زواج البشره السوداء من البيضاء ؟؟؟؟؟؟؟؟؟؟؟؟؟؟

ادري موضوع حساس
بس حبيت انقله لكم واشوف ارائكم

(( لافرق بين عربي وأعجمي ولا أبيض وأسود الا بالتقوى ..)).. واقصد الاسود وليس الاسمر .

1- ((لا ينظر الله الي صوركم ولكن ينظر الي ما في قلوبكم)).والدين وجمال الروح أهم شي ..

2- (( ولآمه مؤمنه خير من مشركة ولو اعجبتكم )).الايمان و الهدي ايضاً اولاً ..

(اذا جائكم من تردون دينة وخلقة فزوجوة) ..وأعلم جيدا رأي الاسلام وديننا الحنيف ..


واعلم أن الابيض لا يفرق عن الاسود وكلنا بشر ..وكلنا مخلوقين من التراب وسنرجع للتراب ..

ولكن وبعيد عن المثالية والدبوماسية .. واريد اجوبة صريحة ..

هل توافق او توافقين على الزواج من شخص تختلف لون بشرته عن بشرتك ؟؟

هل ستتحمل بأن الاطفال يكونون ملونين باللونين الاسود والابيض ?

هل ستتحمل نظرات المجتمع لك أو لكي ؟؟

وما الاسباب التي جعلتك تتزوج من شخص تختلف لون بشرتك عن لونها ؟؟

وان قدر الله الاهل لم يوافقوا ما العمل وأنت تريدها او تريدينه ؟؟

وإن لم توافق ما هي الاسباب ؟؟




منقووووووووول

جدا صعب تقبل الوضع بنسبة لشخصي
اعطيك قصة انا شفتها امراة بيضاء متزوجة برجل اسود من عرق افريقي وعندها طفل بلون ابوه عمره وقتها 5 سنوات الحاصل جت وحده تبي تسجل في دورة وام الولد موظفه احتاجت انها تشرب وماتدل الطريق فطلبت من الولد يشتري لها مويه وقتها خرجت خالة ( مستخدمة ) سوداء البشرة فقالت ياخاله ممكن ولدك يروح يشترى موية وام الولد تسمع فقالت امه هذا ولدي فبدل انها تسكت صرخت وقالت وش حذفك في ذي العيشه فهالرجل والولد يسمع الحوار مدته عشر دقائق المهم بعد اسبوعين رجعت للموظفة وجلست معاها حسيت انها تألمت من موقف الاخت وبعد حوار طويل عرفت انها اتعس انسانه على الوجود ليس من زوجها وانما من نظرة المجتمع لولدها ففكرت ماتجيب غيره .. وفي النهايه ذي قصمتها من الحياة ومااحد يعرف وش الله كاتب له مع من يعيش ومن يتزوج ابيض او اسود .. اللهم اكتب لنا مافيه الخير

يسلمووووووووووووو اختي الحياة على التعليق ومرورك العطر

السلام عليكم ..
اختي نددو موضوع حساس جدا ..

اول شي بتكلم عن الموضوع بصفه عامه بعدين رح اكتب لك رايي

المفروض الوحده ماتوافق الا اذا كانت مقتنعه .. واذا اقتنعت الوحده وفكرت من جميع النواحي وانها قد كل المواجهات والمواقف اللي بتواجها خلاص توافق بالعكس مو عيب ولا حرام ..

اذا رجال محترم واخلاقه عاليه وحنون وطيب ويقدر يعيش زوجته احسن عيشه ولا ينعاب في اخلاقه ويخاف الله وكلا الطرفين موافقين ومقتنعين خلاص يتم الزواج ..

اكيد لازم يفكرو من ناحية الانجاب بس مستحيل يكونو كل عيالهم بشرتهم غامقه الا اذا ربي شاء بس اكيد حيكون نسلهم مختلف ومختلط ومره حيكون غامق ومره حيكون فاتح وممكن تجيهم طفره جينيه انه يجيهم ولد اشقر اذا اختلفو كثير ..



بالنسبه لرايي انا ..

انا لما انخطبت تعرفي اهلي لازم يسألو عن الشاب اللي تقدم لبنتهم وانا سمعت عنه كثير قبل تصير الشوفه من كثر ماسمعت ياندو عن اخلاقه وطيبته اللهم لك الحمد وافقت قبل يجي وقلت لأهلي لو ( بشرته غامقه) خلاص انا موافقه قليل في هالزمن نلاقي رجال ينشرى ..

مع العلم اني انا شديدة شديدة الجمال مو مدح في نفسي لكن عشان ماتقولو اني ماهتميت في الشكل لأني شينه بالعكس الف واحد يتمناني ..



عموما لما صارت الشوفه ..


