آه يادنيا الحبايب

Ni dh]kdh hgpfhdf

الجزاء الثاني

ثاني يوم الجامعة.. ميس ما راحت الجامعة طبعا وكلها عياط في عياط..

دخلت عليها امها ..

ام عبد الله : يمة حبيبتي انتي تحبيني ؟
ميس : ..........

ام عبد الله : ميس يمة شفيج ؟

ميس : يمة ما فيني شي الله يخليج تركيني

ام عبد الله : ما اتركج وانتي بهالحالة فاهمة ؟

ميس بكت اكثر: يمة الله يخليج تركيني الله يخليج لو تحبيني اووكي؟

ام عبد الله : اوكي يمة الله يهديج وتخبريني شنو صايرلج.
ميس : ان شاء الله يمه

راحت ام عبد الله وميس كملت حزنها وذكرياتها..اه يا فيصل ليه

كذا..بعد الانتظار انا من انت بالأعدادية وانا بذبح نفسي عليك بعدين

بكل سهووولة تختار وحده غيري..اه يا الزمن الدوار..حسبي الله ونعم

الوكيل منج يا رحاب..بس والله لازم انا انتقم منج..تاخذيه وهو ما عرفج الا شهور..وانا اعرفه سنوات ما ياخذني..


روااااء طبعا اليوم بتنفذ اللي فكرت فيه امس..

طبعا راحت ومشت ورا فيصل وبغت تشوفه وين بيروح فشافت معاه

بنت..
عرفت انه هاي هي رحاب لان سمعتهم وهم يتكلمون عن الزوااااج.

راحت له.. فيصل ممكن بس لحظات..عن اذنج رحاااب

فيصل : اوكي رواء روحي الكفتريا انا يايج الحين ..

راح فيصل ولقا رواء حاطه ايدها على خدها وسرحانه..

فيصل : رواء ممكن اعرف الموضوع اللي بغيتيني فيه؟

رواء: ليه تترك وحده حبتك من 5 سنوات .. وهي خافية حبها ليك ..

وخافية عشقها لك..كذا يا فيصل تتركها بمجرد شفت وحده غيرها

ابهرتك بجمالها .. ليه يا عبد الله ترا هي الحين قاتله روحها وبتذبح
روحها..وثق لو صار فيها شي انت السبب يا فيصل..

فيصل مستغرب : رواء على من تقصدين الكلام ؟
رواء : ميس يا فيصل .. ميس اللي تقدمو لها اكثر من شخص وهم ما

ينعابون بشي .. لكن هي كانت عندها امل ان بييجي يوم وبتخطبها

فيه .. وتالي بعدين تخليها وتمشي عنها وتختارلك وحده عرفتها لمدة
صغيرة بس ؟؟؟
فيصل : معقولة ؟ ميس كل هالسنوات تحبني وانا مو داري عنها ؟

رواء : اي يا فيصل اي .. وتحبك اكثر من ما تتصور ... ميس بتموت يا

فيصل .. وحالتها حالة ؟ والحين هي مو مداومة بهذا السبب ما تبي تشوفك بعد ..
........................................

فيصل : اه يا ميس والله مدري عنج

رواء : شنو ما تدري عنها .. تفتكر اللي سويته صح ؟

فيصل: بس هي ما قالتلي اي شي او حتى ولو وضحتلي بشي انها تحبني .. اه ياربي شسوي الحين

رواء : الحين شنو تسوي ؟

فيصل : والله ما ادري .. مممم...اقول عطيني رقم تليفونها.
.
رواء : ممكن اعرف السبب؟

فيصل: رواء بليز عطينياه بسرعة

رواء: اوكي .............. .. بس الله يخليك اسمحلي انا بعطيك

رقمي عشان تطمني باللي يصير ..............

فيصل : اوكي عن اذنج ومشكورة والله مو عارف انسى جمايلج

رواء : هذا الواجب اخ فيصل وارجوك اتصل فية وطمني..
فيصل : حاضر .. في امان الله
رواء : بحفظ الرحمن.
.................................................. ....

وميس في عالم ثاااني .. وتفكر وتدمع

وقاطعها التفكير برنه جوالها .

ميس بدون حتى تشوف منو .. وبكل حزن والتعب باين عليها..الو

فيصل : مرحبا ميس

ميس : قامت من السرير : مين ؟ وليك وجه تكلمني بعد ؟ وقفلت بوجها
فيصل : يارب والله ضميري يأنبني .. اوكي برسل لها مسج ..

