تقدم لخطبتي شاب.........

رورو البطة

السلام عليكم ورحمة الله وبركاته

ياجماعة الخير من مدة مو بعيدة تقدم لخطبتي شاب نفس ماأتمنى والحمدالله يوم شافني أعجب فيني كثيييييييييييير وفي نفس الجلسة أعلن انه موافق وامه بصراحة مثل العسل يعني بطيبتها ما شفت أحد مثلها نفس الشي هي حبتني وكانت تقول لي وش رايك بحماتك وطبعا ماشالله طول القعدة "حقت النظرة الشرعية" كنا مستانسين مرة المهم خلص الشاب اسئلته وجا يبغى يروح عند الرجال أمه قالت ممكن ناخذ العروسة معنا لأجل يشوفها أبو العريس حنا ااستغربنا الطلب بس امي قالت مايخالف تروح تسلم وتدخل بسرعة ^^ المهم رحت وسلمت على ابو العريس اول ما شفته مت من الخوف وبصراحة انصدمت فيه " ماحبيته ابد" وبصراحة حسيت انه يبادلني نفس الشعور....... المهم يوم جوا يبغون يرحون سلم الشاب على ابوي وقاله راجعين ان شالله ...
وبصراحة حنا جلسنا ننتظر انهم يتصلوا ويقولوا رايهم عشان نحدد موقفنا مر أسبوع ماتصلوا وبهذي الفترة تقدموا جماعة يبغون يجون وابوي رفض انه يستقبلهم عشان لاتصير خطبة على خطبة المهم ابوي قرر انه يتصل على الشاب لاجل يعرف اذا يبغون يكملون الموضوع او نستقبل الجماعة الثانية... واتصل ابوي رد عليه الشاب وقال لاء ياعمي ماتستقبلهم وان شالله الايام اللي بتجي راح تتطور العلاقة بينا أكثر وقال ان شالله راح اخلي أمي تتصل عليكم هاليومين المهم مضوا اليومين ومضى أسبوع بعد وانا بصراحة احترقت اعصابي وانا أنتظر المهم بعد الاسبوع الثاني أنا بصراحة شكيت بالموضوع ونفس الجماعة الثانين اتصلوا فامي قالت راح اتصل بامه وشوف وش فيهم يمكن صار فيهم شي مايصير نترك الموضوع معلق على طول يعني الناس الثانين ينتظروا المهم امي كلمتهم وقالت امه الله يوفقهاوان شالله ترزق باللي أفضل من ابنا انا بصراحة انصدمت واستغربت جداااااااا من اللي صار يعني الولد وامه كانوا موافقين واكدوا انهم راح يكملوا الموضوع وطول الوقت مبسوطين وفرحانين انهم تعرفوا علينا ........يعني انا بصراحةأبغى أفهم وش اللي صار ... وش اللي تغير ....... مع العلم اني صليت استخارة أكثر من مرة وكل مرة احس براحة كبيرة لدرجة اني حلمت اكثر من مرة باني انا والعريس متزوجين ....... ولين اللحين مو قادرة انهي الموضوع من بالي وبصراحة حاسة اني مظلووووومة بشكل كبير

ومو عارفة وش اسوي ماعدت اشوف نفسي الا مع ذاك الشاب ....

وش الحل أو وش تفسيركم للموضوع أرجوكم ساعدوني ....

---

jr]l go'fjd ahf>>>>>>>>> erdg

umshamma

عزيزتي .. هالمواضيع وايد حساسة بانسبة لنا إحنا البنات..
لكن لاتقطعين أملج بالله.. وحاولي تنسين هالريال.. وادعي من الله الفرج
صح الكلام سهل .. بسلازم نكون أقوى..
ويمكن نتيجة الاستخارة أنهم انهوا الموضوع.. وخلي الناس الثانية تتقدم
ولاتخلين الشيطان وراج أنج متعلقة في ذاك الريال.. وبالتوفيق

رورو البطة

ان شالله الله يعيطك الف عاااااااااااافية

يالغلا لانك اهتميتي بالموضوع والله انك ريحتيني

لك كل الشكر

نـNـدو

يا الغلا بما انك اسخرتي الله فلا تحزني
لان الله ما يظلم عباده
ومن استخار الله فلن يندم
وعسى ان تحبي شي هو شر لك
فنصيحه اقدمها لك لا تفكير كثير واحمد ربك انها جت على كذا
وان شاء الله ربي يعوضك بالاحسن منه
وهذا نصيبك يا الغلا
وتتعبي روحك بالتفكير واكثري من الاستغفار وقرات القرآن
والله يفرج همك وييسر لك ي الغلا