح اول ما شافهـــا ... اضطر يشله يوم سـألتـه ام فاهم: وين امك
ماجد: امي ها؟ هيه امي في غرفتهــا
راحت ام فاهم عند ام خليفه

ماجد ألحين متحرقص ليش سمر مبـالغــه في المكيــاج
علي قطـع حبـل أفكــاره: مجووود ملان يا اخي تعال بيتنا وخلنا نكمل لعبتنــا
مــاجد: صــدقت ..
بس تعـال أنت مب ريال البيت كيف ترضى اختك تحط هالقد مكياج (الغيره ذابحتنه)
علي: ريال طل اقصــد قلت لهـا بس مـا سـوت لي سـالفـه ولا بعـد امـي معـاهـا على الخـــط
مــاجد: تـبـا راي
علي: قول اللــي عنــدكـ
مــاجــد : تعــال معـــاي

وقف عند باب غرفــة عــايده
علي: مــاجـد متــأكــد
مــاجــد: هيه خـلـك قــوي بس هـا لا تـاخـذ اسمـــي
علي: تطمـــن
اول ما دق الباب علي .. انخــش مــــاجــد

عايده: منو
علي: انا علي ممكن تنادي لــي سمـــر
سمــر وهـي تفتــح الباب ترطن: شـو يبـا هذا بعد
فتحت الباب: نعـــم
عـلي: سمـر بغيــت اعتــذر على اللي طـلـع منـــي
سمــر مستغـربـه حطــت يـدهــا على جبهتـــه: أنتــ صـاحـي اخـوي؟
عــلي: هيه أختـــاه
سمــر: إنــزين يـالــاـــه قــولهــا حرفيــــا
عــلي: سمر أنـــا آســـف
سمر تتكـابـر عليــه: مقبــولــه منــــك
بشكـل فجــائــي سحبهـــا علي وتمــط يشخبــط على ويهــا بفحـــم أســـود
وهــي تصــارخ: شـــو تســـوي
امــا هــو فكـــان مستمـــر ويضحــكـ بعــــد

طلعــت عايده: علي تخبلـت شــو تسوي
علي: يوم اقول ما شيء طلعه جذي يعني ما شيء طلعه هههههههه

ركضـت عـايــده تنــادي على امهــا وام فــاهم ... اللي ركضــوا اول مـا خبرتهـــم عايده
وعلي يوم شــافهــم ياييــن صوبهــ وكل وحده متحلـف له .. تـركـ سمـــر وشـــرد

سمــر بــدال مــا تصيــــح قـاعــده تسبــــه ســـب
ام فاهم: سمر حبيبتي
سمر: يمه شوفي ولدج شو سوا بويهي
رفعت سمر ويهــا ... والكل اللي كـانـوا خايفيــن عليهــا ومعصبيـن على عـلـي
يــوم شــافــوا ويهـــا تمـــو يضحـــكـــون
عصبت سمـر: على شو تضحكـــون؟
دخلت سمـر غرفت عايده وطالعت نفسها بالمنظـره
اللـون الاســود على ويهــا كأنه ياهل قاعد يبـدع على جـدار يعنــي شخبط شخـابيــط
شكـلـه علـي مـا سمـع نصيحــة نـانسي عجـرم خخخخخخ

قراء ممتعه اكمل باقي البارت غداا باذن الله

المهــم نـرجــع لسمــر اللــي اول مــا شــافـت ويهــا صــرخـــت صـــرخـــه
الكل فــزع ودخل عليهـــا .... حتى مــاجــد اللي كــان نـاقـــع مـــن الضحــــك

شــافهـــا غـاطه ويهــا بيـن ذراع امهــا وتمــت تصيـــح
وام فـاهــم تهـديهــا: خلاص سمر انا بوريــه لج
ام خليفه:وانا بعد بضربه لج
مـاجـد تراجـع ومـا قـدر يتحمــل مــا توقــع سمــر القـويــه بـأثـر عليهـــا هالمقـلـــب

عايده: سمر حبيبتي لا تصيحين خلاص

هـرن سيـارة خليفــــه اربكهـــم
عايده: امايه .. عمــو أنتــوا رحـــوا وانــا بتــم عنـدهـــا
ام فـاهـم: واللـه لو مـا عشــان ام فريـده كان مـا رحنــا
ام خليفــه: عهـدي عـلي يا سمـورتي بادبـه لـج هذا اخــوج
سمـر تمسـح دمـوعهـا: خلاص انتـوا رحـــوا
بـاسـوا الأثنين على خـدهــا وراحــــوا

عــايده كـانــت تحــاول تهـديهــا وتضحكهـــا.. ليـن مـا رجعـت على طبيعتهـــا
بعــدمــا غســلت ويهـــا ونظفتـــه عــدل ... فكـرت تـرجـع البيـــت
عايده: بترجعـيـن بـروحـج
سمـر بـدون نفس: عـادي حبيبتـي بيتنـا لا مـن بعـده
عايـده: بـس ألحيـن سـاعـه 10
قـاطعهـم مـاجـد لأنـه البـاب كـان مفتـوح
مـاجـد: أنـا رايـح بيتهـــم ... تـوه عـلي متصـل في .. فـإذا مـا عنـدج مـانـع أوصـلـج
عـايده: أصـلا مـب حـلـوه الحـركـه توصلهـا أنـت النـاس إذا شـافـوكـم شـو بقـولـون
سمـر : أقـولـكـم بـروح لحـالـي عـادي
عـايـده:: لا طـلعـه لحـالـج مـاشـي

سمـر طلعــت مـب مهتمـه: مع السـلامـه
قـامـت عـايده: راسهـا يـابس هالبنـت .. ألحقهــــا

سمـر تمـشـي بسـرعــه ... وهــو وراهــا يـراقبهـــا وحــاس بـالمـلام
ليـن مـا دخـلـت سمــر بيتهــــم