ورسل مسج فيصل وكتب ( ميس الله يخليج افهميني .. انا ممكن اصلح

غلطتي بس الله يخليج خلينا نتفاهم .. لو اتصلت وما رديتي يا ميس تنسين ان لج ولد عم وحبيب اسمه فيصل )

ميس : يارب بشنو يفكر هذا .. اوكي خلاااا يتصل واشوف شيبي ..
ورن جوالها وبكل حزن: الو

فيصل ارتاح : ميس مشتاقلج ولج وحشة في الجامعة ؟ مشتاقلج موووت

ميس مستغربه ومسحت دموووعها : اي مبين واااايد عليك يا ... ؟ ما تبي تلفظ اسمه من حقدها عليه..

فيصل : اسمعي ميس بكرا القيج في الجماعة بقولج كلام مهم

فاهمة .. كلام يحدد لج مستقبلج.

ميس : بعد شنو يا فيصل ؟ بعد الصدمة وبعد هالسنوات كلها ؟

فيصل : الحمد لله بعدنا للحين ما بدينا .. بكرا في الفسحة اشوفج .. يا احلى ميوسة في الدنيا
..
ميس : مع السلامة فيصل .. يصير خير
ميس من بعد ما غلقت .. ارتاحت مرة وقالت فيه امل انه يحبني ..

.......................................


رواء تفكر .. يا ترى شتسوى فيصل ..

وبعد تفكير رن جوالها واستغربت من الرقم : الو

فيصل : هلا رواء انا فيصل.

رواء : هلا فيصل بشر اخوي شسويت ؟

فيصل : الحمد لله كل خير .. قلت لها بكرا لازم اتكلم معاج .. وبكرا بقولج اللي يصير ان شاء الله

رواء : مشكور فيصل ما تقصر.. بس في سؤال محيرني .. ورحاب شلون ؟ بتتركها ؟

فيصل : بتعرفين بعدين

رواء : اوكي ان شاء الله خير.. مع السلامة فيصل .. اشوفك ببخير بكرا ان شاء الله

فيصل : في حفظ الرحمن.
.................................................. .......................


طبعا عبد الله من كثر ما اشتاق لسارة اتصل فيها ..

سارة بفرحة لانها بعد تحبه : هلا عبد الله

عبد الله : هلا بهالصوت وغلا..

سارة : هلا فيك شخبارك.

عبد الله : مشتاقلج يا سارة . احبج . اموت فيج

سارة ويها احمر وما اعرفت شنو تقول : اقول شلون اليوم الدراسة ؟

عبد الله : يا ويلي على المستحي خههههههههههههه

سارة : عبد الله

عبد الله: عيونه

سارة : تسلم .. ميس ما ادري اشفيها يا عبد الله

عبد الله .. والله هي في غرفتها من امس .. ما ادري اشصار

انا بعد شوية بروحلها وبحاول اعرف اشفيها.

سارة : اي زين بس طمني اوكي .

عبد الله : اكيد . في واحد ينسى يطمن زوجته

سارة استحت : يلا باي
عبد الله : باي

عبد الله صعد غرفة ميس لكا النور مطفي وعرف انها نايمة فحب يكلمها بكرا.

نايف طبعا .. ما قدر يستحمل من اشتياقه لسمر . فقرر انه لما تصير العطلة يكلم امه ويخطبها..

.................................................. .........

ثااااني يوم ويوم اللقاء بين الأحبة .. استغرب عبد الله لان شاف ميس قالها : صباح الخير لأحلى اخت

ميس بدون نفس : صباح النور

عبد الله : ها حبيبتي تروحين الجامعة اليوم

ميس : اي اكيد بس انا كنت مريضة وما قدرت اداوم ممكن نروح؟

عبد الله : اكيد تفضلي حبيبتي ..

ميس : نايف ما يداوم؟

عبد الله : لا اليوم عندهم هوليداي ؟

ميس : اها يلااا نروح تأخرنا

عبد الله : اوكي

عبد الله تطمن انها ما فيها شي وعرف انها مريضة.

ميس ساكته طول الطريق وتفكر في فيصل
وعبد الله يفكر فيها..

