قصيده اعجبتني ولامست مشاعري
حيث تصف ناس كانوا غالين عندي ولكن طاحوا من عيني
اتمنى ان تروق لكم وتنال على اعجابكم
يـاشـيـنهـا لا صـرت تـغـلي لك انسـان
ان جـاك غـالي وان تـغـيـب ذكرتـه
اغـليه واطرد عـنه مليـون شـيطان
ولـو زل في حـقي دمحـت وعـذرتـه
ولا خان مبداه ونـسى كـل الاحـسان
والله لـيـبطـي بـالرجـاء ما انـتظرتـه
وحـتى الـبحر لو فـيه لـولـو ومرجان
دامه لـمثـله مـاسـبـحت وعـبرته
بـعض الذنوب اعدهـا غلطـة اخوان
ذنبٍ يـضـايـقـني وذنـبٍ غفرتـه
وبعض العرب في فزعته مثل الامزان
لو تطلبه عينه حشى ماعسرته
والناس عـندي مثل سـالم وسـلمان
شخص ٍ اضحي به وشخص ٍ ذخرته
اتصـدق اني من كـثر مابي احزان
حتى عـدوي لو شتمني شكرته
ياشينها لاصرت ماتلمح الوان
الا الـظلام لـيـا رقـيـت وحدرته
ويـاشينها لاطاح من عيني إنسان
لو حطـني فوق النـجوم احـتـقـرتــه
لكم مني ارق التحايا واعذبها
أسيرة الجرح ..
آهااااااااااات
o0o يـاشيـنهـا لا صـرت تـغـلـي لـك إنـســـــان o0o