عـلي أول مــا شــاف سمـــر دخـلـت خـاف ومجهــز نفســه لشـرده ...
بـس سـمـر ولا كـانه انتبهــت لـــه ..تجـاهلتـــه بـالمـــــــــره
وهـالشـي فـاجـأ عــلي
مـاجـد دخـل بسـرعـه يبـا يطمـن عـلـى سـلامـة ربيعــه وشـريكـه في الجـريمه .. لا يكـون سمـر ذبحتـــه

مـاجـد : عـلي عـلي
عـلي: وش فيـكـ ميـود
قعـد على الكنبــــه ... وقعـد حـذاله مـايـد
مـاجـد: مـاشيء أي إصـابـات
عـلي حـاس بـالـذنـب: لا
مـاجـد : الحمـدلله حطيـت فـي بـالـي كسـرت عظـامـك تكسيـر
عـلي: ويــن دخـلـت غـرفتهــا ولا كـأنهـا شـافتنـي رغـم إني كنـت واقـف عبـالـي أنـت يـاي
مــاجـد مستغـرب: أحـلـف
علي: واللـــه
مـاجـد: غـريبــــه .. شكلنـا مـب فـاهميــن سمـــر عــدل
حتـى تمــت تصيـــح
عـلي: أحـلـف؟
مـاجـد: واللـه كسـرت خـاطـري
عـلي بنظـرات عتـب: كـلـه منـــك انــت
مـاجد: هيه رد علـي أنــا وأنـت مـب يـاهـل تصـدق كل كلمـه
عـلي: صـدقت أنـا الغبـي اللـي سمعـت كـلامـــك
مـاجـد ضمــه: أفـا بـس خـلا ص يـا ريـال انـسـى وخلنـا نلعـــب



سمــر فـي غـرفتهـــا ...
مـلانــه ومــا عــرفـــت شـــو تــســـوي .. خـطـر فـي بـالهــا تشـــوف البـومــات صــورهـــم
سمــر عنـدهــا فــوق 50 ألبــــوم لصـور عائلتهـا وعـائلـة يدهـا صـالـح .. مـن كـانـوا صغـار ليـن آخـر رحـلـة كـانت لهـم السنـه اللي طـافــت

تمـت تتطـالـع صــور يـوم كـانـوا صغــار ...
وكيـف هـي واخـوهـا كـانـوا وايـد ويـاء بعـض .. وابـوهـم مصـور كـل تصـرفـاتهـم المضحـكـه والمحـرجـــه
فتمــت تضحـــك
وترمس مع نفسهـا: فشـلـه .. بس حـلوه كنت يوم صغـيـره
ههههه


ع سـاعـه 12
مـاجد: يـاللـه بـرجـع البيـــت
عـلي: ليش؟ إذا الكبــار مـا رجعـوا أنت ليـش مستعيــل
مـاجـد: بعـد شـوي بيـرجعـون مـن ميلسهـم ومـافيـنـا على حشـرة ابـوي
وأنـت حضـرتك لازم تنـام بـاجر الجمعـه وفـوقـه نـام قبـل لا يـوصل البـلاغ عنـد ابـوكـ علـى فعلتـــك
عـلي: ألحيــن فعلتـــي هـا؟ زيـن زيــن مـايـد
لعـب بشعــر علــي وتحــركـ عنـــه .. تحـركـ بـس عينــه على بـاب غرفـــة سمــــر .. مـالهـا حـس مـن دخلـت غـرفتهـــا

عـلـي بعـد صكـر التفلـزيـون ولعبتـــه .. وقبـل لا يـدخـل غـرفتـه حـب يطـمـن عـلى أختـــه
فتـح البـاب .. لقــاهــا نــايمـــه .. حس بـالنـدم .. من جـذي صكـر ليتـات غرفتهـا بسـرعـه وطـلـع

10 الصبـح

قـام عـلى حشـرة أختــــه .. اللـي قـاعـده تـزاعج تبـى فطــور

سمـر: سيتـــــي ويـــن الريــــوق يــوعـــانـــه
سيتــــــي سيتــــــــي

علــي : سمـر عـاد أبــا انـــــام
سمــر تجـاهلـتــه وتمــت تصـارخ: سيتــــي ســي ســـي

يـوم شــاف مـا فـاد معـاها الكــلام راح عنهــــــــا

وصـلت سيتــي: هذو هذو .. ريـوق مـال انتـــه
سمــر: سنــه يـا سيتــــي
سيتـي: شو يسوي بعد أنتي يبا كباب يبا بلاليط يبا
سمـر قـاطعتهـا: بـس بـس بتفشلينـي جـدام القـراء
سيتـي: مينـونـه انتـي
نظـره من سمـر كـانت كـافيـه تخلـي سيتـي تـرجـع لمكـانهــا
سمـر تضحك وتـاكـل: خـوفيتهــا هههههه


حـست أحـد يمسـح بشعـرهـا : صبـاح الخير حبيبتـي
سمـر: صباحـج سكـر يا سكــر
أم فـاهـم يلست حـذالهـا: هههه سكـر مـره وحـده
سمـر: خلاص سكر وعسـل هههه
أم فـاهـم: شو هـا الريــوق شكلنـا مب لازم نتغـدى
سمـر: كنـت يـوعـانـه حيـل فطلبـت منهـا تسـوي لي كـل هـذا
أم فـاهـم: مسمـوح آكـل معــاج
سمــر: شو هـا الكـلام بعـد يمــه أكيــد مسمــــوح وإذا مـا كفــاج بعطيــج لحــمي ههههه
ام فـاهم: خخخخ لا بس يكفيني هالريوق

سمر تقطع الخبـز: ألا ويــن ببــاتــي
ام فـاهــم: يسبـــــح .. وأخـوج مـا قــام
سمــر: مـا اعرف عنـــه
ام فــاهــم: أتـريـا بس يقـــوم عشــان أدبــــه
سمــر: لا يمـه خلـي لا تقـوليـن له شـــيء
أم فـاهـــم: بعـد اللـي سـوا فيـج الـبـارحـه مـا تبينــه أقــولــه شـيء
سمـر: تفـاهمنـا البـارحــه واعتـذر منـــي
أم فـاهـم: متـأكـده
سمـر: هيه يمـه ولا يكـون خبـرتـي ابـوي
أم فـاهـم:كـان بتشـوفيـن عـلي راح فيهــا ألحـيـن
سمـر: زين يـوم مـا خبـرتـــيه

