##بحضر زفـــافك يا حيــــاتي ##

##fpqv .tJJJht; dh pdJJJJhjd ## pdJJJJhjd

يؤ يؤ يؤ الله يسامحك وين بقية القصه حراااااااااااااااااااااااام كنت متشوقه لها
بليييييييييييييييييز حبيبتي نزليها كامله من دون تقطيعة قلب ,,,,
مع خالص شكري لكـ &

ميثاق الغلا \
هلا والله خيتو ما يحلى الموضوع الا بعض التفاعل
وحرق الاعصاب
نتظر متابعتك في باقي القصه

< أجيك يسلم رأسك وشلون ماأجيك وياك أنا بالذات صعب أتغلا والله لوتدري........... >
ضحكت غلا أول ماسمعت الأغنيه وقاطعت الأغنيه/ خلاص درينا أنك جيت وألا لازم تصك رأسي بصوتك النشاز
قال تركي/ أفااااا عليك ياغلايه تركي صوته نشاز !!!

< كان تركي متملك على غلا وكل ماجاء لبيت غلا كان يغني الأغنيه هذي وبكذا غلا تدري أنه جاء >

غلا/ ياحرام حطمت قلبك !!
تركي بصوت مسرحي/ يااااااه كم أتمنى لو قدرتي موهبتي يوما أيتها الفتاة الحمقاء ..
قلدته غلا بنفس الأسلوب/ ماذا؟؟ أنا حمقاء !! ويحك يارجل هيا طلقني وأرحم نفسك من حماقتي !!!
تركي/ أطلقك !!!!! فعلا أنتي اكبر حمـــــقاء و عـــــوباء !!!
ضحكت غلا من قلب
قال تركي/ "أروح وطي"
من الضحكه وراعيتها ...
غلا/ يله عاد لايسمعك أبوي
تركي بتنهيده/ أييييييه متى الله يرحمني ونسوي العرس يله ماعلينا أنتي وش تسوين ؟؟
غلا/ شوفت عينك بسوي قهوه ..
تركي/ أقعد تعرفين تسوين قهوه ...
غلا/ ليه عشاني ،، عمياء ،، ماعرف أسوي قهوه !!!
ضربها زايد بكتفه على كتفها/ يله عاد بلا دلع بس أنتي ماتشربين قهوة وشوله تسوينها ؟؟
غلا/ بس أبوي يشربها عشان كذا أسويها له ..
زايد/ ياالله ياعمي عليه مزاج بالله فيه أحد يشرب القهوه الظهر ؟؟
غلا/ أيه فيه باباتي ...
بعدين رح أجلس عند أبوي بدال ماأنت مقابلني وماخليتني أكمل شغلي ..
قرب تركي منها وقال بأذنها بهمس ناعم/ أنا عارف أنك ماتركزين وأنا جنبك بس هذا قدرك تحمليني !!!
غلا وهي تدفه/ روح زين !!!!!

طلع تركي وهو يضحك وجلست غلا تكمل القهوه ...


@@@@@@@@@@@@

أول ماشاف تركي غلا جايه تشيل القهوه فز على طول وأخذ منها القهوه ومسكها بيدها وجلسها جنبه !!!
ضحك أبو غلا وقال/ أنا ماأدري ماتستحي على وجهك تسوي حركاتك قدامي !!!
قال تركي وهو يصب القهوه/ مايستحي إلا الغلطان وهذي زوجتي وأنت بنفسك مزوجنيها ولا نسيت ؟؟؟
الأب/ أنسى !!!!
وشلون أنسى وأنت مرتز عندي أربع وعشرين ساعه !!
تركي بهزة رأس/ لاحول ولاقوة إلا بالله البنت تكرشني والأبو طفشان مني أنا ماأدري من اللي دعا علي ؟؟
ضربته غلا وقالت/ وش قصدك دعا عليك حنا بلــــــــــوه ؟؟؟
تركي وهو يشرب القهوه/
أي والله بلوه بلاني الله بحبكــــــــــم !!!
ضحكت غلا وأبوها ...
قام الأب وقال/ يله بروح أنسدح شوي قبل أذان العصر والبيت بيتك مع أني عارف أنك حافظ هالعباره ...
تركي/ دامني غاثك لها الدرجه خلنا نسوي العرس وأرتاح !!!
الأب/ العرس لاجاء وليد من البعثه ..
وراح وخلاهم وأول ماطلع الأب كان يطمر تركي ويزين جلسته بقبال غلا ...
قال/ أخوك ماعنده نيه يجي ?
غلا/ والله ماأدري بعثته أربع سنين وباقيله بس سنه ...
تركي/ أوووووووف سنه بعد أنا يالله تحملت سنه بعد باقي سنه الله يعين بس ...وضحكت غلا وسكت شوي ثم قال بصوت رومنسي/ غــــــــــلا ...
غلا/ هــــــــــاه !!
تركي بضربه خفيفه على يدها/ وهواه أنا كم مره أقولك قولي لبيــــــــــه ....
غلا/ أقعد يالبيه إذا عدلت أسلوبك قلت لك لبيه ...