ولما وصلو .. اول ما دشت فيصل كان واقف وفرح لما شافها .. واول مرة يحس بجمالها وروعتها

اول ما نزلت وبدون نفس : سلام

فيصل : هلا بعمري وقلبي .. عليكم السلام

ميس استغربت : باي اشوفك في الفسحة.
فيصل : بشتاقلج

طنشته وراحت .. في نفسه .. والله بخليج تموتين فيني يا احلى ميوسة ..

.................................................. ......................

بعدين شاف عبد الله

فيصل : هلا حبيبي

عبد الله : هلا فيصل شخبارك ؟

فيصل : تمام الحمد لله ؟ وانت شخبارك ؟ شخبار الدراسة ؟

عبد الله : الحمد لله تماااام
فيصل : دوووم .. اقول يلاا بروح المحاضرة بدت..

فيصل طول المحاضرة هو يفكر .. قرر يطلع لانه اختنق من الدروووس

طلع وهو لما طلع تقريبا باقي نص ساعة والفسحة

بعدين شاف ميس الملاك جات من بعيد..

يا ترى هل فيصل بيترك رحاااب ؟ ولا يترك ميس ؟
وهل لو ترك ميس ؟ ميس تسوي شي لرحاب ؟
وهل نايف بيخطب سمر ؟ ولا في شي يعكر عليهم ؟؟

كل هذا بتعرفـــــــــــــــــــــوه في الجزء الثالث
مع قصة .. اه يادنيا الحباااايب




شووووووووو أكمل ولا

بدايه رائعه يا قلبي

من اسمهـــــا انها جديده
وشكلها رائع اعجبتي ها البديه يا عســـل
مستغربه من حب فيصل الفجائي مدري يستمر او يطلع على فشوش؟؟

عبدالله وسار اتوقع بتكون علاقتهم رائعه
نايف سمر بعد علاقتهم بتطلع حلو..
تابعي يا قلبي نتظر البارت على نـــــــار

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الجزء الثالث


من ناحية فيصل وميس ..

فيصل : ميس عمري شفيج اكلمج ؟
ميس : ....................

فيصل : ميييييييس انتي معاااي ؟

ميس حست : هلا هلا ايوا معاك شنو شصاير؟

فيصل : ما صاير شي يا غناتي بس اشفيج اكلمج ما تردين
ميس : والله بفكر في شي .
.
فيصل : ممكن اعرفه ؟

ميس : خايفة تخطبني وامي ما بتوافق؟

فيصل : زين ليش شنو سبب عدم موافقتها ؟

ميس : لان انا من كنت صغيرة على اساس اني لابن خالي ماجد..

فيصل : وليه ما قلتي لي هالكلام ؟

ميس : والله اخاف اقولك وتفقد الأمل ؟

فيصل : لا يا عمري ويصير خير ان شاء الله يحلها الف حلال .. بس توعديني اي شي يصيرلج تقولي لي اوكي ؟

ميس : اوكي فصوووول .. انا بروح عند البنات اوكي ؟
فيصل : اوكي .. احبج

ميس استحت : يلااا باي

.................................................. ..........................

مع الشباب :

نايف : اقول فيصل خذ كتبي بروح الكفتيريا
..
فيصل : اوكي جيب لي معاك بيبسي

نايف : اوكي تأمر شي حضرة الامير ؟

عبد الله : الكلام معاي ولا معاااه ؟

نايف : لا حبيبي معااااه انت خلك سرحااااااااان..

عبد الله : انت شخصك صج ملقووووف..
فيصل : بلاااكم تتهاوشون ؟

...................... ولما راح فيصل ..

وعبد الله يشوف صديقه العزيز محمد اجا ..

عبد الله : فيصل هاااي محمد؟

فيصل : والله ؟ وينه بنروح له ؟

عبد الله : هلا حموووووووووووووود شخبارك والله مشتاقلك وينك ما تسأل ولا تكلم..

محمد : هلا عبد الله والله سوري كنت مشغووول هالأيام .. شخبارك فيصل ؟

فيصل : الحمد لله تمام مشتاقلك محمد والله ..

محمد : وانا اكثر يا قلبي بس والله .... وسكت

عبد الله : خلاص انساها يا محمد والله ما تسوى خلها بتلاقي احسن منها بمليون مرة..

محمد: لا خلاص والله انا نسيتها .. خلها تووولي..ألا شخبار الدراسة معااكم ان شاء الله بخير..

والا شوي تجي ميس ..
ميس : السلام عليكم

الكل : وعليكم السلام ورحمة الله وبركاته

عبد الله : محمد هاي اختي ميس .. ميس هاي صديقي ومن اعز اصدقاءي محمد..