العصـر كعـادتهــا سمـر رايحـــه عنـد عـايـده
عبير: سمـــــوري
راحـت صوبهــا وحضنتهـــا: ما تستـاهليـــن اسحـب كـلامـي يـوم قـلت عـلي كيـوت
سمـر: زيـن يـوم عـرفتـــي
هنـد: بصـراحـه زين سوى فيـج عـلي
سمـر: ويـدي هـذي الـنـاقـه هنـــا .. إن شـاءالله البـارحـه عنـوا أغنيتـج دقنـي دقنـي وسـويتـي مرحـى نـاقـــه
تـرفـع يـدهـا: عـاشـو عـاشـو
هنـد قـامـت: صـج تـافـه وقليلـة أدب بعــد
عـايده ماسكه ضحكتهــا أمــا عبيـر وسمـر فكـانوا نـاقعيــن مـن الضحـكـ

بعـدمـا راحــت هنــد
عــايــده: مب حـرام عليكـــم
عبيــر: ههه تستــاهــل زيــن سمــورتـي مب نـاويه تنقميــن مـن اخــوج
سمـر بخبــث: أكــيد (ضربت على اللي كـان بيـدهــا)
عبيـر: شـو هـذا تعالي تعالي قعــدي

عـايده : لا يكـون أنـا مـرابعـه لـي شيـاطيــن
سمــر: اللي سـوى مستـر علـي مـب شــوي
عبيـر: إنزيــن شــو بصـنـدوق
سمــر: فضــايح يـا ربيعتــي العـزيـزه

عبير: بسـرعه عيــل




هنــد يـالسـه في صـالــه معصبـــه ... ومــاجـد كـان رايـــح عـلى دربــــه .. يعنــي رايــح يلعــب كــوره
مـاجـد: هلا واللـه هنـد مـن زمــان مـا شفنـــاج
هنـد معصبــه: كنـت مـرتـاحـه مـا اعرف امـي ليـش تفـرنـي هنـا وتـروح تستــانـس
مــاجـد: أفــا بس هـذا بيـــت خــالـــج
هنــد: انتــوا على العيــن والراس بـس هـذي اللـي اسمهــا سمــر شـو اسـوي فيهـــا
صـح إنــي قـلـت مـا بسـأل عـن الرهـان إلا بعــد شهــر بس اسمـح لــي
مـب قـادره اتحمــل في أي تطــورات في خطتـــكـ
مـاجـد: الرهــان؟ (ناسي الاخ)
هنـد مستغربه: هيه الرهـان ولا نسيت ترى صج بطيح من عيني
ماجد : هيه الرهان بس .. قاطعتــه هنـد: لا يكون حبيتهــا صــج
السـالفـه فيهـا كـرامتــه فتظـاهـر إنـه عنـد كلمتـه: لا شو احبهــا قـلـوا البنـــات .. بس محتــاج وقــت تعـرفيـن سمــر مب سهـــلـــه

هنــد : هيه عبـالي بعد ريحتنـــي حطيــت في بـالـي تـراجعــت عنـد كلمتـك تعـرف عـاد ريـاييــل هـالعـائلـه دووم عنـد كلمتهـــم .. ابتسمــت بـأرتيــاح...
يـرد عليــه بـإبتسـامـه متـوتـره: هيه صح كلامج صحيح يالله عيل تأخرت على الربع

طلع من عنـدهـا بســرعه وتم يفكـــر بكــلامهـــا
بس يــوم شــاف سمــر ... وقــف فـي مكــانـــه وشـوي شـوي قعـد على الأرضيـــه .. تنهــد والأبتســامـه شــاقـه حلجـــه
يتــأمـلهـــا نســى إنــه وراه كــوره

امـا البنــــات فكــاننن نـاقعــــات مـن الضحـــك مب حاســات بشـــيء
عبيـر ودمـوع بعينهـــا: عيـدي عيــدي مره ثانيه
سمر: ههههه ههههه ما اقدر
عايده:خخخخخخخخخخخ خخخخخخخخخخخخخخخ
عبير: بليز سموري ههههههه
سمـر: هذا يوم كـان صغيــر ومـا يبـى يـروح الروضه
أونه يستحــي يشـل السندويش اللي تسـوي له أمـــي ..
وهنـا يـوم أول مـره عملهــا في الفـراش
عبير تضرب على الارض وتضحكـ: هههههههههههه حرام عليج سمور ههههههه
هلكتيني بعد بعد طلعي فضايح علــوي


مــاجــد كـان منـدمج فيهــا وبس .. لكـن إذنه قدرت تلقـط اسم صـديقــه
فـرجـع لعـالمــه وقعـد يطـالعـهــم فهــم إنه سمـر قـاعـده تفضـح علـي بصـوره يـوم كـان صغـيـر

فرجع للصـالـه صـاروخ يتصل لعلي

هند: وش فيك مايد رجعــت
مـاجد : ألو علي انت وين .. زين يوم بعدك ما رحت .. ألحق ألحق اختك قاعده تفضحك جدام عايده وعبير وأزيدك من شعر بيت البنات ناقعات من االضحك عليـــك

ألحين بتي؟ زين زين تعال شو كيف يضحكون عليك

5 دقايق وبس علي عند باب بيتهم .. ولأنه الباب مفتوح هالمره فدخل سيد
ومثل ما قاله ماجد هـالـكـات من الضحك