< وكان ذا طبع غلا إذا حست أن تركي بيتغزل فيها قالت له هاه >

قال تركي/ ماسألتيني عن برنامجي أمس ؟؟
غلا/ صح نسيت وش سويت أمس ?
مسك يدها وقام يعد بأصابعها ...
وقال/ واحد_أول ماقمت من النوم جلست شوي ثم تغديت ..
أثنين_طلعت مع الشباب لكشته بسيطه جلسنا للمغرب ثم رجعنا ..
ثلاثه_رجعت البيت ولقيت خالتي وبناتها عندنا ...
أربعه_ جلست أسولف معهم شوي ثم قمت أخذ شاور ..
خمسه_طلعت بال..............
وش فيك ?
سحبت غلا يدها وقالت بصوت متكدر/ مافيني شئ !!!
تركي/ غلاي أنا عارفك زين وش فيك ؟؟
غلا/ مافيني شئ !!
وسكتت شوي ثم قالت بصوت حاولت يكون غير مبالي/ تقولي جلست مع خالتك وبناتها !!!
عرف تركي أنها غارت فحب يرفع ضغطها شوي وقال بحــــــــــماس/ أي جلست وقعدت أسولف مع البنات خصوصا مها تصدقين طلعت فلــــــــــه !!
< كانوا أهله بيخطبوله مها بس هو رفض أول ماشاف غلا >
غلا/ أهاا ..
كمل تركي / فله ومزيونه بسم الله عليها ...
سمع شهقه من غلا حاولت تكتمها ...
ومسك نفسه مايضحك !!!
غلا بأرتباك/ بسم الله عليها ....

المهم ماودك تروح عشان أنا ودي أنام شوي ...
تركي وهو مستانس/ بس ماكملت لك وش سولفت فيه مع مها !!!!
غلا/ ياحليلكم أحتفظ بسواليفكم السامجه لنفسك !!
تركي بأبتسامه/ سامجه الله يسامحك أغلطي علي عادي بس مها ماآذتك بنت الناس وشكلها محترمه ..
عصبت غلا وفقدت تماسكها وقالت/ ياسلام دامها جايزتلك هالكثر ورى ماتأخذها وتريح نفسك بدال ماأنت قاعد تمدح وتجزل في الثناء لسيده الحسن و ت............
مات تركي من الضحك لأن صار اللي يبيه !!!
قالت غلا بصوت مقهور/ وش يضحك إن شاءالله ؟؟
تركي/ ياقلبي كل هذا حب لي !!
غلا/ وشو ؟؟
تركي/ دامك تحبيني لدرجه تغارين علي هالكثر ليش ماتقــــــــــولين ؟؟
غلا بأرتباك/ أي حب وأي غيره شكلك حششت ...
تركي/ يله عاد أنا حبيت أرفع ضغطك ولا لاجلست مع مها ولاشئ بس سلمت على خالتي وطلعت فوق ...
غلا وهي تضربه/ ليش تلعب بأعصابي كذا ؟؟؟
تركي/ أثرك طلعتي تحبيني وأنا ماأدري ومخليتني أهــــــــــوجس أنتي تحبيني ولا لا ؟؟؟
غلا/ يله عاد بلا قله أدب ..
تركي/ ياأخي لو مره قولي أحبك لو مجامله بس شكلي بأبطي عظم وماسمعتها ...
جلست غلا تضحك قال تركي/ أقول غلا وش رأيك اليوم نطلع نتعشى برى ؟؟
غلا/ أنت عارف أن أبوي مايرضى ..
تركي/ ياحووول طيب نروح نتمشى لو بالسوق ؟؟
غلا/ الله يالسوق أصلن مادخلته عقب أول مره شفتك فيها ..
وكملت بصوت واطي/ وهزئتني
ضحك تركي وقال/ لاتلوميني تنرفزت من اللي جايه صقعتني وكبت علي الكابتشينو ولا بعد كان حار أحرق أصابعي
ضحكت غلا وهي تتذكر الموقف !!!