محمد .. سرحان فيها وفي جمالها : والنعم اهلا وسهلا ميس ..

محمد في قلبه .. ياربي انا معقولة حبيتها بس والله ما شاء الله عليها حلوة مووووت

ميس : عبد الله وين نايف؟

عبد الله : راح الكفتيريا ليه تبين شي؟

ميس : اي ممكن بس لحظة؟

عبد الله : لحظات اوكي الحين يايج..

ميس : عبد الله ابي اطلب طلب والله يخليك لا تردني

عبد الله : وانا اقدر ارد القمر ... قولي حبيبتي شنو تبين

ميس : تسلم عبووود .. والله انا ابي اروح مع سارة وسمر اليوم السوق .. ممكن تودينا ؟

عبد الله : والله ما ادري المشكلة ان اليوم معزوم عند اصحابي وتعرفين اليوم اخر يوم ..

ميس : الله يخليك بس انت ودنا واخلي نايف يرجعنا..

عبد الله : حاضر اوكي بس الساعة كم ؟

ميس : الساعة سبع بعد صلاة المغرب ان شاء الله ..

عبد الله : ان شاء الله..

ميس : تسلم يا احلى اخووو..يلا باي

عبد الله : باي حبيبتي..

.................................................. ........................

والا سمر تدق على ميس ..

سمر : ميوووس وينج ؟

ميس : موجودة عند الكفتريا ؟ ليه ؟

سمر : والله ابي اقعد معاج ؟ الا سارة معاج؟

ميس : لا والله .. اوكي انتظرج تعاااااالي

سمر : اوكي يلا باي

ميس : بايات

وشوي وتجي سااارة ووراها سمر وكل البنات واجتمعو وسولفو..

رواء تهمس لميس بخفة : شلون الحبيب ؟

ميس: ههههههههههه زين الحمد لله يسلم ..

رواء : الله يسلمج..
ميس : بس والله تدرين انا للحين مستغربة من شي..
رواء : وشو هو؟
ميس : شلون عرف فيصل اني احبه من سنوات ورفضت كم واحد عسبه ؟

رواء : انا اللي قلت له..

ميس : والله قلت ما في غيرج تخافين علي وتحبيني..الله يخليج لي

حبيبتي وان شاء الله اردها لج..

رواء : ميوووسة .. عيب هالكلام احنا خووات..

ميس : اقول رووواء تجين معانا السوق اليوم ؟

رواء : والله انا اليوم ابي اروح السوق..

ميس : والله ؟ يلااا تعالي اليوم عندي الساعة ستة لان احنا الساعة سبعة نطلع..

رواء : ان شاء الله حبيبتي ..

رواء : ساروووووووووووووه وسمووووووووووووووووروووه:
الاثنين : هلا

رواء: اليوم بروح معاكم السوق.

سمر : والله اوكي حبيبتي هلا بيج .

سارة : هلا بيج روووووو تنورين

رواء : تسلمووون .. بس انا بروح ميس اوكي انتو تمرون هناك صح ؟
سارة : ان شاء الله ..

بعد ما انتهى اخر يوم في الجامعة الكل راح استاااانس انه بيفتك شهرين من الجامعة..

بعدها نزلت سارة لقت امها تكلم وحده في التلفون

ام سارة : اوكي حبيبتي سلمي على عبد الله وناايف وميس
ابو عبد الله : اقول تبون نأجر سيارة ونروح ولا طيارة..

ميس : لا حبيبي يبة اكيد طيارة .. مافينا شدة حق طريق..

ابو عبد الله : سكتي يا الدبة خلنا نشوف رأي الكبار..

ميس : مشكور يبة يعني انا طفلة..

ابو عبد الله : ميس لا تصيرين دلوعة اسكتي خلنا نتفاهم..

ميس : تهئ تهئ تهئ تهئ .. اوكي يبة اتفقو..

فيصل : اوكي عمي خلاص خل نروح في طيارة لان الطريق بعيد

ابو عبد الله : اوكي..

ام عبد الله : ايوا يكون احسن..

ابو عبد الله : اوكي

ام فيصل : بس كم نبقى هناك؟

ابو فيصل : احنا بنسويها شهر ونص اوووكي ؟
الكل : واااااااااو كلنا موافقين..

بعد ما اتفقو..

طبعا تعشو في بيت ابو عبد الله .. والموعد مال السفر عقب بكرا..