عبير تضحك وتأشر عليه: تعال هههه تعال ليش قصيت شعرك المنفوش عجيب كان هههههههه
كله ولا مشط اللي نشب فيه
علي: شعري .. مشط انتي شو دراج
سمر توري الصور: الله يخلي المصور اللي مصورنك
ماجد يوم طلع من الصاله شاف علي يطالع سمر ومبقق عينه
راح صوبه
ماجد أونه توه شافه: هلا علي .. وش فيك واقف يالله نروح
سمر: ميود ما تبى تشوف فضايح اخوي علي
مايد استانس يوم سمع صوتها: اكيد دام انتي
نظرات علي الغاضبه اجبرت ماجد على السكوت

عايده: سمر بس خلاص شوف اخوج كيف معصب
سمر: خليه يستاهل عباله بسكت عنه
عبير بعدها في عالم الضحك: هههه سموري وريني الصوره مره ثانيه يوم كان راقد وطالع من حلجه روان هههههههههههههاي
سمر: ههههه أفا عليج .. تطـالع علي : لا تعيدها مره ثانيه زين اخوي
علي معصب: بس هذي كانت فكـ
ماجد اول ما سمع الحرفين ... حط يده على حلجه
ماجد: خذوا راحتكم يالله نروح علوي
علوي مسحوب: ممم ييي م م م م
ماجد:ما يفهمونك يالله يالله تأخرنا
هند: شو استفدي يوم فضحتي اخوج
طاحت سمر على الصور وتنهدت : ارتحــــــت يا اختـي
عايده: صدقها هند شو استفدي
قامت سمر: بعد ما نقعتي من الضحك تسأليني
عايده: مضطره كنت اللي يقعد معاكم وين ما بيضحك
سمر:هذا شوي اللي سويت له .. بس عشان اخوي ألحين لو ماجد كان مكانه كان بتشوفيني انتقمت منه بطريقه وحشيه
عبير تمسح دموع عينها: صح صح انا اعرف سمر عدل .. سوت ديسكاونت لأخوها
عايده: أنتي خلج في ضحتكتج
رجعت تضحك مره ثانيه .. فضحكوا البنات معاها


بعد صلاة العشا الكل تجمع على صفرة الأكل في بيت اليد صالح
وتم يسولفهم عن الماضي بس عن نفسه
يعني كم كان وسيم والحريم كانوا يتمنون وإلخ عاد

علي يالس حذال سمر .. واونه زعلان منهــا
وسمر ادزه على الخفيف .. وهو اونه مبوز

ماجد عجبه سالفه يد وقـام يتخيل إنه هو في مكان يده
بس بأسلوب مطور عاد

ندخل في خياله شوي
سمر شاله الحطب وكان ثقيل عليها .. كل ما تمشي كم من خطوه
توقف وتنزل الحطب وتاخذ استراحه
وآخر مره هي تبى تشل الحطب تبطل الحبل وطاح كل الحطب
سمر: يا ويلاته ماذا اسوي؟ (عاد هذا خيال ماجد)

اونه عاد ماجد كان واقف قرب الشيره ومتلثم بعد
ماجد: افا أنا هنا واقف ليش عشان اساعدكـي يا حلوه
استحت سمر (ألحين لو سمر الحقيقيه وقالها يا حلوه شو بكون ردة فعلها ممممم)
راح صوبهـا وتم يلقط الحطب .. ربطهم بالحبل
ويوم بغى يشل تعثر شوي لأنه كان صج ثقيل.. بس هو لازم يكون بطل جدامهـا
سمر: لا لا اتركه عنك أنا بشله
ماجد: لا يا حرمه أنا ريال ابن رياييييل
سمر بدلع: كيفك

لين ما وصلوا لبيتهـــا
سمر: اتركه هنا
ماجد بعدما ترك : في حاجه ثانيه آمري انتي بس
سمر تلعب بشيلتهـا و مستحيه: لا مشكور ما قصرت يا ريال ولد الريايييل
عاد هنا ماجد نفخ صدره
سمر: وانت تريد ان تشرب ماي أو شيء آخر
ماجد: لا شكرا يا حلوه أنا اريد فقط أن
سمر بدلع: أن شو
ماجد متردد: ان أن
سمر : تنظق ان شو انت بعد
ماجد مستغرب .. تداركت نفسها ورجعت لدورها تستحي
ماجد يبتسم: أن تعطيني قلبك
سمر استحت أكثر
سمر: اغمض عينك ومد يدك
ماجد مد يده وغمض عينه
ماجد: انا انتظر
يوم فتح عينه شاف قطعة لحم
صد على اللي حوليه وكلهم كانوا ناقعين من الضحك عليه
خليفه: مايد تخبلت ههههه
سالم: وش فيك يا وليدي ليش ماد يدك جذي
ماجد يطالع يده : ها .. يوم شاف اللحمه بيده
علي: انا عطيك شفتك تمد يدك وتقول انا انتظر فعطيتك

سمر:هههههه خالوا وخالي الحقوا على ولدكم تخبل
ماجد ضحك على نفسه
عبيد: من زمان مينون هذا
الكل تم يعلق عليه ومقطعينه .. اما ماجد فتخيلوا حالته كيف كانت

يوم شاف سمر قامت .. قـام هو بعـد وبنفس الوقت عبير قامت بعد
سمر تغشل يدها واطالع نفسها بالمنظره يمين ويسار (البنت معجبه بنفسها وايد)
انتبهت على صوت عبير: انت بتم واقف هنا عيل انا بروح اتغسل قبلك
صدت وراها كان ماجد واقف ... وما تعرف الحبيبه كان واقف يطالعهــا
سمر: اترياج برع
عبير: اوجج
ابتسم ماجد وابتسمت هي .. بس مجاننا رشت عليه ماي اللي كان بيدها وراحت
ماجد ما عصب بالعكس تم يضحك
بس يوم عبير رشت عليه عصب شوي: بل والله مصخره جدامكم انا
عبير تضحك: عشان تصحى من خيالك
مدت يدها تقلده اونه: عطوني انا فقير
تم يضحك عليها وراح يتغسل



الكل اجتمع برع مكانهـم المفضل
عبير: يالله سمر عطينا فكره
سمر: فكره شو
عبير: نبا نلعب
سمر: روحي اركض على الحوي هههه
الكل:ههههه
عبير: اونج عاد
سمر تقلدها: اوني عاد ههههه

