استجواب في المطبخ ...؟

احم احم جاتكم الطباخه المشهوره >> اي هين ههههههههه


وحيده بدنياي سوري على التأخير ياقلبي


1/ متى أول مره بديتي تطبخين؟


بالمرحله المتوسطه


2/ وش أول شي طبختيه؟

سويت كبسه عاد الاكله المشهوره عند السعوديين


3/ ماردة فعل اللي طبختي لهم وكلوا من أكلك لأول مره؟

استانسوا من طبخي ومدحوا فيني لين وصلت السماء

ورفعوا معنوياتي كثير

4/ ماهو شعورك من خلال أول ردة فعل؟

كنت بطير من الفرح وكاني ربحت مليون ريال


5/ هل مازلتي تطبخين حتى الأن؟


شي طبيعي ولازم اطبخ عشان

>> زواجها بالصيف ادعولها بالتوفيق وعقبال الباقين


6/ تحبين المطبخ ولاّ لا ؟

احب اتفنن في الاكلات بس مااحب غسيل المواعين


7/ موقف طريف مر عليك أثناء الطبخ ؟

مره من المرارير كنت اسوي بالغداء

ودق التلفون ورديت ومع السواليف والحش وفلان قال وعلانه سوت > تخبرون سوالف الحريم ههههههههههههههههه
نسيت الدجاج يحمر بالفرن وماانتبهت الا من الريحه
وركض على المطبخ ولمن فتحت الفرن لقيت الدجاج يفحط بالصاج طبعا الدجاج صار فحمه
طبعا الغداء بح ورحنا شرينا غداء من المطعم >> ياسلامي على هيك طباخه ههههههههههههه

موقف صار معاي مع بنت خالو كان عندنا جمعه ورحت سويت الشاي طبعا استغفلتني بنت خالو وحطت ملح بالشاي ولمن صبيت لهم كلهم يناظرون فيني وماحد شرب من فناجينهم وامي الله يرحمها هاوشتني وقالت وش هالشاهي الماسخ وبنت خالي تضحك علي وتعلق وبعدها اعترفت >> ابوك يالمقلب
وانا سحت من الخجل ورحت اسوي ابريق شاي مره ثانيه


ومره جيت املح اللحمه وينفك غطا الملاحه وينكب الملح كل ابوه >> توهقت البنت هههههههه

عاد اتصلت على النجده (( اختي الكبيره )) قالت قطعي بطاطا وتمتص الملح وفعلا انقذتني اختي من تعليقات اللي كانت بتجيني ربي يحفظها وترد لنا سالمه يارب


8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

عادي مافيها شي الواحد اذا ساعد زوجته او اخته
حلوه روح المساعده في البيت


9/ احسن طبخه تحبينها وتنصحين بقية الاعضاء بتجبربتها؟

البرياني - المكرونه بالبشمل - ورق العنب


>> حطوني يمها ولكم علي ارجع لكم الصحون تقربع هههههههههه


10/نصيحه منك للمبتدئين في المطبخ؟

اذا وحده فشلت بطبخه تحاول مره ومرتين وماتخلي الاحباط يحاصرها تحاول تبدع بكل مالديها ومثل مايقولون اذا تبين توصلين لقلب الرجال عبي بطنه ^_^ ومهما كانت بساطه الطبق ابدعي في تقديمه


11/ ضعي لنا احد الطبخات اللي عملتيها لو السلطه " ان امكن "؟

والله سويت اشياء واجد >> تبي تعلمكم انها طباخه هههههه

بس الاتصال زفت بنزلكم صوره طبق وطريقته لعنونكم


طبعا راح اختار طبق البرياني


اجيب كوبين رز واغسلهم ويفضل ان يكون أرز ابو حبه طويله مثل ارز بسمتي^_^
نضع في قدر بصله كبيره مقطعه مكعبات و فلفل بارد مقطع شرائح + فلفل حار مقسوم نصين و فنجان زيت و 3 فصوص ثوم و نقوم بتحريكها على النار
اذا تحمر البصل والثوم اضع قطع الدجاج منزوعه العظم وتكطون مقطعه مكعبات واضيف لها ملعقه بهارات وحبة ماجي وملعقة ونص كاري و 2 عود قرفه و2 ورق غار وملعقه صغيره صلصلة طماطم و ملعقة زنجبيل مبشور ونحركها مع بعض
بعد ذلك نضع عليه علبة زبادي ( روب ) ونقلبه جيدا
ثم نضع كأسين وربع ماء ونتركه يغلي لمدة نص ساعه وبعدها نغسل الأرز مره ثانيه ونضعه عليه ووننتظر لحد مايغلي الأرز ونهدي على النار ونخليه لحد مايستوي