في يوم السفر .
ام فيصل : يلااا يا فيصل وسارووه وسمر وينكم تأخرنا موعد الطيارة.

ابو فيصل : ذلين ما يستحون على ويههم .. الناس ينطرونا برا وهم لسة بيكملون تعديلاتهم ..

وبعد ما صعدو الطيارة ووصلو دبي..

في دبي :

ابو عبد الله : الحين بوديكم فندق عجيب وروووعة من فوق لي تحت..

ام عبد الله : اوكي بس يلااا متنا من التعب..
ام فيصل : ما كذبتي والله..


طبعا كل عائله حجزت سويت كامل..

مع الشباب والبنات

استأذنو من الكل وراحو موول

فيصل : بنات احنا بنروح ستار باكس .. لو احتجتو شي .. احنا موجودين
ميس : اوكي فيصل .. مشكور
فيصل غمزلها : يلاا باي..

بعد ماراحو البنات تسوقو وكملو ..

ميس : سارة انا بروح الحمام اوكي ..
ساره : اوكي قلبي ..
ميس لما راحت الحمام طبعا فيه وايد شباب كانو وايد عند ستار بكس ..
في واحد ظل يلاحقها على جمالها ما شاء الله عليها ..


احمد : يا الحلو ولو كلمة من لسانك العسل بس ؟\

ميس : ضحكت بكل صوتها .. بس طبعا محد سمعها الا فيصل وانتبه ..

فيصل : عن اذنكم..

ميس : انت روح من جدامي ترا اسويلك سالفة فاهم ؟

أحمد : طيب بس ولو الرقم ..

فيصل : انت يا قليل الأدب شتسوي عندها ؟

احمد : هي هي على كيفك معاي

فيصل : جب اسكت .. شتسوي قول

احمد : وانت بصفتك شنو تكلمني ؟ وتحاسبني ؟

فيصل : والله انا زوجها .. عندك مانع .. اقول روح من قدامي ترا

ييجيك بوكس .. واطيرك فاهم

احمد خاف : زين زين باي
فيصل : روحة بلا رده ..

ميس : سوري فيصل ما كان قصدي .. بس والله هو قطلي كلام

واضظريت انو ازفه..

فيصل : انتي لج معاي حساب .. وشنو هالصوت تبع ضحكتج ؟ ما

تستحين ؟
ميس فشلت : ما كنت ادري بنفسي ؟ وبعدين انت ليش تكلمني

بهالطريقة ومكبر السالفة شدعوة؟

فيصل : وتجادليني بعد ؟ اوكي يا ميس .. ما دام عاجبتج هالتصرفات .

. خلاص رووحي ولا تكلميني بعد فاهمة؟

ميس منقهرة بس بعد كرامتها افضل : روح والله مدري عنك تكبر سالفة صغيرة

فيصل راح وهو منقهر كيف تكلمه بهاي الطريقة وتجادله وتقول له رووح بعدين ؟

بعد ما رجعو الكل وطبعا فيصل كان منقهر وااايد ..

المهم قعدو ثاني يوم..

عبد الله : صباااح الخير..

ميس : صباح النور عبود كيفك؟

عبد الله : بخير حبيبتي انتي شحالج ؟

ميس : بخير يسرك الحال. اقول : اليوم وين بنروح..

عبد الله : والله مدري

نايف : والله انا ودي اروح ملاهي .. يقولون في ملاهي حلوة في دبي..

عبد الله : اوكي يا الدب ولا يهمك .. ان شاء الله بنكلم الأهل ونقولهم ..

نايف : اوكي باي

عبد الله ميس : بااااااااي.
.
ميس : اقول عبود شخبار الحبيبة ؟

عبد الله : احم احم مو شغلج..
ميس : عبوووود

عبد الله : عيونه

ميس : لو انا عيونك عيل ساره شتاخذ؟

عبد الله : ساره تاخذ قلبي وحياتي كلها .. احبها اموت فيها انا..

ميس : احم احم اه يا قلبي.. شوف المحبين اللهم ارزقنا..

عبد الله : اوكي بروح اتسبح يلا باي

ميس : باي

ميس قعدت تفكر شلون قالت لفيصل يروووح ..

ميس : اه ياربي انا ليش قتل له كذا لو راح وخلاني ويمكن يرد لرحاب انا

في هالحالة شسوي ؟ لا لازم اروحله واعتذر السبب الأول انه ابن

عمي وحتى لو ما يتزوجني له حق انه يترقبني .. ويدافع علي..