زايد: نلعب لعبه حقيقه ولا شجاعه
ماجد: هيه صح
علي يوجه كلامه لسمر: يا رب اطيحين بيدي
سمر: ههههه خوفتني
خليفه: هيه صح علي انته البارحه شو مسوي بويه اختك
علي: تستاهل ما تشوفها كيف حاطه مكياج
سمر: ما يخصك انت اسكت ولا تباني افشلك جدامهم بعد
علي: لا يا امي خلاص
خليفه: هههه شكلها سمر خذت حقها
زايد: أكيد هذي سمر من متى تسكت عن حقها
علي: هيه انتوا دافعوا عنهــا
سمر: لازم غاليتهــم انــا


عبير: يالله يالله يبت الغرشه
الكل قام وشكل دائره ماجد كان خاطره يقعد مجابل سمر بس علي سبقه وقعد
هند: انا اللي بدور الغرشه
سمر تهمس لعايده:لازم اتحب أدور تراها هههه
عايده: سمر
سمر: اوجي
هند دورت الغرشه و وقفت عند علي
استانست سمر
علي: شو ها ؟ صج نحاسه
خليفه: تحمل مو انته اللي بغيت
علي: ماجد يالله نبدل الأماكن
زايد: ههه لا ما يصير طبعا
سمر : يا الله يا حبيبي اختار حقيقه ولا شجاعه
علي: حقيقه أحسن لي
سمر: إنزين يا علوي أنا ما أذكر عندك عقل تفكر .. فقولي بكل صراحه منو عطاك خطة إنك تشخبط ويهي بفحم
الكل تم يضحك
سمر معصبه: بس
ماجد ميت من الخوف مب لأنه خايف منها .. لا .. لأنه ما يباها تعرف بتحقد عليه بعدين
علي يضحك: محد انا بروحي طلعت ولوخذيت لي ألوان بدال الفحم كان احسن بعد
سمر طلعت له لسانه
خليفه: علي انت كررها وشوف هالمره هي انتقمت بس انا لا
علي: اصلا خلاص مب حاط دوبي في دوبها
هند: خلصتي من سؤالج ألحين
عبير: هيه خلصت يالله دوري
دورت هند الغرشه فوقف عند خليفه ومجابله عايده
خليفه: ها اختاه خفي علي
علي: لا لا غش بكون تذكرين آخر مره خليتني آكل ضرب من يدي
عايده:هههه إنزين اخوي حقيقه ولا شجاعه
خليفه: أكيد شجاعه
عايده تضحك: إنزين اتصل في رحاب وقولها جدامنا إنك تحبهــا
خليفه: لا لا شو
زايد: افا خليفه إلا يخافون منه يخاف يقول هالكلمه
خليفه: مب خايف أنا بس فشله
سمر: لالا لا خليفه لا اطلع ااعذار لازم تقولها وجدامنا بعد
ماجد يطالعها وفي خاطره: عادي انا اقول لج
يوم شاف سمر صدت .. صد بسرعه صوب خليفه : هيه صح خليفه لازم تقول
خليفه: خلاص خلاص إنزين

عبير: عطني انا بتصل لها عادي تقص علينا انته
خليفه: لا مب لازم بتصل جدامكم
يتريا ترد عليه : انا الغبي اللي رضى يلعب معاكم
ردت عليه رحاب: هلا حبي
خليفه : أهلين رحاب
الكل: يالله قول قول
خليفه بسرعه: رحاب احبج
الكل: هيــــــــــــه
ككككككككككككككككككك هههههههههههههههههههه ككككككككك
رحاب مستحيه: شو السالفه
خليفه منحرج وبنفس الوقت يضحك: بعدين بعدين اخبرج
صكر من عندها: بس ارتحتوا إنزين عايده أوريج أنا
زايد: يالله هند
دورت هند الغرشه و وقف عند ماجد مجابل عبير
عبير متحمسه: يالله ميود شجاعه ولا حقيقه
ماجد: أكيد شجاعه
عبير: مممم علوي لو كان شعرك منفوش كان خليته يمطه ههههه
علي بسخريه: ها ها ها ما يضحك
سمر: هههههههه
عبير: إنزين ميود انت طلبت مني اصفع ربيعتي تـذكر
وألحين اصفع علي عشان خرب ويه ربيعتي وعشان وحده بوحده

علي: هذي انقذوها من اختي تراها قاعده تصير نسخه منهـا
هند: ألحين تعرف؟
سمر: انطبي انتي يالله ماجد شوف شغلك
ماجد: علوي سوري بس توبه هالبنات محد يسوي فيهم شيء
علي يعطيه خده: صدقت
صفع ماجد على الخفيف
عبير: كنت بحدد وبقول بقو بس عشان اطلع احسن عنك هههههه
سمر تهمس لعبير: عبير خفي شوي قاعده تصيرين شريره
عبير: والله اخف يعني
سمر: ههه هيه وحليلج انتي

زايد: مب كأنه دخاخين طالع من هناك
خليفه: هيه والله
علي قام: أوويي هذا بيتنــا
الكل طلع برع ...
عبير: سمر بيتكم يحترق
سمر تمت ساكت اطالع مستغربه
والشباب كلهم ركضوا ما عدا زايد
زايد: خبروا الاهل ويالله داخل
ركض معاهم
ركضت عبير تخبرهـــم


صار زحمه في الفريج .. الكل طلع ..
والحمدلله ستي طلعت بخير لأنها الوحيده كانت في البيت
الحريم كلهم واقفين في صوب .. والرياييل يساعدون الإطفاء يطفون الحريقه

