بكــــــل صراحه تعطــي اخــتك وجــه ولا لا ....؟

انا ما راح اكثر هرج و راح ادخل في الموضوع على طول
v
ندخل في الموضوع ؟


يلا ندخل



مشاهد من حياتنا اليوميه


المشهد الاول:


أنا: عبد الله ممكن تتكرم وتوديني السوق ؟


عبد الله : يوووووووووه فاضي لك ..مشغوووول..>> يضغط عالكلمه ..


(يدق جوال عبد الله ) هلاااااااااااا والله بابو حميد ..وينك يارجال ..عاش من سمع هالصوت ..


وشلون ..تبي تشوفني الحين ؟؟ ..ابشر ..لا ..يارجال لامشغول ولا شي>>شف النذاله وهو توه يقولي اني مشغول(!)


المشهد الثاني:


أنا :ابراهيم.. توديني للسوق ,,


ابراهيم: والله اني مشغوول ..روحي قولي لاخوانك>>وانت وشو؟ ولد الجيران مثلا !!


المشهد الثالث :


اروح أنا المسكينه لاخوي بدر


أنا: بدر ..يا بعد هالدنيا ..وش رايك نروح للسوق..منها نتمشى ومنها نغير جو..<<أقوله كذا ..عشانه رومنسي ..


بدر:اممممم ..والله فكرة ..حتى انا مليت من طلعات الشباب.. يله .. روحي البسي عبايتك ..


وأنا أقول :صدق؟؟ >> كنه بيوديني الجنه اخيراً واحد حس بمعاناتي


وعند الباب ..دق جوال بدر هلابك...انت عند الباب؟؟...حياك الله...يله ..دقيقه وافتحلك..


بدر: يووووووووه معليش ..مواعد واحد من الشباب..يله بسرعه ادخلي البيت .. وسويلي


القهوه .. <<ايه زي الخدامه بالضبط


تعامل الاخ مع اخته في مجتمعنا ..كيف تقيمونه..؟؟؟


هل انت راضي عن تعاملك مع خواتك .وانتي بعد راضيه عن تعامل اخوك معك؟؟؟


هل تعطي اخواتك حقهم من وقتك وتجلس تدردش معهم ولا لا ؟؟


انتي كاخت وانت كاخو..هل لديك احد من اخوانك او اخواتك قريب لقلبك اكثر من غيره..والا كلهم سوا ؟؟


هالمشاهد من حياتنا اليومية واتمنى الكل يجاوب بصرااحه امانه خلونا واقعيين للفائده للجميع



ودمتم بسلام

موضوع عجبني وحبيت نتناقش فيه