احسن شي اروح عند ساره واكلمه..

يا ترى هل بتروخ ميس على ساره وبترضي فيصل ولا لا ؟

وشنو الاحداث الجديدة اللي ممكن تصير في الجزء التالي .. انتظروني وتعرفون

رنود 1
ياقلبي شكل قصتك مشوقة وبدايتها حلوة

س استنى الاجزاء الثانية للقصة على ناااااااااااااااااااار

لا تتاخرين ياعسل

حلو ها البارت بس حسيته قليل
انتظر بفارغ الصبر
ايش راح يصير بين ميس وفيصل وعندي احساس ان محمد له دور
في البارت الجاي....
يعطيك ربي الف عافيه يا عسل

ملح الكون

تسلمي ياالغلا اتمنى لك متابعه موفقه

ملوكه

سوري حبيبتي ماأمداني بس ابشري

الحين انزل لك

الجزءالرابع


*****************************




ميس : يمة حبيبتي..

ام عبد الله : عيونها .. ها حبيبتي ..
.
ميس : يمة بروح عند ساره وسمر نسووولف ونضحك اوكي ؟

ام عبد الله : بس يمة من الصبح مو معقولة خليهم يفطرون ...

يقعدون من نومهم ..

ميس : اوكي انا ما بروح الحين بعد ساعة.
.
ام عبد الله : اوكي يمة.. وقولي لأمها خل تجي عندي ..

ميس : اوكي حبيبتي يلاا عن اذنج ..

ام عبد الله : اذنج معاج .. بنيتي ..

بعد ماراحت ميس قررت انها تكلم ساره عشان تقولها انها بتروح لها ..

ميس : الوو

فيصل عرف انها ميس : الوين .. نعم ؟

ميس انتهزت الفرصة : شلونك فصول ؟

فيصل : اقول نعم ؟ ساره ولا سمر ؟

ميس : على كيفك بس صج مغرور والله .. ابي ساره ؟

فيصل : احترمي فاهمة ..

ميس : اوكي اوكي وين ساره

فيصل : لحظة .. أف

ساره : الووو

ميس : هلا حبي اقول

ساره : هلا

ميس : بجيج بعد ساعة اوكي عندي شغلة معااج..

ساره : اوكي حبيبتي هلا بيج

ميس : يلا باي
ساره : باي

ساره : فصووول شفيك مع ميس ليش تكلمها بهالطريقة ؟

فيصل بعصبيه : والله سأليها انتي .. عن اذنج

ساره : اوكي اوكي لا تعصب .. باي

بعد ما جت ميس لساره :

ميس : ها سارة .. اقولج صارلتي سالفة مع حبيب القلب ..

ساره افتهمت : اي اقول معصب ومايبي يسمع طاريج .. قولي شصاير فضفضيلي ..

قالت ميس لساره كل اللي صار ..

ساره : بس ميس انتي غلطانة ما يصير تكلميه بهاي الطريقة

ميس : ادري بس والله ما كنت ادري بنفسي..

ميس : على العموم اقدر اشوفه ؟

ساره : مدري هو قاعد في غرفته ..

ميس : اوووووه عيل عيب ادخل عليه شلون شوفي لي حل..

ساره : طيب خلي اقول لامي انها تروح عند امج .. وابوي وسمر نزلو

يتمشون ونبقى بس انا وياج وهو

ميس : اوه ذكرتيني امي قالت خلي امج تمر لها.

ساره : اوكي حلو بقولها..

ساره : هلا يمة .. اقول

ام فيصل : هلا حبيبتي قولي..

ساره : خالتي ام عبد الله تبيج ..

ام فيصل : انا اصلا ناوية اروح لها ..

اوكي انا رايحة ميس وفيصل باقين معاج مع السلامة .؟

ميس : مع السلاامة..

بعد ما راحت ..

ساره : يلاا شطورة قومي البيت بقى فاضي..

ميس : اوكي حبيبتي يا احلى بنت عم .. يارب يرضى
ساره : طيب يلااا..


بعد ما راحت ميس
:
لقت فيصل جالس على السرير منسدح ويسمع راديو واغنية والله

واحشني موت لماجد المهندس..

ميس طقت الباب : ممكن ادخل ؟

فيصل سرحان وما يدري ..