ماجد تراجع ورا ... لأنه حس بالتعب واختنق من الدخان
قعد يكح ...
رفع راسه يوم سمع صوتها: ماجد انت بخير
ردت له الصحه والكحه اختفت : هيه سمر لا تخافين
سمر: وينهم الباقين
ماجد: لاتحاتين هم جدام
سمر: شو اللي احترق
ماجد: ما اعرف لين الحين بس الحريقه شكلها طالعه من المطبخ وعشان مطبخكم قريب من الصاله من جذي لحق على الصاله بعد
سمر تنهدت: الله كريم
عبير يايه ركض: ماجد غرفة سمر احترقت
سمر: لا تفاولين على غرفتي
ماجد: ما اظن لأنها بعيده

لحقهــم علي وزايد وكانوا يكحون بعد
سمر: ما تشوف شر
ما ردوا عليها لأنهم كانوا مشغولين يكحوووون
عبير: شو مودنكم دام مال الأطفاء يااايييين
عبير ظلت تحرطم فيهم ... أما سمر فكانت واقف ساكته تتطالع بيتهم ونظرات الحزن كان واضحه في عيونها .. وماجد نسى هو وين اصلا هو من يشوفها ينسى
تم يطالعهـــا ويطـالعهــا ويطـالعـــا
(مب وقته مجووود)


زايد: اووو عبير فكينا من حشرتج
علي: بصراحه اختك وايد ترمس ألحين أنا احاتي البانشي مالي
زايد: صج متفيج انت
علي: شارنه بالبيزات مب بلاش
زايد: بعد متفيج
عبير: اصلا انتوا الأثنين متفيجين صح سمر
سمر انتبهت: ها ؟.!
عبير: أقولج هالأثنين متفيجين وايد صح
سمر ابتسمت بالغصب: هيه

ماجد في خاطره: يا ليت لو اقدر اعطيج كتفي وتصيحين عليه

ماجد انسى الرهان ألا فره الزباله وتقرب منها لأنك مب قادر تتحمل اكثر
قولها قولها إنك تحبها
فجأه نطق اسمها: سمر
يوم صدت صوبه سكت ما عرف شو يقول
سمر: ها مايد
شاف الكل كان يتريا يتكلم
فقال بسرعه : سمر وين قوم امي
سمر: هناك
عبير: خالتي ام فاهم قاعده تصيح
علي: امي تصيح وانتي هنا
سمر: مب راضيه تسكت
علي: بروح اهــديهـــــــا
مـاجــد: بطيــح بيطــح
أم خليفـه تنـازعـه: مــاجــد؟! مـا صـارت
مـاجــد فتـح عينـــه وقـام مـفـزوع ...
أم خليفه: وش فيك ماجد
مـاجـد يطـالعهــا: حريقــه
أم خليفـه خـايف: وين وين
مـاجـد شوي شوي قـام يستـوعـب: أمـايه علي وينه
أم خليفه مستغربه من تصرفاته: قبل شوي راح بيتهـــم وأنا يايه اوعيك تروح تنام غرفتك
مـاجـد يفرك عينه: يعني كان حلم
أم خليفه: شو حلمت ؟ طيحت قلبي انت قلت الولد دخل في جني
ماجد يضحك: اقولج يمه حلم غريب حلمت إنه بيت عمي سالم احترق
قــاطعتــه : لا حول .. بس بس مب لازم تكمل روح نام احسن لك
قبل لا تطلع من الميلس: لا تنسى اقرا المعوذات قبـل لا تنــام وصك الليتات

قـام بكسـل: الحمـدللـه إنـه كـان حـلـم
ابتسم:بس احلى مـا في الحلم سمــر
رايـح صـوب غـرفتـه ويتحـرطـم: هيـه واللـه مايد انسى الرهـان أحسن لك
أصلا انا هذي سمرو متى لحق قلبي يحبهــا
انت يا القلب مخبل في وايديييين اولهم قيس ابن الملوح وحليله كله من فعايل هذا القـلـب


عايده: غريبه لا عبير ولا سمر شرفوا
هند: احسن هذي عبير قاعده تصير نسخه من السخيفه سمر
عايده:تبين نصيحتي غيري اسلوبج معاها صدقيني بتكون زينه معاج
هند: وليش هي ما تتغيـر
عـايـده: عيــل تحمليهــا أو تعــودي عليهـــا
هنـد: إنـزين أنتـــوا شـــو تبــــون فيهـــــا
عـايده عصبـت بـس مـا حبـت توضـح لهـــا:سمـر مثـل اختـي وعـائلتهــم عـلى العيـن والـراس
هنـد مـا عجبهــا الكـــلام وتمـــت ســاكـتـه

طـاف عليهـــم مـــاجد: أوه عيــود بصـراحـه حـلوه الحـركه اللي سـويتي لخليفـه
عايده مستغربه: أي حركه
ماجد يكلم نفسه: لا يكون اللعبه بعد كان حلم
عـايده: مايـد وش فيـكـ
مـاجـد يبتســم: ولا شيء
شـاف هنـد وتـم يـدور على الباقيــــن
هنـد: منــو ادور؟
مـاجـد: إلا ويــن سمـر وعبيـــر
عـايده: حـالي من حـالـك مـا اعـرف ليـش مـروا علينــا اليـــوم
هنـد: متفيجــه اختــــك تحـاتيهــــم
عـايده ما ردت عليهـــا صــدت صـوب مـاجـد: انت رايــح عنـد عـلي
مـاجـد: هيـــه
عـايده: عيـل طمنــي عــلى سمــــر



يـالســـه فـي صــالـه تكـح مره ومره تعطـس
لابسـه كحـافيـه على الـراس وفـوقه لابسـه جاكيـت ومتلحفـــه من فـوق الراس لين ريـولهـا ..

