السلام عليكم
صباح ومساء الخير على الاخوان والاخوات
حبيت اطرح موضوع لاحظته بجد منتشر في جميع المنتديات
كثرة في الاونه الاخيره المواضيع المسروقه !
عفوا المنسوخه في اغلب المنتديات وقلة الطرح الهادف
اغلبها بدون عنوان واضح فقط البحث عن المزيد من المشاركات والشهره في المنتديات
الى متى نحن رواد المنتديات ناخذ تعب الغير بدون وجه حق يذكر
حتى كلمة منقول نتجاهلها بعض الناس تنقل موضوع ولاتقرا المحتوى !!
فقط تبي تضيف موضوع لرصيدها من جد شي يضحك لدرجة انك اذا ناقشت
طارح الموضوع يكتفي بمقولة ( اشكرك على المرور ) شي مؤسف
ان تصبح المنتديات ارشيف لمنتديات اخرى بجد شيء مؤسف مؤسف وبقوووه
اذكر مره دخلت منتدى مشهور وجدت واحد مشاركاته 11 الف
دخلت على ملفه الشخصي وجدت اربع الاف مشاركه كلها مواضيع مسروقه
بدون ذكر مصطلح منقول وباقي مشاركاته في قسم الالعاب
شدني الفضول وارسلت له رساله خاصه قلت له هل انت تعتبر نفسك قدمت شي مميز
في المنتدى قال لي ( مافيه احد احسن من احد ) 
كثرة المنتديات وقل المبدعين !!
نصيحة لكل رواد المنتديات لاتعتمد على غيرك اكتب اليوم سطر بكره تكتب سطرين
وهكذا الى ان تصبح كاتب مميز يفتخر بك قلمك ولا تقول ما اقدر ولا ماعندي وقت
ولا ما براسي شيء اقدمه هذا مو حل ولا دليل ابداع داخل المنتدى
ابعطيكم حل انا بنفسي استخدمة بين فترة وفترة
خذ لك قلم وورقة واكتب من 1 - 10 فكرة موضوع او عنوان موضوع
والافكار كثيرة ووقت فراغك حاول انك تكتب عن احد هذي الافكار
من ابداعك بما تجود به نفسك وما يحتويه خاطرك ونفسك دون مساعدة احد
ستجد انك كتبت لا يقل عن 15 سطر هذا اقدر اقول عنه مبدع وبذل مجهود
والحل بيديكم ولا احد يقول ما اقدر
والله يوفقك الجميع
.
.
" راعي - مزاج "
سرق المواضيع الحل السريع للوصول الى القمه !!