انا بشرتي فاتحه جدا جدا وخطيبي بشرته سمراء مو لونها اسود لا سمراء حلو لون بشرته ولا انه شين بالعكس وسيم ووافقت وانا مقتنعه فيه ولا يهمني راي اي واحد في العالم لأني مقتنعه فيه ..

سمعت كلام كثير من الاقارب ان انتي حلوه ليه توافقي عليه ؟ تخيلو الاقارب يقولو لي كذا قلت انا مقتنعه ولا احد يشاركني في رايي ..
استخرت وهذا نصيبي معاه وسمعت انتقادات كثيره لين الحين اسمعها ..

لكن دام الرجال واهله شاريني
انا وافقت والله يكتب اللي فيه الخير ان شالله

بس في النهايه ابي اوضح حاجه للشباب والبنات
صدقوني الشكل الخارجي مو كل شي اهم شي الاخلاق
لايهمكم المظاهر والجمال

وتذكر قول النبي صلى الله عليه وسلم ( اذا جاءكم من ترضون دينه وخلقه فزوجوه)

بسلموووووووووو يا كيفي على تعليق


الله يوفقك وييسرها لك يكفي اخلاقه وانك مقتنعة فيه.............

مشكوره حبيبتي على الموضوع الرائع

1-بس للاسف في ناس الحين رجعوا للعصبيه القبلية والتفريق بين القبيلي والخضيري والاسمر وانا ارفض اقول كلمة عبد رفض مطلق لان الحين مافي عبد لاحد والحمدللة على نعمة الاسلام والدين اللي مافرق بين لاعربي ولااعجمي بس للاسف الناس ماخذتهم العصبيه
القبيله لحد الحين

2- بالنسبه للزواج من لون اخر ابيض ياخذ اسود او اسود ياخذ ابيض تفرق بالنسبه لبعض القبائل المتشددة الي اهم شي عندها النسب والحسب والاصل ونسوا طبعا الاخلاق والصلاح والتقوى والمحافظه على الصلاة والرجوله والدين هذي خلوها مرميه على رف في الارشيف تجمع عليه الغبار

3- في بعض العوائل او القبائل للاسف الشديد
صارت تعامل بناتها مثل السلع التجاريه
اذا تقدم لهم واحد من غير اصلهم ولون بشرتهم وكان غني ومقتدر وعندة فصور وسيارات
ضريوا بعاداتهم وتقاليدهم عرض الجدار وزوجوا بناتهم عشان الفلوس والعز

3- بعض الشباب اللي الوانهم سمر يفضلون يتزوجوا البنت البيضاء اللي شعرها ناعم وطويل
عشان يحسنون نسلهم واذا انرفضوا يبحثون عن زوجات بنفس المواصفات ولاكن من دول عربيه

4- بالنسبه لي انا اشترط الاخلاق والصلاح
وبعدين افكر في اللون والله جماله ولون بشرته
ماراح تفيدني اذا ماقدر يسعدني ويهنيني ويحترمني
كثير ناس خذوا من نفس لونهم سواء بيض او سود وتندموا اشد الندم


تقبلي مروري

العنود 2008

مشكوووورررة على نقاشك وصراحتك الرائعة

اهممممممم شيء المضمون ياما ناس لونهم ابيض وقلوبهم سودا وياما ناس لونهم اسود وقلوبهم بيضاء وياما ناس يمتلكون جمال خارجي بس للأسف يفتقدون الداخلي وبشددددددده...
وياعنيده ماعليك من كلام الناس بالعكس افضل ان الرجال يكون اسمر لون الرجوله مو ابيض لون النسوان وعمر السمار ماكان عيب بالعكس السمار من علامات الجمال

ايه كلامكم صحيح
ان الاسلام جعلنا سواسيه
ولكن ؟
المرأه السوداء تقبل بالزواج من رجل ابيض
المرأه البيضاء لا تقبل بالزواج من رجل اسود
الرجل الابيض لا يقبل بالزواج من سوداء
الرجل الاسود يقبل بالزواج من امرأه بيضاء

لكن مجتمعنا اغلبه لا يقبل مثل تلك
وبنسبة 95 %
موب لانه مجتمع قبلي لا
هو فيه من القبليه الكثير
لكن لو جيت عن ناس متعصبين وقبليين سووود
وتقدمت للزواج من عندهم وانت ابيض هنا اعتقد
القبول اذا توافرت به الرغبه لديهم 0

بعض المجتمعات يتقدم لهم عربي ابيض افضل
من ان يتقدم لهم اسود من نفس الجنسيه 0
هالشيء موجود بمجتمعات اوروبا اكثر شيء
وكله لاجل مصلحه خاصه يرغبونها بالرجل الاسود 0

شكرا ع الموضوع

توفي العوباء .. شوووووووووووووكرن على ردك