مطلوب أفكار>>يعني للناس اللي تفكر

همس احساسي

أعضاء المنتدى أبغى تنشطوا عقلكم شوية وتفكروا معايا وتجيبولي شوية أفكار بسيطة وجديدة وخطيرة>>>>يبغالها سوبر مان هذي خخخ

أبغى أفكار للملكة بس ترى الملكة عائلية في البيت يعني
أوكي ياللا وروني همتكم

يعني العروسة ماتبغاها عادية تبغى تسوي أشياء حلوة وجديدة


وشكرا لتفاعلكم مسبقا

---

l'g,f Ht;hv>>dukd ggkhs hggd jt;v Ht;hv>>dukd l'g,f hggd

ادارة المنتدى

انا ممكن افيدك بالزفة طبعا بعد معرفة تفاصيل المنزل

لكن ممكن اعطيكي بعض الافكار عن طقوس الملكة والافراح

1- العصير : طلعت موضة الكاسات الكبيرة بحجم مضرب تنس الطاولة
او استبدال الايسكريم بدال العصير

2- الدبل: ممكن تحطي الدبل داخل بالون ويتم التحصل عليها بفقع البالون امام الناس

3- هدايا العريس : طبعا المعروف دايما انة هدية العريس ساعة
ايش رايك في تبادل اطواق من الفلوس يعني طوق يتلبس من الفلوس عارف انها مكلفة
لكن ممكن تخليها من فئة 100 او 50 ريال عشان تخف تكلفتها
وممكن تهدي العروسة لاب توب للعريس عشان يخش المنتدى يشارك معانا
بدون مزح جاتنا عروسة فعلا جايبة لاب توب للعريس هدية
ولا في دكتورة جاتنا جايبة مرسيدس فياغرا هدية للعريس <<< هذول العرايس ولا بلاش

4- بالنسبة للبيت من برة انا عملت فكرة قبل سنتين لعائلة ركبت لهم سكاي لايت في الخارج
الكشاف اللي يضرب في السماء مثل المهرجانات ويشوفونة من بعيد
يعمل جو فرح ويدلل على المنزل خصوصا لاهل العريس لو ضاعو << عشان تضمن العروسة عريسها مايضيع

5- وفية عائلة عملت لهم بليزر كلاي باكي
كتبت اسم العروسين وفية عائلة كتبت اسم العائلة على جدار المنزل بحجم المنزل ويتغير لونة
كان شكلة رهيب وملفت خصوصا لاهل العريس لما يجو

الافكار الجونااان كثير بس يبغالها شوي تفكير ان شاء الله تعجبك بعض هذة الافكار

رونا

انا عملت ملكتي في البيت
بس لازم نعرف تفاصيل البيت يعني في درج ولا لا
اذا فيه في وسط الصاله ممكن تستفيد منها وتعمل الدرج كلها ورد وممكن توقف بداية الدرج
لو تخلي مثلا بداية الزفه تكبيرات العيد او اسماء الله الحسني وبعد مجس صغير للملكه
تنفع بعدها اغنية عباس ابراهيم لك حناني في شريطه الجديد ممكن تنزل الدرج عليها واذا مافي درج ممكن ينزف عليها العصير او هي تنزف عليها ممكن بعدها تعمل زفة ثانية الين الكوشه في عدة اغاني ممكن اغنية سميرة سعيد قويني بيك واذا تبغى شي هادي ممكن اغنية وائل قرب ليه او عاصي و وكارول وفي اليسا لها اغاني رائعه في اخر شريط عندك مثلا خليني اعيش
وعند الكوشه ممكن تعمل مجموعه ميكسات لايهاب وراغب وهيثم شاكر ونجوى كرم في اغنية لبنانية اسمها جو جنون نسيت مين يغنيها بس تنفع واغنية جواد مجنون ليلى المقطع العربي فيها خطير مرة بعد كدا يجيك تلبيس الدبل ممكن دبلة الخطوبه او صايغين الذهب لكاظم رووووووعه بعده تجي زفة هديه العصير افضل لو تنحط في صندوق فخم وتنعمل فيه حركات بالشرايط والقماش وتنزف على اغنيه اوموسيقى ممكن اغنية احلى دنيا لاليسا وممكن اتحدى العالم لصابر وفيه عندك موسيقات حلوة وهاديه
ممكن بعد كدا تنزف للكيكه او تزفها لها على حسب الرغبه الموسيقى اللي تعطى دلاله على عصور قديمه رائعه مثل ذا ماس او زورو..
هذه فكرة بسيطه ممكن تستفيد منها او تغيرها ..
وربنا يتمم بخير..

همس احساسي

يسلمو المايسترو ورونا أفكار حلووووووووووووووووة


ولي عودة

كتلوج افراح

بنت همس متى ملكتي

خلاص حددتي الله يوفقك يارب

همس احساسي

لا ياعمري لسه والله

بس ماشاء الله تبارك الله لي 4 من بنات عمي ملكة وفرح السنة دي

وعقبالك ياقمر

تفاحة بيروت

ممكن تعملي كل حاجة تنعمل بالقاعه بس بشكل اصغر وابسط
كمان ممكن تجيبي مضيفات وتلبسيهم انتي زي موحد
غلفي كل حاجه بعكس لون فستانك(لانها هتكون مفاجئة للمعازيم)
اتعودنا على تطقيم الالوان

ام سعد1

اااااااااب