..
..
تكلمي والا اسكتي يا شفاهي
الصمت حــي وجمــرة البـــوح حيّــــه
ما عاد به جرحٍ يشد انتباهي
انا الخطــأ والعـــذر منّـــــي خطيّـــــه
اركض واحث الركض عكس اتجاهي
والركــض هــو والاتجـاهــــات هيّــــه
غنت جروحي للعتب في تباهي
مـن كــل جــرح وجـرح لــي مزهريــة
حتى يديّ اللي تصافحك ما هي
احسهـــا عنــد المصــافــــح يديّــــــه
بعيونهم كل الاوامر نواهي
وبعيـوننــا تبقـى الامانـــي عصيّــــه
عني وعنك الوعد ما زال ساهي
وفيني وفيك البعــد مـا فيــه زيّـــــه
صدقني انه ما بقي حلم زاهي
يمكن يشع في عتمة البــال ضيّـــــه
واصدقك لو قلت لي يا إلهي
هذا انت مت وفيك الاوجـــاع حيّــــه
لـ رده السفيـــاني .
(عكس إتجــاهي )