< كانت أول مره تروح للسوق مع مضاوي وكانت مضاوي بتحاسب ووقفت غلا بمكانها وحست غلا أن جنبها شباب فبعدت عنهم شوي ومادرت إلا هي صاكه واحد وعصب عليها وصارخ وقال/ وجع إن شاءالله ماتشوفين عمياء أنتي
وحس أن البنت دمعت عيونها واستغرب ومادرى إلا بوحده جايه تركض وتقول/ آسفه ماعليش
ومسكت البنت بيدها عرف تركي أنها عمياء وراح لأخوياه وهو مصدوم وقالهم السالفه وعصبوا عليهم وقالهم أنه مادرى قالوا له كان تعذرت فطمر مع شلته يدورونها بالسوق لحد مالقاها طالعه تركب السياره لحقوهم وعرف بيتهم في البداية كان السالفه أعتذار وبس !!!
لكن أول مارجع البيت لقى أهله يبون يخطبوله مها بس هو تردد وماعطاهم الجواب
وصار يتردد كثير على بيت غلا وعرف أنها وحيده مع أبوها وحس أنه يميلها بس ضحك على نفسه وقال متأثر بالأفلام أنا ووجهي !!!
وأول ماسألته أمه عن مها رد بسرعه أنه بيخطب بنت وأول مادروا أنها عمياء رفضوا بالبدايه بس يوم شافوا ألحاحه وأصراره وافقوا وتقدمولها
في البدايه غلا رفضت لأنها حست أنه شفقان عليها بس أبوها أقنعهاأنه ونعم الرجال وماراح يأمن أحد كثره عليها فاضطرت أنها توافق لكن بعد ماجلست معه بعد الملكه حست أنه فعلا رجال ويحبها حتى هو أول ماشاف جمالها وأدبها عرف أنه ماراح يندم على أختيــــــــــاره ابدا ..

تركي/ يله عاد أنا بروح قبل لايقوم عمي ويلقاني ويقول يامن شراله من حلاله عله ..
ضحكت غلا وقالت/ متى أشوفك ؟؟
تركي/ يمكن أشوي أمرك قبل لأرجع البيت ..
وطلع وجلست غلا تفكر أنها فعلا محظوظه فيه !!!

يتبع
@@@@@@@@@@@@

منوره ملوكه أخبااااااااااااااااارك

هي القصه من أروع القصص

قريتهااااا جنااااااااااااااااااااان

وفيهااااااااااااااا مأسي كتير

عااااااااااااااااااااد لا تصلحين نذله

ونزليها لهم بسرعه مو تطولين.................

شوقتيني أقراهااا مره تانيه

تسلمين ياالغلا على مجهودك

مرام العبدالله منوره حبيبتي

رنود ايه قصه رائعه وحلوه

بس ما تحلى القصه الا بشوي نذاله هههه
واتمنها بعد عليك بس خساره قريتيها
الايام الجايه اكثر عسوله

غلا/ من عند الباب ?
< أفتح باب ياخلا أنا ريشاب جيب مقاضي >
فتحت غلا الباب وكان ريشاب هندي البقاله تموت فيه غلا لأنه يعاملها مثل بنته وكان ببعمر أبوها وماكان ينطق أسمها زين يناديها خلا >
غلا/ هات ياريشاب ..
ومدت يدها ..
ريشاب/ وقف وقف ياخلا فيه رزال يفحط عند باب أصبر أبغى سوف أيس فيه ..
< ضحكت غلا كان هذا طبع ريشاب يخاف عليها لأنها عمياء ويجنن شباب الحاره حتى تركي جننه في البداية بس بعدين حبه واخذ عليه >

رجع ريشاب وقال/ هذا واحد مضيع يبغى حاره تاني يله سكر باب .. وراح ...