قررت ميس انها تروح وتقعد على طرف السرير اللي قاعد فيه

بعد ما قعدت شافها .. هو طبعا كان لابس شورت وهي بعد استحت

منه بس قالت ما عليه لازم اراضيه..

ميس : مرحبا

فيصل : مراحب نعم ؟ خير ؟

ميس : على كيفك فيصل خلينا نتفاهم

فيصل : ما اعتقد بيكون بينا تفاهم بعد امس ..

ميس نزلت دمعة من ويهها . وسكتت

فيصل حس فيها وتأثر لان دموعها غالية عليه ..

فيصل : مافي داعي للصياح .. خلاص انتي امس قلتي لي كلام مو حلو يا ميس وانتي عارفه..

ميس : وانا عارفه .. واعترف بغلطتي .. ممكن تسامحني ؟

فيصل نزل راسه تحت : لا والله ما بنسى موقفج امس .. بدال ما
تشكريني على خوفي لج تقعدين تقولين لي اشدعوة مكبر السالفة وتقعدين تقوليلي اليوم انت مغرور ؟ هاي كلام يا ميس؟

ميس : قلت لك غلطانة يعني البشر ما يصير يغلط ؟ وقامت تصيح ؟

فيصل ما تحمل حط يده على وجهها ومسح دموعها : خلاص مسامحج ..
ميس : اكيد لانك تحبني..

فيصل : بس توعديني ما تكرريها وتقولي لي كلام مو حلو ؟

ميس : اكيد خلاص اوكي ؟

فيصل : اوكي حياتي

ميس: واليوم تطلع اوكي ؟

فيصل : وانا اقدر يوم افارق القمر ؟

ميس : تسلم فصوووووول يلااا باي

فيصلل : وين اناا بقعد معاكم انتي وساره..

اول ما طلعو لقو ساره قاعدة على التلفزيون.. التفتت شافتهم مع بعض ..
ساره : احم احم زين والله يا ميس خليتي اخوي يطلع من غرفته ..

ميس : لا طبعا يطلع لان انا راضيته .. صح فصول .
.
ساره : صح يا عيون فصوول..

ميس : اوكي انا بروح يا ساره تبين شي؟

ساره : خليج والله متمللة ؟

ميس : اوكي ابي حب عين الشمس.. والله من امس وانا اقول لنايف الدب وهو مو راضي..

فيصل : كان دقيتي علي يا قلبي وقلتي لي اجيبلج ..

ميس : مو كنت زعول ..

فيصل : اها نسيت


وخلص الوقت بسعااادة

رجعت ام فيصل من ام عبد الله

ام فيصل : ها يمة شسويتو ؟

فيصل : ما سوينا شي بالعكس استانسنا..

ساره : احم احم اي والله استانسنا وايد معانا كانت ميس

ام فيصل : اها يلااا اقول ابوكم وسمر ما رجعو ؟

ساره : امبلى ابوي بياخذ شور وسمر بالبلكونة..

ام فيصل : اهااا

سمر : هلا يمة متى جيتي ؟

ام فيصل : توني جيت كيفج ؟

سمر : الحمد لله تمام انتي شخبارج شلونها خالتي ام ( وتذكرت نايف ) عبد الله ؟

ام فيصل : زينة الحمد لله اتفقنا انه نروح برج العرب العصر ..

سمر : ياااااااااااي كيوت ماي مام والله حلو انا كنت اشوفه بالصور

بس لكن الحين بشوفه في الحقيقة ..

ام فيصل : ان شاء الله اوكي يلااا انا بروح ..

سمر : الله معاج يمة بس وين تروحين ؟

ام فيصل : اروح ابدل ملابسي .. وارتاح شوي لين ما نطلع..

سمر : اها يلاا باي


بهالوقت رن تلفون غرفة البناااات ..

سمر : الو

نايف : هلا بهالصوت وغلا ..

سمر : هلا حبي .. واستحت وفشلت ..

سمر : اوه انا انا انا انا ا.. انا اسفة ما كان قصدي ..

نايف : الله الله الله عيديها ..

سمر : نايفوو

نايف : عيونه
سمر : ها ليش متصل ؟

نايف : لا بس حبيت اقولج ان اليوم لازم تكونين قريبة مني لان ابي اقولج كلااام مهم وااايد .. زين .. اياج تروحين بعد مجرد خمس دقايق اتكلم معاااج ..اوكي ؟ ماي هارت ؟

سمر : اممم اوكي يصير خير .. يلااا نايف روح ما ابي اهلي يسمعوني اتكلم معاك..

