ايهما افضل زوجك يتزوج عليك او يموووت ؟؟؟؟

المشاركة الأصلية كتبت بواسطة oOo أفراح oOo

انا _وأعوذ بالله من كلمة أنا_ شفت الموزوع منذ مبطي

واتحاشى الرد عليه رغبة مني في الحفاظ على مستوى الضغط عندي وكبدي ومرارتي وقلبي عزيزين عليه جدا

لكن

كل ما فتحت القسم اشوفه وابت نفسي الا ان ترد

بدون ما اتعرض لوجهة نظري: الموضوع كشف وبجلاء مستوى الثقافه عند بنات حواء

يعني: في الوقت اللي الدول الأخرى المرأه قاعده تتطور وتنجح يوم عن يوم

في الوقت اللي _للأسف_ إحنا قاعدين نفاضل بين شيئين غير متكافئين

ولو فرضنا _جدلا_ ان المقارنه متكافئه:

استغرب من اللي تقول (يموت ولا يتزوج علي) وينكشف لنا من خلال ردها مدى الأنانيه اللي تتمتع بها

والله يكون في عون من تعول

يعني يتيتموا أولادك وينحرموا من طلة ابوهم ومن الحياة الكريمه في ظله وهو يشوفهم يوم عن يوم يكبروا

وينغلق عليهم باب من البر والقربان لله(لو مات)

بس انه لا يتزوج عليك؟

( منتــــــــــــــــــــــــــــــــــــــــهى وقصـــــــــــــــــــــارى الأنانيه )

والمشكله انه مو بس اولاده اللي راح ينحرموا حتى هي المسكينه راح تنحرم من وجوده في حياتها

وراح تتحمل مسؤليه ماهي قادره عليها لوحدها ولو بس تخيلت نومتها على السرير لوحدها واللي جنبها راحل..

كان قالت الله لا يخلي دنيتي منه

واللي تقول يتزوج ( الله لا يلومك يوم اخترت هالخيار اللي ما ممكن حرمه في هذا العصر تختاره بس لأنه قورن بالموت)

وحابه كمان اضيف نقطه_واعذروني على الإطاله_

لا تعيشين عشان زوجك وبس عيشي لنفسك انفسك لنفسك ثم لزوجك

اذا عندك هوايه مارسيها واذا عندك موهبة في شيء معين فعليها واذا ما كملت دراستك حاولي تكمليها

خذي دورات كمبيوتر خياطه ديزان وستايل ديكوريشن (اي شيء انت حابته عن جد)

اذا عشت لنفسك وما خليت زوجك اولويه تقدميها على نفسك في النهاية:

1_ لو ما تزوج عليك انتي اصبحت امرأه ناجحه وقادره على اثبات ذاتها

2_ لو تزوج عليك (فربي كاتب لك هالشيء من ولدتك امك فارضي وسلمي)و انتي مشغوله عنه باهتماماتك وهو

اعطاك مزيد من الوقت لتعكفي على اشغالك

واخيرا اللهم لا تجعل الدنيا اكبر همنا ولا مبلغ علمنا ولا الى النار مصيرنا