ممكن نزين الطبق بورق بقدونس بجانب الطبق وببصل محمر مع شوي زيت وابهارات وقليل من الزعفران ونرشحه على الوجه وبالهناء والعافيه





*اختاري ثلاث من الاكلات او المشروبات واهديها لأحد من الاعضاء


الطبق الاول

لحبيبه قلبي وحيده بدنياي

ربيان مقلي




الطبق الثاني

لصاحبه الموضوع الرائع

الجوهر

سبرنغ رول




الثالث

عصير المانجو بالايسكريم

اهديه لكل من زار الموضوع وقرأ مشاركتي

عشان ماينشف ريقه ههههههههههههههههه

>> حنونه الاخت




احتار بعدي (( النــاعمــــــه ))

آآآآآهااااات فديت هالخشه
انصحك لا جيتي تطبخين ببيت رجالك تفصلين سلك التلفون والجوال على الصامت خخخخخخخخخخ وإلا ترا بتجيبين العيد

الله يستر يازهره لااحرق له البيت

ههههههههههههههههههههههههههههه

ناويه اسوي له مقلب بعد الملكه واحط له ملح بالشاي واجبره يشربه

واقله ليه مو عاجبك الشاهي اللي سويته ^_*

عاد بيستحي وبيتغصب الرجال >> ناويه عليه من الحين ههههههههه

بإنتظارك نعومه ^_^

ههههههههههههههههههههه

حرام عليكي اهااات خفي عالرجااال يا بنت ،، هههههههههه ،،

هههههه من البدايه عاااد >>> ،، لا تصدقينها تراها تمووت في المقاالب ،، هههههههه ،،

بس تعجبيني يا قدعه ربت بيت سنعه طالعه علي ،، >>> ما يمديكـ على الثقه ،، ههههههههه ،،

اوكي غلااتي ،، من عيوووني ،،

الله يعينه نعومه ربي رزقه بوحده تحب المقالب

وماجمع الاوفق يالغلااا الله يرزقك بواحد مثلك عشان تجيبون عيال ؟؟؟

>>> ناويه تتسطر من بعض الناس

بــإنتظارك ياعسل

آهااات ..

يسلمووو .. على الروبيان >> بتحبو كثير

وبانتظار الناعمة ..

الله يسلمك وحيده تستاهلين كل خير ياقلبي


نعوووووووومه وينك طولتي علينا ليكون الشوشه انحرقت بالمطبخ

واوووو خطيره اهاات طلعتي سنعه وفقك ربي وسهل امرك وبإذن الله عقب فتره نشوفك طباخه جدعه وكل يوم تسدحين لنا طبخه مزركشه ،،

يسلمووووو على الطبق بس يصلح اقط مع وحيده بالجمبري ^*^

كل الشكر لجميع من تواجد هنا وأثار الموضوع بتعليق أو تواجد وعذراً إن قصرنا بغير قصد ،،مازلنا أخوتي معكم وبإنتظار نعومه وأطباقها وضيوف أخرونً أيضا كونوا معنا أحبتي دوماً وأبداً وسوف تجدون مايسركم ،،

هذا مالدينا حتى هذه اللحظه ++ بالعتن مكرفون _^_...

أم الدانات خيه الموضوع لك وللجميع وانا اساساً ناسخته من منتدى ،،

إلى اللقاء .

يووووووووهـ وربي اسفه ادرري تأخرررت عليكم لاكن والله مشغووله حتى دخوولي للمنتدى صار قليل ،،

لي عودهـ بكرهـ ان شاء الله اذا قدررت ،،