نايف : لا يا حبيبتي من بعد ما .. وسكت ( هو كان قصده يقول من بعد ما نملك ) اوكي اوكي يلااا باي ,,

سمر : بااااي

سمر بقلبها : يا ترى شنو اللي يفكر فيه نايف ؟ واللي هو مهم وايد ؟

غريبة اول مرة بيقول لي شي ؟ يارب خير ؟ مدري ليكون يبي يخطبني

؟؟؟ عادي ما فيها شي ؟؟ هههههه صج ما استحي على ويهي .. يلاا العصر نشوف ..

نايف من بعد ما كلم سمر ارتاح وايييييييد .. لانه العصر بيشوف رأيها توافق ولا لا . وهو متطمن لان هي طيبة وحبوبة فتوافق ..

عبد الله : يبة
ابو عبد الله : نعم بابا ؟

عبد الله : اليوم صج نروح البرج ؟

ابوه : اي يبة ان شاء الله ليش ما تدري ؟

عبد الله : لا ادري بس حبيت اتاكد ..

ابوه : لا تأكد وحضر نفسك العصـــر ان شاء الله

عبد الله : ان شاء الله ..


ميس : ........................ تفكر وسرحانه

عبد الله : ميس ..ميس : .....................

عبد الله بصراخ : ميس ووجع ..

ميس : ها ها شفيك تصرخ وي طرشت اذني والله

عبد الله : انا مرتين اناديج شفيج سرحانه ؟

ميس : لا ولا شي

عبد الله : ميس اعتقد انا اقرب واحد لج .. الله يخليج قولي لي شنو يصير انتي مو وعدتيني من يوم ما راسج عورج في الجامعة انك بتقولي لي كل شي ؟؟؟

ميس : اي عبد الله وعدتك بس .. بس مافي شي يا عبد الله اتركني .. ودمعت وقامت راحت سريرها ..

عبد الله اصر ان يروح وراها ويشوف شصاير ..

عبد الله : ميس لو الحين ما قلتي لي شفيج ترا بتخسريني فاهمة ؟ انا

اخوج واكبر منج ولازم اعرف شفيج على الأقل اقدر اساعدج ؟.
ميس : عبد الله ناوي تتركني ولا لا ؟

عبد الله : اوكي خلاص بتركج وما بتكلم معاج ابد .. فاهمة .. وانسي
لج اخو اسمه عبد الله .
.
ميس انقهرت اكثر : لا لا لا خلاص تعال بقول لك والله ..
عبد الله : تفضلي

ميس : عبد الله انا بقولك بصراحه بس ما تزعل وتعصب علي الله يخليك اوكي ؟

عبد الله : اكيد ما بزعل ..

ميس : شوف يا عبد الله اكيد تدري .. انا من انا وصغيرة .. كانو يقولون اني لماجد ... وماجد لي صح ؟

عبد الله : اي صح ؟ ليش يعني ما تبيه ؟ ولا شنو ؟

ميس : لا مو شغلة ما ابيه .. بس انا يا عبد الله الصراحه ما احبه ...

عبد الله : زين شنو السبب ؟

ميس : مادري الصراحه ما احسه قريب مني والصراحه يا عبد الله
احسه مغرور .. ويعني في وايد اسباب تمنعني من اني ارتبط فيه
..
عبد الله : اها زين ميس أسألج سؤال وجاوبيني بصراحه تامه فاهمة ؟
ميس : اوكي

عبد الله : فيه واحد في بالج يعني تحبينه غير ماجد ؟

ميس : ها .. لا لا طبعا مافي

عبد الله : ميس شنو اتفقنا في البداية ..

ميس : اوكي اي انا في بالي واحد يا عبد الله ...

عبد الله : اها .. ممكن اعرف من هو ؟

ميس : لازم يا عبد الله ؟ واحد غير ماجد وخلاص..

عبد الله : ميوسة حبيبتي انا ابي اعرفه من عشان أسأل عليه لما يخطبج اعرف يستاهلج ولا لا ؟

ميس : ..........
عبد الله : زين انا اعرفه ؟

ميس : اي
عبد الله : يا ترى من ؟ اقول لا تسوينها الغاز قولي لي من وصدقيني ما بسوي لج شي ..




يا ترى هل بتقوله ولا لا ؟

************************************************** ************************************************** **************************

************************************************** ************************************************** **************************