.
.
يـا صانــــــع المكـــيـاج الله يجـازيـك .. خليتـــني مخـدوع فـي شكـــــــل خلـي
الله يحـرق مصنعــــك مــــــع مبانيـك .. والمعـــــرض الموجـود في بيكاديـلي
ادعي عسى تعمى وتنشــــــل رجليـك .. هـــــــذا دعائـي دوم لا جيـــت اصلـي
خليتني اركـض ورا البنـــــت هاذيــك .. واشوفها اجمــــــل غـرام ٍ حصـل لـي
قلبي عشقــــها ياجيفنــــشي توماتيك .. وان شافهــا قلبـي يرحــــــــب ويهلـي
هــي رحبــــت بـي وقالـت الله يحييـك .. وقالت هلا باللي عشـــق زيـن شكلـي
وقالت انا اجمل بنت في اللي حواليك .. شف حسني والحلى وروجي العسلّــي
طالعتــــــــها ثـم قلـت هالقلـب يبغيـك .. ومن شاف حسنـــك خلى غيرك يولـي
ابغــــي اشوفـك دون مكيـاج يكسيـك .. وابغـي اشوفـــــــــك بالجمـال المحلـي
قالــــــت تبينـي افـرك الوجـه تفريـك .. واشيل هالبـــــــــودر وروجـي وكحلـي
قلت أي قومي عســـى الروح تفديك .. ابغـي جمالـك هالطبيــــــــــــعـي يهـلّـي
قالــــت دقايق راجعـه لـك واراويـك .. ذاك الجمــــــــــال اللـي لعينـــك يسـلّـي
ويوم رجعت لي شربكتني الشرابيـك .. وحسيــــــت الارض تدور وانـا بمحلـي
الخــــــــد كنه يا جيفنشـي سيراميـك .. والوجــــــــه مثـل شـارع منتهي مولي
الوجـه كنـه بيـت كلـه شبـــــــــابيـك .. من هالحفـــــــر في وجهها اللـي يعلّـي
كلـه سبـب مكياجـــــــك الله يجازيـك .. خليتني مخـدوع فـي شكــــــــــــل خلـي
ونصيحتي لكل شاب من غير تشكيك .. لا لا اتسـرع ثـم تنجرح تنغــش مثـلـي
اللـي بـلا مكيـاج خلهـــــــــا حواليـك .. واللـي تحـط مكيـاج خلــــــهـا تــــولـي
ملاحظة : حلاة البنت بجمالها الطبيعي 
ولاكن المكياج ماله غنى عنه بحدود ولايكون صارخ واخفاء الملامح
للفت النظر بين النساء ومو كل البنات مثل بعض للمعلومية فقط ..
.
.
" راعي مزاج "
๑♥๑ ( اه اه من همني بصدري ) ๑♥๑