أم فـاهـم تحسـب البيـزات وسمــر تتطـالعهــــا
بصـوت مبحـوح: يمـه صـوبنــا .. هـشششششششششش .. (عطسه)
أم فـاهـم: شو صـوبنـا بعـــد
سمــر: امـايـه افهمـي على الطـايـر تعـرفيـن إني مـا أقـدر اتكـلـم وايـد
أم فـاهـم: والله محد قـالـج أقـولج قومي بـوديج المستشفـى مب راضيـه
سمـر: ألا والمستشفـى شـو بيعطـوني يعنـي وانا اصـلا مـلفـي مـاشـي هنـاك
آخـر مـره يـوم رحت قـالـوا لـي لازم ملـف يـديد لأني مـا أعـالـج عنـدهـــم
أم فـاهــم: مـا عنـدج سـالفــه سكتـي وخلينـي احسـب كم ربحــت
سمـر: إنـزين
صــوت مـاجـد قـاطعهـــا: السـلام وعليــكــم
سمـر: وعليكـ هششششششششششششش
مـاجـد: يرحمـج اللـه ..
مـاجـد: خـالـوا هـذي سمـر مـا غيـرهـا المريضـه
ام فـاهم: هيه
مـاجد: غريبـــه
سمـر: وليش غـريبـه يعنـي انـا مب من أوادم
مـاجـد في خـاطره: لا أنتي حـوريه انتي مـلاك فيني ولا فيج
أم فـاهم: طولة لسان حتى يوم مريضه
مـاجـد: هههه خليهـا عمـو
سمـر: ألحين عمو ولا خـالـوا حـدد يا ريـال هششششششششششششش
مـاجد:ههههه
أم فـاهـم: انت روح عند ربيعك اللي مب راضي يقوم .. احسن لك عن تعديك
مـاجـد: مب لازم يزول الكوره بقعد معاكم وبحسب معاج البيزات
ام فـاهـم: زين والله تساعدني
سمـر: هششششششششش
يوم أنا .. ما تخلينـي ألمـس بيـزاتهـــا وانت شـو تحسـب فيهـا لا مـن كثـره
أم فـاهم: أعـوذ باللـه مـن عينــج
مـاجد: ههههههههه

سمـر: ميـود منـو عنـدكم في البيــت
مـاجـد: هيه صـح عـايده كـانت تســأل عنـج وعـن عبيـر
سمـر: سوتهـا عبيــر .. قـلـت لهـا مـا بقـدر ايي بيتكـــم قـالـت لـي أنـا بعـد شـو اســـوي اروووح مـا بقـدر اتحمــل العفـريـتـه هنـدو
أم فـاهـم: سمـر
سمـر: شـو.؟ لا أنــا اقـولـه اللـي قـالــت لـي عبيـــر

بعـدمــا خلصــوا من الحســـاب .. يـت سيتـــي
سيـتـي: ماما مـافـي مـاي في المطبـــخ
أم فـاهـم: ذبحنــا هالمــاي لازم انـروح السطـح ونشـوف شـوفيه
كـل مـره عـلي يـروح يطـالـع
سمـر: أمـايـه قـولـي بـأختصـار تبيـن مـاجـد يـروح
أم فـاهـم: حسبـي اللـه مـن إيبليسـج أحرجـتينـي جـدام الولـــد
سمــر:هشششششششششششش
ويـه في أحد يستحــي مـن مــاجـد .. أقـول مـاجد روح السطـح واركب فوق الدرام مال الماي وبتشوف داخله شيء لون برتقـالـي حـركـه لأنه هو كله يعلق على الفتحــه
مـاجـد: بس هــذا
ام فـاهـم:هيه إذا ما عليــك أمــر
مـاجد: افـا عليــج خـالـو
سمـر: بالتـوفيــق
مـاجـد: خخخخخ ويـن رايــح أنـــا
سمــر: بتعـــرف هههه هششششششششش

اول ما فتح بـاب السطـح هجمـوا عليــه القطــاوه
طـاح مـاجـد على الأرض متفـاجـأ
مـاجد: من جذي قـالـت بـالتـوفيق ههههههههه
قـام من الارض ومسـح نفسـه من الغبــار



يوميـن وسمـر طـايحـه في الفـراش ومـب راضيـه تـروح المستشفـى
ليـن مـا طـلـب منهـا ابوهـا يـوديهـا عيـادة ..
هنـا رضـت دام السـالفـه فيهـــا عيـــاده .. حركـاااااات ...
المهــم ضـربـوهـا إبـرتيــن
وبيـوم الثـالـث رجعـــت سمــر الخبـلــــه ... ومـا ســوت 1 2
صـاروخ عنــد عــايــــده

يـالس في صـالـه لحـالهـــا
مـاجـد يـوم شــافهـــا يـالســه لحـالهـــا حـط فـي بـالــه هـذي فـرصتـــه
نــزل عنـدهـــا كــانــت يـالســـه تتطــالـــع المجلـــــه
مــاجـد: هلا سمـر شـو تسـوين يـالسـه لحـالـج
سمـر: اتـريـا أختــك تبـانـي أروح معـاهـا
مـاجـد: وين
سمـر: تبـا تـروح الجمعيـــه تشـتـري لهـا اغـراض
مـاجـد: منـو بـوديـكـم
سمـر: أكيـد خليفـــه
مـاجد: هيه صـــح
في خـاطره : ماجد انطق وألمح لهـا على الأقل
مـاجد: سمر
سمر عينهـا على المجله: ها
مـاجد: تعرفين إنج .. حلوه
سمـر رفعت راسهــا .. وألحين هـو خـايـف من ردة فعلهــا
بس سمـر كـأنهـا مب مصـدقـه أحد مدحهــا ..
شقـت الإبتسـامه: والله
مـاجد ارتاح وابتسم: هيه وتعرفين إنه كل شـاب يتمنــاج
ابتسمت اكثر: صـج
اونهـا بوزت: وينهــم عيـل ليش محد ياء خطبنـــي
ماجد في خاطره: والله محد بيخطبج غيري
مـاجد: وتبين الواحـد يـاخـذج عشـان جمـالـج
سمـر: لا و هيه
مـاجـد: على فكره انتي طيبه بعد
سمر: شو سالفه الاخ طايح مدح فيني تبى شيء
مـاجد في خاطره: شوف هذي لا مستحيه ولا شيء وفوق مب فاهمه إشاراتي
سمر: ماجد انا شاكه في شيء
ماجد توتر: شو
سمر: انت وايد صرت تسرح ... وترمس مع حالك في حالة نفسيه شو
ماجد يبتسم على براءتها: لا
سمر: عيل ما شيء إلا جواب واحد انت تحب صح
ماجد سكت ما عرف شو يرد .. وضحكته على الخفيف .. خلت سمر تنقز
سمر: صج انت تحب .. الله يعينها عيل هههههه
ماجد زعل اونه: افا ليش
سمر: امزح معاك بس منو هذي .. لحظه نحن نعرفها
ماجد: هيه ... أنـ
قاطعته: والله وعلى قدنا
ماجد: هيه ..ترى أنـ
قـاطعته: آآآآخ ما لقيــت غيــر هنــــد
مـاجد فج حلقـــه
سمــر: اوبس نسيت إنك تحبهــا بس صج ذوقك طايح اوبس اوبس
بعد نسيت مهما تكون هذي حرمة ماجد
ماجد يبا يكلمهــا ويصصح سوء تفاهمهـا .. مب راضيه تعطي فرصه
سمـر: إنزين هيه تعرف
هز راسه مستسلم:لا بس انتي سمعيني
سمر: لا تخاف خله علي انا بقربها لك .. بس عشان انته ماجد اللي انضرب من يدي يوم كنا صغار واللي اكل مقالب مني بساعدك هههههه
لا تشل هــم خـلـه كـلـه عـلي
باختصار اعتمد علي
عايده وهي نازله: بعـدين يالله خلينا نروح
سمر: انتي اللي مأخرتني
تحركت سمر وقبل لا تطلع : اعتمــد علي