وبعد العشاء جلست غلا تسولف مع أبوها ..
الأب/ ألا أقول متى راح تركي ؟؟
غلا/ قبل العصر بشوي ..
ضحك الأب وقال/ ياحليله والله له وحشه ...
غلا/ دامك تفقده وراك تكسحه ؟؟
الأب/ لاياشيخه تبيني كل شوي أمدحه ثم يشوف نفسه علينا ..
غلا/ حرام عليك تركي موب كذا !!!!
الأب بضحكه/ أيييييه موب كذا المهم أخوك مادق اليوم
غلا/ لامادق بس.............

<أجــــــــــيك يسلم رأسك وشلون ماأجــــــــــيك...>

سمعت غلا صوت سياره مشغله الأغنيه بصوت عالي بالشارع وضحكت لان هذي حركة تركي عشان غلا تعرف ان تركي جى حتى ابوها يعرف حركته ..
الأب/ هاه جاء قيس قومي أفتحي الباب ...
فتحت غلا الباب ونزل تركي ودخل وقال/ مســــــــــاء الخير ياوجه الخير ...
غلا بخجل/ هلا ...
تركي بهمس/ أشتقتيلي ؟؟؟
سكتت غلا من الحياء ضحك تركي من منظرها ..
قال الأب/ ورى ماتدخل ياتركي ؟؟
جلس تركي وسلم على عمه ..
الأب/ هذا وش اللي معك ؟؟
تركي/ هدية لغلا !!!
الأب/ وش هي ؟؟
تركي/ أقول عمي وش فيك صاير فضولي ؟
الأب بضحكه/ يعني هونت ماتبي تقول لي ...
تركي بضحكه/ ليه أنا كنت ناوي أقولك أصلن عشان أهون
ياحليلك ياعمي واثق من نفسك
ضحكت غلا وأبوها ..
قام الأب/ يله بروح أنام وأنت لاتبلط هنا اذا ماعليك امر ..
تركي/ حاضر طال عمرك !!!
وأول ماراح أبو غلا طمر تركي كالعاده لغلا وقال/ تفضلي ياأغلــــــــــى غلا بالعالم !!!
غلا بضحكه/ الله يستر لاتكون ملغمه ؟؟
تركي/ لاتخافين ماراح أفجرك إلا إذا خنتيني عشان تصير قصه العاشق اللي فجر حبيبته ....
غلا/ لاياشيخ عاشق وتفجر هذا عاشق أرهابي بعدين ياخوفي أنت اللي تخون ..
تركي/ أفاااااا ياغلاي اللي يحب مايخون ويله بسرعه أفتحي الهديه ..
فتحتها غلا مع مساعده من تركي وطلعت الهدية جوال ...
غلا/ وش أسويبه ؟؟
تركي/ سويبه كيكه !!!
وش تسوين به بعد أكلمك وتكلميني فيه ..
غلا/ بس ماأعرف له ؟؟
تركي/ أنا أعلمك أول شئ إذا سمعتيه يدق أضغطي ذا وإذا بغيتي تدقين علي أنا مخزن رقمي بالأتصال السريع أضغطي رقم أثنين هذا ثم السماعه الخضراء هذي
وإذا بغيتي تدقين على الشرطه دقي تسعه ثلاث مرات !!!
ماتت غلا من الضحك وقالت/ أجل خلاص بسولف مع الشرطه وأطنشك !!
تركي/ أي هين هذا إذا عطوك وجه وبعدين مافيه أحد يعرف رقمك غيري يعني ماأحد معبرك غيري ...
غلا/ لاياشيخ !!!
تركي/ وإذا أرسلت رساله أضغطي ذا ..
غلا/ لاياشيخ تستهبل علي وشلون بقرأ رسالتك بالله ؟؟
تركي/ العالم تطور أبرسلك مقطع صوت والحين بدق عليك وأشوف فهمتي ولالا ؟؟
غلا/ ليه شايفني بقره ?
ودق عليها وعطته رفض !!!!
تركي/ تبيني أجاوبك عن سؤالك ?
ماتت غلا من الضحك وقامت تضحك من قلب ...
تركي/ ياويل حالي أذوب أنا ..
زادت غلا بالضحك !!!!
تركي/ خلاص عاد ترى من جد أذوب .....
سكتت غلا بعد ضحك طويل
وجلس تركي يدق عليها وهي مره رفض ومره صامت إلى حد ماتعلمت ثم أرسلها رساله وتعلمت وشلون تفتحها ...