يلس مـاجـد على الارض يضـرب راسهــ: شو بغيــت وشــو صـــار
هـذي تتظــاهــر إنهـا مب فـاهمــه ولا صــج مـب فـاهـمـه
ألحيــن أنـا طـايح مدح فيهـــا وآخر شـي تقـولي هنـــد
صـج هالبنــت ع نيـاتهـــا ... تم يضحـكـ ....



سمر تكلم نفسها: ألحين شو شايف في هذي صج ما عنده ذوق
عبير يت تقعد معاها: منو اللي ما عنده ذوق
سمر: ولا أحد .. الله شو تاكلين
عبير: ما تشوفين هريس
سمر:إنزين باكل معاج
عبير: روحي حطي لج إنزين
سمر: أنتي قدها هالحركه
عبير: قدها ونص
يلست عايده : هههه تستاهلين مو انتي معلمتها
سمر: إنزين عبوري بتحتاجين
عبير: هههه روحي ألحقي لعمرج احسن


قـامت سمـر وراحت صوب المطبـخ شـافت هنـد يـالسـه تحط لنفسهــا
يتهـــا فكـــره أول مـا شـافت مـاجـد يالس يلبـس جـوتيـــه
راحــت عنـده
ابتسم ماجد وترك اللي بيده: هلا سمر
سمر مستعيله: بعدين بعدين تعال معاي بسرعه
وقف:وين
سمر: تعال معاي وبس
ماجد:خليني ألبس جوتيه الثاني إنزين
سمر: مب لازم يالله تعال
ماجد: زين زين
راح معاها صوب المطبخ
سمر: يالله روح اعترف لها
ماجد: لهند؟
سمر: هيه هذا وقته هي لحالهــا
مـاجد: سمر انتي فاهمه السـالفــه
اضطرت سمــر ادزه .. لين ما دخل المطبــخ
انخشت هـــي .. بس ما تحـركـت تمــت تراقــب

صـدت هنـد وبيـدهــا صحن الهـريس: أوه مـاجـد
مـاجد: هلا هنـــد شو تسـرقين هنـا ؟

سمر تكلم نفسها: غبي

هنـد:هههه حسيـت باليـوع وييت اسـرق مـن عنـدكــم
إلا على سـالفـة رهـ
قـاطعهــا مـاجـد بسـرعه: شـو اتفقنـــا
هنـد: هيه صح.. يالله عيل بـروح آكل
مـاجد: عليج بالعـافيـــه

طلعـت هنـد وسمــر ركضـت وانخشــت مكـان ثــاني .. يوم تـأكـدت إنـهـا راحـت ... دخلـت عنـد مــاجـد
سمـر تنـازعـه: صـج غبـي ليـش مـا قلتهــا فـرصتــك كــانت
مــاجـد: سمــر
سمــر: مب مشـكلـه يمكــن يبــالــه شجــاعــه صح
مـاجد: سمـــر
سمــر: وش فيــك عـلى اسمــي .. بـس تقـدر عـلي
وعلى هنـد مـا تقــدر ... انت محتــاج تـدريـــب
مـاجـد بـدأ راس يعــوره مب راضيه تسكــت ولا تعطي فـرصـه يتكـلـم
تكمـل كلامهــا: بس سمـوره معــاك .. ودام أنــا معــاك انت بتنـجـح في حبـــك
وبشكـل فجــائــي مسكهــا بيــن ذراعيـــه: سمــر سمعينـــي
البنـــت اللـي ابــاهـــا واللـي احبهــــا هي أنتــــــــي
فهمتـــــتي أنـتـي .. سمعتينــي أنـا أحبــــج
سمـر تصلبـت في مكـانهــا وبـؤبـؤة عينهــا تتطـالع يمين ويســار هههههه
مـب مستــوعبـــه البنــــت
تـرك ذراعيهـــا ....
مــاجـد: ويــن راح لســانـج اللي كــان يثـرثـر قبـل شـوي
سمـر: مــاجـد انت صــاحـــي يمكــن تعـرضــت لحـادث
مـاجد ضحـك: ههههه أي حـادث تصـدقين ولا مـا تصـدقين انتي حره بس قلبي تعلق فيـج

تغيـر مـلامـح ويهـــا ... مب مصدقه بعـدهــا ... خلتــــه في المطبـــخ وطلعــت عنـــــه
تمشـي وتعض اظـافـرهـــا ... ليـن مـا وصـلــت عنـدهـــم