تركي/ بعدي والله صدق ذكيه
ويله أنا بروح لأن بكره عندي سفره ،،،
غلا برعب/ وين ?
تركي/ بروح مع الشباب للشرقيه ،،
غلا/ ليه ?
تركي/ برقم بنات !!!
غلا بدلع/ تركي عــــــــــاد ..
تركي/ امزح فديتك يكفيني غلاي عندي وش ابي بالبنات بس عرس خوينا بكره ..
غلا/ وكم بتقعدون ?
تركي/ ثلاث أيام ..
غلا/ ليه ناوين تروحون معه شهر العسل ?
ضحك تركي وقال/ لا بس عندي شغل ..
غلا/ وشو ?
تركي/ أشك أنك في المباحث ؟ بس ماعلينا بروح أشوف وش صار بشهادتي حقت الدكتوراه ..
غلا بضحكه/ أيوه وش تخصصك إن شاءالله ؟؟
تركي/ طب عيون ..
ضحكت غلا لأنها عارفه أنه يمزح ..
تركي/ وش يضحك أنا مو قلت لك أني راح ادرس طب ..
غلا/ أيه تدرس وأنتي مقابلني أربع وعشرين ساعه ..
بعدين وش حدك على طب العيون !!
تركي بهمس ناعم/ عشانك ..
غلا أنفجرت من الضحك وتركي ضحك منها وقال/ شكلك مكذبتني !!
غلا/ أكذب على قدك موب طب مره وحده ..
تركي/ ماعلينا تبين شئ
غلا/ سلامتك بس أتصل فيني إذا مشيت ..
تركي/ أقعد الحين أتصل فيني ولا قبل ناسيتني ..
ضحك وطلع وراحت غلا تنام ..


@@@@@@@@@@@@

< أجــــــــــيك يسلم رأسك وشلون ماأجــــــــــيك >

فزت غلا من النوم تحسب تركي جاء بس طلع جوالها يدق وكان تركي حاط لها النغمه هذي
غلا بصوت نعسان/ ألو
تركي/ أشوى ماعطيتني رفض
غلا/ الساعه كم ?
تركي/ سبع الصبح
غلا/ أووف وش مصحيك هالحزه ؟؟
تركي/ أنتي ماقلتي لي دق علي إذا مشيت ؟؟
غلا/ لامطيع والله ..
تركي/ شفتي زوج مطواع مثلي
غلا/ بس وش موديكم هالحزه
تركي/ عشان نلحق العرس ونساعد خوينا إذا يبي شئ يله عاد روحي نامي وبدق عليك بعدين ..
غلا/ أنتبهه والسرعه ..
تركي بأدب مصطنع/ حاضر ماما مع السلامه ..
غلا/ مع ضحكه
( امنتك الله ) !!!!!!

ورجعت نامت ..


أول ماقامت غلا دقت على تركي ..
تركي بضحكه/ أقعد ياجوال ..
غلا بضحكه/ شفت شلون اقولك ذكيه .. أقول وينكم ?
تركي/ جالسين نتمشى بشوارع الشرقيه ..
غلا/ أها ..
تركي بنعومه/ أقول فقدوتنا ?
غلا بتنهيده/ أي والله
تركي بصرخه/ آآآآآآآآآآآآه
أخيرا أعترفتوا
ماتت غلا من الضحك
تركي بصوت ناعم/ ياأخي مابغيتوا تجبرون خاطرنا
غلا/ وراك تهرج كذا
تركي/ لابس عندي الشباب
عاد الشباب عرفوا أنها غلا من صوت خويهم ..
كان يزاعقون
غلااااااااااااااااااااااا
ضحكت غلا
قال خويه/ أنا أقول الرجال وراه ذايب !!!!
قال الثاني/ هذي غلا ياشيخ وماتبيه يخق !!
تركي/ اقول تلايط انت وياه لا اقوم عليكم يله عاد بلا لقافه ..
ضحكوا الشباب ...
تركي/ أكلمك شوي
غلا/ زين مع السلامه ..
زايد/ مع السلامه ياقلبو ..
وسكرت غلا ...
قال خويه/ ياعيني على الرومنسيه ...
تركي بتنهيده/ أيييييييه والله أني أشتقتلها حيلن حيل ..
كان يزاعقون الشباب ويصفقون ..
قال خويه/ سبحان الله شفت وشلون أجتمعتوا ..
تركي/ ماأدري وش كان حالي بدونها ..
قال الثاني/ الفضل لنا بعد الله حنا اللي خليناك تعتذر لها
تركي/ أقول سقها بس وأنت ساكت ..
وضحكوا الشباب .....

وجلس تركي يفكر بغلا أول مره تقوله أنها فاقدته وهذا يدل على تحسن وجلس يضحك وهو يتذكر وجهها وشلون يتغير إذا تغزل فيها !!!


@@@@@@@@@@@@


< أقول غلا ترى البنات مسويات حفله وتراك بتروحين معي >
غلا/ لا يامضاوي ماأبي أروح
مضاوي/ غصب طيب بتروحين
غلا/ هاه وشوله أروح
مضاوي/ تغيرين جو
غلا/ معجبني جوي ومالي خلق للأحراج من البنات
مضاوي/ وش أحراجه أنتي لك سنين ماطلعتي ولازم تشوفين العالم وبعدين أول مره أشوفك تنحرجين من عماك مع أنك عارفه انه مقدر من ربك
غلا/ أنا عارفه هالشئ بالعكس الوضع عندي عادي بس ماأبي أحرج البنات
مضاوي/ مالي شغل رايحه معي رايحه وقومي جيبلي قهوه يله
ضحكت غلا وقامت تجيب لبنت عمها القهوه

بعد ماراحت مضاوي دق تركي
تركي/ هلا وغلا
غلا بضحكه/ أهلين
تركي/ أقعد رديتي بسرعه
غلا/ خلاص تعودت المهم أنت وين
تركي/ والله ياطويله العمر تونا زفينا المعرس
غلا متحمسه/ وش لون زفيتوه ?
تركي/ ركبناه حمار
غلا/ تركي عــــــــــاد !!
تركي/ يعني بالله وشلون زفيناه سويناله صف سيارات ومشينا فيه لبيت العروسه
وصورنا الزفه بس صراحه فليناها الله يوفقه إن شاءالله
غلا/ أها
تركي يقلدها/ أها خير وش فيك
غلا/ مافيني شئ بس بستشيرك بشئ
تركي/ فلوس ماعندي !!
وضحك
غلا/ من أولها كذا
تركي/ تفداك عيوني ياعيوني
غلا/ خل عيونك لك وأسمع مضاوي تبيني أروح معها لحفله
تركي/ مضاوي من ?
غلا/ بنت عمي
تركي/ أها وأنتي تبين تستأذنين مني ؟؟؟
غلا/ لاياشيخ أبوي حي أستأذنه هو موب أنت
بس المشكله أنا رافضه أروح ومضاوي ملزمه علي أروح معها وأنا ماودي
تركي/ وليش ماودك ?
غلا/ ماأدري ماأبي أحرج البنات هم أكيد ماراح ياخذون راحتهم زين وراح ينحرجون مني وأنا..........
تركي/ بس بس تدرين عاد أنا مع مضاوي وبتروحين غصب وأنا اللي بوديك
غلا/ ياسلام الدعوه عناد
تركي/ أيه عناد أنتي لمتى بتحرمين نفسك من الناس
غلا بهمس/ وش أبي بالناس تكفيني أنت !!!!
زايد/ لــــــــــلا لابس ................ وش قلتي تو ؟؟؟
غلا بضحكه/ ماقلت شئ
تركي/ إلا قلتي ياالله مشاعرك ماتدفق غير وأنا بعيد
ضحكت غلا
تركي/ عموما أنا راجع بعد بكره وبنشوف موضوع الحفله وبشوف إذا أنتي مشتاقتلي صدق ولا بس فرحه الجوال
وسكر وراحت غلا تنام


@@@@@@@@@@@@

< تركي أنت صاحي ولامجنون مالقيت ألبس إلا ذا >
تركي/ أوووف وش فيه شكله حلو
غلا/ بس قديم والحفله فيها بنات من الرياض كلها
تركي بتفكير/ أممممممممممم أجل قومي ألبس عبايتك
غلا/ ليه
تركي/ بلا لقافه وقومي ألبسي عبايتك وأنا بروح أقول لعمي بسرعه

@@@@@@@@@@@@

طلعت غلا مع تركي وهي ماتدري وش السالفه نزلوا من السياره ومسكها تركي بيدها
غلا/ أنت وين موديني ?
تركي/ كازينو !!
غلا/ لاياشيخ
تركي/ ماأدري عنك
حنا هالحين داخلين السوق
غلا/ السوق!!!! ليه
تركي/ نصور فيه
غلا/ يوووووه تركي وبعدين !!
تركي/ يعني الناس وشوله تروح السوق بنشتري أحلى فستان لأحلى غلا
غلا/ قل قسم
تركي بضحكه/ ليه داخل العسكريه
بس حاضر قسم ياطويله العمر
غلا/ ليه ?
تركي/ عشان الحفله غلا/ وأنت تعرف تشتري فستان
تركي/ ليه بخترع نووي ترى حده فستان
غلا/ عارفه بس وش دراني عن ذوقك
تركي/ يكفي أني أخترتك وهذا أكبر دليل على حسن ذوقي وأنتي ماعليك أنا بضبطك وأخليك جرح وأزين وحده في الحفله
غلا/ بس...............
سحبها تركي وحط يدها تحت يده وصار يمشي بسرعه
غلا/ تركي هدي السرعه شوي ترى بكب كبتشينو ثاني !!
ضحك تركي ومشى بهدوء وصاروا يدخلون من محل في محل وتركي مايعجبه شئ
تركي/ تصدقين تعبت خل نجلس ونشرب شئ بعدين نكمل
وفك يدها من يده وحطها على كتفها !!!
غلا/ تركي عيب فشلتنا الناس وش بتقول ؟؟
تركي/ تصدقين عاد شوفيهم يناظرون فينا منهم الناقد ومنهم المعجب !!!
غلا/ ومن المعجب ?
تركي/ البنات طبعا
ضحكت غلا وجلسوا يشربون كابتشينو
تركي/ حمدالله والشكر
غلا/ وش فيك ?
تركي/ هاااه لا مافيني شئ
< وكانت فيه بنتين يتميلحون عند تركي ووحده منهم مرت ورمت عليه الرقم !!!!! >
تركي بضحكه/ قومي غلا خل نكمل جولتنا
وقامت ورجع تركي يحط يده على كتفها وهالمره قربها منه بزياده لعانه في البنات !!!
وقاموا يدورون بالمحلات وتركي يقول لغلا وش اللي يشوفه وبالأخير لقى فستان ناعم أحمر وكان فعلا زين لكن غلا خافت يكون لونه مب ذاك الزين
تركي/ غلا لاتجنيني والله لونه روعه ويأخذ العقل حتى بيطلع يجنن عليك
غلا بتردد/ طيب يمكن موب مقاسي
تركي/ ليه شايفتني حمار ماأعرف مقاسك
يله عاد بلادلع وخلينا نأخذه
غلا/ كيفك
وطلع سعره غالي ورفضت غلا يشتريه لها
تركي/ أقول ترى والله لاأرتكب جريمه اليوم عادي أنتي زوجتي وأشتريلك كل شئ وبأي سعر
غلا/ لكن............
تركي/ لالكن ولاشئ وخلينا نروح نكمل الباقي
غلا/ أي باقي
تركي/ اللي أعرفه أن الفستان لازمه جزمه وخرابيط كثيره
غلا/ ماشاءالله موسوعه في عالم المرأه
تركي بضحكه/ ماشفتي شئ
وراح يدورون جزمه وبوقت قصير لقوا جزمه
قال تركي/ أجلسي بالكرسي
غلا/ ليه ?
تركي/ ماتبين تقيسين الجزمه
غلا/ موب لازم دامها مقاس 36 يعني كبري
تركي/ أقول أجلسي
وجلسها على الكرسي
وجاء بيلبسها الجزمه بس وقف وناظر في الهندي اللي عطاه الجزمه وقال/ أقول ورى ماتطس يابو الشباب ؟؟؟
الهندي/ نعم ?
تركي/ الحرمه بتقيس الجزمه ولا وش رأيك أتكي جنبها !!!
الهندي مافهمه وغلا ماتت من الضحك ..
تركي/ توم جاو جاو
ضحك الهندي وراح بعيد وقاس تركي الجزمه وطلعت مقاسها
تركي/ طيب وش باقي؟
غلا/ ماباقي شئ العقد وعندي
تركي/ أجل يله خل نروح نتعشى في مطعم
غلا/ لالالا عشان أبوي يهزئني
تركي/ ماعليك من عمي خليه علي ...

يتبع

مشكوووووور والله يعطيك الف عافيه